https://www.facebook.com/108858144915845/

Ava Musa Recovery house بيت افا موسى للتعافي, Minya (2026)

29/12/2025

اجواء السنة الجديدة والكريسماس من بيت الأنبا موسى
Happy New Year and Mery Christmas 🎄🎄🎄

19/10/2025

كلمتين وبس ٤ :
لو في يوم سمعت دكتور او اخصائي او مكان يقولك هات ابنك وانا اضمنلك إنه يبطل اعرف انك قدام نصاب ... لأن الحقيقة الوحيدة إن مفيش حاجة في الإدمان اسمها ضمان ... الإدمان هو مش جهاز بيتصلح ولا دور برد ليه كورس دواء الإدمان هو احيانآ بيبقى مرض معقد بيتعلق بالعقل وبالمخ وبالنفس وبالجسم كله علشان كدة مافيش وصفة واحدة هي ممكن تنجح مع كل الناس .. في تجربة كل طرف لازم يعيشها ويخلقها بنفسه المريض نفسه بيبداء يتعلم إنه يعمل اللي بيتقاله ويبداء يجرب يتكلم عن اللي جواه ويبداء يواجه ويسمع نفسه لأول مرة ومن جوة التجربة دي يبداء يكتشف هو انا قادر ولا لاء ومفيش ضمان إنه يكمل لكن في فرصة حقيقية إنه يتغير لو دخل التجربة صح ... الاهل هنا هما مش مجرد متفرجين هما نفسهم بيعيشوا تجربة بيتعلموا امتى يوقفوا تمكين وامتى يقولوا لاء وامتى يواجهوا خوفهم في الاخر الاهل مش بيدوا ضمان لكن بيبنوا بيئة بتساعد او بتهدم ... الاخصائي او الدكتور او المعالج او المكان هو مش معاه مفتاح سحري هو دوره إنه يوجه ويوضح ويدي ادوات لكن هو مش بيقدر يعيش مكان المريض ولا بدل الاهل العلاج هو رحلة من تلات اطراف كل واحد مسئول عن جزء المخ بيحتاج وقت طويل علشان يبداء يتغير والذاكرة محتفظة بمشهد الجرعة الاولى والمحفزات دايمآ موجودة زي ريحة او مكان او كلمة ممكن تبداء تفتح الباب تاني علشان كدة مفيش حد يقدر يديك ضمان بيبقى موجود فقط احتمالات ممكن تعلى او تقل على حسب اللي بيتعمل جوة التجربة .. كام مرة سمعتوا حد بيقول ابني راح لدكتور او لاخصائي او دخل مكان وبعد ماخرج رجع زي مهو السبب هنا مش إن العلاج فاشل السبب إن مفيش حد عمل دوره كامل وكام مرة اهل افتكروا إن الدفع والفلوس هو العلاج والحقيقة إن العلاج مش فلوس العلاج هو تجربة مشتركة التعافي هو مش ورقة ضمان التعافي تجربة الابن بيخلق تجربته والاهل بيخلقوا تجربتهم والدكتور او الاخصائي او المعالج او المكان بيوفر الادوات للتجربة لكن اي حد يقولك هات ابنك وانا اضمنلك صدقني هو كده بيلعب على خوفك الحقيقة اللي لازم تعرفها إنه مفيش ضمان في بس رحلة ولو كل طرف عمل دوره الرحلة دي تقدر تنجح

22/09/2025

كلمتين وبس ٣ :
إحنا اديناه كل حاجة هو ليه بيرجع تاني....
السؤال ده هو بيكسر قلب اي اهل بس الاهم هو اصلآ ليه بيرجع تاني مشاعر الاهل وقت النتكاسة الاهل فعلا بيدخلوا في دوامة غضب .. احنا فعلآ تعبنا علشانه ويظهر في دماغهم ذنب ما يمكن احنا السبب ويمكن برضو يحصل حيرة هو ايه اللي ناقص ؟ الحقيقو هو الانتكاسة مش دليل إن الاهل قصروا الانتكاسة هي جزء من المرض نفسه اما بالنسبة لصوت المدمن الداخلي وقتها انا مش قادر استحمل مشاعري طريقة التعافي صعب جرعة صغيرة مش هتأثر أنا محتاج اهرب حتى لو هروب مؤقت .. الانتكاسة هي مش قرار واعي بس هي إعادة تشغيل لنفس دواير المخ الإدمان هو مش مجرد مادة ده مرض دماغي وسلوكي الدماغ فيها مسارات محفوظة اي ضغط يساوي مخدر حتى بعد التبطيل المخ لسة فاكر طريق التعاطي الانتكاسة ساعات بتحصل مش لانه محتاج المخدر لكن لانه ماتعلمش انه يواجه مشاعره من غيرها وهنا مهم إن الاهل يفهموا إن المدمن ممكن يستغل جدآ فكرة ان الانتكاسة جزء من المرض كزريعة يكررها ويغطي بيها استغلاله لمشاعرهم الفرق ما بين انتكاسة حقيقية ومراوغة متكررة إن الاولى محتاجة دعم وفهم والتانية محتاجة حدود واضحة زي الطالب اللي بيذاكر طول السنة ويسقط في الامتحان مش علشان ماذكرش لانه معرفش هنا يتعامل مع توتر الامتحان او زي واحد يلبس حزام امان بس يعمل حادثة لان هنا معرفش يفرمل في الوقت الصح .. الانتكاسة هنا مش معناها إن كل حاجة راحت معناها ان لسة في جزء ماتعملش و ما اتعلموش لكن لو الطالب ده قرر انه يستخدم السقوط كل مرة حجه علشان يهرب من المسئولية بس هنا هيبقى مش سقوط عادي دي مراوغة الفرق بين الدعم واللوم بيفتح باب الكدب والخزي و الفهم هنا بيفتح باب المشاركة والتعلم بس الفهم هنا مش معناه التسامح الاعمى مع كل انتكاسة الاهل محتاجين يعرفوا في خيط رفيع بين دعم حقيقي ومابين انهم يتجروا ورا اللعبة العاطفية اللي هو بيلعبها للمرض.. الاهل لو فهموا إن الانتكاسة دي هي خيبة امل المدمن هنا هيغرق اكتر في العزلة والخزي بتاعه ولو فهموها إن هي جزء من دورة التعافي ساعتها هيقدروا يساعدوه ويطلع منها بسرعة بس لو اتعاملوا مع كل مراوغة انها محاولة انتكاسة بريئة هيتحولوا جزء من دايرة المرض نفسها ... الانتكاسة مش خيانة ومش نقص في حبكم ليه ولا في تعبكم بس لازم تفرقوا فين اللحظة اللي ابنكم محتاج يفهم إنه غلط وفين اللحظة اللي هو بيستغل بيها خوفكم وحنانكم عليه ابنكم هو موقعش هنا علشان يكسركم وقع علشان يعرفكم إن لسة في طريق لازم يتكمل لكن الطريق ده هو مينفعش يتبني على مراوغة ✋

06/09/2025

كلمتين وبس ٢:
هو انا كل ما أضعف ارجع ولا هو انا ماشي بطريقة دايمآ بتخليني ارجع؟
هي الحكاية هنا برضو مش ضعف إرادة هو الحكاية إن دماغي بتشتغل دايمآ بنظام واتبرمجت عليه .. لما تبداء تتعاطى هي دماغك بتسجل الاحداث وكل حاجة المكان اللي كنت فيه الناس اللي حواليك الاحساس اللي كان جواك حتى شكل اليوم وبعدها كل ده بيتخزن وكأنه أمر اللزامي يعني اول ما تحس بنفس الشعور ده او تقابل نفس الناس او تدخل نفس المكان مخك لوحده يبداء يفتح الملف ويبداء يقولك ايه رأيك ما تيجي نرجع زي زمان شوية ... هو الإدمان مش قرار لحظي هو ده طريق مشيت فيه كتير وبقى اوتوماتيك كل مرة رجعت كانت درس لدماغك المخدر بيساوي راحة مؤقتة وهروب وطفي الاحساس واللي لازم تاخد بالك منه وتعرفه هو هنا الإنتكاسة عمرها ما بتيجي فجأة .. اللي بيحصل يومها هو ده بس نقدر نقول عليه الإنفجار الاخير الإنتكاسة بتبداء من ايام من اسابيع واحيانآ من شهور واحيانآ من سنين وكل مرة مابتقولش على اللي جواك الحقيقي كل مرة بتدفن فيها الاحساس بتاعك وكل مرة بعدت عن الناس الصح اللي في حياتك وقربت من ناس غلط كل مرة سبت اليوم يعدي عشوائي من غير هدف كل ده اسمه إن دماغك بتتبرمج على الشكل الجديد والملفات دايمآ بتتخزن واحدة ورا التانية لحد متبداء توصل لليوم اللي تقول فيه هو خلاص انا مش قادر اقاوم لاني زهقت علشان كدة هو في ناس مش بتنتكس علشان تعبانة هما بينتكسوا علشان بدأو يرجعوا الصور القديمة جوة دماغهم أو شموا ريحة معينة أو جتلهم فكرة في وقت هما مش مستقرين فيه .. هو انت مش بتضعف لأنك فاشل هو انت بتضعف لأنك مغيرتش البرمجة القديمة ولسة عايش بنفس الطريقة بنفس الناس بنفس الاماكن بنفس العقلية هي هي زي مثلآ كل ما تزعل تمشي او كل ما تضايق تسكت او كل ما تحس بفراغ تقفل على نفسك اكتر كل دي ردود افعال انت اتبرمجت عليها بس للأسف الطريق اللي بتوصلك ليه البرمجة دي هو هو نفس الطريق اللي كنت بتحاول تهرب منه حتى الشوق والحنين لأيام زمان اللي كان فيها مخدر هو ده مش اشتياق للمخدر هو دماغك بس بتجمل الماضي علشان تبررلك ترجع امتى مش علشان تفتكر الحقيقة انك تبطل هو مش انك تمسك نفسك بس ... التعافي الحقيقي هو انك تبداء تفكر بطريقة جديدة وتغير الملفات اللي جواك علشان لما دماغك تبداء تفتح نفس الملف تلاقي فعلآ رد جديد مش نفس الرد القديم هو هو .. انا مش بضعف انا بتبرمج بس دلوقتي انا اللي ماسك الكود بتاع البرمجة لو عايز تغير برمجتك ابداء بشوية حاجات ... ابداء قول اللي جواك من غير كدب وبشكل حقيقي ابداء قرب من الناس الصح او اللي كنت معاهم زمان وسبتهم بقالك فترة وابعد عن اللي دماغك بتضعف قدامهم وحط دايمآ لنفسك روتين جديد حتى لو بسيط بس ثابت .... الدماغ بتتغير بس مستحيل إنك متتعبش ... ابداء ولو خطوة واحدة صدقني هتفرق

02/09/2025

📖 كتيّب جديد بعنوان «اذكروا المقيّدين»
حكاية خدمة الإدمان بأسلوب سهل ومختصر، مليان محتوى عملي ومفيد لأي خادم أو محب للخدمة.

⛪️ اذكروا المقيدين في صلواتكم وخلي الكلمة دي تبقى سبب بركة لحياتك.

💡 متوفر الآن بمكتبة مارمرقس – المطرانية.
📌 إيراد الكتيب مخصص لدعم علاج شباب بيعانوا من الإدمان.

📞 للحجز والاستعلام:
01288718474 – 01221989659
لطلب الكميات للخدمات
واتس 01221989659

31/08/2025

كلمتين وبس ١ :
عايز تبطل ؟ يبقى من غير شروط
تبطل اه هو كل الناس بتقول كدة ... بس هنا السؤال الحقيقي تبطل بجد ولا تبطل على طريقتك انت يعني تبقى واقع ومهدود ومكسور بس لسة ماسك المايك وبتقول انا عايز ابطل بس !!! كل اللي بعد كلمة بس هو ده صوت الادمان .. بس لابس بدلة شيك ... لو بطلت بشروط هو ايه اللي بيحصل يبقى انت كدة في الحقيقة مبطلتش هو انت بس عملت هدنة مع الصوت بس ما اخدتش قرار انك تحل المشكلة من تحت تقول هحاول بس على راحتي هبداء بس من غير ناس حواليا انا جربت الطريقة دي قبل كدة مليون مرة واتحرقت معايا .. لاء هي متحرقتش هو انت اللي مشتغلتش عليها صح انت اللي اتعاملت دايما على الشكل من برا وبعدها طلعت تجري .. انت اللي دخلت التجربة مش بتسليم الطريقة زي مقولتلك قبل كدة هي متحرقتش اللي اتخرق هو صبرك عليها ... هو ليه دماغك بتحط شروط؟ الدماغ الادمانية هي مبتحبش إن حد يسيطر عليها ودايمآ بتكره تحس انها تشوف نفسها قليلة او مكشوفة فتبداء واكنها بتفاوض او بتعترض وتلاقيها بتتكلم بصوت عقلاني اوي انا عايز ابطل بالطريقة دي او عايز ابطل بدماغي انا عارف نفسي انا مش محتاج كل دهو ده اسمه المقاومة اللي هي بتتلف في صورة منطق بس تحتها خوف كبير جدآ من التغيير ورعب من المواجهة والدماغ الذكية هي بتعرف تبرر ده كويس جدآ بس دي مش قوة دي هي وسيلة تأجيل وأوقات الشروط هي مش بتطلع من دماغك بس لا ده احيانآ الاهل كمان هما اللي بيساعدوك تحطها ويقولوا خليه ماشي على مزاجه لأن مفيش حد بيبطل غصب عنه وحتى لو انت عارف ان ده ضد التعافي بتاعك وساكت يبقى انت بتستغل ضعفهم او عدم وعيهم عشان تفضل بتحافظ على طريقتك بس خد بالك اوعى تنسى كل شرط بيتوافقلك عليه هو صدقني حبل بيرجعك لورا .... هو ليه مينفعش تبطل بشروط؟ لان اللي بيبطل بشروط بيبطل هنا السلوك مش المعتقد وبيسيب المخدر بس بيفضل محتفظ بالحق والتوقيت في الرجوع بيكون مستني اللحظة اللي يثبت بيها كل الناس غلط وهو اللي كان صح وده مش تعافي ده صورة من صور الانكار ده شكل جديد من الكبرياء المرضي وده بيخلي الانتكاسة اقرب من النفس اللي بعده .. التبطيل الحقيقي هو شكله عامل ازاي ! يكون شكلك ضعيق او خايف او مش فاهم بس ماشي في طريق مش على مزاجك بس عارف و واثق إن هو طريق نضيف بتنام وانت متضايق وتقوم وتحس انك مكشوف وتعبان بس صدقني هو كل يوم هنا بيعدي تكتشف إن الطريقة اللي بتوجعك دي هي احسن طريقة ممكن تعيش بيها هتشوف نتيجتها بعدين وإن الشروط اللي كنت حاططها كانت هي فعلآ السجن الحقيقي ... اللي بيبطل بجد هو مبيختارش الطريقة اللي بيبطل بجد هو بيسيب الباب مفتوح لاي حد واي حاجة تساعده بيسيب نفسه للحقيقة مش انه يرتاح ازاي عايز تبطل يبقى من غير شروط من غير بس من غير انا شايف من غير انا عارف من غير كتالوج خاص بيك لو ليك كتالوج فعلآ كنت خرجت نفسك من زمان بس التعافي الحقيقي مبيحصلش غير لما بتقول انا مستعد امشي الطريق زي ما هو من غير شروط للاخر وصدقني لو حطيت شروط مش هتعرف تتعافى
#بيت افا موسى للتعافي
musa recovery house

07/07/2025

يُعتبر الإنكار "Denial" من أكثر وسائل الدفاع النفسية بدائية، ذلك أنه مرتبط بشكل وثيق بالمراحل الأولى من مراحل تطور الطفل. وتتنوع درجاته من أكثرها بساطة حتى أكثرها تعقيدًا، كما يلجأ إليه الفرد للهرب من تبعيات المشكلة أو خوفه من تحمّل نتائجها الحرجة والصعبة والتي تكون مجهولةً لديه.

لا يُعدّ الإنكار كذبًا، بل هو أشبه بالضباب الذي يحجبنا عن رؤية ما يجري في حياتنا وحقيقة واقعنا. تكن خطورة هذا النوع من الآليات في أنها تسمح للفرد بالتكيّف على المدى الطويل، فيتصالح مع المشكلة تصالحًا تامًّا حتى لا يعي وجودها أو خطورتها.

05/07/2025

إزاى تقدر تساعد مدمن للإقلاع عن إدمان المخدرات
أول حاجه لازم تعرفها قبل مساعدة أى مدمن أن الإدمان مرض زى أى مرض تانى و المدمن ليس مجرم لكنه مريض وضحيه فى أمس الحاجه لمساعدتك وأكبر غلط ممكن تقع فيه الإعتقاد أن المدمن عضو فاسد يجب إستئصاله من جسد المجتمع بدلا من الوقوف بجانبه ومساعدته وإعادته للحياه مره تانيه✋✋
ولازم تتأكد من إن الإدمان يمكن علاجه والسيطره عليه إذا دخل المريض فى برنامج علاجي منتظم فى أحد مستشفيات ومراكز الصحه النفسيه وعلاج الادمان وأن المريض هو العنصر الفعّال لإحداث التغيير
المدمن بيكون فى حاله نفسيه صعب إن أى شخص عادى يفهمها حاول دائما تخليه يحس أنه مش لوحده وإنك واثق أنه هيقدر يتغلب على الحاله اللى هو فيها و يرجع لحياته مره تانيه الثقه دى بتكون دافع قوى وبتحسسه انه قد التحدى ودايما بيبقى ليها أثر إيجانى على نفسيته👌👌
غالبا ما تكون أسرة المدمن بتعيش فى حالة خوف وقلق مش لانهم بيتعاملوا مع المدمن بل لأنهم متوقعين أن ممكن يكون فى إتصال فى أى وقت يبلغهم أن المدمن توفى نتيجة جرعه زياده من المخدرات؛ أو أنه تم القبض عليه فى حالة تعاطى لكن الكل بينسى أن الحل دايما بيكون فى إيجاد برنامج فعال لعلاج الإدمان وأحذروا من الشعور باليأس من حالة المدمن فالإصرار على علاج المدمن هى اول طريقه للشفاء💪💪
أيا كان إختيارك لعلاج الإدمان أبعد عن برنامج 30 يوم للإقلاع عن الإدمان وتعاطى المخدرات لأن طبقا للمركز العالمى لتعاطى المخدرات أى حاله إدمان لازم تكون تحت العلاج والملاحظه لمده لاتقل عن 3 شهور فيما فوق لأن المدمن بيكون فاقد للثقه فى نفسه وفاقد مهارة التعامل والتواصل مع الأشخاص وده بياخد وقت عشان تقدر تتأكد من الحاله النفسيه للمدمن وإستعادته للمهارات دى كلها👌✋
لازم تعرف إن لايمكن تقويم وإصلاح شخص من أول محاوله الشخص الوحيد الذى لديك أى سيطره عليه هو نفسك👌👌
لازم الأسره تتوقف عن أى دعم مادي للمريض حتي لا يستمر في تعاطى المخدرات ومواجهة المريض بكل هدوء وحذر؛ حتى يستجيب للعلاج ولايرفضه وعدم استخدام العنف مع المريض✋✋
إحتواء الشخص المدمن واللجوء الى المتخصصين شئ مهم جدا للتخلص من الإدمان دون الخجل من الحاله والشعور أنه شخص مريض لايستطيع التخلص من المرض لحاله✋👌
متضيعش يوم تشوف حد بتحبه فى مرض الإدمان ساعده؛ وأرجع بيه تانى للحياة

26/06/2025

✋🌍 26 يونيو - اليوم العالمي لمكافحة تعاطي المخدرات

إيمانًا من الكنيسة بدورها الروحي والمجتمعي في حماية الإنسان، وبدافع محبتها لكل إنسان مقيد بقيد إدمان المخدرات،
تسعى الكنيسة بكل قوتها من خلال خدمة الحياة الأفضل للصحة النفسية ومكافحة الإدمان – مطرانية المنيا إلى تقديم رسالة رجاء، دعم، وحرية حقيقية.

🔹 الوقاية أولًا:
من خلال فريق الوقاية المتخصص، بنشتغل على توعية النشء والشباب في المدارس، والكنائس، والنوادي، بخطورة المخدرات وأسباب الوقوع فيها، وطرق الحماية منها.

🔹 تأهيل وتدريب الخدام:
بنقدّم كورسات تدريبية للخدام داخل المطرانية وخارجها، لتأهيلهم نفسيًا وتوعويًا علشان يكونوا قادرين يساعدوا الشباب، ويتعاملوا مع التحديات المرتبطة بالإدمان، ويوصلوا رسالة أمل ودعم لكل محتاج.

🔹 التوعية المجتمعية:
من خلال لقاءات توعوية في الكنائس، بنساعد الأسر والشباب على فهم أسباب الإدمان، وتأثيره الخطير على الصحة النفسية والجسدية والاجتماعية والروحية، ونقدم أدوات عملية للوقاية والدعم.

🔹 العلاج والتأهيل:
من خلال بيت الأنبا موسى للتعافي التابع للمطرانية، بنوفر برنامج علاجي وتأهيلي شامل، يساعد الشباب اللي كانوا مقيدين بالإدمان إنهم يرجعوا للحياة من جديد، أحرار، أصحاء، ومستعدين يحققوا رسالتهم.

📞 لو تعرف حد محتاج مساعدة، أو حابب تكون شريك في رسالة الوقاية والدعم، تواصل معانا على صفحتنا.
معًا نقدر نغيّر مصير، ونفتح باب جديد لحياة أفضل.

#معًا_ضد_الإدمان

30/05/2025

🔵 "أنت مش لوحدك... وإحنا معاك"

اللي جوه دايرة الإدمان بيحس إنه وحيد…
لكن الحقيقة؟
في ناس حاسة بيك… وبتحبك… ومستنياك ترجع.

✅ يمكن وقعت كتير…
✅ يمكن حاولت تبطّل وفشلت
✅ يمكن بتفكر إن مفيش فايدة منك

لكن اسمَع دي 👇
📖 "لا تشمتي بي يا عدوتي. إذا سقطت أقوم، إذا جلست في الظلمة فالرب نور لي."
(ميخا 7:8)

في بيت الأنبا موسى للتعافي
هنقابلك بالمحبة مش بالحكم
وهنمشي معاك خطوة بخطوة… لحد ما تستعيد نفسك من تاني 🙏

📞 للتواصل:
+201289793261
01221989659
+201201888023

📍 مطرانية المنيا – خدمة الحياة الأفضل – بيت الأنبا موسى للتعافي

30/05/2025

⚫ الهيروين... الموت البطيء في إبرة!

"جرعة واحدة بس وهتبسطك!"
لكن اللي بعدها… بتاخدك بعيد عن الحياة، بعيد عن نفسك.

❗ الهيروين من أخطر وأسرع المخدرات في التدمير:

إدمان سريع جدًا

انهيار جسدي كامل

انتقال أمراض خطيرة من الحقن

نسب الوفاة بسببه عالية جدًا

💭 طريقه سهل الدخول… وصعب الخروج
لكن في أمل.

🏠 بيت الأنبا موسى للتعافي
جهزلك برنامج تأهيلي إنساني، طبي، روحي، نفسي… علشان ترجع حي.

📞 للتواصل:
+201289793261
01221989659
+201201888023

📍 مطرانية المنيا – خدمة الحياة الأفضل – بيت الأنبا موسى للتعافي

30/05/2025

🟥 الترامادول... مسكن الألم اللي بيسرق حياتك!

"باخده عشان الشغل، عشان التركيز، عشان العلاقة!"
بس الحقيقة؟
الترامادول مش علاج... ده خداع.

❗ بيبدأ بحبة... وينتهي بإدمان

بيدمر الجهاز العصبي

يسبب نوبات تشنج وفقدان الوعي

يدمّر القدرة الجنسية مش يحسنها

بيخلي الشخص عبد لحبة... مش قادر يعيش من غيرها

💭 لو بتاخده ومش قادر تبطّله… إنت محتاج مساعدة.

🏠 في بيت الأنبا موسى للتعافي – مطرانية المنيا
خدمة الحياة الأفضل مستنياك... نساعدك ترجع لنفسك من تاني.

📞 للتواصل:
+201289793261
01221989659
+201201888023

📍 مطرانية المنيا – خدمة الحياة الأفضل – بيت الأنبا موسى للتعافي

Ava Musa Recovery house بيت افا موسى للتعافي

29/12/2025

19/10/2025

22/09/2025

06/09/2025

02/09/2025

31/08/2025

07/07/2025

05/07/2025

26/06/2025

30/05/2025

30/05/2025

30/05/2025

Address

Telephone

Website

Alerts

Shortcuts

Share

Category