د . ماريانا صليب لطب الأطفال وحديثي الولادة

21/10/2025

😂

21/10/2025

📌اختيارات صحية للانش بوكس و بتكلفه معتدله و من غير افكار خزعبليه 🤷‍♀️
📍العيش البلدي صحي و احسن من الفينو بكتير
📍علبه زبادي و معاها علبه عسل صغيره
📍علبه لبن ساده
📍فشار مفيد جدا و صحي
📍خيار،جزر،ثمره فاكهه
📍بيتزا خضار مصنوعه في البيت بدقيق القمح الكامل و شويه خضار و زيتون
🌺
كل يوم من ٤ ل ٧

18/10/2025

الجو الايام دي بدأ يصبح بارد و تغيير الفصول و خاصه الخريف بيزيد فيه التعرض لنزلات البرد ..

لو حسيتي ان ابنك سخن تعملى ايه ⁉️

👈 اولا

✅️ بتقيسي الحرارة( من تحت الابط_ نزود نص درجه_يفضل الترمومتر الزئبقى)

* نزيل الملابس الثقيله و الدفايات الصوف و القطيفه و نكتفى بالملابس القطنيه

❤️‍🔥 ننزل درجه حرارته عن طريق

✅️الكمادات
و اماكنها هى 👈
🔸️تحت الابط
🔸️الرقبه
🔸️بين الافخاذ
🔸️وضع الجزء السفلى من الطفل تحت الماء

❌️ممنوع استعمال الماء البارد فى الكمادات لأنه هيؤدى لانقباض الاوعيه الدمويه و الحراره مش هتنزل❌️

❌️ممنوع اضافه الخل للكمادات لانها هتعمل التهاب و ممكن الجسم يمتص كميات كبيره من الخل و تعمل تسمم و مشكله كبيره لا قدر الله

✅️ نعطي باراسيتامول او بروفين( فوق ٤ شهور) خافض حرارة والجرعة حسب وزن الطفل لحد ما تعرضيه علي طبيبك .

✅️الارواء مهم جدا جدا جدا( شرب الماء_سوايل دافيه_رضاعه)

✅️ و اخيرا الرجوع لطبيب الأطفال للتشخيص و العلاج المظبوط
🌺
كل يوم.من. ٤ ل ٧

17/10/2025

17/10/2025

لما تشتري جبنة لاولادك اتاكدي انها مش نباتي الدهن لان كلها زيوت مهدرجة ضارة اتاكدي انها ١٠٠ ٪ لبن طبيعي 👌
#لصحةطفلك
🌺🌺
كل يوم من ٤ ل ٧

16/10/2025

الاكاديمية الأمريكية لطب الأطفال
بتنصح بتجنب اللبن المطعم بالنكهات للأطفال أقل من عمر ٥ سنوات

ليه؟
🔹 لأنه مليان سكر زيادة
🔹 الطفل اللي بيتعود على السكر من صغيره، هيفضل يحب الحاجات الحلوة بعد كده 😅
🔹 ممكن يعمل سمنة، تسوس أسنان، ومشاكل صحية تانية

✅ الأفضل: لبن طبيعي بدون أي نكهات
✅ لو عايزة طعم، ممكن تضيفي فاكهة طبيعية بدل السكر

خلي طفلك يحب اللبن من غير سكر… صحته تهمنا 💚

🌺
كل يوم من ٤ ل ٧

16/10/2025

ما بين فيروسات الانفلونزا والتنفسي المخلوي والمتحور الجديد بتاع الكوفيد ..
العيال كلها سخنه واغلب الاسباب فعلا فيروسيه ..

اللي عنده طفل تعبان لازم يرتاح ارجوكم عشان نكسر دايرة العدوي ..
🌺
كل يوم من ٤ ل ٧

13/10/2025

إنتاج لبن الام بيستهلك حوالي ٢٥ ٪؜ من طاقه الأم في حين ان المخ فاليوم كله بيستهلك بس ٢٠ ٪؜!!

بسبب الرضاعه الأم بتحس بالتعب البدني والإعياء يوميا.
بسبب الرضاعه الأم بتحس بالجوع والعطش يوميا.

فصدقيني لو عدى عليكي يوم كل اللي عملتيه فيه هو إرضاع طفلك ومعملتيش حاجه تاني فانتي كدة عملتي حاجه عظيمه و كافيه أوي🌷
🌺
كل يوم من ٤ ل ٧

13/10/2025

افطميني من التيتينة قبل سن سنة يا مامتي ❤

انا عند ٩ شهور هصدعك و هتلاقيني بطلع اصوات غريبة كتير، هتلاقيني وانا قاعد بصوت لوحدي و بناغي مع نفسي و بقول كلام عجيب جدا بس الاصوات دي كلها هي عبارة عن بداية لكلامي 🥰

و علامة علي اني قربت اقول اول كلمة، فطول ما انا التيتينة سادة بقي و كل ما ارميها تحطيهالي تاني انا كدة مش هعرف اعبر عن نفسي كويس افطميني منها قبل السنة و بسرعة حتي لو انا متمسك بيها 😍

دا عشان مصلحتي و عشان تحفزيني اقول كلمات اكتر و اسرع و ابهرك ساعديني بإنك 👇

١. العبي معايا بالالعاب اليدوية، و اللي فيها حكايات زي مسرح العرايس 🤩

٢. غني لي شوي شوي غنيلي 😹 احفظي شوية اغاني عشاني و غنيهم انتي معايا عشان اتشد ليكي اكتر ما هتشد للموبيل او التلفزيون ❤

٣. احكي لي حكايات علي قدي ولو متعرفيش حكايات فمككن تحكي معايا عن يومنا سوا 🥳

٤. اسأليني اسئلة كتير و انا هرد عليكي حتي ولو بالأصوات دي و متزهقيش في يوم هتلاقيني بفجأك و برد عليكي و هبهرك 😅
🌺
كل يوم من ٤ ل ٧

11/10/2025

🧠👶 قياس محيط راس الطفل… المؤشر الذهبي لنموه العقلي

هل تعرفي يا مامي إن محيط راس طفلك مش مجرد قياس بيتكتب على الكارت الصحي؟ 🤔

ده يعتبر ترمومتر نمو المخ 🧾✨، وبيوضح لنا إذا كان المخ والجهاز العصبي عنده بيتطور بشكل طبيعي ولا محتاج متابعة أكتر 👩‍⚕️.

---

📌 أهمية قياس محيط الرأس:

بيعكس نمو المخ بشكل مباشر 🧠.

يساعدنا نكتشف أي مشكلة مبكرًا 🚨.

جزء أساسي من متابعة نمو الطفل جنب الوزن والطول ⚖️📏.

بيدينا مؤشر إذا كان الطفل ماشي على الخطوات الطبيعية في النمو ولا لأ 👣.

---

📏 إزاي بيقاس؟

بالشريط الطبي المرن 🧵، بيتلف حوالين أكبر محيط للراس (من فوق الحاجبين مرورًا بأكبر جزء في مؤخرة الرأس).

لازم يتعمل في كل زيارة متابعة عند دكتور الأطفال 🩺.

الأفضل يتسجل في الكارت الصحي أو جداول النمو 📊.

---

📊 المعدل الطبيعي لمحيط الرأس:
👶 حديث الولادة: حوالي ٣٤ سم ± ٢ سم.
👶 عند ٦ شهور: يقارب ٤٢ سم.
👶 عند سنة: يوصل تقريبًا ٤٦ سم.
👶 عند سنتين: حوالي ٤٨ سم.
👦 عند دخول المدرسة: متوسط ٥٠–٥٢ سم.

---

🚨 امتى لازم أقلق وأسأل دكتور الأطفال؟

لو محيط الرأس بيزيد بسرعة جدًا 💨 (اشتباه استسقاء).

أو مش بيزيد خالص ⛔ (اشتباه ضمور أو مشاكل نمو).

أو الفارق بين القياسات مش ماشي على المنحنى الطبيعي 📉.

---

💡 نصيحة للأمهات:
ماتخافيش من رقم واحد 🙏، المهم هو متابعة القياسات على المنحنى 👌.
التقييم بيكون على التسلسل مش القياس المنفرد ⏳.
وخلي بالك: قياس محيط الرأس مع الطول والوزن 🧍‍♂️⚖️ بيدينا صورة متكاملة عن صحة ونمو صغيرك 🌸.

---

🌟 الاهتمام بالتفاصيل الصغيرة زي محيط الرأس = ضمان كبير لصحة ونمو طفلك العقلي والنفسي 🌷.
تابعي باستمرار، وراجعي الدكتور في المواعيد المحددة 💬👨‍⚕️.
🌺
كل يوم من ٤ ل ٧

09/10/2025

كيفيةالعلاج❓⬇
الديدان الدبوسية

✳يجب ان يكون علاج جماعي لكل المنزل الاب الام والابناء لانه مرض معدي تجنبا لعدم اعاده العدوي مره اخري

✳قص الاظافر لمنع انتقال البويضات

✳غسل الايدي جيدا

✳الاستحمام وتبديل الملابس الداخليه وغسيل الملابس بمايه مغليه لقتل البويضات وتعريضها للشمس

✳غسل الفاكهه والخضار فقد تحمل بيوض الديدان

✳عدم قضم الاظافر.

✳يمكن للثوم المساعده علي التخلص من الديدان ..نزود الثوم في الاكل بشرط مش علي معده فاضيه لتجنب اذي المعده.👌

🔴🔸العلاج الدوائي👇👇

⬅ عباره عن كريم راسب ابيض دهان لفتحه الشرج ودواء بالفم مثل فيرميزول شربة واحدة لعلاج الديدان يكرر بعد اسبوعين.

💞
ملحوظة العلاج ممنوع للاطفال اقل من سنة والام الحامل والمرضعة
🌺🌺

09/10/2025

الامومة دى حلوة جداااااا😁
هي بس محتاجة واحدة ♡
بالها طويل ••• رجليها مش بتوجعها •••مبتصدعش ••• مبتتعبش •••تتقبل كل الآراء ••• تستحمل كل الردود ••• مبتعرفش تضرب علشان متزعلش الكتاكيت ••• معندهاش حياة اجتماعية ••• معندهاش صحاب ••• ولا عندها أهل ••• ولا بتحب الهدوء ••
ولا بتحب الأفلام ولا الخروجات ولا حتي بتحب نفسها

•• مش عارفه انتوا معقدين الموضوع ليه ما هي سهلة اهي 🙆‍♀️ سهله جدا سهله خالص
🌺
كل يوم من ٤ ل ٧