مركز د.اسامه خليل للاطفال و حديثي الولادة

31/10/2025

لغاية امتي هتفضلوا تتابعوا الصفحة من غير تفاعل
هاا
🤔🤔😁😁

31/10/2025

د. حنان فاروق
استشاري التوليد و امراض النساء
والحقن المجهري

ملوي اول يمين بعد استراحة محمود خليفة

تعليقا علي أحد منشورات الصفحة

🙏🙏🙏

31/10/2025

بوست منقول بس هام جدا جدا

لو عندك ولد و عايزه تربيه انه يطلع راجل ذو مروءة و أدب و ديانه و شهامة و أصالة دي شوية حاجات يمكن تساعدك

١- يقوم بمهام في البيت فيها شوية قوة بدنيه
زي تغيير قارورة المية / إخراج الزباله(و تبقي مفهماه ان الأصل ان النساء متسترات و ميخرجوش كتير و ان خروجه هو أسهل ) / لو عايزه تزقي حاجه نادي عليه / يشيل طلبات البيت و هكذا

و تبقي مفهماه ان هيكله البدني مختلف عنك و ده يأهله لمهام هو يقوم بيها افضل منك عشان طبيعة خلقته
* ف ده يخليه يبني تصور ذهني ان جسمه زي ما فيه أفضلية فعليه تكليف.

٢- في التعاملات الخارجية ف الشارع صدريه
اي تعاملات فعليا
و هتتفقي معاه ع ال set up قبل ما تدخلوه
يعني هندخل المكان الفلاني انت هتتصرف بالشكل الفلاني و هتطلب كذا و كذا
و حضرتك هتبقي واقفة ف ضهره ساكتة تماما حتى لو غلط
ليه بقى هتسكتي لو غلط؟
عشان حاجتين
الأولى: انك تزرعي انه عادي يغلط لو تصدر .. فميخافش من التصدر اصلا
ثانيا:انه يتعود بدام خد دفة القيادة ميبقاش فيه صوت ورا بيعدل عليه ( تلت اربع مشاكل البيوت هي ف الخناقة على مين اللي سايق اصلا)

طيب لو غلط هتعملي ايه
هتسبيه يخلص معاملته غلط عادي خالص
و بعد كده هتقوليله ان التصرف الصح كان كذا و كذا بس انا مقدرتش اتكلم و انت واقف مع الرجالة (بظبط كده)

اما لو هو طلب مساعدتك فاتدخلي بصوت واطي و شكل لطيف من غير ما تحسسيه انه مش عارف يتصرف
و قوليله انك واثقة جدا انه هيقدر يخلص اللي ف ايده ده على أكمل وجه

ضروري اوي لما تصدريه .. تزرعي فيه الثقة انه اهل للتصدر .. عشان ميبقاش التصدر فيلم رعب بنسبة له زي ما كتير من الامهات عملوا الله يسامحهم

لا عادي تتصدر .. و انت اهل ل ده .. و انا واثقة فيك .. و حتى لو غلطت محلولة. .. ادينا بنتدرب.

٣- يتعلم مهارات قتا.لية و فروسية
عشان جسمه ينشف و قلبه يقوى

٤- انا مع جدا الشغل من الصغر لانه بيفتح الذهن و بيخلي الانسان يكتسب خبرات بدري بدري و يبقى سابق سنه و مختلط بالمجتمع
لو في مكان آمن للشغل
ارميه فيه

٥- يقعد في مجالس الرجال
و يتعلم على ايد شيخ مش شيخه
و ياخد درس مع مدرس مش مدرسة
عشان يفهم نفوس الرجال بدري
و يلقط طريقتهم

٦- عشان تخلقي جواه الصلابة العقلية
اتكلمي معاه ف مواضيع عامة
و خدي رأييه كأنه استشاري مش طفل
و قوليله تفتكر الموضوع ده يتحل ازاي؟
انا بثق في عقلك جدا
فيحس انه قادر ع الحل .. و انه تشغيل المخ مش خطيئة 😁

٧- لما يجي يحكيلك مشكلة خاصة بيه
و انت شايفاه غلط
اوعي اوعي تبادري بالحل
احنا عايزين رجال مبادرين
مش احنا اللي نحللهم
أسأليه حسيت ايه
و ايه الفكرة المحركة للشعور ده
و الفكرة دي بتحاول تقولك ايه
طب و انت شايف الحل ازاي؟

زقيه انه هو اللي يتحرك و يفكر و يحل
مش انتي

لو قالك ابعتي للميس
قوليله لا ابعت انت
كلمي الإدارة .. لا روح انت

و هكذا
علميه انه يواجه و ميخافش م العواقب و انك كده كده ف ضهره
بس مش قدامه !
٨- لما تبقوا ماشيين ف الشارع فهميه انه راجل
و ان عليه دور حماية
و ان تصدره مع الرجال هيحميكي و يكفيك شر ممكن تتعرضيله ( الموضوع ده تدريجي حسب سن الطفل بس بيتزرع واحده واحده من الصغر)

٩- فهميه ان عليه غض البصر
و ان التعامل مع النساء بيبقى بتواضع و أدب
و ان اول مقام يجب حفظه للمرأة هو الستر
فميدخلش مكان فيه نساء بشكل عشوائي حتى لو انتي جوة
يستأذن .. و ينتظر الأذن بالدخول
و لو دخل و قعد وسط النساء يبقى هو المسؤول عن حمايتهم

مثال: لو قاعدين ف مكان عام مثلا مجموعة نساء و ابنك معاك
و حد م البنات الصغيرات مثلا عايزه تروح حتة
قوليلي امشي جنبها و احميها (لو السن يسمح و العلاقة تسمح)
و يمارس نفس الحركة مع النساء اللي ف سنك

عشان مروءته تتحرك بدري بدري
و يبقى فاهم ايه الطبيعي اللي بيحصل

١٠- لو قاومك في منطقة من اللي فوق
و قالك بس فلان قريبنا مش بيعمل كل ده
قوليله الرجولة بنستقيها من سيد الرجال محمد بن عبد الله صلى الله عليه وسلم
و تجيبي كل الأدلة
و تقوليله ان الناس بيصدر منها تقصير و ده عادي ف حق البشر (عشان ميحتقرش اللي مش بيعمل اللي هو بيعمله و ف نفس الوقت عنيه تبقى ع الأعلى )

١١- علميه ان ضعف المرأة شيء جميل ينبغي أن يُراعى و يُحمى
و لا يُنظر له بالاحتقار او التقليل
و فهميه ان الفروقات النفسية بين الرجل و المرأة و كذا البدنيه هي اللي بتقفل الصورة و تبرز جمالها
و ان القوة لوحدها تكسر
والنعومة لوحدها تخسر
و ان الصفتين لو اختلطوا ببعض مع تحقيق تقوى كل طرف يطلعوا احلى أداء مبهر للدنيا كلها

١٢- علميه ان صلاحه كفرد و اهتمامه برجولته نواه في صلاح المجتمع كله

١٣-علميه لما يشوف منكر قدامه يتحرك و يتكلم بشجاعة و بأدب
عشان يبقى مصلح مستقبلا
و فاعلا لا مفعول به

١٤- علميه الصبر على أخلاق الناس
و ان الرجل القوي بيبقى حليم مش العكس و طبقي ده معاه ف مواقف كتير طول ما انتو ماشيين ف الشارع
زي ببساطة لو لاقيتي واحد بيشتم وهو سايق
قوليله هو دلوقتي ضِعف
دي مش قوة !

١٥- عليمه ان الراجل كريم
و ان البخل مش من صفات الرجال
و ده عن طريق تخصيص مصروف و لو بسيط له
و يجيب لصحابه و حبايبه حاجه حلوة كل أسبوع معاه و يوزع بنفسه

١٦- علميه ان الجور و الظلم مش من أخلاق الرجال
و ده عن طريق انه ميظلمش اخواته ولا يعتدي عليهم
لكن .. له حق القصاص عادي !
و تعلميه حدود القصاص
و كيفية تطبيقه بشكل عادل و متجرد.

١٧- كلميه عن مشاعره و خوفه و مناطق ضعفه
و قوليله ان الرجالة بتخاف عادي
و بتحب
و بتعيط
و كل حاجه
و الصلابة الزائفة مرهقة جدا
و انه كل ما كان حقيقي كل ما كان صلب فعلا

١٨- قوليله انك فخورة بيه طول الوقت
و انه اكتر واحد عاجبك رجولته و سط الرجالة كلهم

١٩- فهميه ان الأمانة و الصدق من أخلاق الرجال
و ان الراجل كلمته سيف
ميكدبش ولا يراوغ أبدا
ولو هيلقى حتفه فيها
فهميه ان المراوغة من الدناءة بمكان
و انك لو حقيقي و صادق مش مضطر خالص تلف و تدور
علميه ان المجالس امانات و ان اللي سمع ف مجلس مينقلوش لحد تاني حتى من غير ما حد يأمنه
و عمليه ان الكلمة اللي بتطلع من بؤه وعد
حتى لو خسر قدام ده أمور مادية
عشان يتعلم قيمة الكلام

٢٠- فهميه مكانة الكبير
و رحمة اللي اصغر و أضعف منه

استعينو بالله

31/10/2025

الرجل دا بغض النظر عن صحة الفيديو من عدمه فتلك مسؤوليته لكن كلامه جاوب علي حقيقة للاسف منتشرة عند

بعض الأهالي اللي للاسف ب يؤذوا. أطفالهم عادي جدا ومش فارق معاهم حتي أنه يموت

يبقي متخانق مع مراته فيعاقب الاطفال

امبارح كان عندي طفل حرارته 40 والاب كان

رافض يكشف له

و اللي جاء هو الام و ام الام

عشان كدة فعلا فيه آباء للاسف مش بني ادمين

اصلا

وأمهات أيضا عندهم إهمال يقتل أطفالها

اتمني تعيدوا سماع الفيديو كتير اوي

🥲🥲

"لسنا بحاجة إليه!" رجل مصري ينهار بالبكاء بعدما عثر على طفل تخلت عنه عائلته ورفضت استلامه بحجة “لدينا أطفال كثيرون” #عربي21 #مصر

30/10/2025

أما أنا فقد رأيت في عينيه مستقبل بلاد علي

وشك النهوض من تحت الرماد

رايت براءة و صدقا قل نظيرهما

رايت قلبا نقيا لا يكره

رايت صفاءا و نقاءا

بلا ذنب أو معصيه

هذا هو مريضنا الذي نفني اعمارنا من أجله

فمن يستحق حياتنا إن لم يكن هو

فخور أنني طبيب اطفال

د.اسامه خليل

♥️♥️

30/10/2025

الباشا وهو في صلاة العشاء

😍😍

30/10/2025

روفان هانم نورتني

30/10/2025

انا و احباب الله في عالم تاني
🫣🫣🫣

30/10/2025

حوالي 15% من أطفال مصر عندهم حساسية صدر ✋
↩️ وهي عبارة عن التهاب مزمن في الشعب الهوائية ..

⏪ومن أهم أسبابها 👇
📌 العامل الجيني أو الوراثي
📌استنشاق هواء بارد او محمل بالدخان والأتربة
📌 التعرض لنزلات البرد الشديدة والانفلونزا
📌بعض أنواع العطور والبخور والمنظفات
📌استنشاق مواد مسببة للحسـ اسية زي وبر الحيوانات ، وحبوب اللقاح

المجهود ممكن يكون سبب في بعض الحالات

⭕ طيب يادكتور، وانا اعرف إزاي إن ابني عنده حساسية الصدر ⁉️
👈الحساسية الصدرية بتتشخص بوجود تاريخ مرضي متكرر من :
1️⃣صعوبة بالتنفس
2️⃣تزييق علي الصدر
3️⃣ نهجان يعني تلاقي صدر الطفل كأنه بيجري
4️⃣وأخيرا لو كحه مستمرة بتزيد أكتر باليل ومع الجري أو المجهود ..

👈 فلو لقيتي الأعراض دي أو جزء منها وخصوصا إذا كان معاها تاريخ عائلي بوجود حساسيه صدر أو أي نوع حساسية في العيلة ده يخلي الأم لازم تشك في حساسية الصدر 😣 وتلجأ للطبيب فوراً لتأكيد التشخيص و البدء في العلاج 💊

⭕طيب واعالجه ازاي ⁉️

👈 أولا لازم نعرف أن حساسية الصدر عند الأطفال دي مرض مزمن وغالبا يلازم الطفل لعمر من ٦ الي ١٠ سنوات.
معظم اللي بيتعالجوا صح بيتحسنوا عند 8 سنوات ☺
لكن فيه جزء هيكبر مع الحساسية

⭕ طيب يا دكتور إيه هي خطه العلاج !!!🤔

اهم حاجة أننا نعرف أن علاج الحساسيه الصدرية بيتم علي مرحلتين
الأولي هي علاج الأزمة الحالية بتخفيف الأعراض حتي تمام الشفاء
زي الجلسات و دي من أهم طرق العلاج طبقا للبروتوكولات العالمية علاج حساسية الصدر عند الاطفال GINA
مش محتاج اقول إنه طبعا الجلسات اهم و اسرع علاج و اقل أعراض جانبية عن أي أدوية بديلة

ثانيا خطة وقاية لتقليل نوبات الحساسية الحادة
زي أدوية مونتيلوكاست ومنتجاتها كتير اكياس أو أقراص
و موسع شعب هوائية
و مضاد للحساسية

و طبعا مننساش تطعيم ضد الانفلونزا الموسمية مهم جدا و يوصي بيه في كل حالات حساسية الصدر

و اخيرا عدم التعرض لمثيرات الحساسية زي تيارات الهواء البارد خصوصا الصبح وأولادنا نازلين المدارس
الأتربة الدخان و الاب المدخن و البرفانات و الكلاب و القطط
👈دا هيجعلنا نقدر نسيطر علي معظم الأعراض ونخفف منها علشان الطفل يقدر يعيش حياته بشكل طبيعي يعني يروح المدرسه والنادي ويلعب رياضه ودا بأقل قدر ممكن من الأدوية

👈 و افتكري أن كل الأبحاث العلمية علي مدار آخر 10 سنوات أكدت أن العلاج الأمثل لحساسية الصدر عند الأطفال هو (البخاخات وجلسات النبيوليزر )وذلك للعلاج والوقاية من حساسية الصدر 🤧

👈ومن هنا أصبح علاج حساسية الصدر بالبخاخات الوقائية و البخاخة العلاجية وجلسات البخار هو العلاج الأمثل عالميا وعليه توافق تام ماعدا بعض أمهات و جِدات مصر هما المتفريدين بالمقوله الشهيرة : (ده هايتعود عليها يا دكتور)
تقولش يعني الدكتور كاتبله مخدرات😁😁😁

⭕طيب لو طفل الحساسية ماخدش لا جلسات ولا بخاخات هيحصل ايه ⁉️
👈اقولك... غير معاناة ضيق التنفس والكحة، هيحصل في الشعب الهوائية تغييرات مع السنين، ولما يكبر هيبقي عنده ضيق تنفس ميتصلحش بالأدوية، ويبقي قاعد في السرير علي اكسجين طول الوقت، و ذنبه في رقبتك انتي.
ايوه انتي يا بتاعت هيتعود عليها

دمتم في صحة و عافية .. سلااام

💬 لو في سؤال اكتبوا لي في التعليقات و هرد عليكم في اسرع وقت أن شاء الله 😊
دكتور اســـامـــه خـــلـيــل
👈 ماجستير الاطفال مستشفى ابو الريش جامعة القاهرة
📌ملوى أمام مسجد العرفانى اعلى صيدلية د. رامى محمد
📞 01012015190

29/10/2025

🌹🌹🌹

29/10/2025

29/10/2025

مالك باشا
ابن د.احمد اسامه
طبيب الأسنان المحترم من دروة الغالية