فارما الوافي - Pharma Al Wafy, Minya (2025)

15/10/2025

- عاوز الشريط اللي مكتوب ع ضهره أيام الأسبوع ...
بعد أسبوع من البحث وفتح علب الأدوية والحسبنة سرا في العميل والشركة:

14/10/2025

أقراص الـ Cordarone بتاعة الـ Arrhythmia.. أكيد عارفينها ومن أشهر براندات الـ Antiarrhythmic drugs، وبتكون عبارة عن Amiodarone..

الـ Amiodarone دواء ممتاز جدا وفعال جدا ولكن مشاكله كتيرة جدا مقارنة بباقي زمايله.. زي الـ Hepatitis اللي بتحصل مع تقريبا نص المرضى، غير كمان إحتمالية حدوث Hypotension وكمان Hypothyroidism وشوية حاجات تانية..

من ضمن المشاكل دي بقى كمان حاجه اسمها Blue-gray man syndrome.. وأكتر أماكن بتتأثر بالموضوع ده هو الوجه والكفين، وبتحصل بعد فترة من استخدام الـ Amiodarone..

عشان كده في الـ Guidelines بيفضلوا يسيبوا الدواء ده للآخر كده لما نجرب الحاجات التانية لو منفعتش نستخدمه.. لكن عندنا في مصر ده بيكون أول دواء بيتكتب للمريض عشان هو فعال جدا زي ماقولنا.. 💙

12/10/2025

ما كان لينالها لو لم يكن جديرا بها.. رحم الله الشهيد الصالح ❤️

12/10/2025

هل أدوية الـ SGLT2 Inhibitors بتسبب UTI ؟!
- أيوه ومش أيوه.. بس خلينا نفهم اللعبة صح..

لما تستخدم أدوية زي Dapagliflozin أو Empagliflozin، جسمك بيطرد السكر عن طريق البول، لأنها بتشتغل عن طريق إنها تمنع الـ Glucose Reabsorption في الكلى (في الـ Proximal Renal Tubules).. يعني البول بقى غني بالجلوكوز.. وده بيخلق بيئة ممتازة للـ Bacteria & Fungi..

والنتيجة..
- احتمالية زيادة فرص حدوث الـ UTI
- وزيادة أعلى شوية في العدوى التناسلية الفطرية خصوصًا عند السيدات،

بس الخبر الحلو..
- معظم الحالات بتكون خفيفة وسهلة العلاج

لكن فيه ناس ممكن تتكرر معاهم الحالة دي وخصوصا زي ماقولنا الـ Candidiasis فرص حدوثها أعلى..

والنصيحة اللي المفروض تتقدم للمرضى..
- شرب مية كتير
- نظافة شخصية كويسة
- ومتابعة أي أعراض غريبة بدري بدري.

خليك دايمًا سابق بخطوة.. العلم قوة.. ❤️

11/10/2025

كنت فاكر إن العادة السيئة دي انتهت خلاص ومحدش بيستخدمها، لكن للأسف لسه لحد دلوقتي في مناطق كتير أمهات بتدي عيالها أسبرين !!..

قرص الريفو يا جماعة بلاش للأطفال تحت 16 سنة لو عندهم سخونية بسبب عدوى فيروسية.. ممنوع نهائيا ومفيش هزار في النقطة دي، لأن لحد هذه اللحظة فيه أمهات بتجيب ريفو تدوبه في مايه وتديه لابنها او بنتها اللي لسه مكملش 10 سنوات أصلا..

وطبعا بما إن مفيش أم هتقدر تحدد ابنها عنده عدوى بكتيرية أو فيروسية فالمفروض نعمم الكلام للتوعية ونقول بلاش نستخدم أسبرين أو ريفو تحت 16 سنة نهائيا إلا بعلم الطبيب..

كلنا كصيادلة عارفين كارثة الـ Rey's syndrome اللي بتحصل بسبب العادة السيئة دي، واللي بيحصل فيها Acute encephalopathy & Liver failure وطبعا دي بتكون Fatal condition، عشان كده الموضوع يستحق إننا نسأل أي حد جاي ياخد ريفو مين هيستخدمه تحديدا وبلاش أطفال نهائيا.. ❤️

10/10/2025

🇱🇷: He is a doctor who knows nothing about medicine.
🇸🇦: إنه طبيب لا يعرف شيئا عن الدواء.
🇪🇬: يا عم ده دكتور أسنان

10/10/2025

الـ Etoricoxib.. لما المسكن يبقى أشيك من اللازم..

هو شكله نظيف، واسمه بيخوف شوية، وسعره بيخلي الناس تحسه VIP..
بس السؤال الحقيقي: هو آمن فعلا ؟ ولا هو كارثة مستنية تصريح ؟..

- الـ Etoricoxib زي Arcoxia من عيلة COX-2 inhibitors، نفس العيلة اللي فيها Celecoxib
- بيتقال عليه لطيف على المعدة، وده فعلا حقيقي..
- وبيقال عليه إنه بيشتغل حلو في التهابات المفاصل، وده فعلا حقيقي بردو..

بس في الحقيقة ورا اللطافة دي ممكن يستخبى شبح اسمه جلطة قلبية أو دماغية..

وده لأن الـ Selectivity دي هتأثر على التوازن الفسيولوجي بين Pro-thrombotic (TXA2) و Anti-thrombotic (prostacyclin)، وده ممكن يؤدي إلى increased risk of thromboembolic events..

يعني ببساطة جلطات قلبية ودماغية، خصوصًا في مرضى الـ hypertension, ischemic heart disease, أو previous cerebrovascular events، أو بياخد الدواء ده بمزاجه وبقاله فترة.. فكده حرفيًا بنلعب بالنار..

والكارثة إن في بعض الحالات كان سبب في فشل كلوي حاد وارتفاع ضغط الدم بشكل مفاجئ، وساعات النهاية بتبقى مأساوية.

وخلي بالك مش معنى إنه لطيف ع المعدة يبقى ينفع للمرضى اللي بيعانوا من Ulcers.. في الحالة دي أصلا بيكون كل الـ NSAIDS ممنوعين بدون استثناء بغض النظر Selective or Non-selective..

يعني هو مسكن لطيف ع المعدة وجميل في المفاصل.. بس مش لأي حد، ومش في أي وقت، ومش من غير عقل. ❤️

09/10/2025

فرنسي يا فندم

08/10/2025

لأن الـ PPIs كلهم بيتأثروا بالحامض المعدي، اتجهت أغلب الشركات لفكرة الـ Enteric-coated formulations عشان يحموا الـ PPIs من الـ Gastric acid..

ولكن فيه شركات تانية عملوا براندات بفكرة بسيطة جدا..
قالك طب ماحنا نحاوط الـ PPI بحبة Sodium Bicarbonate، ولما الكبسولة تدخل المعدة ويحاول الـ Gastric acid يقرب منها يجري عليه الـ NaHCO3 ويتخانق معاه ويضحي بنفسه عشان يحمي الـ PPI من خلال تفاعل مشهور جدا بنسميه Neutralization..

ده غير كمان إن ده بيساعد ع الـ Absorption بشكل أسرع لل PPI يعني أسرع في التأثير من الـ Enteric-coated formulations..

أشهر البراندات اللي مطبقين الفكرة دي هم الـ Downoprazole والـ Azgovanc والـ Treato-Ulc.. ودول بيكون فيهم Omeprazole + NaHCO3.. ❤️

07/10/2025

مريض الربو لو مستخدمش غسول للفم أو ع الأقل يتغرغر بمايه بعد كل مرة يستخدم فيها البخاخة هيحصله بعد فترة بحه في صوته وتعب في الأحبال الصوتيه وقبلهم هيحصل ظهور لعدوى فطرية في الفم واللسان..

كل ده بيحصل بسبب الـ Side effects بتاعة الـ Inhaled Corticosteroids اللي ماشي عليها باستمرار، فطبيعي جدا إنها مع الوقت تقلل المناعة في الـ Oral Cavity واللي هيترتب عليه ظهور مشاكل في الفم أشهرها وأسرعها في الظهور هي الـ Oral Thrush اللي بيحصل بسبب الـ Candidiasis، وبيحصل كمان بعد فترة Hoarseness في الأحبال الصوتية نتيجة حدوث Myopathy..

كل الـ ICSs بيعملوا كده ماعدا فرد واحد وهو الـ Ciclesonide لأنه الوحيد من بينهم Prodrug ومش بيتأكتڤ إلا في الـ Lungs، عشان كده الـ Side effects بتاعته ع الـ Oral cavity قليلة جدا جدا مقارنة بباقي الـ ICSs..

وبالمناسبة ده موجود في براندين تجاريين فقط وهما Alvesco & Tentavair.. ❤️

03/10/2025

في حالة الـ Acute Otitis Media (AOM) بيكون الـ Drug of Choice من بين المضادات الحيوية هو الـ Amoxicillin..

الـ Amoxicillin في الحالة دي بتكون فعاليته عظيمة جدا حتى لو بدون الـ Clavulanic acid.. يعني براند زي Ibiamox أو E-mox هيكونوا ممتازين جدااا..

طب أمتى يكون الأفضل هو الـ Amoxicillin-Clavulanate ؟!
- لو كان أخد بالفعل Amoxicillin آخر 30 يوم
- أو لو كان جاتله قبل كده AOM وللأسف كانت Unresponsive to amoxicillin

طب مش هينفع يعني المريض ياخد Cephalosporins أو Macrolides مثلا ؟!
- ينفع طبعا ولكن بنروحلهم لو كان المريض عنده مشكلة مع الـ Amoxicillin زي حساسية مثلا
- الـ Macrolides هيكونوا الأختيار الأنسب لو كانت حساسية الـ Amoxicillin بتوصل لدرجة Anaphylaxis

أهو كل الكلام ده بالرغم من صحته هتلقى بردو روشتات كتير جدا مش ماشيه ع أي حاجه من دول وتلقى الناس بتجري ع الـ Ceftriaxone أو الـ Azithromycin بالرغم إنه أصلا Not recommended في الـ APP Guidelines.. وأهي ماشيه ❤️

01/10/2025

هو خلاص كده الـ Paracetamol مش هينفع OTC drug في الـ Pregnancy بعد آخر تحذير من الـ FDA ؟!..

تحذير الـ FDA اللي نزل من كام يوم عن الـ Paracetamol عشان حاجتين:
- أولا الخوف من ارتباط الـ Paracetamol بحدوث Autism
- ثانيا الخوف من ارتباطه بحدوث ADHA

وخلي بالك الـ FDA مقالتش إن ده بيحصل بشكل أكيد من الـ Paracetamol وإلا كان اتحظر أصلا بشكل نهائي في الـ Pregnancy، ولكن هم بس متخوفين من حدوث الحاجات دي لبعض الأطفال لما أمهاتهم بتاخد Paracetamol في الحمل بجرعات كبيرة ولفترات طويلة..

عشان كده التحذير بشكل واضح جدا:
- استخدام الـ Paracetamol في الحمل بجرعة قليلة طبيعية ولأقل فترة ممكنة..

ولذلك في نفس اليوم هتلقى الـ ACOG "الهيئة الأمريكية لأطباء النساء والتوليد" قالوا ي جماعة هو لسه لحد دلوقتي خيار آمن جدا في الحمل لو هنستخدمه عند الحاجه وبجرعات معقوله ولفترات مؤقته وقصيرة..

يعني هو لحد دلوقتي يعتبر OTC Drug حتى في الحمل، ولكن ناخد بعين الاعتبار التحذيرات اللي اتقالت عنه.. ❤️

فارما الوافي - Pharma Al Wafy

15/10/2025

14/10/2025

12/10/2025

12/10/2025

11/10/2025

10/10/2025

10/10/2025

09/10/2025

08/10/2025

07/10/2025

03/10/2025

01/10/2025

Address

Website

Alerts

Contact The Practice

Shortcuts

Share

Category