20/10/2025
💭 ليه بنعمل دايت ومش بنخس؟
🧍♂️ - "يا دكتور… أنا موقف عيش وسكر ومكرونة ورز، وباكل وجبة واحدة في اليوم… ومع ذلك وزني زي ما هو، مش بينزل خالص! 😔"
👨⚕️ = "يا حبيبي، مين قالك إنك كده بتخس؟"
اللي انت بتعمله في جسمك ده اسمه حرمان،
وجسمك مش فاهم إنك بتحاول تخس…
هو فاكر إنك في "مجــــــــــاعة"! 🫠
فـ يبدأ يخزّن الأكل اللي بتدخلهوله على طول…
لأن بالنسباله الوجبة دي هي طوق النجاة الوحيد ف اليوم.
وفي نفس الوقت؟
معدل الحرق بيقل… لأن الجسم بيحاول يحافظ على الطاقة بأي شكل.
🧠 - "طب إيه الحل يا دكتور؟"
✅ خلينا متفقين إن كل جسم ليه احتياجه اليومي من السعرات الحرارية (الكالوريز) علشان يقدر يعيش ويشتغل طبيعي.
أول خطوة: مينفعش تنزل أقل من احتياج جسمك – لأنك كده بتأذيه مش بتساعده.
🎯 الحل:
❌ مش إنك تمنع كل حاجة مرة واحدة.
✅ الحل إنك تاكل بذكاء،
بكميات مناسبة وعلى مدار اليوم.
📌 قسم يومك لـ:
3 وجبات رئيسية
2 سناك خفيف
🥗 طب كل وجبة تحتوي على إيه؟
خلي وجبتك متوازنة وتحتوي على:
🥩 بروتين (زي الفراخ، التونة، البيض، الجبن القريش)
🥦 ألياف (خضار ورقي، خيار، طماطم، جزر)
🍞 كارب معقد (عيش بلدي، شوفان، بطاطا، أرز بني)
🥑 دهون صحية (زيت زيتون، أفوكادو، مكسرات بكمية قليلة)
✅ كده جسمك هيفهم إن في أكل بشكل منتظم،
فـ يبدأ يشتغل طبيعي ويحرق، ويبدأ ينزل الوزن تدريجي وثابت.
🎯 مش كل أكل = زيادة وزن
🎯 ومش كل حرمان = خسسان
💡 المفتاح هو: الاتــــــزان 💪🏻
📩 ابعتلنا دلوقتي وهنبدأ نتابع معاك خطوة بخطوة🫶🏻
#تغذية #تغيير #تغذيةعلاجية #صحة #وزن
