Pediatrician

25/10/2022

نقلا عن صفحة الازهر اليوم
النهاردة ابن الاستاذة أميرة توفى بسبب كثرة المضادات الحيوية ودى حالة حقيقية وهتبدأ تظهر بمعدلات اكتر طول مافيه سوء استخدام للمضادات الحيوية ..حالة وفاة هى فى الأصل جريمة بيشارك فيها قلة وعى المجتمع وعدم اهتمام وزارة الصحة أو رقابتها ..

مرة طفل ست سنوات عنده إلتهاب رئوى وإرتفاع مستمر في درجة الحرارة

مر على ٣ أطباء كل طبيب بمضاد حيوي مختلف ،،
مع تنويع ما بين حقن وشراب، والحرارة لازالت مستمرة ،
كشفت على الطفل طلبت من الأب عمل تحليل دم ومزرعة بول ، وظهرت النتيجة ، وكانت مرعبة
حالة klebsiella مقاومة لجميع المضادات الحيوية بلا استثناء إلا مضاد حيوي واحد وناقص في مصر كلها ومفيش وقت حد يبعته من برة ومفيش أى أمل بعد ربنا سبحانه وتعالى غير أن مناعة الطفل تقاوم البكتريا وموت الطفل مؤكد بنسبة كبيرة

والد الطفل مكانش مُستوعب إللى بيحصل, و كان عنده إصرار غريب إن إبنه حيعدى كل ده
كل ما يشوف حد مننا يسأله و يستفسر منه
مكنش عاوز يسمع مننا التفاصيل
كان كل إللى عايز يسمعه هو إن إبنه كويس ، مستنى أى كلمة تديله أمل ، الأب كان حرفيا عايش فى حلم منفصل عن الواقع

علاج الحالة يتوقف على مقاومة جهاز المناعة فقط
لقيت الراجل بينهار قدامى, شوفته لاول مرة من يوم حجز الطفل بيبكى ، كأنه جبل ووقع مرة واحدة
فضلنا كده كام يوم, لغاية ما الطفل بدأ يحتضر,

بعدها,
الراجل قالي جملة واحدة بس و هو بياخد منى تقرير الوفاة
قال: أنا إبنى مماتش النهاردة يا دكتور, إبنى مات فى كل مرة كنت بستستهل وأديله مضاد حيوي
و مشي وسابنى

علشان ندرك أن نتيجة المزرعة دى مرعبة فهى بتبين أن البكتريا بتقاوم كل المضادات الحيوية اللى جنبها علامة غلط ده معناه ان احنا في خطر وان البكتريا مفيش حاجة بتشتغل عليها إلا مضاد حيوي واحد وناقص هو كمان
وده نتيجة الاستخدام الخاطئ للمضادات الحيوية
البكتيريا عرفت هو شغال ازاي و طورت نفسها وأصبحت لا تتأثر به يعنى ميقدرش عليها و يأما المناعة تقدر هي و تقاوم يأما الشخص ده و كل ال زيه هيموتوا

والسبب إعطاء المضادات الحيوية بغير داعي ، الإفراط في استخدام المضادات الحيوية ينبئ بكارثة عالمية وطبية لا يعلم مداها إلا الله،،

احفظوا النصائح دى واحتفظوا بيها الله يكرمكم

١. أي مضاد حيوي يأخذه الطفل ولم يظهر تأثيره بعد ٤٨ ساعة -- يلزم عمل تحاليل سواء (مسحة، مزرعة ، دم) للتشخيص الصحيح للحالة وتغيير المضاد الحيوي في ضوء التحاليل.

٢. ارتفاع درجة الحرارة -- ليس معناه مضاد حيوي

٣. حساسية الأنف -- ليس معناها مضاد حيوي

٤. النزلة المعوية -- ليس معناها مضاد حيوي

٥. مغص البطن -- ليس معناه مطهر معوي (مضاد حيوي)

٦. الكحة -- ليس معناها مضاد حيوي

٧. حساسية الصدر -- لا تمت للمضاد الحيوي بصلة

٨. ألم الساقين عند الأطفال -- ليس معناه حمى روماتيزمية وحقنة بنسيلين طويلة المفعول شهرياً

١١. ورم اليد نتيجة خبطة -- ليس معناه مرهم مضاد حيوي

١٢. لا يوجد مضاد حيوي يستخدم أقل من أسبوع إلا نوعاً واحداً فقط (Azithromicin)

١٣. تكرار الأعراض -- ليس معناه نفس التشخيص وبالتالي نفس العلاج ، وتكرار المضاد الحيوي اللي الطفل استراح عليه

١٤. لا يوجد شيء اسمه مضاد حيوي خفيف ومضاد حيوي قوي -- كله مضاد حيوي

١٥. لا يوجد شيء اسمه ملعقة صغيرة أو ملعقة شاي -- لابد من حساب الجرعة ب (مل) بناء على وزن الطفل.

١٧. أي مضاد حيوي نبدأ فيه بحقن ثم نكمل على شراب -- لازم تكون نفس المادة الفعالة.

١٨. لا يوجد مضاد حيوي شراب لا يرج قبل الاستخدام

١٩. لا يوجد مضاد حيوي يستعمل بعد حله ب 15 يوم

٢٠. المضاد الحيوي يحفظ بباب الثلاجة

الكلام السابق يسري على المضاد الحيوي بجميع صوره الحقن والأقراص والشراب والمراهم وقطرات العين والأذن الخ.

المضاد الحيوي نعمة كبيرة من الله لعباده، وهو سلاح ذو حدين إن أحسنتم استخدامه أصابكم نفعه ،، وإن أسأتم استعماله انقلب عليكم ضرره ،،
أسال الله لنا ولكم السلامه في الدنيا والاخره

05/10/2022

مافي شي اسمة " أُمّ مُقصّرِه "

اسمها أمّ وهاي آخر طاقتها ..

وأكيد طاقة كل وحدة مختلفه عن الثانية ..

#في أمّ عندها طاقه ترضّع أولادها طبيعي ..
و أمّ ماعندها طاقه ، فبترضّعهم حليب صناعي ..
" مش معناها إنها مهمله في صحتهم "

#في أم تركت الشغل حتى تربي أولادها و تتفرغلهم تماماً..
و أم رجعت للشغل بعد ٣ شهور من الولاده ، لأنها من غير شغل يمكن نفسيا تتخنق وتدخل بأكتئاب...او جبرتها الظروف المعيشيه لذلك..
" مش معناها إنها تخلت عن أولادها "

#في أمّ تولد طبيعي و مثل الورد و أمّ تخاف او لظروف صحيه معينه وتولد قيصري ..
" مش معناه انها تستسهل و مو مهتمة لصحه طفلها "..

🔹أمّ بتأكل الطفل من ٤ شهور و أمّ من ٦ شهور ..

🔹أمّ تخاف تنزل أولادها للمي و أمّ تشمرهم بالمي ..
🔹أمّ قوية و أمّ بتبكي كل يوم ..

🔹أمّ تعرف تتصرف و أمّ محتارة ..

🔹أمّ تاخذ الطفل معاها كل مكان و أمّ بتتركه مع أمها ..

🔹أمّ ب100 رجل و أمّ ضعيفه ..

🔹أمّ تربي ٣ و أمّ مش قادره تمشي نفسها بواحد...

# #وفي الأخير ماحد منهم زعلان..

#مافي أحد ابدااا في الدنيا بيخاف على الطفل مثل أمه .. (حقيقه)

""فأكيد هي أدرى بمصلحته .. ""

والله في عون الجميع...

دمتم بخير

30/09/2022

02/11/2021

6-أمراض قد تختلط مع التوحد
أمراض وحالات مختلفة قد تـختـلط مع التـوحــــد
هناك حالات وأمراض كثيرة بأعراض ظاهرية تشابه في بعض جوانبها التوحد ، لذلك نقول أن تشخيص هذه الحالات تحتاج إلى متخصصين يقومون بدراسة الحالة دراسة متأنية للخروج بالتشخيص المناسب ، وهنا سنحاول الإيجاز عن بعض الحالات التي نجد فيها بعض التشابه والاختلاف.
اضطراب قلة التركيز Attention deficit disorders
هي حالة نفسية عصبية تتميز بوجود مدى تركيز ضعيف عند الطفل المصاب أقل مما هو متوقع لمن هم في عمره ، كما يصاحبه نشاط حركي زائد وسلوكيات متهورة ، هذه الأعراض تظهر دون سن السابعة في كثير من الأطفال المصابين ، وإن كان اكتشافها يزداد بعد دخول الطفل المدرسة ، وفي السنوات الأخيرة أزداد عدد الحالات المكتشفة في العالم ، وقد لوحظ أنه يصيب الذكور عشر أضعاف إصابة الإناث تقريباً ، وأسبابه غير معروفة ولكن تتركز على إصابات الجهاز العصبي.
الأعراض تختلف من طفل لآخر ، وقد قامت الجمعية الأمريكية للطب النفسي (DSM- IV) بوضع قواعد للتشخيص حيث قسمت إلى ثلاث أنواع ( لسيطرة مجموعة من الأعراض ) وهي :
o عدم القدرة على التركيز : لا يستطيع التركيز في عمل ما لمدة طويلة ، كما يمكن بسهولة قطع تركيزه ولفت انتباهه مما يجعله لا يتم ما يقوم به من أعمال، كما لا يستمع لك عندما تحدثه، وعندما يسمعك فإنه يقوم بجزء من العمل المطلوب منه.
o النشاط الزائد : الطفل لا يعرف الجلوس مستقراً في المنزل أو السيارة، كثير الحركة بدون هدف، يجري ويتسلق الجدران ويتكلم كثيراً.
o سلوكيات متهورة : الطفل لا يطيق الانتظار لأخذ دوره مثلاً، يقوم بإزعاج الآخرين ومضايقتهم ومقاطعتهم ويجيب عن السؤال قبل إكماله.
o صعوبات اللغة والتعلم ، وغيرها.
الكئابــةDepression :
الكآبة والحزن تصيب جميع الأعمار نتيجة عوامل مختلفة ، كما أن التعبير عنها يكون بصور مختلفة تجعل من الصعوبة أحياناً تشخيصها ، فالرضيع قد يعبر بالبكاء والغضب واضطراب النوم ، والأكبر سناً بالانزواء، وقد يكون هناك تأخر في اكتساب المهارات الحركية والفكرية، وعند سن المدرسة تظهر عليهم علامات الحزن والإنطوائية وعدم القدرة على التركيز والفشل الدراسي ، كما أن البعض قد تظهر عليهم حركات غير طبيعية.
انفصام الشخصية Schizophrenia
قد يحدث إنفصام الشخصية في عمر مبكر ولكن لا يمكن الكشف عن الحالة بسهولة، وعادة ما يكون الطفل ذو معدل الذكاء دون المتوسط ( أقل من 80 نقطه )، وغالبا من فئة الذهان، وتكون اللغة عادية بدون مشاكل ، كما أن لديه استجابة حادة للأحاسيس ( حرارة ، برودة )، وتظهر عليه علامات هلوسة وهذيان.
الاستحواذ الوسواسي Obsessive compulsive disorders :
هو اعتلال قلقي حيث تعاود المريض باستمرار أفكار أو نزوات غير مرغوب فيها ( تسمى الاستحواذ )، مع سيطرة الأحاسيس لعمل شيء ما لكي تقلل من درجة الاستحواذ، هذه الأفكار الاستحواذية تظهر على أشكال ودرجات متنوعة ، من فكرة فقدان التحكم على النفس ، إلى الحرص على نظافة الجسم أو جزء منه بشكل مستمر ومبالغ فيه ، هذه الزيادة بالعناية والاهتمام في التصرفات والسلوك لدى المريض بالاستحواذ الوسواسي لا معنى لها ، تحدث بشكل مكرر ومقلق ، وفي بعض الأحيان تكون ضارة ، ومع ذلك يجدون صعوبة في السيطرة والتغلب عليها.
صعوبات الارتباط العاطفي Attachment disorders :
عدم قدرة الطفل على إقامة روابط عاطفية مع الوالدين ، وغالباً ما يحدث ذلك نتيجة الحرمان العاطفي أو القسوة.
صعوبات تطور اللغة Developmental Language Disorder :
حيث يكون هناك تأخر في نمو اللغة لدى الطفل ، ويكون نموه الاجتماعي طبيعي نسبياً.
الفرط الحركي Hyperkinetic disorder :
هنا فرط وزيادة الحركة تؤدي إلى قلة التركيز في النشاط.
الخرس أو الصمم الاختياري Elective mutism:
بعض الأطفال يتكلمون في مكان ما ( المنزل مثلاً ) ويمتنعون عن ذلك في مكان آخر (المدرسة )، وعادة ما يكون ذلك طبيعياً في الأطفال حتى سن الخامسة من العمر، إلاّ أن بعض الأطفال قد يكون لديهم مشاكل سمعية أو بصرية .
الصمم الخلقي :
الأطفال المولودون بالصمم يواجهون الكثير من المشاكل خلال نموهم وتطورهم ، وقد يكون لديهم مشاكل سلوكية متعددة ، ومنها الانعزال الاجتماعي ونقص التواصل اللفظي ، وإذا كانت درجة نقص السمع متوسطة فقد يصنفون في فئة المتخلفين فكرياً أو التوحديون ، وهؤلاء لديهم القدرة على التواصل غير اللفظي عن طريق لغة الإشارة وقراءة الشفاه والتقليد والمحاكاة .
أمّا التوحديون فليس لديهم نقص في السمع ولكنهم غير قادرين على التواصل اللفظي وغير اللفظي ، وملاحظات الوالدين تعطي للمتخصصين التفصيلات اللازمة عن الحالة.
ما الفرق بين التوحد والحبسة APHASIA ؟
الحبسة هي فقد المقدرة على الكلام نتيجة أسباب متعددة ، أهمها إصابة الدماغ بالأذى لأسباب متعددة ، حيث يكون هناك عدم المقدرة على إرسال أو استقبال كلمات أو جمل ذات معنى ، مما يؤدي إلى مشاكل اجتماعية، ولكن هؤلاء الأطفال يكون لديهم الرغبة في التواصل مع الآخرين ، حيث يكون هناك تواصل غير لغوي ( بالإشارة مثلاً ) ، كما أنهم يحبون اللعب مع أقرانهم ، وعند قيامهم باللعب فأنهم يستخدمون مخيلتهم ، كما يقومون باللعب بأصوله وقوانينه.
أما الطفل المتوحد ، فلديه عدم المقدرة اللغوية ، مصحوبة بعدم الرغبة في التواصل أو اللعب مع أقرانه.
اضطرابات الكلام :
بعض الأطفال يكون لديهم صعوبة في فهم الكلام ( النمط الأستقبالي ) وبالتالي عدم القدرة على تعلم الكلام ، وآخرون تكون لديهم صعوبات في التعبير حيث يمكنهم الفهم ولكن لا يقدرون على التعبير( النمط التعبيري ) ، وقد يتجاهل هؤلاء الأطفال جميع الأصوات الصادرة كالصّم ، وقد يكونون انعزاليين اجتماعيا ، ومع ذلك فهم قادرين على التواصل مع الآخرين بأعينهم ( التواصل النظري ) كما يمارسون اللعب التظاهري.
ما الفرق بين المتخلف فكرياً والمتوحد ؟
التوحــديون يعانون من بعض التخلف الفكري بدرجات متفاوتة ، لكن المتخلف فكرياً عادة ما يكون لديه نقص عام في كل القدرات ، وقد يكون هناك بعض العلامات الجسمية الدالة على التخلف ، أمّا في التوحد عادة ما يكون لديهم نقص متفاوت في القدرات وليس هناك أي علامات جسمية.
المتخلفون فكرياً بخلاف التوحديون قد يكون لديهم صعوبات لغوية ومع ذلك نراهم يسعون وراء التفاعل الاجتماعي ويستمتعون به، كما أنهم يستخدمون الإشارات الجسدية للتعبير عن أنفسهم ، كما أن البعض يمارس بعض اللعب التظاهري.

11/09/2020

ازاي تقرأ قياس النظر...!!
علشان لما حد يوقفك ويسألك تعرف تجاوب كويس 👌

كارت قياس النظر عباره عن جدول مقسوم نصفين
العين اليمين ويرمزلها ب R او OD
العين الشمال ويرمزلها ب L
وتحت كل عين ثلاث قياسات 👇

🔹كلمة sph:
اختصار ل sphare
ودي بتقيس قوة النظر بالارقام لحد ٢٠
وقبلها علامة (-) اي قصر نظر او ( +) اي طول نظر

🔹كلمة cyl:
اختصار cylinder
ودي بتقيس الاستجماتيزم ومعناه ان الضوء ال واقع ع العين مش بيتجمع ف نقطه واحده ودا بيسبب صعوبة ف التركيز
وبتتقاس بردو بموجب وسالب من 0.25 الي 4

🔹كلمة Axis:
الرقم هنا هيكون من 0 ل 180
ودا بيحدد مكان الاستجمايتزم ف العين
ومرتبط بالمربع ال قبله
يعني لو خانة cyl فاضيه ومفيش استجماتيزم
بردو هيبقي خانه ال axis فاضيه

🔹كلمة DV:
اختصار distance vision
ودي قياسات نضارة المشي

🔹كلمة ND:
اختصار near destance
ودي قياسات نضارة القرآءه
ودي بتبقي موجب من 0.5 ل4 كحاجه اضافيه
و اختصارها Add يعني addition

دلوقتي انت تقدر تقرا مقاس النظر بتاعك وتعرف انت عندك ايه بالظبط 👌
دى معلومات بسيطه بس هتفيدك كبدايه.. 👌

05/06/2019

قررت ابقى ايجابى واتكلم بطريقة مختلفة ازاى امنع مريض سكر عندى من افة القدم السكرى..انا فى بلد السليم فيها عايش بالعافية اومال اللى عنده اعاقة وعائل اسرة هيعمل ايه مش هستنى اشوف شاب 19 سنة فقد قدمه وبقى معاق وبعدين اتحسر عليه وامصمص شفايفى او شوف بنت عروسة قمر بقت مقعدة على كرسى متحرك بسبب اهمال من نفسها او ان ماحدش قالها الصح ايه.
لو واحد بس استفاد من كلامك صدقنى دا مكسب كبير ليك عند ربنا ماتحرمش نفسك من ثوابه...
1.لازم تفهم مريضك اهمية متابعة السكر سواء بعمل جداول تحاليل بااستخدام جهاز قياس السكر العادى اللى لازم يبقى متوفر مع اى مريض سكر وخصوصا لو على انسولين والمريض اللى ماشى على انسولين لازم جدول تحاليل بيحتوى على 7 تحاليل قبل الوجبات وبعدها بساعتين وقياس قبل النوم كل 3 اسابيع على اقصى تقدير لمدة 3 ايام متتالية وفى اللى ماشيين على اقراص بنعمل كل اسبوعين صايم وبعد الوجبة الرئيسية اللى هى الغدا بساعتين.
2.لازم المريض يعمل سكر تراكمى كل 3 شهور ويكون فى المظبوط اللى هو بين 6.5 الى 7 فى المية وممكن نوصل ل 7.5 بالمية في الناس المعرضين لهبوط السكري وكبار السن ومرضي القلب.
3.لازم يعمل ملف دهون خصوصا تحليل الكوليسترول والاهم منه الدهون منخفضة الكثافة LDL والدهون الثلاثية TGكل سنة علي الاقل.
4.كل التوصيات العالمية اجمعت ان اى مريض سكر فوق ال 40 سنة لازم يمشى على دواء مخفض للدهون وخصوصا النوع التانى بجرعة 20 مجم فى ال atorvastatin دا زي ال ator او10 مجم فى ال rosuvastatin زي ال crestor.
5.لازم تعلم مريضك يفحص بطن رجله قبل النوم بمراية ويشوف اى جرح او خدش لانه دا ممكن يبقى بداية افة القدم السكرى.
6.لازم يخصص فوطة نضيفة لتنشيف بين اصابع القدم بعد الوضوء او غسل القدم ولو فيه فطريات بينهم لازم يعالجها لانها بتهرى الجلد وبتبفى مدخل للجراثيم وياريت مانستهونش بموضوع الفطر اللي بين اصابع القدم دل لانه في معظم الاحيان للاسف بيبقي بداية القدم السكري.
7.لازم المريض يرطب رجله بفازلين او كريم مرطب عشان القدم الناشفة المشققة مدخل للجراثيم.
8.لما يقص ضوافره لازم مقص اطفال ويقص بالطول بلاش يعمل انحناءات curve منعا لاى خدش بسيط ممكن يبقى مدخل للبكتيريا.
9.فقدان الاحساس من اسوء الحاجات لمريض السكر فعشان كدا لو المريض مش حاسس برجله او الشبشب بيتخلع منه بدون احساس منه او حاسس انه ماشى على قطن لازم يشوف دكتور ماينفعش يستنى حدوث الكارثة.
10.ممنوعا منعا باتا ان المريض يمشى حافى حتى لو جو البيت لان دا ممكن يعرضه لاى شوكة او عضمة او اى حاجة هايفة تدخل رجله وتكون بداية لافة القدم السكرى وزمايلنا جراحين الاوعية ياما شافوا حاجات غريبة داخل اقدام المرضى فى الاشاعات بتاعتهم .
11.ممنوع ان المريض يلبس حاجة مكشوفة فى رجله وهو خارج الشارع يعنى بلاش الصنادل او الشباشب المفتوحة لان البلد طبعا نضيقة ولا فيها قزاز مكسور ولا طوب ولا حديد ممكن يتكعبل فيه وطبعا اللي مش منطقي او عقلاني ان مريض سكر يتحرك بدون حذاء او اي حاجة لابسها في رجله حتي لو جوا بيته.
12.ممنوع لبس الشرابات اللى من الياف صناعية لانها بتكتم الرجل وبتعمل عرق واحتكاكات ممكن تبقى مدخل البكتيريا.
13.لما تجى تشترى shoes جزمة لا مؤاخزة لازم تشتريها بالليل وتكون اوسع من رجلك نمرة لان بالليل بيحصل شوية ورم خفيف فى الرجل والمقاس بيزيد فلازم ناخد بالنا عشان لو الجزمة ضيقة او كاتمة هتعمل عرق واحتكاكات مدخل البكتيريا.
14.لازم المريض يقارن رجله ببعض لو لقى شعر رجل فيهم بيقع او الجلد ناشف او درجة حرارتها اقل من التانية لازم يشوف دكتور اوعية دموية بسرعة مايتاخرش.
15.طبيب الاوعية بيفحص النبض فى الشرايين وبيطلب اشعة ملونة على الاوعية duplex بيشوف فيها مقياس مهم اسمه A/B index او ankle to brachial pressure difference ولو اقل من 0.9 يبقى فيه مشكلة .
16.لازم قبل المريض ماياخد شاور وخصوصا لو بمياه سخنة حد يجسله حرارة المياه او هو يحسها بكوعه اللى مابيفقدش الاحساس ابدا لتجنب الحروق اللى بتحصل لكبار السن لفقد الاحساس بحرارة المياه.
17.المريض بتاعك فى حالة وجود التهابات اعصاب طرفية سواء شكشكة او تنميل او كهربا فى الرجل محتاج اهم من فيتامين ب المركب دواء alpha lipoic acid اهم لانه بيعيد تكوين غشاء العصب.
18.لو فى الم او وجع للرجل الاساس فى العلاج تظبيط سكره اولا وثانيا وثالثا وبعد كدا عنده اختيارات قوية بترتيب التوصيات العالمية duloxetine الاقوى والافضل والاغلى زي ال cymbalta وبدايله المصري وراه pregablin زي ال lyrica ولها بدايل كتيير وبعده gabapentin لمدة شهر او شهر ونص وبنزود الجرعة تدريجيا.
19.البنات الانسات فى سن الشباب بلاش الكعب العالى فى مريضات السكر لانه بيركز ضغط الساق على كعب القدم وبيحمل عليها ودى الدم الواصل لها قليل اصلا فبيعمل قرح بتبقى مدخل للقدم السكرى neuropathic ulcer..
20.كل مرة تشوف مريض سكر افحص قدمه واستحمل ياعم ريحة الشراب واعمله فحص اعصاب 10gm monofilament test ممكن تبقى سبب فى المحافظة على قدمه من البتر بفضل الله .
دى معلومات بسيطة انشرها وساعد فى نشر الخير وانقاذ قدم مريض سكري ان شاء الله.

19/07/2018

03/06/2018

دكتور /أحمد زين الدين
إستشارى طب الأطفال وحديثى الولادة وأمراض الدم