https://www.facebook.com/106852591033477/

اخصائي نفسي Shimaa psychologist, Mit Ghamr (2025)

22/11/2025

أنا كمان والله الشغلانه بتاعتنا دى بنصرف عليها من جيوبنا
وأملاكنا يدوب مكمله حق الكورسات

14/11/2025

المعالج يستطيع أن يرى وجهان من كل شئ
الضحيه والجانى ، ممكن يجو العيادة لاختلاف الأسباب
مش شرط اعترافهم باخطاءهم أو أنهم عايزين يتغيروا

فى الجلسات ، ماذا عن مشاعر الطرف الآخر فى قصه ما ، ان كان هو اللى سايب ، رافض ، تارك أمر ما ، خسر شخص يحبه بمزاجه

واننا ديما بنقف فى صف الضحيه ( المتساب) المتروك ، اللى بيعانى من أزمه الحب وتقديم الحب ومطالش حاجة ودا الضعيف

ويبان ان الطرف الأقوى هو ( البايع)

ولكن فى كل قصه الشخص فيه كان بيأذي فيها نفسه مشاعره بتبقي أقوى من الضحيه ، حجات ممكن مش بنشوفها

ضميره صاحي باستمرار على شعوره بالذنب تجاه الطرف الآخر
مراجعته لنفسه هل قراره دا صح ولا غلط ويبقي مش عارف
شعوره انه ممكن يترد دا ليه من حد تانى كمان
طول الوقت أنا هتعاقب ، أنا خسرت شخص كان بيحبنى
بيعيش مشاعر الضعف ( أنا خسرت )
بس أنا السبب فى الخساره دى
مواجهه الناس ، ان قد ايه انك بتتكبر ، وان مش هيجيلك حد زيه تانى
مراقبته للآخر ، تأثير رفضه عليه ؟!
يعنى بيموڤ اون مرتين
مره من الشخص ومره من حربه تجاه نفسه اللى مش عارف يخلص منها
هل أنا انانى
هل أنا أصلا استاهل حد يحبنى
منا مش عارف أحب حد

ولما نيجي نشوف الطرف الضحيه كان فى عيوب عادى
بس مش ظاهره بس عطاءه وحبه الكبير وممكن لو شخص ناضج يشوفه مش مناسب عادى

لو حكمنا على أى طرف بيرفض الحب ، أو بيسيب علاقه كويسه ، انه بوردلاين (وأكرهك لا تتركنى)
بعيد ان دا غلط ومش مهنى

بس حتى البوردلاين لما بيطفش من علاقه ، أو بيهرب من الحب ، الآخر مش ملاك

يعنى أى انسان فى الدنيا مهما كانت مخاوفه ، من حقه يفهم
ويفرق العلاقه دى كانت مناسبه ولا لا
كان ايه العيوب بالظبط

لأن لما نبقي غارقينن مش عارفين نشوف الصوره كامله

واى انسان حتى مهما كان رافض الحب ، والآخر بيخدق عليه الحب من حقه برضو يطلع على عيوبه ، يختار ، ليه القرار

مش عشان الشخص دا عنده اضطراب معين ، مشكله ، قافل قلبه للحب ، يحس طول الوقت أن الآخر بيمن عليه

الخلاصه مش عشان الضحيه حبت بجد ، وقدمت حب كبير واترفضت ، ان العلاقه كانت مناسبه

ومش عشان شخص رفض شخص ما وسابه يبقي هو السئ
وانه هو الشرير يعنى

تقديم الحب بشكل مبالغ فيه ( طفوله)
هروب من الحب أصلا ومش عارفين نفتح أصلا قلبنا
(تروما)

فى الحالتين ، نتعالج ونوعي بضعفنا ولا نلوم طرف على حبه أو عدم حبه ونحب احنا نفسنا

04/11/2025

الناس اللى بتسيب حقها ومش بتعرف تقول لا

بعد ما تتعالج عندى 😎

24/10/2025

من مؤتمر الطب النفسي القوات المسلحه 2025

22/10/2025

التعافي من الأهل المسييئن

هو أول حاجه الدنيا مش ظلماك فى اللى جاى من حياتك

يمكن فى الماضي ودا مؤلم

بطلت تبص لأهلك بعين الطفل المحتاج ليهم

ولكن بعين الناضج اللى واعي باحتياجه ولكن قادر يشبع احتياجاته بنفسه بدون ما يلومهم

يتولى زمام نفسه ومسئوليته تجاها

بقي عايز يغير تصرفاته هو كمان بدون ما يقول هما السبب فى عصبيتى

التصالح مع هذا الألم ، مع ان الحياه مش هتدينا كل حاجة

التصالح مع اختلافهم ومع عدم نضجهم وانانيتهم مبقتش بتحاول تغير الحقائق دى جواك بتعترف فيها لو مؤلمه

حته صايعه بقي ، انك تسامح أهلك دا حاله استثنائية تعتمد على قدره كل واحد

لكن مهم بقي تكون عارف ان هذا النمط معاهم ، نمط التسامح

ميتعملش برا مع الآخرين، تعرف حدودك كويس ومتسمحش لأى حد مهما كان يرميلك بواقي حب او ياذيك وتبرر وتسامح

مش معنى انى عشت فتره جعان مش باكل انى هفضل كدا

ولا معنى أن اتقدملى علطول فول يبقي هو دا الطعام الحلو المفروض ارضي بيه لا لازم اتغير وادور على اللى استحقه

الهدف من التعافي هو أن علاقتك بنفسك انت تكون أحسن

وان علاقاتك القادمه تكون مليئه بالحب والشفاء

09/10/2025

وأن سعيه سوف يري
الحمدلله ♥️

27/09/2025

أحكامك على الآخرين ، هي نفسها أحكامك على نفسك
وه ( الحريه لما تطلق سراح نفسك من أى حكم سلبي )
وتعمل اللى يريحيك ، اللى بتحبه ، اللى انت عايزه ، اللى انت محتاجه ، لما تتصرف بفعاليه ، حجات تجبلك سعاده واحترام لنفسك ، لما تتصرف من القيم ،من عن ماذا تريده ،مش عن الآخرين هيرضو عنك ولا لا ، لما تتصرف من منطلق حب لنفسك مش من خوف ، يعنى تعتبر نفسك صديق ليها ، وتسمح ليها متكنش مقيده بحكم معين ، وتتحرك نحو أهدافك ، لما بعلم العملاء اليقظه ، نلاحظ أفكارنا ، نلاحظ مشاعرنا ، نلاحظ أحكامنا ، نلاحظ برضو احنا عايزين ايه وازاى نوصل ليه بفعالية ، يعنى ايه بفعاليه ، يعنى يعود عليك أفعالك بالخير وانك متأنبش نفسك بعدها ، لأن مقتنع فيها
وهذا هو العقل الحكيم

13/09/2025

الأصوات الداخليه
احنا أصوات كتير
صوت العار ، صوت الخزى ، صوت الناقد ، صوت أطفال صغيرين ،صوت شمتان ، صوت الرفض ، صوت حد بيشاور ويحكم ،
كتير بنتجاهل اصواتنا السلبيه ومنبقاش عارفين اتكونت امتى وفين وبنتجاهل ونمسك فى طوق نجاه اى صوت تانى إيجابي وبيدينا أمل أو يلغوش على أصوات تانيه موجوده كلها اجزاء منى اتكونت واتشكلت
ودورنا نفككها ونفهمها ومنخفش نسمع ليها
ولكن متبقاش هي المتحكمه فى كل حياتنا

07/09/2025

الهدف الأسمى فى العلاج ان حياته برا اوضه المعالج تتحسن بشكل أعمق ، حياته الواقعيه برا أفكاره مع أهله وصحابه وشغله
لذلك بحب جدا الاختبارات اللى بيقع فيها المرضي بعد العلاج وينجحو فيها بامتياز ، ، كل حكمه بنكتسبها يكون لازم ليها تجربه وحياه تتطبق فيها
ولو حتى وقعو عادى ، المهم الوعي بالمهاره والتطبيق هيجي تانى وتالت ورابع بالممارسة

مش هدفي كمعالج اخد رضا على سلوك المريض
هدفي علاقاته تتحسن
ميكنش عايش جو دماغه
يهتم ان التجربة الواقعيه هي اللى بتأكد لينا استفدنا ايه وفهمنا ايهش

لذلك بحب أقفش فى اللحظات اللى ممكن يسموها انتكاسه ولكن هي مش انتكاسه هي تذكيرك ،

بانك تتعلم أكتر ، تطبق باستمرار ، تتراحم مع نفسك

كل دا جزء من الرحله ولا يلغي المحاولات السابقه حتى لو كانت وعي اكتسبته ، وفهمت أن فى افكار غلط

أى حد تلاقيه ربنا فتحها عليه من شغل وعلاقات وفرص كتير مكنتش موجوده ، وحجات بدأ ياخد بالها ويلاحظها ويمتن ليها بعرف العلاج نجح نوعا ما ، لأنه بقي يتحرك أكتر فى حياته ، خلاصه راضي وسعيد وبيعرف يحل مشاكله

وعلاقته بنفسه تتحسن ، طاقته اتغيرت تماماً ، يبقي بدأنا ننجح

♥️♥️🥰

اخصائي نفسي Shimaa psychologist

22/11/2025

14/11/2025

04/11/2025

24/10/2025

22/10/2025

09/10/2025

27/09/2025

13/09/2025

07/09/2025

Address

Website

Alerts

Shortcuts

Share

Category