منتجات شركة DXN العالمية

10/05/2020

لو حامل ولاقيتي طفل خدوده بالمنظر ده ارجوكي بلاش تتخالطي معاه عشان ده ممكن ينقل فيرس يقتل الجنين اللي في بطنك . ⁧‫ ‬⁩

24/10/2019

******************
بمناسبة موسم الشتاء
******************

06/05/2019

⁩

س سؤال يا سِت ماما :-

مغرقاني بودرة تلك و برفانات ليه ...؟؟!!

أنا أصلاً من غير حاجة ريحتي حلوة لإن معنديش غُدد عرقية زيكم إنتم الكُبار .. غير إن بودرة التلك بأي نوع ممكن على المدى الطويل تسببلي حساسية على صدري و البرفانات الكتير بتخلليني مش عارف أشم ريحتك و دا بيقلب مزاجي و بيضايقني كمان ممكن تسببلي حساسية جيوب أنفيه .. من فضلك تكتفي بالشاور و هدومي تكون نظيفة غير كده أنا مش محتاج حاجه 😎

س سؤال تاني يا أمي :-

بتشيلي إيدي من بُقي ليه .... بتضايقيني ليه .... أنا ضايقتك في حاجه يا ستي ؟؟!!
أقوى خلايا حسية عندي و أنا صغير بتكون في الفم و بتكون أقوى كمان من الخلايا اللي في أطرافي ... علشان كده باستخدم فمي في الإستكشاف و كل حاجه هحطها في بقي لِعب ... إيدي ... رجلي ...أنا حر يا ناس
كُل اللي عليكي تبعدي عني الحاجات الصغيرة علشان ما تسببليش إختناق لا قدر الله .... و لو ...لو ... لو.... إستمريت في مص صوابعي لِعُمر ٣ سنوات إبقى إبدأي دوري على حل ... أظن مفيش أسهل من كده 😎

س سؤال تاني يا ماما يا مجنناني :-

مِش بتقصي أظافري بإنتظام ليه .... هاه .... ليه ؟؟؟
يا مامتي يا حبيبتي أنا ضوافري بتطول أسرع منكم إنتم الكُبار بمعدل الضعف يعني ضافرك لو بيحتاج يطول في إسبوع بيطول عندي في ٣ أيام بس لإن التمثيل الغذائي عندي أسرع ف ياريت تخللي بالك من النقطة دي لإني خرشمت وشي و بقى شكلي شوارِع ..😎

س سؤال لمامتي :-

هو ليه بتضايقي لما بأقرصك و الا بألسوعك و الا بأمسك صوابعك و إنت بترضعيني .... أنا بالطريقة دي بقولك بحبك ... مش بأعرف أتكلم يا ناس و دي طريقتي في التعبير ...إفهموها بأه 😄

س سؤال لوالدتي الحبيبة :-

ليه كُل الجيران يعرفوا إني مسهرك طول الليل .. ليه الفضايح دي ؟؟!!
أولاً أنا بأنزل من بطنك مش عارف ليل من نهار و دا لإن ساعتي البيولوجية لسه مش شغاله .. كمان المواد اللي جسمي بيفرزها علشان أنام بيبقى إفرازها غير منتظم ... و كل دا بيبدأ يتظبط عند الشهر السادس و بشوية تنظيم منك بإنك تهدي الجو بالليل و تضلمي الدنيا و تساعديني أنام ... هاعرف الليل من النهار و أنام زي الناس .... بس لو ماعملتش كده إستحمليني إبنك بردُه و واجب عليكي 😄😄😄

دا مش سؤال دا طلب من الغالية 😄:-

من فضلك لو فتحتيلي قصة مصورة علشان تقرئيهالي ما تتضايقيش إن إتحمست و بخبط على الصفحات و تزهقي و تقفلي القصة .... أنا في السن الصغير بشوف الصور ثلاثية الأبعاد و ببقى فاكر إني هاقدر أمسكها زي اللعب .... أصبري عليا و كملي قراءة و فرجيني على الصور لإن دا هايساعدني أوسع مداركي و أبقى أذكى و أتطور بسرعة و أنا أوعدك بعد السنة هشوف الصور ثنائية الأبعاد و مع الوقت هاسمع القصة و أنا عاقل 😌😄

نِرجع للأسئلة 🤨....س سؤال للست ماما العزيزة :-

هو لازم خالتو دينا و طنط زينب و أنكل فرحات و أنّا بهيجة يعرفوا إني بريّل و مفاصلي بتطقطق.... لازم ؟؟!! و الله ما لازِم و لا حاجه 😄
أنا بريّل علشان جهازي العصبي لسه ما إكتملش و قدرتي على البلع لسه ضعيفة و بالتالي مش بقدر أبلع كُل اللعاب و دا مش شرط يكون تسنين و لا فطريات ... أنا كِده خلقتي كِده و مع الوقت و بعد عُمر سنة الأمور بتتحسن .... ماشي 😉

نيجي بأه للطقطقة و اللي بتبقى بسبب إن أوتاري بتتزحلق على بعضها يعني حاجه طبيعية في سنّي و لا هي خشونة و لا تٱكل في المفاصل دي حاجات تجيلكم إنتم الكُبار 😜😜
تقلقي بس لو لقيتي مِفصل الفخذ هو اللي بيطقطق و في الحالة دي خالتو دينا و طنط زينب و أنكل فرحات و أنّا بهيجة مش هاينفعوكي 😄😄.... هتختصري و تروحي بيا على دكتور عظام أطفال يطمنك إني معنديش خلع في مِفصل الفخذ ... ألف بعد الشر عليا طبعاً 😌

تعالي هنا ....جوابتي على أي سؤال من اللي فاتوا و الا شاطرة بس تشتكي مني في كُل المحافِل العائلية .... مش كِده يا حاجه برستيجي إتبعتر خاااالص 🤨🤔
أمهات غريبة و الله 😄😄
منقوله

31/03/2019

الالتهاب الكبدى الوبائى فيروس سي لا ينتقل فى أغلب الأحيان من الأم الحامل الى الجنين لأن الفيروس لا ينتقل من خلال الحبل السرى او المشيمة الى الجنين
ولكن ينبغى على الأم أن تتابع حملها لدى طبيب النساء والتوليد وطبيب أمراض الكبد أيضا
كما ينبغى أن تتم عملية الولادة داخل مستشفى لأن هناك احتمالا أن يختلط دم الأم بأى خدش لجلد الجنين أثناء عملية الولادة فتنتقل العدوى لذلك ينبغى تلافى هذا الخطر.

كما أن الأم يمكنها أن ترضع طفلها بأمان لفترة عامين لأن الفيروس لا ينتقل من خلال لبن الأم
لكنها لن تستطيع أن تاخذ علاج «الفيروس» خلال فترة الرضاعة لأن الدواء سيؤثر على الطفل الرضيع.

أما فى حالة وجود تشققات فى ح**ة الثدى فعليها أن تتوقف فورا عن الرضاعة حتى التئام الجرح .
*
**منقول للافادة**

03/01/2019

البوست دا للناس اللي بتستهبل وبيعملوا دكاتره ع عيالهم عشان ميروحوش للدكتور😠😡😡😡

منقول د . عمر عزت .
كنت بشتغل في مستشفى خاص فى مصر الجديدة وجالى طفل ست سنوات عنده إلتهاب رئوى وإرتفاع مستمر في درجة الحرارة

مر على ٣ أطباء كل طبيب بمضاد حيوي مختلف ،،
مع تنويع ما بين حقن وشراب، والحرارة لازالت مستمرة ،
كشفت على الطفل طلبت من الأب عمل تحليل دم ومزرعة بول ، وظهرت النتيجة ، وكانت مرعبة
حالة klebsiella مقاومة لجميع المضادات الحيوية بلا استثناء إلا مضاد حيوي واحد وناقص في مصر كلها ومفيش وقت حد يبعته من برة ومفيش أى أمل بعد ربنا سبحانه وتعالى غير أن مناعة الطفل تقاوم البكتريا وموت الطفل مؤكد بنسبة كبيرة

والد الطفل مكانش مُستوعب إللى بيحصل, و كان عنده إصرار غريب إن إبنه حيعدى كل ده
كل ما يشوف حد مننا يسأله و يستفسر منه
مكنش عاوز يسمع مننا التفاصيل
كان كل إللى عايز يسمعه هو إن إبنه كويس ، مستنى أى كلمة تديله أمل ، الأب كان حرفيا عايش فى حلم منفصل عن الواقع

علاج الحالة يتوقف على مقاومة جهاز المناعة فقط
لقيت الراجل بينهار قدامى, شوفته لاول مرة من يوم حجز الطفل بيبكى ، كأنه جبل ووقع مرة واحدة
فضلنا كده كام يوم, لغاية ما الطفل بدأ يحتضر,

بعدها,
الراجل قالي جملة واحدة بس و هو بياخد منى تقرير الوفاة
قال: أنا إبنى مماتش النهاردة يا دكتور, إبنى مات فى كل مرة كنت بستستهل وأديله مضاد حيوي
و مشي وسابنى
وده نتيجة الاستخدام الخاطئ للمضادات الحيوية
البكتيريا عرفت هو شغال ازاي و طورت نفسها وأصبحت لا تتأثر به يعنى ميقدرش عليها و يأما المناعة تقدر هي و تقاوم يأما الشخص ده و كل ال زيه هيموتوا

والسبب إعطاء المضادات الحيوية بغير داعي ، الإفراط في استخدام المضادات الحيوية ينبئ بكارثة عالمية وطبية لا يعلم مداها إلا الله،،

احفظوا النصائح دى واحتفظوا بيها الله يكرمكم

١. أي مضاد حيوي يأخذه الطفل ولم يظهر تأثيره بعد ٤٨ ساعة -- يلزم عمل تحاليل سواء (مسحة، مزرعة ، دم) للتشخيص الصحيح للحالة وتغيير المضاد الحيوي في ضوء التحاليل.

٢. ارتفاع درجة الحرارة -- ليس معناه مضاد حيوي

٣. حساسية الأنف -- ليس معناها مضاد حيوي

٤. النزلة المعوية -- ليس معناها مضاد حيوي

٥. مغص البطن -- ليس معناه مطهر معوي (مضاد حيوي)

٦. الكحة -- ليس معناها مضاد حيوي

٧. حساسية الصدر -- لا تمت للمضاد الحيوي بصلة

٨. ألم الساقين عند الأطفال -- ليس معناه حمى روماتيزمية وحقنة بنسيلين طويلة المفعول شهرياً

٩. ألم الأذن -- ليس معناه التهاب الأذن الوسطى ومضاد حيوي

١٠. احمرار العين -- ليس معناه قطرة مضاد حيوي

١١. ورم اليد نتيجة خبطة -- ليس معناه مرهم مضاد حيوي

١٢. لا يوجد مضاد حيوي يستخدم أقل من أسبوع إلا نوعاً واحداً فقط (Azithromicin)

١٣. تكرار الأعراض -- ليس معناه نفس التشخيص وبالتالي نفس العلاج ، وتكرار المضاد الحيوي اللي الطفل استراح عليه

١٤. لا يوجد شيء اسمه مضاد حيوي خفيف ومضاد حيوي قوي -- كله مضاد حيوي

١٥. لا يوجد شيء اسمه ملعقة صغيرة أو ملعقة شاي -- لابد من حساب الجرعة ب (مل) بناء على وزن الطفل.

١٦. لا يوجد شيء اسمه الحقن تجيب من الآخر -- المنصوص عليه في مراجع الأطفال أن الحقن استخدامها محدود جداً كما في المستشفيات أو تبعاً لنتيجة المزرعة،

أما طفل عنده لوز بكتيرية -- فنبدأ بالحقن فغلط

١٧. أي مضاد حيوي نبدأ فيه بحقن ثم نكمل على شراب -- لازم تكون نفس المادة الفعالة.

١٨. لا يوجد مضاد حيوي شراب لا يرج قبل الاستخدام

١٩. لا يوجد مضاد حيوي يستعمل بعد حله ب 15 يوم

٢٠. المضاد الحيوي يحفظ بباب الثلاجة

الكلام السابق يسري على المضاد الحيوي بجميع صوره الحقن والأقراص والشراب والمراهم وقطرات العين والأذن الخ.

المضاد الحيوي نعمة كبيرة من الله لعباده، وهو سلاح ذو حدين إن أحسنتم استخدامه أصابكم نفعه ،، وإن أسأتم استعماله انقلب عليكم ضرره ،،

28/12/2018

معامل بداية

25/08/2018

قرأت وأعجبني،

١٠ حاجات ممكن تعملهم لابنك اهم من انك تدخلة مدرسة دولية الي بعشروميت الف دولار :

١ - وديه ٣ مرات british council في الاسبوع ، هيبقي بيتكلم انجليزي كويس احسن من الي بتدرسله في المدرسة الدولية ،،

٢ - علمه قران ، هاتله واحد يحفظه او يعلمه ازاي يقرا الكتاب الي هيدخلك انت شخصيا قبله الجنه .

٣ - خليه يتعلم هواية ، بيانو ، جيتار ، رسم ، نحت ، بريك دانس ، كوره علشان لما يتضايق يطلع فيها الطاقه السلبيه

٤ - قوله " لأ " و صمم علي موقفك ، الموضوع ده مهم قوي ،
مش كل حاجة هو عايزها لازم تتجاب ، مش كل حاجة انت مش عايز تجيبها لازم تشرح السبب ، مش كل اما يعيط لازم يصعب عليك , " ممكن يبقي بيستهبل " ، سيبه هيعيط شوية و بعدها هيبقي راجل .

٥ - علمه انه ميعليش صوته ، من غير ما انت تعلي صوتك ، في المانيا تركب القطر ١٠ ساعات جنبك اطفال جميع الاعمار عمرهم في التاريخ ما عيطوا ، و لا قريفوا ، و لا كانوا عايزين يرضعوا ، و لا زمزقوا ، و لا اتكرعوا ، العيب فينا احنا مش في الطفل . هو بيسلك نفس سلوكنا احنا ،،

٦ - متقفش ابنك و هو بيعمل حاجة غلط عشان تذله و تكسر عينه ، و تقعد تقوله كل شوية :
" خارج مع محمد برضه - و لا خارج مع احمد صاحبك الكداب زي ما قفشتك و انت بتكدب عليا يا كداب ...

٧ - اوعي تقول لابنك انت فاشل . حتي لو هو فاشل .
اوعي تقوله انت زبالة . حتي لو هو زبالة .
اوعي تقوله انت مال يابني جسمك عامل كده ليه ،
حتة لو هو فعلا جسمه عامل كده ليه بالذات لو سن صغير .

٨ -متقولوش متعليش صوتك " بصوت عالي " ،
متقولوش متكدبش و انت كداب ،
وبلاش تقولوا ماتكذبش ، قولوا بحبك تكون صادق ،،
متقولوش صلي و انت مبتصليش ،
متقولوش ذاكر و انت بقالك ٢٠ سنة مفتحتش كتاب .

٩ - استغل اي مصيبة هو عملها ، عشان تقوله " متقلقش " انا فى ظهرك ، كسر كوباية ؟ " قوله يلا نشيلها بسرعة قبل ما ماما تشوفنا " او العكس ، حسسه ان مش كل الناس ضده .

١٠ -و دي الاهم - انك تصحي كل اليوم الفجر ، و تدعي في كل صلاة لولادك و ماتيأسش و تصر و تلح في الدعاء كل يوم
وربنا يبارك فيهم جميعا ويصلح لهم الاحوال

***منقول***
***********************

22/08/2018

01/08/2018

أسباب مرض السكر:_
1-السمنة المفرطة
2-ارتفاع نسبة الدهنيات في الدم
الأمر الذي يتسبب في حدوث تغيّرات وظيفية في خلايا الجسم وبالتالي حدوث خلل في الاستجابة للإنسولين.
3-عوامل وراثية
حيث إنّ وجود أقرباء مصابين بالمرض يزيد نسبة الإصابة به. قلة ممارسة التمارين الرياضية بشكل منتظم.
4- الإكثار من تناول الأطعمة الغنية بالدهون الضارة بالجسم، وخاصةً الوجبات السريعة التي تتسبب في ارتفاع نسبة الدهون، وزيادة مقاومة الإنسولين.