20/09/2025
السلام عليكم
اعزائي متابعين صفحة المركز الذهبي لجراحات النساء والتوليد
اولاً أنا الصراحه معتزل الصفحه بتاعة المركز بقالي فتره طويله ومش مركز في موضوع الإعلانات والدعايا علي السوشيال ميديا ولا بعلق علي المقارنات اللي بتحصل ع الجروبات والاكونتات الوهميه المدفوعة الاجر عشان ترشح اسم طبيب معين
وحتي كان فيه صفحة أكبر من دي للمركز واتسرقت وقلت مش مشكله
وقلت أهتم اكتر بالشغل في المركز وإرضاء المرضي بإعتبار ان
افضل دعايا للطبيب العمل باهتمام وضمير واخلاص واعتبار اي مريض فرد من عائلتي
رفضت أني أعلق علي اي هجوم علي جروبات ميت غمر وأكونتات وهميه بتدَّعي أني مش برد علي التليفونات او إني أتخلي عنهم في وقت ولاده والله عالم ان ده عمره ما حصل إلا لو كنت مسافر وغير متواجد أصلا وحالاتي كلها تشهد إني مكرَّس كل وقتي لمركز ميت غمر فقط
أنا حتي مبعرفش اقفل تليفوني زي بقية الدكاتره لو مسافر حتي مع أسرتي نتفسح زي اي حد
لكن البوست الأخير علي صفحة أحد المرضي الصراحه كان لازم أعلق عليه لأن الموضوع مؤذي وتجاوز كل الحدود وكذا حد اتواصل معايا يقولي علي الموضوع ده ويحذرني
لان فيه انتحال لشخصي من رقم موبايل وهمي وادعاء انه أنا وبيتكلم بطريقه مش تمام مع كلاينتس المركز
والحمدلله ان مدام شيماء اللي نشرت البوست متعامله قبل كده معايا في ولادتها الاخيره وعارفه تعاملي وأخلاقي
وردت غيبتي كأني موجود وانا حقيقي بشكرها جدا
🚨🚨🚨🚨🚨فرجاءا يا جماعه الانتباه ان أرقامي للتواصل فقط معايا شخصيا هيه 01147226863 /01276767755
اللي علي الروشته ورقم اتصالات اللي عليه الواتس بتاعي وأنا برد بڤويسات وأنتم أكيد عارفين صوتي
اي رقم تاني غير الرقمين دول اعرفوا انه حد نصاب
والنصاب اللي في الشات ده اللي رقمه منور تم اتخاذ الإجراءات القانونيه ضده وان شاء الله نعرف هو مين ؟وتبع مين؟ او عمل كده ليه؟
بالله عليكم يا جماعه مش عاوز حد يتأذي من الشخص ده ، أرقامي انتم عارفينها ، اي رقم تاني بيتكلم في اي حاجه او أدويه او غيره مش أنا ، وأنا بخلي مسئوليتي تماما من التعامل مع اي ارقام غريبه علي انها أنا
وآسف علي الاطاله بس حاولوا تشيروا البوست ده وتعرَّفوا الموضوع لأي حد حواليكم بيتعامل مع المركز وربنا يسترها معانا جميعا ويكفينا شر شياطين الإنس والجن
