28/10/2025
▪ابني ضعيف الشخصية..
▪ابني اعتماده عليا في كافة شيء..
▪ابني جبان و خواف..
▪ابني معندوش ثقة بنفسه..
👈لو إبنك نوع من المذكورين
فوق دول👆
يبقي تعالي شوفي إزاي تبني شخصية إبنك و تعززي ثقته في نفسه
في✨١٠✨خطوات:
🔹١🔹إعطي له قدر من الحرية:
حرية إختيار لبسه،،
حرية ترتيب المواد اللي هيذاكرها،،
حرية التصرف في مصروفه الشخصي،،
طالما في حدود المقبول و المتفق عليه.
🔹٢🔹إستشريه:
حاولي بشكل مستمر تاخدي رأيه في أمور تخصك شخصياً أو تخص الأسرة أو حتي في أمور عامة،،
قد أية هتفرق معاه و هيحس إنه صاحب إهتمام و إنتماء
و اللي هيشجعه هو كمان يفتحلك قلبه لو واجهته حاجة إستصعبها
و كل ده بيصب بالنهاية في ثقته بنفسه.
🔹٣🔹إسمحي له بالخطأ:
الخطأ سمت بشري،، و طبيعي و ضروري للتعلم و إكتساب الخبرات،،
فبلاش تخليه دايماً في رعب من إنه يجرب و يخطأ و يتعلم،،
متحوليهوش لشخص مهزوز خايف من التجارب و خوضها..
أو خايف من عقابك لو غلط.
🔹٤🔹إمنعي الإنتقاد:
أكتر حاجة بتهز ثقة الولاد في نفسهم و تدمرهم و تطلعهم مهزوزين هو الإنتقاد الدائم،، عمال ع بطال..
محتاجين نتغافل شويتين..
و لما نحب ننتقد،، ننتقد بطريقة الساندويتش زي:
- "جميل خطك في المسألة دي اللهم بارك،، بس لية مش مركز المرة دي و حليتها غلط"
🔹٥🔹و هي تكملة لرقم ٤ ألا و هي عدم المقارنة:
المقارانات قاتلة للكبار الناضجين فما بالكم بالصغار،،
قارني إبنك بنفسه زمان،، بنية التحسين مش الإنتقاد،، مش تقارنيه بزمايله و اقاربه و غيرهم و تخلقي عنده غيره.
🔹٦🔹سحر الحكايات:
إحكي له قصص تتكلم عن معني الثقة بالنفس،، و عن خوض التجارب الجديدة المختلفة و اثرها الجميل.
🔹٧🔹التشجيع:
- شجعي دايماً محاولاته البسيطة مهما كانت،، شجعيه إنه يستمر.
- شجعي سلوكه الجيد و إصطاديه.
- تجنبي تماماً الكلمات أو الوصف السلبي له زي:
انت جبان كدة لية... استرجل كدة مفيش حاجة تخوف.... مردتش ليه ع صاحبك، انت معندكش شخصية.....
🔹٨🔹أوكلي إليه بعض المهام:
من الأمور العملية إنه يعيش المهمة
فمن وقت للتاني ركزي علي مهمة جديدة عليه،، و خليه يجرب يقوم بيها و يتدرب عليها،،
و تدرجي في صعوبة المهام وفقاً لقدراته و أدائه.
🔹٩🔹الخطوات الصغيرة:
الولاد اللي عندهم رهبة قوية نتبع معاهم الخطوات الصغير لأي مهمة حبايبي شايفينها كبيرة عليهم،، و نديهم وقتهم في التدريب عليها كويس جداً.
🔹١٠🔹بلاش تزقيه:
كل ما تزقيه عشان يتقدم و يبقي واثق في نفسه هيكش و يتراجع أكتر لإنه بيحس إنه عنده مشكلة كبيرة فبيكش منها،، لكن اصبري عليه و خليه ياخد وقته و قدمي له حلول عملية بسيطه
