02/12/2025
ياتري ايه السبب العميق وراء الطلاقات المتكررة في زمننا الحالي
وايه السبب لما بيبقي اتنين بيحبوا بعض جداً وفجأة بنلاقيهم بينفصلوا
وليه بنلاقي اتنين متفاهمين ومرتاحين مع بعض وفجأة بنلاقيهم الوضع اتغير مابينهم ومابقيوش مرتاحين مع بعض
وده مش بيحصل بس في العلاقات العاطفية لكنه بيحصل كمان في باقي العلاقات زي علاقة الإخوات والأصدقاء والجيران وزملاء العمل وغيره
🌠والسبب العميق وراء كل ده هو التفاعل الداخلي مابين جروحهم العاطفية وصدماتهم النفسية الغير متشافية ومعتقداتهم السلبية المزروعة بداخلهم منذ الطفولة وبتتجلي بشكل واضح وصريح في علاقاتهم....
فتؤدي إلي عدم التوافق الداخلي مابينهم فينهار التوافق النفسي مابينهم وتنهار العلاقة تبعاً لكده.
💥ففي العلاقات إحنا بنكون وجهاً لوجه مع نسختنا المجروحة.
النسخة اللي اتكسرت بدري…النسخة اللي اتهانت…
النسخة اللي اتسابت…النسخة اللي اعتقدت إن ماحدش بيحبها ...النسخة اللي ماحدش فهمها ولا صدق وجعها…النسخة اللي اضطرت تبقى قوية غصب عنها…لحد ما بقت بتشكّ في أي حد ييجي جنبها.
🌟وده اللي ماحدش فاهمه:
إن العلاقات مش بتقع بسبب اللي حصل…
العلاقات بتقع بسبب اللي اتفتح.
فيه وجع قديم…بيجري ورانا في كل علاقة…
وبنبقي فاكرين إننا سيبناه ورانا.
بس الحقيقة؟
هو اللي بيسوق…وإحنا اللي ماشيين وراه
⭐إحنا بنكرر نفس الألم مع اختلاف العلاقات والأشخاص ..
الألم هو اللي بيختار…مش إحنا .
ومهما اتغير الشريك…ومهما اتغيرت العلاقة…
مشاعرنا هتفضل ترجع لنفس النقطة…
لحد ما نرجع لذاتنا الحقيقية ...لحد مانرجع لفطرتنا النقية.
فمثلاً نلاقي راجل يقول:
"أنا مش بثق بسهولة."
لكن الحقيقة؟
هو اتخان…واتكسَر…اتكسر بطريقة خلته يصدق إن كل ست هتعمل فيه نفس اللي اتعمل.
وحتي لو ظهرتله البنت المخلصة اللي بتحبه حب حقيقي صادق مش هيعرف يرتاح معاها وحتي لو ارتاح معاها من البداية هيبقي بعد كده مشعارف يبقي مرتاح أو مش قادر يصدق إخلاصها وحبها ليه لأن القناعة اللي عنده واللي نابعة من صدمات قديمة عاشها في ماضيه هتفضل تثبت نفسها بإستمرار وتظهر في تصرفاته وكلامه وأسلوبه معاها وتشككه في صدقها وحبها ليها.
ونلاقي واحدة بتقول:
"أنا بخاف أتعلق."
بس الحقيقة؟
هي مش بتخاف من التعلق.
هي بتخاف من الجرح اللي اتفتح زمان…
فبتلاقي صوت بيصرخ جواها وبيقولها:
“إوعي تفتحي قلبك… هتتجرحي تاني.”
“إوعي تصدّقي… كل ده تمثيل.”
“إوعي ترتاحي… الراحة بتيجي بعدها الخسارة.”
حتي لو حست بالأمان في بداية العلاقة بعدها الوضع بيتغير لأن القناعة اللي جواها عاوزة تثبت نفسها كل شوية في حياتها وحتي لو كان الشخص مخلص ليها وصادق في حبه ليها هتبقي مش قادرة تحس بالأمان معاه.
✨وده السبب الحقيقي… ليه الحب بيبوظ.
مش لأن اللي قدامنا غلط…
لكن لأن اللاواعي بيكون بيحمينا بطريقة بتدمّرنا وإحنا غير واعيين بكده.
⛔وعشان كده كتير قوي…بنشوف حب صادق…حب نقي ....حب حقيقي...حب نضيف…حب نفسه عايز يكمل…ومع ذلك بيتدمر.
ليه؟
علشان لما جرحين بيدخلوا نفس العلاقة…
بيصطدموا قبل ما القلوب تتلامس.
لما خوفين يعيشوا في بيت واحد…
البيت بيتحول لمنطقة حرب…مش حضن وأمان .
⚫وأخيراً أجرأ خطوة ممكن تعملها في حياتك حالياً…
مش إنك تدخل علاقة جديدة.
أجرأ خطوة…
إنك تقرر تعالج الحتة اللي جواك اللي بتموّت وتدمّر أي علاقة.
فلو الكلام ده لمس أعماقك…
ولو حسيت إنك بتخسر ناس بتحبهم من غير ما تفهم ليه…
ولو كل علاقة من علاقاتك بتعيد نفس الجرح…
يبقى ده مش ذنبك…
📢ده نداء…
📣نداء من جوه… بيقولك: كفاية هروب....
وأنا هنا علشان أمسك إيدك…وننزل سوا للحتة اللي عمرك ما رحتها…ونواجه الجرح…ونشفيه…
علشان قلبك يبقى مستعد يحب…من غير خوف…
ومن غير تهديد…ومن غير استنزاف.
🔷لو حاسّس إن الوقت جيه…
قول لجروحك "كفاية… لحد هنا.""
والحق احجز مكانك في برنامج التشافي للعودة إلى الفطرة النقية واحصل علي خصم خاص
✨اتواصل دلوقتي علي الواتساب ده👇🏻
https://wa.me/201151967927
وابدأ الرحلة.
لتحرير المشاعر وتشافي الصدمات النفسية والجروح العاطفية.
كوتش في #تشافي العلاقات الإنسانية والعلاقات الروحية .
#وعي #علاقات #حب
