مركز أجيال -نقادة- للحضانات والأطفال المبتسرين

02/09/2025

مهم

حبينا نشارك أولياء الأمور #تعليمات مهمة جدا من وزارة الصحة خاصة بتطعيمات أطفالهم👌🏻📢
رجاءا نشرها حتى يتم توصيلها لأكبر عدد من المستفيدين و الدال على الخير كفاعله 💚💚
التعليمات المكتوبة ع ملصق الوزارة للتطعيمات كالآتي :
1️⃣ يحظر تماما إعطاء الطفل أي خافض للحرارة قبل الحضور للتطعيم بالوحدة.
2️⃣ يمكن تأجيل تطعيم الطفل حتى تمام الشفاء في حالات الاالإصابة البسيطة والتي لا تستلزم الدخول للمستشفى أو استخدام المضادات الحيوية.
3️⃣ يحظر تماما تطعيم الطفل أو اعطائه أي حقنة بغرض التطعيم أو العلاج في عضلة الالية ( العضلات الخلفية للفخذ ).
4️⃣ يحظر تماما وضع أي دهانات طبية أو وصفات شعبية على مكان التطعيم.

💡

20/08/2025

بسيط جدا
مهم جدا

16/08/2025

16/08/2025

موضوع النهاردة بسيط جدا ومهم جدا 😊
الصفراء
1️⃣بتظهر عند عدد كبير جدًا من الأطفال حديثي الولادة، وبتبان على شكل اصفرار بسيط في الجلد وبياض العين.

وده بيحصل نتيجة زيادة مادة اسمها البيليروبين في الدم — ودي مادة بتنتج من تكسير كرات الدم الحمراء.

2️⃣ليه بتحصل الصفراء؟

طبيعي جدًا إن كبد الطفل لسه ما اكتملش وظايفه زي الكبار، وده بيخلي الجسم مش قادر يتخلص من البيليروبين بسرعة.

في الأغلب بتظهر الصفراء من اليوم الثاني أو الثالث بعد الولادة.

3️⃣أنواع الصفراء:

١- صفراء فسيولوجية (طبيعية): بتكون خفيفة وتختفي لوحدها خلال أسبوع لـ ١٠ أيام.

٢. صفراء مرضية: بتحصل لو الرقم عالي جدًا أو ظهر بدري جدًا (أول 24 ساعة)، ودي محتاجة متابعة دقيقة وعلاج.

4️⃣إمتى نقلق؟ لو:

🔸البيبي ظهر عليه اصفرار من أول يوم.

🔸الصفراء بتزيد بشكل ملحوظ.

🔸وصلت لراحة اليد أو القدمين.

🔸الطفل بينام كتير، بيرضع بصعوبة أو بيعيط بصوت واطي.

5️⃣العلاج:

🔸أغلب الحالات مش بتحتاج علاج غير الرضاعة الجيدة والمتابعة.

🔸لو الرقم عالي، بنستخدم علاج ضوئي (في الحضّانة).

🔸حالات نادرة جدًا ممكن تحتاج نقل دم.

6️⃣الخلاصة:
الصفراء عند حديثي الولادة شائعة جدًا وفي معظم الحالات أمر طبيعي بيعدي بأمان. أهم حاجة المتابعة مع طبيب الأطفال، والرضاعة المنتظمة.

لو عندكم سؤال أو استفسار — اكتبوا لنا في التعليقات 🌹
أجيـ🩷🩷🩷🩷🩷ــال
كل ما يحتاجه الطفل حديث الولادة

🏢 قنا - نقادة - بجوار بنك مصر
📱 ٠١٠٣٢٦١٦٧١٧ - ٠١١٢٨٠٩١٩٨٥ محمول
📱 ٠١٠٣٢٦١٦٧١٧ واتس

07/08/2025

تعرف إيه عنها؟

07/08/2025

الولادة الطبيعية بداية صحية ليكي ولطفلك.
افتكري أنها الاختيار الأفضل لو مفيش موانع صحية باستشارة الطبيب.

قوليلنا تجربتك مع الولادة الطبيعية وبقيتي أحسن بعد قد إيه؟

06/06/2025

كل عام وأنتم بخير ❤️

08/05/2025

❤️❤️❤️ أجيــ(نقادة)ـــال ❤️❤️❤️

هنتكلم النهاردة عن 🟡حقنة الصفراء🟡 اللي ملهاش علاقة بالصفراء 😁
ناس كتير بتيجي تشكتي إن ابنها عنده الصفراء مع إنه أخد حقنة الصفراء أول ما اتولد 😲
الطفل أول مابيتولد بياخد حقنتين:
الحقنة الأولى هي تطعيم فيروس الالتهاب الكبدي B
وطبعا دي موجودة في الوحدات الصحية ومكاتب الصحة أو المستشفيات.
الحقنة التانية هي حقنة فيتامين ك
وهي دي اللي بيقولوا عليها حقنة الصفراء
وهي حقنة مهمة جدا.. لأن الطفل حديث الولادة بيكون عنده نقص في عوامل التجلط، واللي بتعتمد بشكل أساسي في تكوينها على فيتامين ك
وبالتالي فيتامين ك بيساعد في بناء عوامل التجلط في الجسم فيمنع النزيف اللي ممكن يحصل من أبسط حاجة للطفل.
ممكن من شدة نقص العوامل دي يحصل نزيف في أي عضو في الجسم.. من نزيف الجهاز الهضمي (ترجيع أو حمام فيه دم) لنزيف تحت الجلد (زي الكدمات) وممكن توصل لنزيف في الرئة أو المخ!
لذلك هي حقنة مهمة جدا.. لازم ياخدها الطفل حديث الولادة 💛🧡❤️
س: طيب ليه سموها حقنة الصفراء؟
ج: والله ما اعرف 😊

أجيـ🩷🩷🩷🩷🩷ــال
كل ما يحتاجه الطفل حديث الولادة

🏢 قنا - نقادة - بجوار بنك مصر
📱 ٠١٠٣٢٦١٦٧١٧ - ٠١١٢٨٠٩١٩٨٥ محمول
📱 ٠١٠٣٢٦١٦٧١٧ واتس

09/04/2025

مطلوب تمريض للعمل بالمركز
010 32616717

01032616717