Life style clinic لايف ستايل

05/01/2024

في إضافة جديدة و ثرية وقوية انضم لأسرة لايف ستايل اخصائي التغذية العلاجية / يحي الألفي ..اخصائي التغذية العلاجية و تغذية الرياضيين ..
انتظروا د يحي عصر كل ثلاثاء ..

مركز لايف ستايل

14/08/2021

01/04/2021

الراجل اللى يهمه انك تاكلي حتي لو تخنتي 😃.. رزق 😌

30/03/2021

عارف لما تنزل تجري و في بداية الكيلو الثاني تجيلك نغزة في جنبك وتحس إنك مش قادر و هتقف في اي لحظة ؟

لو إستحملت "لحد ماتقفلها ١٠ دقايق" الوجع هيروح وهتكمل الجري و يبقى لسه فيك حيل تكمل

عارف لما تبقى صايم ، و تيجي في نص اليوم معدتك تلف حولين بعضها و تخليك تقول "أنا بتألم من الجوع" وماتبقاش متخيل إنت هتكمل ازاي ؟!
بعدها بخمس دقايق الإحساس دا بيروح ، ولما المغرب بيأذن بتحس إنك ممكن تاكل بعد التراويح كمان

الإنسان دايماً أقوى من الموقف اللي بيتحط فيه ، ومهما بدت الظروف مستحيلة ، هـتيجي لحظة لو ضغطت فيها على نفسك شوية كمان هتكمل بعدها كثيـر

اللحظة اللي بتحس فيها إنك خلاص خلصت ، بتبقى علامة نص الطريق ✋
ماتقفش و دوس و كمل .. و لما تفقد الحماس افتكر .. انت بدأت ليه 👊

22/03/2021

اكلات بسيطة هتفرق ف مناعتكم..

21/03/2021

19/03/2021

اكل صحي ب ١٠٠ جنيه ... غالي اوووي
غداء في مطعم ب ١٠٠ جنيه ... معقول

فيتامينات لصحتك ب ٢٠٠ جنيه ... مش حقدر ادفع
حاجة ساقعة و شاي ب ٢٠٠ جنيه ... يوميا طبعا

كورس تطوير ذاتي او كتب ب ١٠٠٠ جنيه ... دا جنان
طقم حلو ب ١٠٠٠ جنيه ... لازم اجيبه

ابدأ مشروع ب ٢٠،٠٠٠ ... مش معايا
موبايل ايفون الجديد ب ٢٠،٠٠٠ ... دا مهم جدا

٦٠ دقيقة في الجيم ... كان نفسي يبقى عندي وقت
٦٠ دقيقة بتتفرج على فيلم ... الوقت بيجري تعالى نشوف واحد تاني ☹️

كل اختيار لنا في الحياة بيكون بناء على اولوياتنا ، و اولوياتنا هي اللي حتحدد شكل حياتنا عامل ازاي بعد سنين ....

ف من الآخر شَكِل حياتك باختياراتك الصح ✋🏻

20/02/2021

قرأت بحث محترم جدا للأستاذ الدكتور محمد سعد أستاذ ومدرس الكيميا الحيويه بجامعة القاهره

قبل ماتأكل التونه المعلبه اللى كتير مننا بيعتمد عليها ف نظامهم الغذائي (خصوصا الرياضيين) كوجبه رخيصه وسريعة التحضير ومليئه بالمكونات الصحيه (بروتين _ أوميجا3 _ فيتامينات الخ الخ) وعلشان قبل ما تأكل التونة اقرأ البوست ده
أولا : سيبك من الهري الكتير اللى بتقراه عن فوايد أكل التونه والأكثار منها وأنها مفيده للجسم وأضرارها والهبل ده كله
ثانيا : شيل من دماغك القناعه بتاعت أن الشركه الفلانيه تونتها نضيفه عشان غاليه واسم كبير وإعلاناتها ماليه التلفزيون إلخ الخ
دول أكذوبتين تجاريتين وهنتكلم فيهم بالتفصيل
وتعالى نشرحلك كام حاجه كدا قبل ما اقولك ليه
سمكة التونه 8 أنواع وفي أبحاث بتقسمها ل13 أفضلها وأجودها التونه الحمراء اللحم ودي عمرها ما بتتعمل معلبات
الأبحاث بتقول ان أرخص واسوء سمكه تونه من حيث التشبع بالزئبق هي سكيب جاك (كاتسوانوس بيلاميس)
مش محتاج فكاكه عشان أقولك أن الأسم ده مافيش غيره بيدخل مصرولو مش مصدق أمسك أي علبة تونه من جنبك لو لقيت أسم غيرهم هنزلك إعتذار رسمي على صفحتي
الأبحاث برضه بتوصي بالبعد عن 3 دول عالميا فى إستيراد التونه المعلبه وهم حسب الترتيب (تايلاند .الصين .فيتتام )
بسبب تشبع أسماكها بالزئبق..وعدم إرتفاع المقاييس الصناعيه والرقابة على المنتجات في هذه الدول
وكمان بيستخدموا مواد حافظه مضره وطبعا مش محتاج أحلفلك أن ال3 دول دول هما بس ال بنستورد منهم وكمان 80% من التونه المصريه جايه من تايلاند .. وراجع المكتوب على نفس ذات العلبه ال فى أيدك هتتأكد من كلامي
و.مشاكلها باختصار
* متشبعه بالزئبق ال يكاد يكون من أقوى المواد السامه على وجه الأرض في جرعاته العاليه
* تتكون بها ماده سامه شديدة الضرر أسمها (نيترو آمين)ودي تطلقها الأحماض الأمينيه فى لحم التونه عن حفظها مدد طويله
* زيتها ومادتها الملحيه مليئه بالمواد الحافظه الضاره والمدمره للكبد والكلى
الكلام ده مش من تأليفي اللى بيقول كده منظمة الصحه العالميه وطبعا الكلام ده اتطرمخ عليه لأن السوق المصري من أعلى الأسواق عالميا فى استهلاك التونه المضروبه
ونستهلك منها سنويا عشرات الآلاف من الأطنان
طب ايه اللى بيحصل فى التصنيع ؟
السمكه بتتقسم وتتقطع نصين
نص زباله اللى هو البطن والزعانف بالشوك بالجلد بالرأس ويتفرم ويتقدملك تحت أسم شيك اللى هو (تونه مفتته داكنة اللون)واحنا طبعا مش عارفين داكن اللون ومفتت ليه
أما باقي السمكه (ال هي أصلا سمكه زباله) الضهر بيتقسم حتت تحت مسميات شيك (قطعه_قطع_فصوص) ويتباعلك على أنه أفخم الأنواع

عايز تقول ان كل شركات التونه المصريه مضروبه ؟
أيوه للأسف وممكن تتأكد من كدا ب 3 أو 4 خطوات
* اعمل بحث عن أسوء دول عالميا في تعليب التونه وقارنها بالمنتجات المصريه
* أعمل بحث عن أسوء سمكتي تونه من حيث التشبع بالزئبق وقارنهم بالعلبه اللى فى أيدك
* أعمل سيرش عن سعر كيلو سمكة التونه عالميا وقارنه بالسعر اللى انت بتشتري بيه فى مصر وعلى فكرة سعر الكرتونه 7 كيلو تقريبا 8 دولار من بلدها
بس التونه فى مصر فيها حاجات نضيفه وطعمها كويس
ولا تفرق لان الخامه واحده والسمك واحد وبلد المنشأ واحد

معلومة اخيرة
احنا دايما بنمنع الحوامل من اكل التونة وكذلك الأطفال الصغيرين علشان تسمم الزئبق ممكن يموت الجنين

23/01/2021

(((((الرشاقة تبدأ في #السوبر ماركت))))))...
1_لاتتسوق وانت جائع....تناول طعامك اولا وعند زوال الجوع ابدأ بالتسوق😉
2_تسوق بقائمة مشتريات👌
3_احترس من أحجام التوفير😎
4_لا تشتر نوعا ما من الطعام للآخرين وانت مدمن هذا النوع😈

08/01/2021