Pinprick - شكة دبوس

Pinprick - شكة دبوس pin-prick.com
01000.69.69.69 📞 - WhatsApp
t.me/pinprik Telegram Channel
(787)

Our application is the first of its kind in the Middle East and Arab region, uniquely focusing on sexual and reproductive health. It provides articles, lectures, guidance, instructions, products, medical consultations, and comprehensive information on both male and female sexual health. Acting as a bridge between doctors and users, the app offers paid medical consultations, marking the second phase of Pinprick’s strong five-year presence in the field of male sexual health. With millions of followers, our application is specifically designed to serve both men and women, reaching every home to enhance individuals’ sexual well-being

30/11/2025

الأورجازم الأنثوي: دليل شامل لفهم النشوة الجنسية للنساء. اكتشف كيف تصل المرأة لـ الأورجازم، حقيقة فجوة النشوة، علامات الوصول، والجدل العلمي حول القذف الأنثوي (النا....

هو احنا بنلبس الكاندوم ليه‼️على عكس ما يُشاع إن الكاندوم بيتلبس وقت الشملنه😀 وإذا ذُكر الكاندوم ذُكر الشمال، فـ لازم تعر...
29/11/2025

هو احنا بنلبس الكاندوم ليه‼️
على عكس ما يُشاع إن الكاندوم بيتلبس وقت الشملنه😀 وإذا ذُكر الكاندوم ذُكر الشمال، فـ لازم تعرف إن الكاندوم "الواقي الذكري" اختراع طبي جامد جدا..

▪️بنستخدم كاندوم لما نكون بنرتب لتنظيم الحمل.
▪️بنستخدم الكاندوم لما تكون الزوجة عندها عدوى (Infection) وبتتعالج منها وعايزين نعما جنس بس مينفعش حضرتك تبقى كاريَر "يعني حامل للإنفكشن ده وترجع تمرضها بيه تاني بعد ما هي اتعالجت.. زي ترايكوموناس Trichomonas".
▪️بنستخدم الكاندوم لما تكون حضرتك مجروح في العضو جرح خفيف مش بيوجعك غير لما الافرازات تيجي عليه، ومش عايز تتوجع أو تُعرض نفسك أو الزوجة لأي عدوى.
▪️أحيانا بنلبس الكاندوم لما يبقى عندنا حساسية عالية في جلد القضيب وعايزين نقلل تفاعله مع الإفرازات وسخونة المهبل، فنلبس كاندوم علشان يساعدنا في التحكم في القذف.
▪️لما تكون الزوجة عندها جفاف مهبلي بينتج عنه تهيُّج لجدار المهبل بسبب الاحتكاك، الكاندوم ساعتها بيبقى اختيار كويس لتقليل احتمالية التهيُّج.
▪️لما تكون الزوجة عندها حساسية تجاه السائل المنوي، وبيحصل عندها حرقان بعد العلاقة الجنسية على طول، بيبقى واحنا في طريقنا للعلاج استخدام الواقي الذكري اختيار مناسب.

مينفعش نستخدم الكاندوم لما😒
▪️نبقى عايزين نعمل جنس خلفي وهنتحايل على الشرع بإننا هنقلل احتمالية نقل الأمراض بالجنس الشرجي، فنلبس الكاندوم علشان نريح ضميرنا.. هيفضل الجنس الشرجي حرام شرعًا، ولبسك للكاندوم مش هيخليه حلال، وعِلة التحريم مش مخافة الضرر أصلا.
▪️نعمل إيلاج وقت الحيض والنفاس ونتحايل على الشرع إننا مش هنضر ولا ننضر، وهيفضل الإيلاج وقت الحيض والنفاس حرام.
▪️نيجي نزني علشان نوهم نفسنا إن ده مش جنس وإن كده مفيش تلامس.. هيفضل ده زنا وهيفضل الزنا حرام.

مش بنضحك على ربنا "ويمكرون ويمكر الله والله خير الماكرين"
ركز، استمتع بالحلال، لا تضر نفسك، استخدم أفضال ربنا "من اختراعات البشر" استخدام عادل♥️.

28/11/2025

قواعد دخول جروب شكة دبوس
1- تكون راجل..
2- متتخضش😀
3- لف لفه حلوة الأول.
4- اوعى تعمل لايك أو تعليق هتتقفش😀
5- افتح لستة المشتركين في الجروب ومتتخضش من عدد اصحابك الموجودين.
6- متعرفش حد انك جوه، لحد ما استفزك فتكتب تعليق فتلاقي ريبلاي من اخوك وابوك وعمك ودكتورك في الجامعة وصحابك عا القهوة بيقولوا لك انت شرفت يا دبوس😀
7- متتخضش.
8- متحاولش تعمل كل اللي تشوفه جوه😀 علشان متتخضش.
9- لو قفشت حد جوه متقولوش انك قفشته علشان هيطلع لك خمسين ريبلاي بيقولوا لك حتى انت هنا يا مولانا😀
10- متتخضش.

28/11/2025

ممنوع السناجل يتفرجوا😒

علشان كده قلت لك "شوت قبل ما تنط"الطبيعي طووول عمره يكسب.. بعيدًا عن الفياجرا والكيميا البتاع ده طبيعي 100% أمبول صغير ج...
28/11/2025

علشان كده قلت لك "شوت قبل ما تنط"

الطبيعي طووول عمره يكسب.. بعيدًا عن الفياجرا والكيميا البتاع ده طبيعي 100% أمبول صغير جواه عزومة عرب حرفيًّا.. أول ما يدخل جسمك يرفعلك الطاقة، ويفوّق دماغك، ويصلّح مزاجك، ويجهّز جسمك لأي مجهود.. رياضة بقى، شغل، أو قفز حُر😉.

الـ جلوتامين اللي فيه بيصلّح الأنسجة ويديك ريكفري سريع، فتعمل مجهود أعلى بدون ما تتكسر، والكوبر والمينيرالز يعملولك اتزان كامل للإنزيمات، وييجي غذاء ملكات النحل يجلي وينضف الدهون الضارة LDL من على جدران الشرايين والأوردة فالدم يعمل إمداد لأطرافك😉 صح الصح فـ يزود لك القدرة البدنية ويديك طاقة، يرفع لك الخصوبة.. والجنسنج من أفخم ما خلق الله من العناصر اللي تشعلل لك الدورة الدموية وترفعلك التستوستيرون فـ كل حاجة تعلى معاه..

ده غير رباعي أضواء مسرح الرجولة Vitamin C + A + Selenium + Zinc كتيبة كاملة مهمتها الحفاظ على هرموناتك، ومناعتك، وجودة حيواناتك المنوية؛ ثم الـ Nettle Extract مُنظِّم الهرمونات اللي بيعيد ترتيب أشيائك الداخلية، والليكوبين مضاد الأكسدة العظيم، اللي هيحافظ لك على البروستاتا من هجمات الشوارد الحرة.

فلو انت سنجل ارفع امبول قبل الرياضة أو الشغل أو حجز الكورة😀 لحد ما تتأهل زينا وتاخد شوت قبل ما تنط💪🏻 اعتمد وادعيلي♥️

بنسخن..وبندي الأولولو الفتيس لامؤاخذة ستيبترونيك هينقل لوحده على باقي الغيارات، لو مستجد وفتيسك مانيوال متحرقش عا الأول ...
27/11/2025

بنسخن..
وبندي الأول
ولو الفتيس لامؤاخذة ستيبترونيك هينقل لوحده على باقي الغيارات، لو مستجد وفتيسك مانيوال متحرقش عا الأول كتير.. لازم تنقل الغيار، وطالع طالع لحد الخامس.. ولما تيجي تبطل بتجيب الأول تاني وتيجي راكن عا السلانسيه..
وأنا هنا مبتكلمش عن العربيات😒

علشان ميجيلكش التهاب بروستاتا1- الشحن الجنسي: لا تُعرِّض نفسك للشحن الجنسي دون تفريغ، وإن كنتَ متزوجًا مارس القذف بانتظا...
25/11/2025

علشان ميجيلكش التهاب بروستاتا

1- الشحن الجنسي: لا تُعرِّض نفسك للشحن الجنسي دون تفريغ، وإن كنتَ متزوجًا مارس القذف بانتظام، ده يحميك من احتقان البروستاتا ويقلل فرص الالتهاب المزمن.
2- المياه: اشرب مياه كفاية يوميًا، الترطيب الجيد يقلل التهابات المسالك البولية التي قد تنتقل للبروستاتا.
3- الجلوس: قلل الجلوس لفترات طويلة، الجلوس المستمر يضغط على البروستاتا ويزيد الاحتقان، اتحرك كل ساعة 10 دقايق.
4- المشي: امشي 30 دقيقة يوميًا، ده بيحسّن الدورة الدموية ويحافظ على صحة غدة البروستاتا والهرمونات الذكورية.
5- التدخين: امنع التدخين بأنواعه (سجاير – شيشة – فيب) التدخين بيقلل تدفّق الدم وبيزود الالتهابات ويضعف وظيفة البروستاتا.
6- الطعام: تناول غذاء غني بمضادات الأكسدة
الطماطم فيها ليكوبين، والرمان، السبانخ، المكسرات… كلها تقلل التهابات البروستاتا "هسيب لك مقال عن الغذاء الصحي للجنس".
7- السِمنة: حافظ على وزن صحي، السمنة مرتبطة ارتباط وثيق بتضخم البروستاتا الحميد واضطرابات الهرمونات.
8- المكملات الطبيعية: مهمة جدا جدا زي بيجام وعشبة البلميط المنشاري، وزيت بذور اليقطين، وجذر القراص، والليكوبين، والزنك. في غاية الأهمية واحنا جمعنا أفضل مجموعة تحافظ على صحة البروستاتا في كورس واحد هسيبهولك 👇.
9- المتابعة: فحص دوري بعد سن الـ40
تحليل PSA وكشف بالسونار لو في أعراض، الاكتشاف المبكر مهم جدًا، ولو انت شاب انتبه لأي عوارض متكررة من الألم أي إفرازات غريبة، أو أوجاع في منطقة العمليات الخاصة، أي حكة، أي عُسر تبول، أو شعور مختلف أثناء التبول، أي نقط بعد التبول، أي مغص في المثانة، أي مغص في الخصية أو نزول سائل أبيض غير ثخين بعد الحمام.. لو الحاجات دي تكررت أو بعضها تكرر زور الطبيب. انت في سن دلوقتي الوقاية فيه فعلا خيرٌ من العلاج، ممكن تفهم ده أكثر لو عرفت إن مثلا سرطان البروستاتا "الله يعافينا وإياك" لو تم تشخيصه بدري فإن احتمالية الشفاء منه عالية جدا جدا.
10- النوم: لما تحافظ على النوم الليلي الجيد بتساعد جسمك يتعافى ذاتيا، ويتوازن هرمونيًا، وبتحافظ على استدامة العافية "وجعلنا الليل لباسًا" خليك على الفِطرة، وابعد عن المشتتات والضغط النفسي المزمن.
نحتفل الآن بشهر التوعية بصحة الرجال حول العالم "نوڤمبر" أو "موڤمبر" بحسب الحدث العالمي الشهير.. لا تخف، ولكن احذر.

القلب وقت العلاقة الجنسية تصل نبضاته لـ 140 نبضة في الدقيقة، وده نفس المعدل اللي بيحصل مع التمارين المكثفة، والمفروض ساع...
24/11/2025

القلب وقت العلاقة الجنسية تصل نبضاته لـ 140 نبضة في الدقيقة، وده نفس المعدل اللي بيحصل مع التمارين المكثفة، والمفروض ساعتها تعرق وتنهج وكده، ومحدش غيري هيقول لك إن ده سبب المثل المشهور "تدوبه في عرق العافية😀"

السائل المنوي اللي انت بترميه في البلاعات ده يا جاحد بيحتوي على مضادات اكتئاب، وُجدت دراسة أن السائل المنوي يحتوي على مواد زي السيروتونين والميلاتونين..😒 "لبن بخيره"

الخلايا العصبية في الدماغ بيتحفز إنتاجها بممارسة العلاقة الجنسية، وده بيعزز القدرة على التعلم والذاكرة والانتباه.. عرفت انت تايه ليه😒

ممارسة الجنس تقلل من خطر الإصابة بنزلات البرد، الأشخاص الذين يمارسون العلاقة الجنسية مرة أو اتنين أسبوعيًا لديهم مستويات أعلى من الأجسام المضادة IgA، التي تعزز المناعة.😀 كما يعالج الصداع النصفي بسبب الاندروفين اللي الجسم بيفرزه.. دفيه وبالشفا.. اسمع مني.

من بديع صُنع الله إن كل واحد مننا ليه بصمة ميكروبية فريدة في أعضائه التناسلية، البكتيريا دي بتؤثر على ريحة جسمنا الطبيعية.. في بني آدم بتبقى ريحة جلده حلوة بدون أي عطور أو مستحضرات..

البروستاتا غدة.. ماشي‼️وظيفتها الأساسية إنتاج السائل اللي بيحيط بالحيوانات المنوية ويغذيها.البروستاتا من الغدد اللي بتفض...
24/11/2025

البروستاتا غدة.. ماشي‼️
وظيفتها الأساسية إنتاج السائل اللي بيحيط بالحيوانات المنوية ويغذيها.
البروستاتا من الغدد اللي بتفضل تنمو مدى الحياة غالبا.. وغالبا ما يؤدي دوام نموها لتضخمها.
مفيش أسباب واضحة معينة لتضخم البروستاتا.
أحيانا بتتضخم لما هرمون الذكورة بيتحول لهرمون تاني اسمه DHT وأحيانا بسبب التقدم في العمر، وأحيانا بسبب نمط الحياة غير الصحي.
بنسبة كبيرة مش هيبان عليك أي أعراض لتضخم البروستاتا إلا بعد الأربعين، اللي هو انت تعدي الأربعين تلاقي البروستاتا بتقول لك "والآن مع المفاجأة الكبرى😀".

انت لما بتُصاب بالبروستاتا بيحصل احتباس بول لإن الأنبوب اللي بينقل البول من المثانة لـ خارج الجسم بيعدي في منتصف غدة البروستاتا، فلما هي بتتضخم ده بيعيق تدفق البول .. وطبعا ده بيعمل عدوى للجهاز البولي فيما بعد "ودي إحدى المضاعفات" وحصوات مثانة بقى وتلف .. وقد يتطور لتلف في الكلى.

للأسف الشديد السِمنة بتزيد من احتمال الإصابة.

لو عندك حاجة متكررة ومُلحة للتبول، أو بتتبول بالليل بمعدل أكبر من المعتاد، أو عندك صعوبة في التبول "بتحس إن عندك رغبة وواقف قدام الحمام وبتاخد وقت على ما ينزل منك البول" .. أو عندك تقطيع في التدفق.. أو بينزل منك نقط بعد ما تخلص التبول، أو معندكش مقدرة لإفراغ المثانة..
فـ انت محتاج تزور الطبيب وفورا.. سلام.
وأنا بكلمك دلوقتي علشان احنا في شهر موڤمبر الفضيل😀 وده شهر التوعية بصحة الرجال الجنسية، ودي لعبتي كما هو معروف.. والسلام♥️
أسيم نصار

أعمل إيه قبل ليلة الدخلة‼️هذه الفترة قبل زواجك بثلاثة أشهر، يجب عليك أن تتحلى ببعض الهدوء النفسي، أعلم أني أطلب منك طلبا...
23/11/2025

أعمل إيه قبل ليلة الدخلة‼️

هذه الفترة قبل زواجك بثلاثة أشهر، يجب عليك أن تتحلى ببعض الهدوء النفسي، أعلم أني أطلب منك طلبا يكاد يكون مستحيلا، وأعي تماما ضغوطات تجهيزات عش الزوجية، والخلافات المشتعلة على لون أوكرة باب حمام الضيوف وغيرها😀، لذلك أنا أطلب منك في خضم هذه المعارك، أن تجلس قليلا لالتقاط أنفاسك، ربما يساعدك المشي يوميًا بقدر استطاعتك، وربما تساعدك الصلاة، والذكر، وربما أنت أعلم بنفسك مني، فابحث عن مواطن سكينتك ومارس الهدوء بقدر ما تستطيع. فـ القلق والتوتر والاضطراب من أعدى أعداء الجنس.

ابدأ بممارسة تقنيات التنفس العميق. عندما تشعر بالتوتر، توقف لدقائق قليلة وركز على تنفسك. تنفس ببطء وعمق من الأنف لمدة أربع ثوان، احبس النفس لثانيتين، ثم أخرج الهواء ببطء من الفم لمدة ست ثوان. كرر هذا التمرين عشر مرات. هذه التقنية البسيطة تساعد على تهدئة الجهاز العصبي وتقليل مستوى الكورتيزول في الدم.

توقف تماما عن الإباحية فأنت لا تعرف حجم الضرر الذي توحِلُ نفسك فيه بهذه القباحة نفسيا وبدنيا وهرمونيا ما يُخل بقدرتك الجنسية..
1- إدراكك أن الإباحية مرض وإدمان يُشكِّل قدرا كبيرا من العلاج.
2- إغلاق وسائل التحفيز الجنسي، تنزيل حجب للمواقع على الهاتف والكومبيوتر.
3- تغير المكان الذي اعتدت أن تشاهد فيه الإباحية.
4- تغيير العادات التي كانت تحيط بالإباحية “ممنوع دخول الحمام بالهاتف”
5- نسـ.ـف أماكن الخلوة، فإذا كان الكومبيوتر في غرفة نُقل إلى الصالة.
6- إذا كانت الخلوة هي الحافز للإباحية فلا تخلون بنفسك ما استطعت..
7- تقنين التواجد على مواقع التواصل الاجتماعي من أهم المساعدات على التعافي.
8- لازم يكون للمتعافي بدائل يشغل بها وقته، قراءة أو رياضة أو غيره.
9- العداد اللي بيعد أيام التعافي مهم جدا، لأن الإنسان بطبعه يحب أن يرى نجاحاته ولو كانت قليلة، فهي نجاحات محفزة لتحصيل النجاح الأكبر.
10- مشاركة حالة التعافي من أهم سُبل الوصول إلى العافية، مجموعات التعافي مثل “واعي” يتشارك فيها الباحثين عن العافية آمالهم وآلامهم، وده بيساعد كتير.
11- التوقف تماما عن مشاهدة كل ما يحفز النفس إلى الإباحية مثل الريلز والانستـ.جرام والريأكت على فيديوهات التيكتـ.ـوك وحتى متابعة جروبنا شكة دبوس، إذا كان يفعل عندك فعل هذه المحفزات لابد أن تتوقف عن متابعتنا وفورا إذا كنت تبحث عن العافية.
12- لا تترك نفسك فريسة لمشاعرك؛ الرغبة إلى الإباحية تنشط جدا إذا تعرض المدمن لأي قلق أو اضطراب أو خيبة أمل أو هزيمة فريقه أو ضيق أو يأس، الجسم بيطلب الراحة في مواطن الراحة التي تعوَّد عليها، ولا يفي بإفراز دوبامين السعادة الزائفة مثل الإباحية، فهو يهرب من خيبات الأمل إلى الإباحية، وعلاج هذا الحال أن يعي ذلك، ثم لا يُعرض نفسه لهذا الضيق والقلق، ولو تعرض عنوة يخرج من بيته، يمارس أي عادة قد تساعد على إلهاء العقل، مقابلة الأصدقاء، ممارسة رياضة، إلى آخره…

إذا تخلصت من الإباحية فقد تخلصت من شر مستطير كنتَ قد أغرفت نفسك فيه، ولا تعتقد أبدا أنك تُحصل علما ينفعك من الأفلام الإباحية فهذا وهم كبير، وشَرَك يحب الإنسان أن يدخل نفسه فيه لتطيب نفسه، الإباحية لا تحتوي على 6٪ من علم الجنس، الإباحية مواد صُنعت للبيع، وقد صُوِّر الفيلم الواحد على عدة مرَّات وأعيدت منتجته ليحوذ على رضاك.. وأنت لا تدفع مقابله المال لكنك تدفع العقل والصحة والعافية، في الحقيقة أنت تشتري الإباحية برجولتك.

فإذا تخلصت من الإباحية فتابع مع يجب عليك فعله..

▪️لِتُعانق الكمال توقَّف عن التدخين، لإنه والله الذي لا إله غيره بـ يصيبك بالعجز الجنسي، حتى لو انت سليم دلوقتي… هي مسألة وقت يا صديقي، وهذا مقال قد كتبه أسيم نصار عما يلحق بالمدخن من فقد للصحة الجنسية {التدخين أشد أعداء الصحة الجنسية فتكًا}.
▪️إذا كنت تملك وزنا زائدا فيجب عليك التخلص منه.. السِمنة المفرطة وزيادة الوزن ثالث أعداء الصحة الجنسية، تخيل أن هذا القلب الذي خُلق ليدعم جسدا معتدلا بإمداد الدم جعلناه يعاني من إمداد ضعف هذا الوزن، لا شك أنه يتضرر، لا شك أنه يتم إنهاكه، تثبت الدراسات أن زيادة الوزن تؤثر تأثيرا سلبيا واضحا على قدرتك الجنسية، وعلى أدائك الجنسي، ومع اهتمام العالم الحديث بقضية السمنة المفرطة حققت مجموعة متطورة من الأبحاث في العلاقة بين السمنة والأداء الجنسي. وجدت العديد من الدراسات أن السمنة مرتبطة بإعاقات في الأداء الجنسي، يتعلق ذلك بقدرة الجسد والتأثير الفسيولوجي والنفسي والاجتماعي وربما مزيج من ذلك كله..
▪️ممارسة الرياضة حتى وإن اقتصرت على السير في الهواء الطلق، كما يُفضل أن تمارس تمارين كيجل فهي مهمة للرجال والنساء على حد سواء، لأنها داعمة لعضلات قاع الحوض للنساء ما يجعل الجماع سهلا، وللرجال تشير الدراسات لأهميتها في تقوية عضلات الحوض المحيطة بالقضيب، مما يساعد في علاج حالات ضعف الانتصاب وسرعة القذف العَرَضية.. مصدر.
▪️الحجامة لدى مركز متخصص أو طبيب محترف، عُرفت الحجامة بفاعليتها في تحسين التروية الدموية، وكذلك تنقية الدم، وحيث أن الدم هو الناقل الحصري لجميع هرمونات الجنس، فإن ذلك يؤمِّن استجابة عالية من المركز الجنسي في المخ، وبالتالي ينعكس على الجهاز العصبي والعضو الذكري..
▪️المداومة على الصلاة في موعدها، فالصلاة تضبط الانفعالات، وكذلك لأصدقائنا من غير المسلمين المداومة على الطقوس الدينية.
▪️لا تنتظر أن تُصاب بالعطش لتشرب الماء، بل داوم على شربه طوال اليوم.
▪️كذلك لا تنتظر أن تمتلئ مثانتك بالبول لتُفرغها، بل عليك إفراغها طوال اليوم.
▪️لا تتناول أيًا من العقاقير التي ترفع نسبة هرمون التستوستيرون إلا بأمر الطبيب وتحت ملاحظته.
▪️لا تتناول أيًا من المحفزات الجنسية الكيميائية إلا بأمر الطبيب.
▪️يُمكنك في هذه المرحلة أن تبدأ في كورس من المكملات الغذائية الداعمة للصحة العامة والصحة الجنسية مثل “بوكس العريس” يكفي لستة أشهر، وقد أعددناه من المكملات الطبيعية الداعمة للصحة الجنسية، ومُرخصة للسوق المصرية من وزارة الصحة. تقدر تبحث عليه على جوجل هتلاقيه أول اختيار، وتقدر تطلبُه من خلال واتساب خدمة عملاء شكة 01000696969
▪️يُرجى الاهتمام بالغذاء الجيد، وترك الطعام الرديء الضار، والطعام المعلب والمحفوظ في مواد حافظة، والزيوت المهدرجة، وكذلك الطماطم المسبكة، والسمين، وطعام الشارع “بقدر المستطاع” ويمكنك الاعتماد على الغذاء الطبيعي من خير الأرض والبحر والطير مثل: –
1- الخضراوات {الجرجير، الكرفس، البقدونس، الخس، الفجل، السبانخ، الملوخية، وغيرهم}.
2- اللحوم {لحم الديـــك الرومي، لحم الفراخ، اللحم البقري وغيره من اللحوم الحمراء}.
3- منتجات الألبان {اللبن، والجبن، والزبادي}.
4- طرح البحر {الأسماء بأنواعها، السالمون، الجمبري، والمحار، وغيره}..
5- الفواكه الطازجة غير المعلبة {البطيخ والرمان الأڤوكادو والكيوي لهم أولوية وفاكهة الموسم المتاحة}.
6- وكذلك الزنجبيل وطلع النخل وجنين القمح وحبوب اللقاح والبروبليس وغذاء ملكات النحل، والعسل الصافي، والقرفة.

ثم يجب أن تفهم أنه ليس هناك غذاء يفيد بشكل لحظي في العملية الجنسية، سواء كان “كوارع – عكاوي – حمام ” وغيرهم.. وما هذه إلا كذبة أطلقها أحدهم وتناقلها آخرون، بل الأولى هو دعم الصحة العامة بغذاء جيد وهو ما ينعكس على الصحة الجنسية بالإيجاب.

ليس عيك القلق حيال انتصابك، وليس معنى أنك لا ترى الانتصاب الصباحي أنك مريض، فـ في المقام الأول العلماء يسمونه الانتصاب الليلي، أن أنه يحدث بالليل وقد لا يبقى لحين استيقاظك، وأنت سليم..

ليس هناك ما يدل على أنك مصاب بسرعة القذف بحال من الأحوال، ولا يمكن قياس سرعة القذف من خلال العادة السرية، ولا يمكنك معرفة أنك مصاب بسرعة القذف إلا من خلال علاقة كاملة مستمر مستقرة متزنة “الزواج” وحتى في هذه العلاقة المستقرة المتزنة المتكررة لا يمكنك معرفة أنك مصاب بسرعة القذف أو سليم إلا باستعراض 6 أشهر مثلا من العلاقة، فإذا كان 70٪ منها تصل إلا القذف قبل أنتهاء الدقيقة في الإيلاج فقد تحتاج حينها لزيارة الطبيب.. أنا أخبرك الآن بهذا الكلام لتعي أنه لا يجب عليك أن تخاف من سرعة القذف نهائيا.

فترة ما قبل ليلة الدخلة يجب أن يكون لديك فيها الوعي الكافي أنك مقبل على اللاشيء، شأنك شأن ملايين البشر الذين مارسوا العلاقة الجنسية، فـ العلاقة الجنسية سهلة لا شيء فيها يدعو للقلق، فطرة جبلنا الله عليها واستمتاع نحبه جميعا، انظر إلى كل النصائح التي كتبتها لك ستجدها تدور حول فلك واحد، أريدك أن تكون بخير ولا تخف، هذا هو المرجو منك في هذه الفترة.. وألف مبارك مقدما.♥️

سمعت قبل كده عن حاجة اسمها الجنس النومي!؟ أشخاص بيمارسوا أفعال جنسية وهم نايمين ولما يصحوا بيبقوا مش فاكرين أي حاجة!.. ف...
22/11/2025

سمعت قبل كده عن حاجة اسمها الجنس النومي!؟ أشخاص بيمارسوا أفعال جنسية وهم نايمين ولما يصحوا بيبقوا مش فاكرين أي حاجة!.. في واحد بعت لي من سنة رسالة إنه مُصاب بالجنس النومي، وإنه بسبب كده والدته قفلت عليه باب غرفته من بره أثناء نومه لإنه تحرَّ..ش بأخته..

دي حالة اسمها سيكسومنيا Sexsomnia المصابين بيها بيعملوا أفعال جنسية كاملة "استمناء - جِماع - أو حركات تُشبه الجماع - أصوات جنسية - مداعبات" ممكن يتحركوا أثناء النوم من أماكنهم ويقتحموا بيت غريب ويمارسوا شيء مع ضحية، وهم في حالة غير واعية نهائيا، ولما يقوموا من النوم مش بيكونوا فاكرين أي شيء.

الموضوع واخد منحنى كبير برغم ندرته، وفي قضايا مفتوحة للمناقشة ضد رجال مارسوا أفعالًا جنسية وجماع كامل مع ضحايا حقيقيين، وفي قضايا حُكم فيها بتبرئة المتهمين؛ بل في لجان من علماء نفسيين تشكلت لوضع معايير يمكن الحكم معها أن الشخص مصابا بالسيكسومنيا أو الحكم عليه أنه يدَّعي الإصابة فقط.. لجنة من الخبراء قالوا لو لبس واقي ذكري يبقى مُمثِّل، أو لو عمل كده في واحدة، ورجع تاني نام جنب مراته بشكل هادي، أو هدد الضحية إنها متتكلمش.. كل دي صور لو عملها الشخص يبقى مُدعي مش مصاب بالسيكسومنيا..

السيكسومنيا بالمناسبة اضطراب نوم نادر بيُصنف ضمن فئة (NREM Sleep Arousal Disorders). وفقاً للدليل التشخيصي والإحصائي للاضطرابات النفسية (DSM-5) والتصنيف الدولي لاضطرابات النوم (ICSD-3)

في فرق بينها وبين السومنوفيليا.. فاكر قصة الأميرة النائمة اللي نشأنا عليها آهي القصة دي وراها اضطراب نفسي حقيقي معروف باسم “متلازمة الجميلة النائمة”؟ ده اضطراب نادر ك أصحابه بينحذبوا جنسياً للأشخاص النائمين أو الموتى.. وهو مختلف تماما عن اللي بنتكلم عنه دلوقتي، بس آهو من جملة العجايب اللي بنشوفها.

الواحد في الشغلانة دي بيشوف كل يوم اضطرابات عجيبة، فلو انت راجل سليم شهوتك للنساء فقط في إطارها الطبيعي، فصدقني دي نعمة تستوجب الشكر.. الحمدلله على نعمة العافية والسواء النفسي..

يعني إيه 70 كيلو لحمة في مصر بـ مليون جنيه‼️
21/11/2025

يعني إيه 70 كيلو لحمة في مصر بـ مليون جنيه‼️

Address

9 El-Nozha Bridge, Masaken Al Mohandesin
Nasr City
4451720

Telephone

+201222500222

Website

http://pin-prick.com/

Alerts

Be the first to know and let us send you an email when Pinprick - شكة دبوس posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Pinprick - شكة دبوس:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category

شكة دبوس؟

دي الصفحة الرسمية لجروب شكة دبوس ” جروب رجالي secret ” مهتم بعلوم الجنس، ومعنى إن الجروب سكريت يعني طالما انت مش فيه مش هتعرف تعمل عليه بحث في المحرك، وأي نتيجة تظهر لك، هيكونوا مجرد لصوص تافهين سارقين الاسم والجهد، فلا تساعد اللصوص، اعمل لايك للصفحة واحنا كل فترة بنطلع متطوعين يدخلوا الناس .. مؤسس الجروب آ.أسيم نصار. حسابنا على تويتر https://twitter.com/shaketdaboz