Dr.Well د.وليد صلاح الدين

13/11/2025

13/11/2025

12/11/2025

🔶القصه حقيقيه
‏في عام 2017، اكتشف “تشانغ ليونغ”، المزارع البسيط من إحدى قرى سيتشوان الريفية، أن ابنته الصغيرة ذات العامين مصابة بمرض الثلاسيميا الحاد — مرض لا يُشفى إلا بزراعة خلايا جذعية مكوّنة للدم، تتجاوز تكلفتها المليون يوان صيني.

استنفد “تشانغ” وزوجته كل ما يملكان من مدخرات، باعا أرضهما وأثاث منزلهما، لكن العلاج كان أغلى من قدرتهم. ومع مرور الأيام، واجه الأب المكلوم سؤالاً لا يحتمل: ماذا لو لم يتمكنا من إنقاذها؟

في لحظة عجز ويأس، حفر “تشانغ” قبرًا صغيرًا بيديه قرب بيته، وفكرته كانت :

“إن رحلت يوماً، أريدك ألا تخافي من الموت… أريدك أن تتأقلمي معه.” عجز الاب يقهر ..

ومنذ ذلك اليوم، كان ينام إلى جوارها هناك، يلعبان معًا وسط التراب. مشهد لم يكن موتًا، بل حبًّا يحاول أن يتنفس.

وحين انتشر الفيديو عبر الإنترنت، بكت الصين كلها. مئات الآلاف تفاعلوا، ومنصات التمويل الجماعي تحركت بسرعة مذهلة، فجمعت تكاليف العلاج كاملة في أقل من شهر.

وبنصيحة الأطباء، أنجبت الأم طفلة أخرى. وبعد أشهر، تمكّن الأطباء من إنقاذ الأخت الكبرى بدم الحبل السري لأختها الصغيرة. رجل أعمال عطوف تكفّل بكل تكاليف العلاج الإضافية، لتخرج الطفلة من المستشفى معافاة.

عاد “تشانغ” إلى القبر الذي كان ينتظر ابنته… وردمه بيديه، هذه المرة بطمأنينة. نثر عليه بذور عباد الشمس، وقال مبتسمًا:

“هنا دفنت خوفي، لا ابنتي.”

الحب لا يُهزم.
حتى في أكثر الترب قحطًا، يمكن لزهور الأمل أن تزدهر.

17/10/2025

إغـ…ـتصاب خلف الأبواب المغلقة
وطفولة مسروقة… وأم صامتة

رسالة هذا الأسبوع – الجمعة 17/10/2025

“يا دكتور…
أنا بنت من قرية ريفية صغيرة. الناس في البلد كلها كانوا شايفين عيلتنا قدوة. أبويا كان الإمام في الجامع وكبير القرية اللي بيحل مشاكل الناس. قدامهم كان الحكيم… لكن جوا بيتنا كان شيطان متخفي.

أنا وأختي عشنا سنين طويلة من إعـ…ـتداءات ماينفعش أي طفلة تتحملها. أوقات كتير كنت بحس إني مش قادرة أتنفس من الرعب، وكنت أنام على دموعي. الكلمة اللي أنا مش قادرة أكتبها كاملة… (إغـ…ـتصاب). كلمة مؤلمة، تقيلة على لساني، وعلى عمري كله.

الأوجع من كل ده… إن أمي كانت عارفة. ساكتة، مش عشان مش حاسة… لكن عشان خايفة. كانت تقول: “مين هيصدقنا؟ هو كبير البلد… وهيضيعونا لو اتكلمنا”. سكوتها وجعني أكتر من وجع اللي عمله فينا.

كبرت وأنا شايلة كره جوه قلبي… للي أذاني، وللي سابني أتحرق من غير ما تحميني. لحد النهارده، وأنا بكتبلك، دموعي مش راضية تقف. كل ما أفتكر الماضي لحظة واحدة… جسمي بيتشل من الوجع، قلبي بيصرخ.

حتى جوازى ماكانش طبيعي… في البداية كنت مش قادرة أقرب من جوزي زي أي زوجة عادية. الذكريات السودا وقفت بيني وبين أي علاقة سوية.

من فترة قلت أجرب أزورهم… يمكن الزمن يداوي. لكن اللي حصل خلاني أقطع نهائي: لقيته بيحاول يمد إيده على ابني الصغير! وقتها حسيت إن الماضي بيرجع تاني قدامي. ومن يومها، قررت مايبقاش بينا أي صلة.

بس أنا مش مرتاحة يا دكتور. بين نارين: نار الذنب عشان مقطوعة من أمي… ونار الكره اللي مش عارفة أطلعه من قلبي. بعيّش في عزلة وخوف من كل الناس. وبسأل نفسي:
إزاي في بني آدم يبقى قدام الناس ملاك… وهو في الحقيقة مجرم؟
وإزاي أنضف روحي من وجع وكراهية السنين؟”

الرد والتعليق

أول حاجة لازم أقولها: اللي قريته في رسالتك صَدمني… لكنه للأسف مش غريب عليّ. دي مش أول مرة يوصلني حكاية بالشكل ده، ولا هتكون الأخيرة.

الإحصائيات بتقول إن في مجتمعاتنا الشرقية، النسبة الأكبر من الإعـ…ـتداءات والتحرشات بتحصل من “الأقارب” مش الغرباء. وده اللي بيخلي الوجع مضاعف… لأن اللي المفروض يكون أمان هو نفسه اللي بيبقى مصدر الخطر. لكن لأننا عايشين في مجتمع محافظ، البنت بتتربى على فكرة: “اسكتي… محدش هيصدقك”، وبيتحول الصمت لدفتر أسرار أسود بيتوارث الوجع من جيل لجيل.

واللي يوجع أكتر… إنك كنتي طفلة مش قادرة تدافعي عن نفسك، وتلاقي اللي المفروض يحميكِ (أمك) واقفة تتفرج خوفًا أو ضعفًا وربنا قال: “ولا تزر وازرة وزر أخرى” (الأنعام:164).
يعني ذنب اللي ظلمك مش على كتفك. الجريمة اللي ارتكبها مش هتتحمّلي نتيجتها أنتِ. دورك دلوقتي إنك تحمي نفسك وأولادك، وتكسري حلقة الصمت اللي فضلت تتكرر عبر السنين.

وخليني أكون صريح معاكِ: أبوكِ ما كانش “أب طبيعي”. اللي عمله مش بس خطأ، ده نوع من المرض النفسي اسمه اضطراب السلوك الجنسي المنحرف. وجوده كإمام أو كبير قرية ما يغيرش الحقيقة، هو كان مريض بيغطي سواده بصورة الدين والهيبة.

وخليني أصدمك بحاجة أوضح: أرقام المجلس القومي للمرأة في مصر بتقول إن أكتر من ٩٣٪ من الأطفال اللي اتعرّضوا لإعـ…ـتداء أو تحرش، المعتدي كان من دائرة قريبة: أب، قريب، جار، أو حتى معلم. يعني اللي حصل معاكي مش استثناء، لكنه جرح موجود في بيوت كتير… والسكوت هو اللي بيخليه يتكرر.

من منظور علم النفس الموازي: اللي حصل معاكي خلق برمجة شعورية قوية جدًا. عقلك الباطن اتعلّم يربط القرب بالخطر، والحب بالخيانة. وده خلاكِ تلاقي صعوبة في علاقتك الزوجية، وتعيشي عزلة حتى وسط الناس. والجسد نفسه دخل المعركة… الصدمات دي بتفضل “طاقة عالقة” في الجهاز العصبي، وتتحول لخوف مستمر، أرق، أو حتى أمراض عضوية.

تخيلي نفسك زي شجرة صغيرة… العاصفة كسرت فروعها وهي ضعيفة. الشجرة دي ما غلطتش، ما جابتش العاصفة لنفسها… لكنها اتكسرت غصب عنها. ومع ذلك، جذورها لسه في الأرض، ولسه تقدر تطلع فروع جديدة، حتى لو استغرق وقت.

لكن هنا ييجي الأهم: قَطيعتك ليه ولأمك ممكن تبان إنها بتحميكي… لكنها في الحقيقة زي واحد بيشرب كاس من السم كل يوم وهو فاكر إن عدوه هو اللي هيموت. بينما اللي بيتسمم ويتوجع هو إنتِ. الكره بيأكل روحك، ويحبس طاقتك، ويمنعك من أي شفاء.

وهنا لازم تفهمي: التسامح مش ضعف… التسامح قوة.
التسامح مش معناه إنك ترجعي ليه، ولا إنك تدي له فرصة يوجعك تاني. لكن معناه إنك بتسامحي “لله”، عشان تاخدي الأجر، وبتسامحي “لنفسك”، عشان تحرري طاقتك من قيود الكراهية.

التسامح مش إنك تنسي… ولا إنك تبرري. التسامح إنك توقفي النزيف الداخلي اللي بيستنزفك من سنين. قوتك الحقيقية إنك حوّلت الدرس القاسي ده لوعي، وإنك دلوقتي أقدر من أي وقت تحمي أولادك وتنشري وعي بين الناس إن السكوت عن الجرائم دي جريمة أكبر.

وربنا قال: “فمن عفا وأصلح فأجره على الله” (الشورى: 40).
تسامحك في حالتك مش مجرد عبادة… لكنه دواء لروحك، وطريق لاسترجاع طاقتك وحياتك من جديد.

الحل والعلاج العملي

اسمعيني كويس… إنتي دلوقتي مش مجرد مجروحة من الماضي، إنتي مريضة نفسيًا زي أي مريض عنده جرح في جسمه محتاج يتعالج. وده مش عيب… العيب إننا نسيب الجرح ينزف من غير ما نداويه.
1. العلاج النفسي المتخصص:
أنا بقولك بمنتهى الوضوح: محتاجة تدخل في علاج الصدمات. في أساليب زي الـ EMDR أو العلاج الجسدي–الطاقي (Somatic Experiencing). دي مش جلسات كلام عادي، دي أدوات بتفك “العقدة” اللي لسه محبوسة في جهازك العصبي من طفولتك.
2. العلاج الدوائي (لو لزم الأمر):
أنا كدكتور نفسي بقولك: أوقات بيكون في حاجة لتدخل طبيب نفسي يقيّم لاني اري في قصتك وكلامك والي اختصرتة بشكل كبير علشان اعرضة ان في عندك اعراض اكتائبية فلو في اكتئاب شديد أو قلق مزمن محتاج دواء. الدواء هنا مش ضعف، بالعكس… ده سند للجهاز العصبي يقدر يكمل رحلة العلاج.
3. تمارين يومية للجسد والروح:
أنا عايزك كل يوم تعملي ٣ حاجات:

• تمرين تنفس بسيط لمدة ١٠ دقائق عشان تفكي التوتر من جسمك.
• كتابة تفريغية قبل النوم: طلعي كل اللي جواك على الورق. الورق ده مش هيرد… لكن هيمتص السم.
• طقس تأمل أو ذكر ثابت: ١٠ دقايق بس تقوليل نفسك “أنا في امان دلوقتي… ربنا حاميني”. ده تدريب لعقلك وجسمك يرجعوا يحسوا بالأمان.

4. التسامح الواعي:
خدي بالك… أنا مش بقولك ترجعي لأبوك أو أمك، ولا تديهم فرصة يؤذوكي تاني. لأ. أنا بقولك سامحي “لله” عشان تاخدي أجر، وسامحي “لنفسك” عشان تطلعي الكراهية من جسمك. الكره ده بيأذيكي إنتي مش هو. التسامح هنا مش ضعف… ده قوة. قوة إنك حولتي الدرس القاسي لوعي يخليكي تحمي ولادك، وتنشري رسالة للناس إن السكوت عن الجرائم دي جريمة أكبر.

أنا شفت مئات الحالات زيك… وكلهم كانوا فاكرين إن حياتهم انتهت. لكن مع العلاج، ومع التسامح القوي، بقوا ناس تانية. وإنتي تقدري تعملي ده.

الخاتمة

إنتي مش لوحدك… حتى لو الماضي حاول يقنعك بالعكس.
اللي حصل معاكي ما كانش ذنبك، وما ينفعش يفضل يحكمك باقي عمرك.

مش معنى إنك اتعرّضتِ لوجع بالشكل ده إنك اتكسرتي.
الجرح ممكن يفضل ينزف لو سبتيه… لكن لما يتعالج، بيبقى علامة على إنك نجوتي.

النهارده إنتي واقفة على مفترق طرق: يا إما تفضلي سجينة كراهية وذكريات، يا إما تبتدي رحلة شفاء حقيقية. تسامحك مش معناه ضعف… لكنه بداية قوة. قوة إنك تحرري نفسك، تحمي أولادك، وتكوني صوت لغيرك اللي لسه ساكتين.

صدقيني… الطريق صعب، بس مش مستحيل.
واللي جواكي مش كسر… ده نداء للشفاء.

رسالة هامة

دي كانت رسالتنا في عدد جديد من بريد الجمعة.
فكرة بسيطة… لكنها جاية من القلب: إننا نسمع بعض، ونشوف جروحنا في مراية غيرنا، ونلاقي رد يطبطب ويوجه في نفس الوقت.

أنا هستنى رسائلكم على رسائل الصفحة… اكتبوا كل اللي جواكم بالتفصيل، وأنا هقرأ كلمة كلمة، وهجاوب عليها وأعرضها هنا كل جمعة من غير ذكر أسماء.

ولو حابين السلسلة دي تكمل… اكتبوا في التعليقات كلمة (استمر).
ولو شايفين إن القصة دي ممكن تكون طوق نجاة لحد تاني مرّ بنفس التجربة… شاركوها. يمكن كلمة أو جملة تكون سبب في إنسان يسترد نفسه من جديد.

وأنا كمان حابب أسمع رأيكم في بريد النهارده: في جزء من قصة صديقتنا لمسكم؟ وهل شفتوا او سمعتوا عن تجارب زي حكايتنا اليوم ؟
خلونا نفتح مساحة صادقة نشارك فيها وجعنا… عشان نلاقي مع بعض طريق الشفاء.

03/10/2025

📚 اكتشف أقوى الإصدارات الفكرية لعام 2025!
رحلة بين الفكر، النفس، والطاقة… تقودك لفهم أعمق للذات والوعي الإنساني.

✍️ مع الكاتب والمفكر والمحاضر الدولي
د. وليد صلاح الدين
رائد مدرسة علم النفس الموازي في الوطن العربي
📘 خبرة 16 عامًا من البحث والتأليف والتدريب

🔹 استكشف الآن نخبة المؤلفات الأكثر تأثيرًا:
1️⃣ هرم النجاح – The Pyramid of Success
الطريق العملي لبناء حياة متوازنة ونجاح حقيقي.

2️⃣ قوة الطاقة البشرية – Power Human Energy
اكتشف أسرار طاقتك الداخلية وكيف تفعّلها لتحقيق أهدافك.

3️⃣ غير حياتك في 99 يوم
برنامج تطبيقي للتحول الذاتي خطوة بخطوة.

4️⃣ I AM – أنا بتاع تنمية بشرية
رحلة اكتشاف الهوية الحقيقية وبناء الذات من الداخل.

5️⃣ موسوعة إعداد اللايف كوتش (3 أجزاء)
المرجع العربي الأشمل لتأهيل محترفي التوجيه الشخصي.

6️⃣ موسوعة الصحة النفسية (4 أجزاء)
دليلك لفهم الاضطرابات النفسية وعلاجها بطريقة علمية مبسطة.

7️⃣ موسوعة إعداد المدربين (4 أجزاء)
أساسيات ومهارات التدريب الإبداعي والتأثير الفعّال.

8️⃣ السبع وصايا للوصول إلى العظمة
رحلة في فلسفة القيادة والوعي والخلود الروحي.

⸻

🌍 جميع الإصدارات متاحة الآن أونلاين عبر المتجر الرسمي
🔗 https://shop.drwell-academy.com/shop/

📞 واتساب: 00201025067226
💥 اكتشف الكتاب اللي هيغير نظرتك للحياة بالكامل

03/10/2025

🚀 ابدأ رحلتك التدريبية الأقوى لعام 2025!
📅 جميع البرامج تبدأ 7 نوفمبر بنظام البث المباشر أونلاين 🎥

هل بتحلم تكون مدرب محترف؟
أو خبير في علم النفس والطاقة والعلاج الروحي؟
الفرصة بين إيديك دلوقتي مع الأكاديمية رقم (1) في الوطن العربي 🌍

👑 مع د. وليد صلاح الدين
رائد مدرسة علم النفس الموازي – بخبرة 16 سنة في التدريب والعلاج النفسي والطاقي

🎓 اختر برنامجك المفضل:
✨ الباراسيكولوجي والقدرات الخارقة
💫 علوم الطاقة الحيوية
🌕 العلاج الروحي والنوراني
🧠 علم النفس الموازي
💛 إعداد المرشدين النفسيين
🎤 إعداد المدربين (TOT)
🌿 إعداد اللايف كوتش

💬 بث مباشر تفاعلي – تدريب علمي وعملي
📜 شهادة معتمدة إلكترونيًا

👇 احجز مكانك الآن قبل اكتمال العدد:
🔗 https://drwell-academy.com/الدورات-التدريبية-المباشرة/
📲 00201025067226

🔥 التحول يبدأ بقرار… خُده النهارده!

03/10/2025

✨ اتوازن من جديد… حرّر طاقتك… وابدأ شفاءك الحقيقي!

دلوقتي تقدر تحجز جلسة متخصصة مع د. وليد صلاح الدين
رائد مدرسة علم النفس الموازي ورائد العلاج بالطاقة الحيوية في الوطن العربي

💛 جلسات العلاج بالطاقة الحيوية والعلاج الروحي
🧠 جلسات الرعاية النفسية
🌿 جلسات اللايف كوتش وتطوير الذات

📍 جميع الجلسات أونلاين – سرّية – مصممة لحالتك الخاصة
📞 واتساب: 00201025067226
💥 احجز الآن قبل اكتمال المقاعد الشهرية!

30/09/2025

“الطريق إلى الله… مش بس صلاة”

فيه ناس بتصلي الخمس فروض…
بس قلبهم لسه مش مطمّن.

فيه ناس بتحفظ قرآن…
بس لسه مش قادرة تسامح نفسها.

وفيه ناس شكلهم “ملتزمين”…
لكن جواهم فراغ… بيصرخ بالوحدة.

⛔ لأن الطريق لربنا… مش بس حركات بالجسد.
الطريق لربنا… رحلة بالنفس والقلب والوعي.

⸻

ليه بنفصل بين العبادة والحياة؟

ليه بنفتكر إن الدين مجرد “طقوس”؟
ليه ننسى إن ربنا قال:

“إلا من أتى الله بقلب سليم” (الشعراء: 89)

في علم النفس الروحاني، فيه مفهوم اسمه:
Spiritual bypassing – التجاوز الروحاني.
يعني أستخدم العبادة كغطاء… علشان أهرب من مواجهة جروحي النفسية.

أصلي… وأكتم غضبي.
أسبّح… وأرفض أسامح.
أقرأ قرآن… وأعجز أواجه ضعفي.

⸻

الزاوية اللي محدش بيحكي عنها:

❌ مش كل مصلّي… قريب من الله.
✅ القرب الحقيقي… في صدق العلاقة مش في الشكل.

❌ مش كل واحد بيعيط في الدعاء… متصل بروحه.
✅ ممكن يكون بيهرب من مواجهة ذاته.

⸻

طيب… الطريق لإيه؟

🎯 الطريق لله يبدأ لما تبقى صادق مع نفسك.
🎯 لما تسامح قلبك… زي ما تطلب ربك يسامحك.
🎯 لما تتعلم تعيش بالحب والرحمة… مش بالخوف والذنب.

⸻

اللحظة الذهبية:

“الله مش بيدور على سجودك بس…
الله بيدور على قلبك… وهو بينور.”

⸻

ودي أول خطوة:
• صلّي… بس صلّي بقلب واعي.
• اذكر… بس خليك حاضر وانت بتذكر.
• اعمل خير… مش علشان الناس، لكن علشان تحس إنك صورة من نور ربنا.

⸻

✅ لو نفسك تربط بين العبادة والنفس… وتلاقي التوازن بين “روحك” و”جسدك”…
ابعتلي رسالة، وهديك خطوات عملية تبدأ بيها.

⸻

💬 اكتبلي: (أنا عايز أقرّب صح) لو الكلام ده لمس قلبك.
🔁 شارك البوست… يمكن يكون سبب يهدي قلب حد تاني.

29/09/2025

“لغات الخوف الخفية”

الخوف مش دايمًا بيصرخ.
أوقات… بيتكلم بلغات محدش فاهمها.

فيه واحد بيضحك زيادة… علشان يخبي خوفه.
وفيه واحدة بتتحكم في كل حاجة… علشان جواها قلق يقتل.
وفيه طفل بيغلط كتير… علشان حد ياخد باله إنه موجود.

⛔ الخوف مش دايمًا دموع.
الخوف ساعات… بيتنكر.

⸻

ليه بيحصل ده؟

لأن العقل البشري بيخاف يواجه الوجع مباشر.
فيعمل حيلة اسمها في علم النفس:
Defense Mechanisms – آليات الدفاع.

يعني بدل ما أقول “أنا خايف”…
أطلعها في صورة غضب، أو تحكم، أو انسحاب.

⸻

الزاوية اللي محدش بيحكي عنها:

❌ مش كل واحد عصبي… قوي.
✅ ممكن يكون مرعوب من فقد السيطرة.

❌ مش كل واحدة بتضحك بصوت عالي… سعيدة.
✅ يمكن بتضحك علشان ما تنهارش.

❌ مش كل طفل مشاغب… مؤذي.
✅ يمكن بيخاف يترفض لو بطل يلفت الانتباه.

⸻

طيب… إزاي نعرف لغات خوفنا؟

🎯 اسأل نفسك: إيه الموقف اللي بيخليني “أبالغ”؟
🎯 جرّب تلاحظ: أنا بزعل بسرعة؟ بضحك زيادة؟ بعزل نفسي؟
🎯 وبدل ما تلوم نفسك… افهم إن ده لغة خوفك.

⸻

اللحظة الذهبية:

“الخوف لو ما اتسماش… يفضل يلبس أقنعة.
أول ما تقول: (أنا خايف)… القناع يقع.”

⸻

ودي أول خطوة:
• اعترف بخوفك لنفسك.
• شاركه مع شخص آمن.
• خد خطوة صغيرة رغم وجوده… مش بعد غيابه.

⸻

✅ لو عايز تفك شفرات خوفك وتفهم لغاته…
ابعتلي رسالة، وأنا هساعدك تحول الخوف من عدو… لرسول.

⸻

💬 اكتبلي: (أنا بفهم خوفي) لو حسيت الكلام ده شبِهك.
🔁 شارك البوست… يمكن يساعد حد يكتشف إن خوفه مش عيب، لكن لغة محتاجة تُفهم.

28/09/2025

أنا عايز أتغيّر… بس نفسي هي اللي بتعطلني.

عمرك حسّيت إنك عارف الحل…
بس برضه مش قادر تطبّقه؟

تبقى ناوي تقوم بدري… وتفشل.
ناوي تخس… وبعدين تلاقي نفسك بتاكل.
ناوي تبدأ مشروع… وتفضل تأجّل.

⛔ وكأن في “عدو خفي” جواك… بيشدك لورا.

⸻

الحقيقة؟

العدو مش برّا.
العدو هو صوت داخلي بيقولك: “خليك مكانك”.

في علم النفس، ده اسمه:
Self–sabotage – تخريب الذات.
يعني: أنا نفسي… اللي بوقف نفسي!

⸻

ليه بنعمل كده؟
• الخوف من الفشل… يخليك ما تبدأش أصلًا.
• الخوف من النجاح… يخليك تهرب من المسئولية.
• الإحساس بعدم الاستحقاق… يخليك تبوظ أي خطوة إيجابية.

⸻

الزاوية اللي محدش بيحكي عنها:

❌ مش معنى إنك بتكسل… إنك ضعيف.
✅ ساعات الكسل ده “قناع” لخوف أعمق.

❌ مش معنى إنك بتأجّل… إنك مش عايز.
✅ ممكن تكون عايز بجد… بس دماغك بقت سجن.

⸻

طيب… الحل؟

🎯 أول خطوة: لاحظ صوتك الداخلي.
اسمع هو بيقولك إيه: “إنت مش قدها”؟ “مش هتنجح”؟
لأنك لما تكشف الكذبة… بتفقد قوتها.

🎯 تاني خطوة: ابدأ بحاجة صغيرة جدًا.
بدل ما تقول “هتغيّر حياتي”، قول “هقوم دلوقتي أشرب كوباية ميه”.
التغيير الكبير… بيبدأ من “تفصيلة صغيرة”.

⸻

اللحظة الذهبية:

“أصعب معركة في حياتك… مش مع العالم.
أصعب معركة… مع نفسك اللي جواك.”

⸻

✅ لو حاسس إن نفسك هي اللي بتعطلك…
ابعتلي رسالة، وهساعدك تكتشف إزاي تكسر الدائرة دي.

⸻

💬 اكتبلي: (نفسي بتوقفني) لو الكلام لمس وجعك.
🔁 شارك البوست… يمكن يساعد حد يلاقي مفتاح الخروج.

28/09/2025

“أنا مين؟!”
سؤال بسيط… بس ساعات بيبقى أثقل من جبل.
فيه ناس بتصحى من النوم… تروح شغلها… تضحك… وترد على التليفونات.
لكن جواها صوت صغير بيصرخ:
“أنا مش عارف أنا مين.”
⸻
بنوصل للحظة دي ؟
• لأننا عشنا نحاول نرضي الكل… ونسيْنا نرضي نفسنا.
• لأننا لبسنا “أقنعة” علشان نتقبل… ونسينا وشّنا الحقيقي.
• لأننا صدقنا إن قيمتنا في شغلنا، في دراستنا، في رأي الناس فينا… مش في نفسنا.
في علم النفس ده اسمه:
Identity crisis – أزمة الهوية.
يعني لما الإنسان يحس إن صورته عن نفسه مش واضحة… ومش متطابقة مع اللي عايشه.
⸻
الزاوية اللي محدش بيحكي عنها:
❌ مش كل حد بيضحك… سعيد.
✅ في ناس بتضحك علشان محدش يسأل.
❌ مش كل حد ناجح… متصالح مع نفسه.
✅ في ناس بتنجح علشان تثبت إنها “كفاية”.
⸻
طيب… نعمل إيه؟
أول خطوة بسيطة:
🎯 اكتب 3 حاجات بتحبها فعلًا من قلبك.
🎯 واسأل نفسك: هل حياتي اليومية فيها المساحات دي؟
🎯 لو الإجابة “لأ”… يبقى محتاج تبدأ تغيّر. حتى بخطوة صغيرة.
⸻
اللحظة الذهبية:
“معرفتك بنفسك… أهم من أي لقب أو دور بتلعبه.”
⸻
✅ لو بتحس إنك ضايع بين أدوار كتير (أب/أم/موظف/صديق)…
ومش عارف أنت مين فعلًا،
ابعتلي رسالة… وهنبدأ رحلة اكتشاف ذاتك خطوة بخطوة.
⸻
💬 كومنت تريجر:
اكتبلي: (أنا بدور عليا) لو بتحس إنك لسه ما لقيتش نفسك.
🔁 شارك البوست… يمكن يوصل لحد محتاج يسمع إنه مش لوحده.

27/09/2025

الانوثة

فيه بنت… قررت تبقى “قوية”.
بس وهي بتهرب من ضعفها… ضيّعت أنوثتها.

كبرت وهي سامعة:
“خليكي جدعة”
“ما تضعفيش”
“اعملي نفسك مش فارق معاكي”

وصدّقت إن الأنوثة ضعف.
وإنها لازم تكون قوية… علشان محدش “يستغلها”.

⛔ والنتيجة؟
بنات كتير بقوا ستات… بس جواهم بنت صغيرة تعبانة من القسوة .. تايه بين انثوتها والحقيقية الي عايزنها تكون عليها
⸻

ليه الأنوثة بقت تهمة؟

ليه بنخاف منها أكتر ما بنعيشها؟
ليه القوة بقت تعني إننا “ننسى نكون ناعمين”؟

في علم النفس الطاقي، ده اسمه:
“Feminine Wounding” – جرح الأنوثة.

وهو إن الست تفصل عن طاقة الاستقبال، والرحمة، والتلقّي…
وتعيش طول الوقت في طاقة “النجاة” (Survival Mode).
وده بيبوظ التوازن النفسي والجسدي والعاطفي.

⸻

الزاوية اللي محدش بيحكي عنها:

❌ مش كل واحدة ناعمة… سطحية.
✅ ومش كل واحدة صوتها عالي… قوية.
❌ ومش كل واحدة مستقلة… مرتاحة.

فيه بنات بتلبس “درع” علشان ما تتوجعش،
بس اللي جوّاها؟ طفلة محتاجة حضن.

⸻

الست اللي بتزعق؟

يمكن مش لاقية حد يسمعها بلُطف.

اللي بتتحكم؟
يمكن اتعودت تبقى المسؤولة عن كل حاجة لوحدها.

اللي بتبعد؟
يمكن كل مرة قرّبت… اتخذلت.

🚨 مش كل تصرف أنثوي = ضعف.
ومش كل تحكّم = قوة.

⸻

الحقيقة المؤلمة؟

فيه بنات فقدوا أنوثتهم علشان “ينجوا”.
بس عمرهم ما حسّوا بالأمان اللي يخليهم يرتاحوا.

⸻

“الأنوثة مش شكل…
الأنوثة هي طاقة حب وتسامح وتلقّي…
لما تحسي إنك “مش محتاجة تثبتي حاجة”… تبقي فعلاً أنثى.”

⸻

ودي أول خطوة:

🎯 سامحي نفسك لو اتخليتي عن أنوثتك زمان.
🎯 اسمعي جسمك… محتاج إيه؟
🎯 مارسي تقبّل النفس، مش جلد الذات.
🎯 ارجعي لحقيقتك… مش لصورة المجتمع.

الأنوثة مش واجب ولا ضعف…
هي ذكاء داخلي وروح قابلة للحياة.

⸻

✅ لو بتحسي إنك فقدتي توازنك بين القوة والأنوثة،
أو لو محتاجة تكتشفي “نُعومة النفس” من جوّه…
ابعتيلي رسالة، وأنا معاكي خطوة بخطوة.

⸻

💬 اكتبلي: (أنا عايزة أرجع لنفسي) لو الكلام ده شبِهك.
🔁 شاركي المنشور… يمكن يساعد بنت تفتكر إنها مش لازم تبقى سوبر وومن علشان تستحق الحب.


#الأنوثة