Seragi - سراجي

30/11/2025

29/11/2025

💫>> ورشة تكريم

25/11/2025

متابعاتنا الطيبات بعتوا يسألوني عن التوعية من التحرش بالمحاكاة و لأني أعلم من واقع عملي خطأ هذه الطريقة و لقصر الوقت لدي فهذا رد محرر بالذكاء الصناعي حتى يتوفر لي الوقت للتحرير العلمي المنظم لهذه المسألة

❌ في التوعية من التحرش ما هو غير صحيح أو غير آمن علميًا

هنا المهم جدًا، لأن فيه أمور تشكّل أخطاء خطيرة قد تؤذِي الطفل نفسيًا وتقلّل حمايته بدلًا من زيادتها.

---

❌ 1. التدريب على التقييد، الضرب، العض، محاكاة الهجوم

هذا غير معتمد علميًا، وخطر نفسيًا، ويؤدي لنقطة عكسية.

لماذا؟

✘ أ. لأن دماغ الطفل لا يفرّق بين التمثيل والهجوم الحقيقي

قد يشعر أن والده/والدته يهاجمانه →
يتولد:

خوف

تشوش

فقد ثقة

صدمات جسدية ونفسية

يُسجّل هذا في الذاكرة “كتهديد” (Trauma imprint).

---

✘ ب. لأن الطفل أثناء الاعتداء الحقيقي غالبًا لن يتذكر خطوات التدريب القتالي

عندما ينهار الدماغ في “وضع الصدمة”
→ قدرته على تنفيذ مهارات جسدية = تقترب من الصفر
وهذا مثبت في neurobiology of trauma.

---

✘ ج. لأن “الإفلات الجسدي” يحتاج نضج عضلي لا يتوفر للأطفال الصغار

الطفل قد لا ينجح → يشعر بالفشل → ينخفض إحساسه بالأمان.

---

❗ الخلاصة العلمية الأهم:

المحاكاة القتالية ليست جزءًا من برامج الحماية المعتمدة عالميًا
بل قد تسبب صدمة تبديلية (secondary trauma) وتضلّل الطفل وتخيفه.

هذه الأساليب تكون آمنة وفعّالة فقط عند الالتزام ببروتوكولات واضحة: تهيئة نفسية وشرح للطفل، موافقة الوالدين والطفل حسب العمر، كلمة/إشارة أمان لإيقاف التمرين فورًا، تدرّج شدّة السيناريوهات، حضور راشدين موثوقين أو الوالدين، وميسّرون مدرّبون وإجراء تفريغ (debrief) ومتابعة بعد الجلسة. الدراسات تُظهر أن إضافة مكوّن in-situ إلى BST تحسّن الاحتفاظ والقدرة على التطبيق في محاكاة واقعية مقارنة بـ BST وحدها

ميسر مدرب و بعدها جلسات تفريغ و متابعة من متخصص بعد الجلسة و هذا لا يتوفر نهائي إذا قام بهذه المحاكاة الوالدين غير المتخصصين

---

✅: ما توصي به الدراسات والمنظمات المعتمدة عالميًا

هذه هي الطرق العلمية الآمنة التي أثبتت فاعلية في حماية الأطفال:

1. التدريب السلوكي اللفظي (Behavioral rehearsal)

لكن ليس فيه ضرب أو تقييد.

أمثلة:

كيف يقول “لا”

كيف يصرخ

كيف يبتعد بخطوتين

كيف يذهب لراشد آمن

كيف يكرر “ساعديني/ساعدني”

بدون لمس الطفل.
بدون تمثيل هجوم.

---

2. تعليم: “No – Go – Tell”

قول "لا" بصوت قوي

الابتعاد فورًا

الذهاب لشخص آمن

الإصرار على التبليغ حتى يسمعك أحد

هذه الطريقة مدعومة علميًا ودولياً.

---

3. تعليم سيناريوهات لفظية متنوعة

بدون محاكاة جسدية.

مثل:

لو حد قالك تعال نلعب لوحدنا

لو قال لك ما تقوليش لماما

لو حاول يلمس منطقة خاصة

لو طلب يشوف جسمك

يتعلم الطفل ردودًا لفظية جاهزة.

---

4. تقوية الثقة بالنفس + بناء علاقة آمنة مع الوالدين

أهم عامل حماية (Protective factor) ليس القتال…
بل العلاقة الآمنة + القدرة على الإبلاغ.

---

5. تعليم مهارات قراءة المشاعر

خاصة:

الارتباك

عدم الارتياح

الخوف الخفيف

القلق

الضغط الداخلي

هذا أفضل من “محاكاة التحرش”.

24/11/2025

🔹️أساسيات توعية ابناءنا الصغار لحدود الآخر معهم

البوست طويل شوية و هنقسمه لأجزاء...

🔸️أولا بنعلم الطفل من سن صغير 3 سنوات أن عنده جزء خاص ( private part) لو بتتكلمي معه بالانجليزي أو العورة لو بتكلميه بالعربي.....

🔹️مهم نسميها اسم مفهوم للكبار بلاش الكوكو و الويوي و الكلمات الكيوت دى .....

🔸️الطفل محتاج يعبر بكلمة يفهمها الكبار لو حب يعبر عن الي حصل معه و في نفس الوقت تكون كلمة مقبولة مجتمعا....

🔹️عرفيه أن ربنا كرمه بعيون بيشوف بهم , رأس بيفكر به , فم يعبر به عن حاجاته , يدين يبدع بها و كرمه بجزء آخر بتغطيته الي هو العورة.....

🔸️المكان ده وظيفته الإخراج و أنت مكرم وغالي عشان كده المكان ده بتاعك أنت بس مش من حق حد يشوفه و لا يلمسه غيرك ......

( بنحتاج نتكلم عن بقية أجزاء الجسم عشان الولد ما يركزش زيادة علي أمر العورة بس و يبقي عايز يستكشفها عند الناس )

( اربطي عنده أنه كريم و غالي ان ماحدش يلمسه و لا يشوفه )

( بلاش استثناء الدكتور ممكن يشوفك لأنهم ساعات بيقولوا علي التحرش لعبة الدكتور )

🔸️لو حد حاول يري أو يلمس مكان العورة ....
صرخ ...
اجري ...
احكي لماما و بابا ....

صرخ ...اجري...احكي......

( ثبتي رد الفعل و علميهاله كأغنية عشان تبقي ردفعل سهل و طبيعي )

🔹️دايرة الأسرار بتاعتك هي ....أنت ...بابا....ماما

الأسرار بتكون بينا احنا التلاتة مافيش سر برانا .......

احنا بنحبك دايما و بنحترمك علي طول........

🔸️استخدمي قصة لتعليمه المبدأ هو مكرم ....

حد حاول يصاحبه و يلمسه و هو صرخ ...جري ....و حكي لماما ....

بلاش تحكي في القصة أن مامته كافئته لما حكالها ...
هيدعي بالكذب أن حد لمسه عشان يتكافئ....

🔹️شوية محاذير بتسهل أمر التحرش منتشرة في مجتمعاتنا.......

1- ما يغيرش أمام الناس ولا يستحما مع ولاد خالته .....
أكدي مفهوم الخصوصية والتكريم من أول ما هو رضيع ...

2- البوس في البق بلاش بلاش .....عدوي و باب سئ جدا مالوش أي لازمة ..

3- الضرب علي المؤخرة ....الولاد كيوت بس دي حركة مش كيوت خالص و الطب النفسي بيقول أنها بتربي علي اضطرابات نفسية فبلاش الحاجات دي...

4- بلاش الي يعرفها و الي ما يعرفهاش يبوسها لو حد ما تعرفهوش أو مش عايزة تسلم عليه حقها ما تغصبيهاش....

5- خليه يختار و يعبر عن رأيه دايما ....
بلاش القهر و عدم احترام رأيهم عشان يتعلم أنه مش مقهور و محترم و دايما بنقبله و هنساعده..

6- علميه قبل الذهاب للمدرسة يشطف نفسه إزاى ....
مافيش حاجة اسمها الدادة تدخل معها الحمام ...
ولادنا مادام دخلوا المدرسة نعلمهم قبلها يشطفوا نفسهم إزاى ...
و ندربهم طول الصيف الي قبل المدرسة.....
يتشطفوا بمنديل و شطاف منفصل أو بأى طريقة تفضليها المهم يكونوا ادربوا جيدا قبل دخول المدرسة.

7- بلاش نعلمهم يقعدوا علي رجل الناس الغريبة خليه يتعلم يقعد علي كرسي زيه زيك .

8- لو ابنك أو بنتك حكت عن حد حاول يلمسه بطريقة غير محترمة إياك و السخرية منها أو تكذيبها ده أسوأ رد فعل ممكن تعمليه أنك تحسسيها أنها وحدها في المأساة دي....

9- لو ابنك بدأ يكره حد معين في المدرسة أو الحضانة ابدأي استخدمي القصص أو اللعب عشان تعرفي هو بيكرهه ليه ؟ .....

10- احنا مش عايزين نربيهم مرعوبين شجعيهم يخرجوا يتعرفوا علي ناس جديدة يستكشفوا و يتعلموا بس عليكي استوداعهم الله سبحانه و تعالي و التدريب الجيد بالوسائل المختلفة و حبهم غير المشروط .....

ربنا يحفظ أولادنا جميعا و يبارك فيهم ...

Seragi - سراجي

24/11/2025

نتشارك معكم أسئلة أمهاتنا دلوقتي و اجابتها ربنا يطمن و يجبر القلوب..

🔻أنا متوترة جدا التوعية كده مالهاش دور الأمهات كانوا موعيين ولادهم ؟

✅الي حصل مش هو الشائع الأصل و الشائع أن التوعية بتفرق جدا مع الطفل و تحميه بفضل الله و هو ده دورنا الي ربنا هيسألنا عنه ...

🔻أنا خفت جدا مش متصورة إزاي هأحمي ولادي؟

✅عشان مش ده دوري ..أنا أم أوعي ولادي و أصاحبهم عشان يحكولي و أشجعهم عشان ما يبقوش شخصيات سلبية و ضحايا سهلة و أراقب البيئات الي بيروحوها لكن الحفظ ده من الله الحفيظ.
ادعي ربك يحفظهم و استودعيهم الله و هو وكيلك في حفظهم و رعايتهم...

🔻الي حصل ده دمر الأطفال دي و أهلهم

✅ الي حصل ده جريمة تحتاج تدخل مجتمعي لكن أبناءنا دول هيتعالجوا إن شاء الله و بإذن الله هيتخطوا التجرية الأليمة الي مروا بها ده و هيتعافوا هم و أهاليهم إن شاء الله ..

بس لعل الي حصل ده خير كبير هيخلي أطفال كتير تتوعى و تتعلم ...

خير هيخلي القوانين تتغير و العقوبة تتغير و تكون رادعة فعلا لكل شيطان مجرم...

خير هيخلي أمهات كتير عايشين في إنكار يفوقوا و يساعدوا أولادهم....

🔻الطفل الحواري هيقول لو حصله حاجة

✅ في الطب النفسي بيقولوا لو اجتمع الخزي الي بيغرسه المعتدي في الطفل (أنت الي خليتني اعمل كده)
مع الخوف بالتهديد ...
غالبا الطفل مش هيحكي لأنه يشغر بالخزي من نفسه ...

بالذات مش هيحكي لأقرب الناس الي عايز يحافظ على صورته الطيبة عندها

🔻ده قلقني أكثر؟

✅لأ دايما و انت بتوعي الطفل تقوليله أي حاجة حصلت مش أنت الي غلطان .
أي حد ضايقك أو أذاك هو المخطئ مش أنت و أنا دايما هأساعدك و عمري ما هأزعقلك أو ألومك...

✅ وعوا اولادكم بدون تخويف

✅ مش عارفة توعيهم إزاي اتعلمي، فيه مصادر كتير مجانية و فيه دورة تكريم عندنا للطفولة و المراهقة ...

✅ استودعيهم الله و وكلي ربك في حفظهم

✅ راقبي بيئتهم و المحيطين بهم و اعملي وقت تتكلمي مع ولادك فيه و اعطيهم الأمان

✅ ظهر عليهم اعراض غريبة إلجئي لمتخصص و خدي بالأسباب ..تداوا عباد الله فإن لكل داء دواء

✅ ابشري فيه علاج و فيه تدخل بينفع أهم حاجة ما تكذبيش ولادك و لا تلوميهم ولا تلومي نفسك أصلحي في الجاي و اسعي و اصلحي الخطأ...

ربنا يحفظ اولادنا جميعا ولا يرينا مكروه فيهم أبدا ...

د.مي المشد
@سراجي

Call now to connect with business.

23/11/2025

بخصوص حادثة التحرّش اللي حصلت مؤخرًا في إحدى المدارس في القاهرة…
أول حاجة، ربنا يجبر بخاطر أهالي الأطفال دول ويقوّي الأطفال ويصلّح حالهم ويطمن قلوبهم.

تاني حاجة، إحنا كأهالي لازم نعمل إيه؟

الأطفال من سن ثلاث سنوات لحد خمس سنين لازم نراجع ونأكد معاهم التوعية بالخصوصية و حدود الآخر ونفهمهم:

محدّش يلمسك في المكان الخاص بيك أو يشوفه.

ولا إنت تلمس حد في الأماكن الخاصة ولا تشوفها.

ولو حد حاول يعمل كده: تبعد فورًا وتيجي تحكيلي.

ومش مسموح لحد يعمل كده حتى لو قالك هديّك حاجة حلوة، موبايل، لعبة — أي حاجة.

وبرضه مش مسموح حتى لو خوّفك… قالك “هضربك، هقرصك، هقتل بابا، هقتل ماما”…

لأ… تقول لأ فورًا.
ولو حد عمل كده غصب عنك، لازم تيجي وتقولّي عشان أعرف أدافع عنك وأحميك.

دي أول نقطة ولازم تتقال وتتعاد للأطفال في السن ده.

النقطة التانية المهمّة جدًا هي موضوع الاستوداع والرقية.
إحنا بقينا نشوف شرور كتير، ومفيش حاجة بقت تحمي ولادنا زي إننا نستودعهم عند ربنا سبحانه وتعالى ونرقيهم كل يوم قبل ما ينزلوا. فدي حاجة لازم نفتكرها ونفكّر بعض بيها دايمًا.

طيب، بالنسبة للأطفال الأكبر من ٦ أو ٧ سنين:
السن ده غالبًا الأطفال بيسمعوا ويتكلموا في المدرسة، فإحنا محتاجين نشرح لهم الموضوع بطريقة مناسبة:

نقول لهم إن فيه ناس الشيطان مسيطر عليهم، وناس مرضى في القلب والعقل، وإنهم أذوا أطفال تانية جامد جدًا، وكانوا بيخوّفوهم بالسكين ويهددوهم إنهم هيقتلوا أهلهم.

فنقول لولادنا:
لو اتعرّضتوا لحاجة من دي، لازم تيجوا تحكولنا فورًا. وإحنا هنقف معاكم ونحميكم وهنوقف الأذى ده.

ونوضح لهم إن عندنا في الإسلام، الناس اللي بتعمل كده لازم تتعاقب أشد العقاب و حدهم في الإسلام القتل .
و أنت ترفض قدر استطاعتك و لو قتلك تبقى شهيد
ونعرفهم بحديث النبي ﷺ:

: منْ قُتِل دُونَ مالِهِ فهُو شَهيدٌ، ومنْ قُتلَ دُونَ دمِهِ فهُو شهيدٌ، وَمَنْ قُتِل دُونَ دِينِهِ فَهو شهيدٌ، ومنْ قُتِل دُونَ أهْلِهِ فهُو شهيدٌ.

والصحابي اللي سأل النبي ﷺ لو حد جي يسرق مالي اقاتله ؟فقال له: قاتله.
أن رجلا جاء إلى رسول الله صلى الله عليه وسلم فقال: يا رسول الله أرأيت ان جاء رجل يريد أخذ مالي؟ قال: فلا تعطه مالك. قال: أرأيت إن قاتلني؟ قال: قاتله. قال: أرأيت إن قتلني؟ قال: فأنت شهيد. قال: أرأيت إن قتلته؟ قال: هو في النار

فنشرح للطفل إن لو حد هدّده علشان يلمسه أو يعمل معاه حاجة غلط، يرفض مهما حصل.
ولو — لا قدر الله — حد قتل وهو بيدافع عن نفسه وعن عرضه فهو شهيد.

نعلّم بنتنا وابننا:

مهما حد خوّفك…

مهما قالك “هقتل باباك، هقتل مامتك، هعمل فيك”…
ارفض… ارفض… ارفض.
ومهما حصل أنت مش الغلطان، وإحنا جنبك.

وفوق سن ٧ سنوات نفضل برضو محافظين على الرقية والاستوداع كل يوم،

ونفهمهم إن اللي بيعملوا كده دول شياطين إنس ومرضى في القلب،

وإنه لازم مهما حصل مش خطأه نهائي و ييجي يقول لينا علشان نساعده ونوقف الأذى.

وفي الآخر ندعي
ربنا يجبر قلوب الأطفال اللي اتأذوا، ويصبّر أهاليهم،
ويحفظ أولادنا جميعًا من ايمانهم و من شمائلهم ون أمامهم و من خلفهم
ويجعلهم في حرز وأمان، وما يشوفوش شر أبدًا.

د.مي المشد
@سراجي

19/11/2025

لو كان حد اداني الكتالوج ده و أنا راجعة من مستشفى الولادة كانت حياتي اتغيرت كتيير
💖 💖 Daylight 💖💖
دليلك من أم جديدة لأم خبيرة👍

كل الي محتاجة تتعلميه لتربية طفل جديد...

🔹️من أول اهتمامك بنفسك ...
🔸️لتطوير علاقتك بشريك حياتك...
و تدريبات لتطوير علاقتكم و تأهيلها للوضع الجديد...
و كسب تعاونه و شراكته في التربية من البداية😍

لكل ما تحتاجي تعلمه من علم النفس و مهارات التربية ...
لتربية طفل أول 4 سنوات من عمره...

🔹️معرفة مراحل النمو المختلفة...
🔸️دعمه النفسي و تشجيعه...
🔹️تنمية الذكاء العاطفي لاطفالنا و دعمه...

🔸️اكتشاف مهاراته و تطويرها....
🔹️فهم طباع اطفالنا و أثرها على التربية

🔸️تطوير اللغة و المهارات الاجتماعية...

و كمان التحديات المشهورة زي
🔹️النوم ،
🔸️الأكل،
🔹️العنف
🔸️ الانسحاب الاجتماعي ..

🔹️الخطوات الصحية في الفطام ...
🔸️دخول الحضانة ....
🔹️تدريب استخدام الحمام كمان...

🔸️فهم مخاوف الطفل و التعامل الصحيح معها...

🔹️تنمية ذكاء أولادنا و دعمهم بالالعاب و الانشطة ....

كل العلم و الدعم الي محتاجاه في اول تجربتك كأم عشان تتعاملي كخبيرة💪💪💪

آراء بعض من حضر الكورس
https://www.facebook.com/989481324444818/posts/3852513878141534/

كل ده في 12 ساعة تدريبية بتمارين وواجبات تحليها عشان تغير من سلوكك و أفكارك كمان....

الكورس أعدنا تصميمه ليناسب الاونلاين ....
موجود مسجل تتابعيه بالمعدل المناسب لك
و تبعتي اسئلتك تباعا تجيب عليها د . مي المشد

تقدم الورشة : د. مي المشد
طبيبة بشرية
معالج سلوكي معتمد
مدرب تربية إيجابية معتمد من منظمة التربية الإيجابية بالولايات المتحدة الأمريكية
معالج سلوكي للأطفال مدرب من جمعية الطب النفسي بماستشوتس بالولايات المتحدة الأمريكية.
استشاري نفسي و تربوي بعدد من الحضانات في القاهرة.
عضو الجمعية المصرية للعلاج السلوكي المعرفي

للحجز و الاستعلام : واتس اب علي 01024477467

Seragi - سراجي

04/11/2025

مع بداية إنترفيوهات المدارس، محتاجة أعمل إيه كأم...

1- اعملي بحثك كويس ودوري في المدارس واسألي أولياء الأمور السابقين....
لو قررتي، خدي طفلك يعمل معك جولة في المكان.....
بس ما تفرجيهوش كل المدارس ....
قرري وبعدين خديه معك في جولة.

2- الإعداد الأكاديمي أمر بيتم في الحضانات أو لو ابنك معك في البيت اعملي جدول واشتغلي معه...
ربع ساعة كل يوم تكفي بس استمري...
محتاجين نشتغل شهرين على الأقل قبل الإنترفيو....

3- ما تتوتريش ولا توتري ابنك.....
أغلب المدارس بتختبر قدرات الطفل الذهنية مش حافظ إيه....
الإنترفيو مش آخر الدنيا ولا المدرسة دي بتدخل الجنة....
أعطي للأمر قدره عشان ما توتريش ابنك على الفاضي.

4- مثلي الإنترفيو مع ابنك (mock test )
كل فترة كده مثلي مع ابنك الإنترفيو...
ممكن كمان نستعين بخالته ولا عمته.....
حد مش اللي بيشتغل معه أكاديمي...
ونمثل كأننا في الإنترفيو...
ده بيشيل الرهبة من الطفل وبيخليه أكتر ثقة وتجاوب في الإنترفيو....

5- ليلة الإنترفيو ناموا كويس.....
طفلك محتاج يكون مرتاح.....
جهزي اللبس من بالليل...
ناموا بدري واصحوا بدري....
كلوا فطار لذيذ و مغذي في جو أسري طيب..

6- انزلوا بدري و روحوا قبل موعدكم....
لو اتأخرتي هتتوتري و توتري طفلك بدون سبب...

7- أطفالنا بينتجوا أفضل في جو المرح.....
اضحكي معه في العربية.....
ولاعبيه وضحكيه وأنتم مستنيين الإنترفيو ...
هتلاقيه مستريح و مش هيثور أو يتوتر في التعامل مع المدرسة الغريبة....

8 - بعد الإنترفيو مهما كانت نتيجته .....
قولي لطفلك أد إيه أنت فخورة به ، وسعيدة أنك مامته....
عرفيه أنه اشتغل على أد ما يقدر و دخولنا المدرسة دي أو لأ هيكون حسب الأعداد المتقدمة....

9- علاقتك بطفلك ونظرته واحترامه لنفسه أهم مليون مرة من دخول أي مدرسة....
رتبي أولوياتك واعرفي أن الكلام اللي بتقوليه لطفلك هو اللي هيعيش يحققه....

شجعيه ....
هيبهرك بنجاحه....
ثقي فيه ....
هو محتاجك...😍
د . مي المشد
@ سراجي

03/11/2025

ممارسة شفتها في كثير من حبيباتي الي بيراجعوني تنافي الرفق و مؤذية للطفل على الصعيد النفسي و التربوي...
أمهات جميلة بتعمل تدريب النوم المسمى cry out أو cry to sleep ...
من الآخر تدع الطفل يبكي حتى ينام وحده ...
ممكن تدخل تهديه شوية و بعدين تدعه يبكي...
تحت ادعاء أن أطباء الأطفال بينصحوا به (أنا عارفة انه مكتوب في مراجع طب الاطفال)
او فيه حبيبات لجأت لناس بيعملولهم التدريب ده لأطفالهم (في بلاد الغرب مش عندنا)...

سيدنا النبي صلى الله عليه و سلم كان بيخفف الصلاة لما طفل يبكي رحمة بأمه ....
إيه أخبار الرحمة في الطريقة دي ؟!

حتى العرب كانوا عارفين أهمية الرفق وقت النوم

‏"وكان من عادةِ العربيَّة ألا تنوِّم ولدَها وهو يبكي ، خوفَ أن يسري الهمُّ في جسمه ، ويدبَّ في عروقه، ولكنها كانت تنازعُه وتضاحكُه حتى ينام وهو فرح مسرور، فينمو جسدُه ويصفو لونُه ودمُه، ويشفُ عقلُه "

كتاب
‏• مروج الذهب - للمسعودي (٤/ ٢٥٢).

طيب دراسات الطب النفسي بتقول أن الطريقة دي بتزود هرمونات الضغط عند الرضع دول و بتجعلهم أكثر عرضة لعادات تفريغ التوتر زي قضم الاظافر و مص الأصابع....

دراسات كثيرة بتتكلم عن أن جزء أساسي في الاستواء النفسي للطفل يرجع للرابط الآمن مع الأم أول سنة من عمر الطفل ...
الرابط ده هو سرعة و حسن استجابة الأم لاحتياجات الطفل و تعبيراته المختلفة ...

و الي طبعا تركه يبكي بالساعة لا يمثل حسن استجابة مطلقا و يؤثر على نمو مراكز في مخه و حسن علاقاته الاجتماعية لما يكبر و استقراره النفسي.....

يبقى خلينا في الرفق يا حبيبات فضلا ...

النبي صلى الله عليه و سلم علمنا أن الرفق ما كان في شئ إلا زانه و ما نزع من شئ إلا شانه...

بالراحة و بالتدريج و راضي الطفل لما يبكي هتعرفي تدربيه على النوم منفصل بالتدرج ده و بالرفق...

مش كل المكتوب في كتب الطب صح و مفيد ....

لأن دايما هتلاقي دعاوي لممارسات معينة ثم تأتي دراسات أخرى تنافيها ...

الطب كان بيعيب الرضاعة الطبيعية في الخمسينات لأن لبن الأم ناقص في الحديد ....

و بعدين رجعوا و غيروا الكلام ده مع كم الدراسات المهولة التي تظهر فوائد عديدة نفسية و صحية للرضاعة الطبيعية...

استعيني بالله و احتسبي كل مجهودك مع أولادك عبادة و طاعة لله و صون للأمانة ....

د . مي المشد
Seragi - سراجي

21/10/2025

https://www.facebook.com/share/v/1DNKxYQiC1/?mibextid=wwXIfr

18/10/2025

تجميع لكل بوستات سراجي عن الصلاة💗
لكل حبيبة مهتمة بتدريب ابناءها على الصلاة ...
جعلنا الله و أبناءنا و إياكم من مقيمي الصلاة 🌷

الأول: https://www.facebook.com/989481324444818/posts/3742016745857915/

الثاني :
https://m.facebook.com/story.php?story_fbid=2507016886024580&id=989481324444818

الثالث :
https://m.facebook.com/story.php?story_fbid=3444701392256120&id=989481324444818

الرابع :
https://m.facebook.com/story.php?story_fbid=2600483586677909&id=989481324444818

الخامس :
https://m.facebook.com/story.php?story_fbid=1637932552933022&id=989481324444818

بتقومي ابنك للصلاة ...
متكاسل ...زهقان ...تعبان ...
بتخافي عليه...
تروحي مزعقة ...او تلوميه...
وساعات بتخافي ت١غطي عليه فيكرهها تروحي سايباه خالص...
أمهات كتير بتعاني و هي بتدرب اولادها على الصلاة...
في مقال جميل كتبته أخت مسلمة في الغرب استخدمت لفظ عجبني جدا...
سمت عمر التدريب على الصلاة من 7 -10 سنين اقامة الصلاة...
Establishing their prayers years....
و كأن اولادنا في ٣ سنين هيبني بناء عظيم ...
هو بناء اقامة الصلاة في حياتهم...

كانت بتتكلم انهم محتاجيننا معهم في السنين دي ...
ندعم و نشجع ...

محتاجينك جنبهم تتعاطفي معهم لو تعبانين او مكسلين...
تساعديه تحضنيه ترحميه...

اقفي جنبه وهو بيتوضأ ...
سنديه لو نايم وهو رايح الحمام...

ناوليه الفوطة و ذكريه بفضل الوضوء...
فكريه بذكر الوضوء و عرفيه انه فتحت لو ابواب الجنة به...

شجعيه يصلي جنبك و قوليله كلمتين حلوين بعد الصلاة...

ممكن معنى لآية او حديث عن فضل الصلاة.....
اشكريه أنه جاهد نفسه و قدر يتغلب عليها و يثوم يضلي...
شجعيه و ادعيله ربنا يزيده من فضله....

السنين دي ولادنا محتاجيننا نكون معهم ندعمهم ..
بتعاطف و حب و تشجيع بعدها...
محتاجين نساندهم و ندعمهم ضد مداخل الشيطان المختلفة...
مش نساعد الشيطان عليهم باللوم و النقد و الزعيق...

خلي كل لحظة ضعف لولادك او شكوى من الصلاة او تملل منها ...
لحظة تدعميهم فيها و تسانديهم و تشجعيهم...
و بكده الصلاة هتقربكم من بعض...
و هتربطي الصلاة طول سنوات بناءها عند ابنك بمشاعر ايجابية و محبة💜💛
ولادنا محتاجيننا جنبهم السنين دي بالدعم و التعاطف و التشجيع 💪💪
لغاية ما يبنوا البناء القوي الي يدهم القوة و الثبات في حياتهم كلهم....

و ماتنسيش تدعيلي و لأولادي و أولادك و أولادنا جميعا رب اجعلني مقيم الصلاة و من ذريتي ...

د .مي المشد
Seragi - سراجي

مقال مفيد للاستزادة لمن يحب في التعليقات