د. نجلاء الشربينى

09/10/2025

اتعودت أحاول أشوف جمال النفس البشرية الموجودة خلف المرض، ده بيخليني ألاقي الأمل في أصعب لحظات رحلة العلاج💐

09/10/2025

حينما تختار ان تكسر دائرة الصدمات

"الألم الذي لم تتم معالجته ينتقل عبر الأجيال كإرث صامت. الأهل غير الناضجين عاطفيًا غالبًا ما كانوا هم أنفسهم أطفالًا غير مرئيين في بيوتهم. لكن كسر هذه السلسلة ممكن. عندما تختار أن تواجه الحقيقة بدلًا من إنكارها، أن تشفي جروحك بدلًا من تكرارها، فأنت توقف انتقال الألم. وحين تمنح نفسك الحرية أن تعيش بوعي وأصالة، فأنت لا تشفي نفسك فقط، بل تغيّر إرث عائلتك إلى الأبد."
ليندسي جيبسون

07/10/2025

الشخص اللي بيسعي دايمًا للكمال بيعاني لأنه دائم النقد لنفسه ولا يسامحها علي الأخطاء وينسي أن الخطأ فعل بشري يؤدي للنمو

06/10/2025

أنا في التدريب الجميل ده
شرف لي التدريب مع د.سالي
طبيبه عالمة وانسانه من الدرجة الأولي
تنظيم معهد اسكندرية، جهة تدريبيه محترفه أخدت معاهم دبلومة العلاج الجدلي السلوكي وحاليا اضطرابات الأكل
شكرا AIP

06/10/2025

“shame is the fear that being imperfect makes us unlovable and unworthy of connection. So when
we experience shame, we go to extreme lengths to try to be perfect, because we believe perfection is our ticket to love and belonging. But this is a false belief; trying to be perfect isn’t actually goingto help us build connection—often it does the opposite”

📙 CBT for perfectionism

"الخزي هو الخوف من أن عدم كمالنا يجعلنا غير محبوبين وغير جديرين بالارتباط بالآخرين.
وعندما نشعر بالخزي، نحاول بكل جهد لأن نكون كاملين، لأننا نعتقد أن الكمال هو تذكرتنا للحب والانتماء.
لكن هذا الاعتقاد زائف؛ فمحاولة الوصول إلى الكمال لا تساعدنا فعلاً على بناء علاقات حقيقية — بل غالبًا تؤدي إلى العكس"
العكس هنا هو مزيد من العزلة عن الآخرين.

من كتاب العلاج المعرفي السلوكي للكماليه

05/10/2025

الرد عبقري وحقيقي جدا
يا بنات انتو غاليين جدا جدا

04/10/2025

عقليه الناجي

من الضحية… للناجي… للمزدهر 🌿

كل واحد فينا شال وجع في حياته.
ممكن تبقى طفولة مليانة اساءات من ضرب وإهمال، أو علاقة عاطفية كسرت الثقة، أو مرض صعب، أو حتى فقد غالي. التجارب دي مش بسيطة، وبتسيب أثر جوا القلب والعقل.

في البداية طبيعي جدًا نعيش بعقلية الضحية. نسأل: "ليه أنا؟"، "ليه كل حاجة صعبة بتحصللي؟"… نحس إننا عاجزين، مكسورين، مفيش فايدة.

اللي بيعيش في عقلية الضحية بيشوف نفسه ضحية الظروف والناس، وبيمشي في دوامة مرارة وإحباط. آه، العقلية دي بتريح شوية في الأول لأنها بتشيل اللوم من علينا، بس على المدى الطويل بتسحب روحنا وتحبسنا في الماضي.

مثلا بنت اتربّت في بيت كله عنف وإهمال. طول عمرها شايفة نفسها ضحية أب وأم قاسيين. فضلت حاسة إنها مش هتنفع في أي علاقة، وإنها ضعيفة ومكسورة. هنا الضحية بتتكرر في كل تفاصيل حياتها.

وهنا بييجي التحول الأول: عقلية الناجي 💪.
الناجي بيقول: "اتأذيت… بس لسه واقف."
هو لسه بيفتكر الوجع، ولسه بيتأثر من الذكريات، بس عنده إرادة يكمل يوم بعد يوم. الناجي بيعتمد على نفسه، بيحاول يمشي حياته حتى وسط الألم.
هو لسه بيتألم، بس بيعافر.

زي راجل فقد شغله بعد سنين تعب. في الأول حس إنه ضحية ظلم. بس بعد وقت بدأ يشوف إنه لازم يتحرك. بقى بيصحى كل يوم يدور على فرصة، يشتغل أي حاجة صغيرة عشان يكمل. هو لسه تعبان، بس اختار يخرج من دور الضحية

لكن فيه مرحلة أعمق وأجمل: عقلية المزدهر 🌱.
المزدهر مش بس بيكمل حياته، لكن بيحوّل الوجع لقوة. بدل ما يسأل: "ليه حصل كده معايا؟"، بيسأل: "طب أقدر أتعلم إيه من اللي حصل؟"

المزدهر بيشوف نفسه أكبر من الصدمة. بيسمح لنفسه يطلب الدعم من الناس، بيبني حواليه مجتمع سند. بيمارس الامتنان، بيضحك رغم الوجع، وبيشوف معنى للحياة حتى وسط الخسارة.

ست فقدت جوزها فجأة. في الأول كانت ضحية الفقد، كل يوم بتبكي وتسأل "ليه يحصلي كده؟". بعد وقت بقت ناجية، بدأت تربي أولادها وتكمل. ومع الوقت، دخلت في مرحلة المزدهر: أسست جمعية صغيرة تدعم الأرامل زيها، وخلّت من وجعها رسالة تساعد بيها غيرها.🌿

الصدمة مش بإيدينا، لكن العقلية اللي نعيش بيها بعدها اختيار.

ممكن نفضل أسرى للوجع بعقلية الضحية.

ممكن نعيش بعقلية الناجي اللي بيعافر وبيكمل.

أو نسمح لنفسنا نكون مزدهرين… نعيش الحياة بمعنى جديد، ونحوّل الألم لرسالة.
💚

إحنا مش مجرد ضحايا… إحنا نقدر نكون ناجين. وأجمل من كده… نقدر نكون مزدهرين 🌿.
By:R🕊