مركز آل جودة التخصصي

12/03/2024

15/11/2023

في طب الاطفال :
-فى النزلات المعويه تعويض السوائل بالجسم اهم من وقف الاسهال..... الاسهال فى الاطفال وسيله الجسم لطرد مسببات الاسهال خارج القناه الهضميه
-مش لازم كل حاله سخونيه فى الاطفال تاخد مضاد حيوى .. فيه التهابات فيروسيه حضرتك الفيروس ما بيتاثرش بالمضاد
- مفيش حاجة اسمها مضاد حيوي ينشف البلغم .. البلغم ملهوش علاقة بالمضاد الحيوي 😏
- مفيش حاجة اسمها لبوس يسحب البلغم وينزله فى البراز .. الرئة مش فاتحة ناصية على القولون حضرتك 🤔
- مفيش حاجة اسمها ابنك هيتعود على جلسات الاكسجين .. مش هروين هو 😠
- مفيش علاج بيجيب نتيجة من اول جرعة .. انتي مش رايحة تكشفي عن حاوي وربنا 😡
- مفيش حاجة اسمها الدوا تقيل علي الواد ... الجرعات دي علم وبتتحسب مش بالبركة هي 😑
- مفيش طفل تعبان وعنده نزله معوية هياكل ويشرب زي الاول .. سيبي الواد براحته 🤒✋
- مفيش حقن بنسلين تتاخد عشان الميكروب السبحي عالي .. لازم يبقى معاها اعراض تانية 😏

14/03/2020

رأى العلم في ١٠ أخطاء شائعة عن فيروس الكورونا Covid-19

بعد أن أعلنت منظمة الصحة العالمية أن فيروس الكورونا Covid-19 وباءًا عالميًا كثر تداول المعلومات الخاطئة وغير العلمية مما قد يثير الخوف والفزع من هذا الفيروس. لذلك أعرض عليكم ١٠ أخطاء شائعة لفهم الفيروس ورأى العلم الصحيح فيهم.

١-فترة حضانة الفيروس ١٤ يومًا.
خطأ: فترة حضانة الفيروس ٤ أيام فقط ولكنها قد تتراوح بين ٢-١٤ يوم. لذا للتأكد من عدم حمل العدوى يحب الانتظار ١٤ يومًا من تاريخ مخالطة المصاب وهى فترة العزل

٢-اذا أصبت بالفيروس حتمًا ستظهر عليك الأعراض
خطأ: في العديد من الحالات قد لا توجد أعراض رغم الاصابة. في حالة حدوث الاعراض فإنها في البداية بسيطة وتزداد بالتدريج.

٣-أكثر أعراض الفيروس آلام في الحلق ورشح وصداع وآلام في الجسم.
خطأ: أكثر أعراض الفيروس حدوثًا إرتفاع الحرارة والسعال الجاف والارهاق وضيق التنفس.
الاعراض الأخري الأقل حدوثًا: آلام الحلق، الرشح أو الزكام، آلام الجسم، الصداع، الاسهال.

٤-كل من يصاب بالفيروس يصاب بالالتهاب الرئوي الذي قد يؤدي إلى ضيق شديد في التنفس ويحدث مباشرة بعد الإصابة.
خطأ: الالتهاب الرئوي يحدث فقط لواحد من كل ٥ أشخاص وعادة ما يحدث في الاسبوع الثاني للمرض وفي خلال اليوم الثامن أو التاسع لبداية الأعراض.

٥- الإصابة بالفيروس تشابه نوبة البرد تمامًا ويصعب التفرقة بينهما.
خطأ: نوبة البرد تنتج من أنواع أخرى من فيروس الكورونا وليست Covid-19 وأعراض نوبة البرد تبدأ بحكة أو آلام في الحلق مع رشح أو زكام وبدون ارتفاع في الحرارة وهى ليست الاعراض الشائعة لفيروس Covid-19 لذا لا يجب الخلط أو الفزع.

٦- لا يمكن التفرقة بين الانفلونزا العادية والاصابة بفيروس Covid-19 المستحدث.
خطأ: رغم تشابه الاثنين في كثير من الاعراض مثل السخونة والسعال والارهاق وآلام الحلق والصداع. إلا أن فترة حضانة الانفلونزا قصيرة جدًا وتظهر الاعراض فجأة وليس بالتدريج كما هو الحال في فيروس Covid-19 كما أن سخونة الانفلونزا تكون مُصاحبة بالرعشة وربما القئ. والانفلونزا الموسمية تكون معدية قبل ظهور الاعراض ويمكن أن تصيب الاطفال كما أنها قليلة المضاعفات وكل هذا على خلاف فيروس الكورونا Covid-19.

٧- كل من يصاب بالفيروس يجب إن يذهب للمستشفى للعلاج.
خطأ شديد: لا يجب الذهاب للمستشفى إلا إذا زادت الأعراض بحدوث ضيق شديد في التنفس والتى يمكن أن تحدث في الاسبوع الثاني للمرض ولكن أفضل الطرق هو العزل بالمنزل مع تقليل الاختلاط ومتابعة الاعراض مع زيادة كمية السوائل ومخفضات الحرارة واستخدام سرير وحمام منفصل. إخبر طبيبك بحالتك والذي قد يطلب فحصك إذا إستوجب الأمر ولكن لا تغادر منزلك دون ارتداء ماسك كذلك يجب على من يخالطوك بالمنزل ارتداء ماسك وغسل الايادي باستمرار بالماء والصابون أو مطهر اليدين.

٨- الفيروس خطير وقاتل لكل من يصاب به.
خطأ: معظم حالات الفيروس يتم الشفاء منها نهائيا خاصة في السن الصغير لقوة مناعة الجسم. المعرضون للمضاعفات هم عادة كبار السن والمدخنين والمصابين بالامراض المزمنة مثل الربو والسكر وأمراض القلب والفشل الكلوي والمعالجين بالكورتيزون وادوية تثبيط المناعة بعد زراعة الأعضاء ومرضى نقص المناعة.

٩- لايمكن الحد من إنتشار الفيروس على مستوى الدول وربما تصل كل الدول الى مصير إيطاليا.
خطأ: أهم وسائل الحد من إنتشار الفيروس على مستوى الدول إثنان؛ الأول تقليل التزاحم ومنعه قدر الامكان فالفرد يريد مسافة متر على الأقل عن المصاب لمنع إنتشار الفيروس لذا علقت بعض الدول الدراسة وصلاة الجماعة والتزاحم في مناطق العمل. الثاني: وقف الطيران من الدول عالية الاصابة مع الفحص الدقيق لجميع القادمين للبلد.

١٠- لا يمكن الوقاية من الفيروس فالاصابة حتمية في وجود حالات إصابة تحيط بنا.
خطأ: إتباع بعض خطوات النظافة الشخصية يقي بشكل كبير من الاصابة ١- غسل الأيدي بالماء والصابون مرات عده يوميًا لفترة لا تقل عن ٢٠ ثانية أو إستخدام مطهر الأيدي. ٢- عدم لمس الفم والانف والعين بدون غسل الأيدي قبل الملامسة والامتناع عن السلام بالأيدي والقبلات. ٣- الابتعاد لمسافة متر على الاقل ممن يسعل أو يعطس. ٤-إبتعد عن إعادة إستخدام الأكواب وأدوات المائدة التى استخدمها غيرك. ٥- تغطية الانف والفم عند العطس أو السعال إما بمنديل ورقي أو بمنتصف الزراع مع التخلص بالمنديل مباشرة في القمامة. ٦- لا تغادر منزلك إن كنت مريضًا وحتى تشفى تمامًا. ٧- نظف الاماكن الكثيرة اللمس كالترابيزات ومقابض الابواب ولوحة مفاتيح الكمبيوتر والتليفون المحمول بقاتل للجراثيم بالرش أو المسح فالفيروس يظل على الأسطح الصلدة حتى ٢-٣ أيام.

برجاء نشرها لتعم الفائدة والثواب..وقانا الله وإياكم من شر هذا الوباء
منقول بتصرف

14/06/2019

الى الدكتورة وزيرة الصحة

هل سمعتم بأحادي جلوتومات الصوديوم

في مؤتمر عالمي للقلب بمحافظة الأحساء بالمملكة العربية السعودية نظمه مركز الأميرسلطان
البروفيسور الأمريكي
( بول روش ) رئيس المعهد الأمريكي لأبحاث التوتر العصبي

فجّر قنبلة مدوية
حين ذكر التالي:

أن مرقة الماجي كفيلة بالقضاء على 24 شخص من 100 كل عام !!!

ومن دون أن يعلم أحد .. ف(مادة جلوتامات أحادي الصوديوم) أحد مكونات الماجي اثبتت خطورتها وضررها على الدماغ والقلب ..

فقد تفرط السيدة في وضعها يوميا على الطعام ويموت فرد من الأسرة بعد زمن بسكتة قلبية !!

ويظنونه قضاء وقدر !!

والحقيقة أن المادة السابق ذكرها تجمعت على عضلة القلب وأنهكتها وهي قد تصل عبر الدم للدماغ فتقلل الأكسجين بالدماغ وتسبب جلطة دماغية مميتة
قلوتامات أحادي الصوديوم موجودة مع كل الأسف في (((برينجيلز))) والإندومي>>>>>

وأغلب الشيبسات والكثير من المعلبات والكثير من الأغذية التي بمتناولنا وأغلب المطاعم تستخدمها لأنها من محسنات الطعام المنكهة فاحذروا منها !

الدكتور جابر القحطاني يقول:

الماجي والإندومي لاتدخل بيتي ..
تعب • كسل • دوخة • عدم توزان •آلام بالمفاصل •كآبة •لخبطة هرمونات

أرسلها لمن تعرفهم جزاك الله خير ..
منقول

26/02/2019

تطعيم شلل الأطفال الفموي (سابين) تطعيم حى وله احتياطات لضمان:
1- الفعالية للتطعيم
2- عدم حدوث ضرر للطفل
- البند الأول خاص بتجهيز الطعم حتى اعطاؤه للطفل وهذا لا يوجد فيه كلام.
- الكلام على إحتمال حدوث ضرر للطفل لو اخذ الطعم؟ الإجابة قاطعة قولا واحدا: لا .
- طيب القلق المثار حول التطعيم ده سببه إيه ؟
اختلاط المفاهيم حول فعالية الطعم (يعنى هيفيد الطفل) ولا هايسبب ضرر.
- التطعيم لو لم يفيد الطفل (نتيجة عدم تطبيق شروط الحفظ والنقل) لن يضره.
- طيب إيه حكاية الكورتيزون والتطعيم ؟
- الطفل لو بياخذ كورتيزون شراب أو حقن بجرعة أعلى من 2 مجم لكل كجم من وزنه لفترة أطول من أسبوعين لا يأخذ التطعيم الا بعد توقف الكورتيزون لمدة شهر لأنه مش هايستفيد منه ، ولكن لو اخده مش هايسبب ضرر.
- الطفل اللى واخد نفس جرعة الكورتيزون لفترة أقل من أسبوعين له أن يأخذ التطعيم بمجرد توقف الكورتيزون أو ينتظر أسبوعين.
- الطفل اللى واخد جرعة أقل من 2 مجم لكل كجم من وزنه يمكن تطعيمه وهو على الكورتيزون.
- الطفل اللى بيستعمل بخاخ كورتيزون للصدر أو الأنف لا يوجد مانع طبى من اعطاؤه التطعيم مهما كانت فترة استخدامه للبخاخ.
- طيب لو الطفل سخن أو عنده إسهال أو بيكح ممكن يأخذ التطعيم ؟
برضه ممكن! مش هيحصل ضرر من الطعم ولكن استفادة الطفل أفضل لو صحته مستقرة.

01/12/2018

منقول😪😭
لو أنتي أم جديدة او قديمة او لسة هتبقي أم إن شاء الله البوست دة مهم جدااااا ليكي❗👇
ياجماعة محدش يسميها طيور بيبي اسمها على رأي دكتور توحد "طيور الجحيم" الله يقفلها خالص من عنده القناه الهباب دي اللي كل أم بتلجأ لها علشان متسمعش صوت زن ابنها وتلحق تخلص شغل البيت القناه اللي كلنا جاهلين بتأثيرها على اطفالنا
أقسم بالله إن ابني نطق مما اللي هي ماما قبل مايتم تلات شهور وكان بينطق حروف قال ببا اللي هي بابا بعدها
كان طفل معجزة ف سن صغير جداا وبعد ما قعدت اعمل زي اي ام مش فاهمة وقعدته قدام طيور هباب وكنت بروح شغلي ومش فاضياله بسيبه مع جدته بردو تفتحله طيور زفت واجي من الشغل تعبانة مش قادرة اديله من وقتي وعاوزة اخلص شغل البيت افتحله القناة دي علشان يسكت

لحد ما ارتبط بيها جدا ومبقاش يسكت غير عليها وبعدها الموضوع اتطور ننادي عليه ميردش نتكلم ونتعامل ميبصش علينا مبقاش في تواصل بصري خالص حتى وانا بكلمه عينه مش معايا طبعا شكيت إنه مش بيسمع

بس لما كان بيسمع صوت طيور بيبي وهو في اوضة تانية كان يجي جري فعرفنا انه بيسمع طبعا وبدأنا نقارنه بأطفال تانية لقيناه متأخر وبقى على طول يزن وجاله سمات توحد لان كل حياته كانت طيور بيبي 😡😡😡

المهم بدأنا نتدخل وبأمر الدكتور طفينا التليفزيون خالص وطبعا كان صعب عليه وبدأنا نستبدله بألعاب ونتكلم معاه كتير حاليا لسة متأخر عنده سنتين واربع شهور ولسة ماتكلمش ومحتاج تعديل سلوك وتنمية مهارات وانا بعاني 😢😢😢

حضرت محاضرة لدكتور مخ وأعصاب وعرفت ان التليفزيون في السن دة بيأثر ع الموصلات العصبية ف مخ الطفل وبيدمر خلايا ف المخ وبيأثر ع المساحات المسؤلة عن الذكاء والنطق والمعرفة بشكل عام و بيعمل ضمور في بعض المناطق
بقول اللي فهمته بحاول اوصل المعلومة بطريقتي طبعا مكنتش أعرف حاجة زي كدة لاننا نجهل دة

نصيحتي علشان ماطولش عليكم التليفزيون بيجيب توحد بنسبة كبيرة
خصوصا لو الطفل عنده استعداد وراثي للتوحد وف امريكا مانعين التليفزيون قبل سن سنتين علشان عارفين مدى تأثيره 😱😱😱
استبدلي التليفزيون والموبايل والتابلت بألعاب وانت غني للطفل بلهجة مصرية مش لهجة بلد تانية علشان ميحصلوش تناقض ويتلغبط وبيأثر ع اللغة عنده وادي لطفلك وقته ويغور شغل البيت 👶👶👶

ابنك اهم هاتيله العاب تفاعليه اشتركي في صفحات و جروبات التربية الخاصة والتوحد ومتقلقيش دي مش بتبقى توحد بس
بالعكس بيكون فيها كمان تنمية مهارات حتى للطفل الطبيعي وتعديل سلوك يعني لو ابنك طبيعي نمي ذكائه بينزلوا العاب وانشطة تفاعلية
استحملي ابنك وهو صغير علشان لما يكبر مش هتقدري تجري بيه وتلفي على مراكز وتدي جلسات تخاطب وتنمية مهارات وتعديل سلوك
ياريت اللي تقرأ البوست تعرف غيرها وربنا يجازيها خير عشان بنرجع ندفع فلوس كتير في مراكز وجلسات تخاطب علشان من الأول مكناش عارفين ومحدش دلنا على الطريق الصحيح

والله نفسي اعمل حملة لتوعية الأمهات واقول فيها مقاطعة طيور بيبي وطيور الجنة والتليفزيون بشكل عام
بستأذن حضراتكم تشيروا البوست على أوسع نطاق لعله يكون سبب في منع أطفال من الاصابة بإضطراب التوحد
،، البوست منقول عن أم بغرض التوعية لكل أم و أب 👍💪
#شير و #منشن لكل أم و أب و أنقذوا كل أطفالنا ✋
خالى بالكم ياجماعه

07/11/2018

ازاي_أعاقب_ابني من غير ما أهينه و أخليه يتعقد ؟؟!⁉️!! انا محتارة !
الاجابة كلها في ال 13 طريقة دول

القاعدة الأولى اللي لازم كلنا نعرفها قبل ما نفكر نعاقب ولادنا هي ان الأطفال ذاكرتهم قصيرة المدى ((children has short memory)) .. يعني بينسوا بسرعة .. بس للأسف في موضوع العقاب ده بالذات بيكون نسيانهم انتقائي .. يعني هما بينسوا اتعاقبوا ليه بس مينسوش ابدا العقاب نفسه 😔 ...
وعشان القاعدة دي بالذات لازم نعرف و نلتزم بالآتي: 👇👇

🔻اولا: مهما تعاقب ابنك او تعاقبي بنتك على حاجة .. لو شافك انت بتعملها عمره ما هيبطلها .. هينسى دايما هو اتعاقب ليه و هيفضل يقلدك .. مينفعش تعاقب ابنك على الكدب مثلا وهو شايفك بتكدب .. مينفعش تعاقبي بنتك على الزعيق و الصوت العالي و انتي صوتك جايب اخر الشارع .. خليك دايما واخد بالك من تصرفاتك لأنهم في الاخر مهما تعاقبهم هيقلدوك برضو Be a Role model
🔻ثانيا: العقاب ميبقاش عمال على بطال .. في الاخر الطفل هينسى هو بيتعاقب ليه من كتر العقاب .. فوتي شوية يا فندم .. متعاقبيش على الاخطاء الصغيرة و التافهة و غير المضرة .. اعملي نفسك مش شايفة ووجهيه بعديها للصح

🔻ثالثا: العقاب لازم يبقى فوري وقت وقوع الخطأ .. عشان يرتبط في ذهن الطفل بالخطأ .. مفيش حاجة اسمها تحوشيله و تكتمي في نفسك و تنفجري مرة واحدة !! كده عقابك هيبقى شديد على الفاضي و الطفل مش هيفهم هو اتعاقب ليه اساسا !!

🔻رابعا: الغلط لازم يفضل غلط .. يعني الخطأ اللي اعتبرتيه جسيم و يستحق العقاب .. مينفعش لما يعمله تاني ميتعاقبش عليه .. كده ابنك هيقول ايه الست اللي بحالات دي ؟؟ .. مش عايزة تعاقبيه عليه تعملي نفسك مشوفتيهوش ..

🔻خامسا: خللي ديما العقاب مرتبط بالخطأ .. يعني لو كسر لعبته .. يبقى مفيش لعبة تانية .. لو عمل شقاوة في النادي يبقى محروم من النادي لمدة محددة .. عشان يعرف دايما ان خطأه له عواقب و نتايج مرتبطة بالخطأ ده .. مش مثلا كسر لعبته يبقى محروم من التلفزيون !! ايه علاقة ده بده ؟!!
🔻سادسا: متهدديش بعقاب ابدا و انتي مش متأكدة و مصره انك تعمليه .. هتهددي بعقاب يبقى لازم يتنفذ لو الخطأ حصل .. التهديدات المتكررة اللي في الهوا دي بتخللي الطفل يستخف بيها

🔻سابعا: التهديدات من قبيل : انا هموتك .. انا هدبحك .. انا هكسرك ممنوعة تماما تماما .. انتي بتربيه مش بترعبيه !!

🔻ثامنا: التحذير بالعقاب يبقى واضح و مباشر .. يعني مفيش حاجة اسمها اوعى تعمل كده لأوريك 👌.. يعني يبقى بالصيغة دي: لو مرتبتش الاوضة بتاعتك من اللعب .. اللعبة الفلانية مش هتطلع تاني لمدة اسبوع .. تحذير من عاقبة واضحة و صريحة لفعل محدد

🔻تاسعا: مفيش عقاب قصاد حد !! لا قريب ولا غريب .. علاقتك بابنك و علاقتك ببنتك لازم تبقى زي علاقتك بمراتك .. خلف الابواب المغلقة ! نقول تاني .. الغرض من العقاب هو التربية و التقويم .. مش الاهانة و الفضيحة !!
((انا مش هنسى الام اللي جات عندي بابنها في الكشف و بقول للولد هتبقى شاطر عشان ماما تجيب لك الشوكولاته اللي بتحبها .. فهي ردت عليا و قالتلي لا يا دكتور هو متعاقب ومحروم من الشكولاته .. عارفين رد فعل الولد كان ايه ؟؟ الولد بص لامه و انفجر و قالها كفاية يا ماما حرام عليكي كل ما تقابلي حد تقوليله اني متعاقب كفاية !! و انفجر في العياط !! كان هاين عليا اخنق الأم)) انتو بتربو عيالكم مش بتذلوهم !

🔻عاشرا: اذا اردت ان تطاع .. خللي اوامرك و قوانينك و الاهداف اللي انت طالبها من ابنك set goals قابلة للتطبيق .. متحطش هدف لابنك و انت عارف انه مش هيقدر يعمله و بعدين تعاقبه عليه !! .. الاهداف و القوانين دي لازم تبقى ثابتة و متتغيرش على حسب المزاج و الوقت

🔻الحادي عشر: قولناها ١٠٠ مرة و بنعيدها ممنوع منعا باتا اي حد ايا كان يعلق على عقابك او يعترض عليه قصاد الطفل .. حتى الاب و خصوصا الاب .. العقاب يتنفذ و يكمل حتى لو حضرتك مش مقتنع بيه .. اللي يتقال عليه لا يبقى لا .. الكلام و النقاش بينكم يبقى بعيد عن الطفل

🔻الثاني عشر: لازم تعيد تقييم نتائج عقابك من فترة للتانية .. ميبقاش مش جايب نتيجة و تبقى مصر عليه و بتضرب كف بكف مش فاهم ليه ابنك مش بيستجيب .. نفسيات الاطفال مش زي بعض اللي بيجيب نتيجة مع طفل مش شرط يجيب نتيجة مع طفل تاني

🔻و اخيرا و اهم حاجة في الموضوع لازم نعرف ان العقاب بيجي في الاخر بعد التوجيه و الشرح و الاقناع .. اقعدوا مع ولادكم .. العبوا معاهم .. قربوا منهم .. اتكلموا معاهم ..
🔻🔻امدحوهم كتير و كافؤوهم على كل حاجة كويسة بيعملوها .. مش كده و بس .. امدحوهم كمان على كل حاجة وحشة مش بيعملوها .. المكافئة reward دايما و ابدا بتجيب نتيجة افضل بكتير من العقاب 💪😍

29/10/2018

منقول ..بس صحيح ١٠٠٪
الكلام اللي هقوله دة خطير لأبعد ما تتخيلو ، بخصوص اطفالكم
بيجيلنا حالات كتير لأطفال كانت مستواها العقلي والمهاري والحسي ممتاز ، لكن فجأة بيحصل انتكاسة ، وطبعاً أولياء الأمور والأمهات تحديداً ، لما بيجو يزورونا بيقولوا الجملة الشهيرة ، " العيال اتحسدت " 🙄🙂
لأ ياست الكل العيال ماتحسدتس ولا حاجة ،
صحصحي كدة معايا وركزي في اللي هقوله دة كويس 🤚
، فالناس اللي بتستغرب من تدهور المستوى المهاري والعقلي لدى الأطفال ونقص التركيز 🤔 ، من أهم أسباب التدهور المفاجيء دة هو تعاطي مواد ضارة بتسبب ضعف الأداء العقلي ونقص التركيز وانخفاض ملحوظ في معدلات الذكاء والانتباه ، واهم انواع المواد اللي بتسبب دة ، هى الالوان الصناعية بكل انواعها والمشروبات الغازية تحديداً ، وطبعا في شركات كاتبة الكلام دة على عبوات المياه الغازية علشان تخلي مسؤوليتها القانونية المستقبلة في حالة الإفصاح عن تلك الأبحاث تفاديا للتعويضات ، زي مثلا شركة ميراندا وبعض الشركات كاتبين الكلام دة على عبواتهم بخط صغير جدا يكاد لا يقرأ وبالتحديد نصاً كاتبين الجملة ديه ،
" هذه العبوة تحتوي على مواد تؤثر على مستوى التركيز والذكاء لدى الأطفال "
وفي شركات مش بتكتب أصلا ،
الجدير بالذكر أن في تعتيم كامل على الأبحاث ديه لدرجة أن الشركات دي بيصرفو مبالغ جبارة ورشاوي للمراكز البحثية علشان الموضوع ميتقننش ، لان هتكون في خسائر فادحة في المبيعات لو الموضوع دة اتقنن دة غير التعويضات ، وبعض الشركات اللي اخدت حذرها وكتبت دة ، كان بناء على توصيات المؤتمرات العالمية للتربية العامة والتربية الخاصة والصحة النفسية للطفل ومنظمة الصحة العالمية وومنظمات رعاية الأمومة والطفولة حيث تم التوصية لترشيد استخدام مثل هذه المواد في المنتجات الغذائية والمشروبات الغازية تحديداً ، لكن للاسف مازالت مجرد توصيات غير ملزمة للشركات التجارية ، ودة بدوره دفع بعض الشركات على عكس ميراندا ، بعمل ابحاث مدفوعة ومزيفة لتكذيب الأبحاث دي ، ومش بس كدة ، دول كمان بيصرفو فلوس اكتر على محركات البحث علشان الكلام دة ميظهرش فيها ،

حاجة اخيرة المواد دي تأثيرها أخطر في حالات الرضاعة والحمل ،
ربنا يحفظ أطفالنا ،
اخصائي التربية الخاصة والصحة النفسية

25/10/2018

26/07/2015

27/08/2013