Islam Pharmacy صيدلية إسلام

22/08/2025

ومش بس كده، ده كمان خالي تمامًا من الزئبق 🎣ومن غير طعم ولا ريحة... يلا مستني إيه؟ اختار ليمتلس أوميجا-3 الصيف ده 🏖ومتنساش إن ليمتلس مسابتش حاجة معملتهاش. 😉





مسجل بالهيئة القومية لسلامة الغذاء: 1597/2021 ​
رقم التسجيل الضريبي: 966-069-636 ​
لا يعتبر هذا المنتج لتشخيص أو علاج أو مانع للمرض ولا يعتبر بديل لنظام غذائي متوازن أو لأسلوب حياة صحي

21/05/2022

النهارده هنتكلم عن مرض بدأ ينتشر فى دول أوروبا وأمريكا وربنا يستر :) اسمه Monkeypox او جدرى القردة .

المرض ده بيسببه فيروس شبه فيروس Smallpox جدا لانهم من نفس العيلة . الفيروسات دى بنقول عليها Zoonotic Viruses لانهم بيتخدوا من الحيوانات عوائل لهم عشان يتكاثروا من خلالها وبعدين ينتشروا لاصابة ناس جديدة . الحيوانات دى تعتبر Virus Reservoirs . اكيد فهمنا من الاسم ان القردة دخلت القائمة معانا بس الاشهر من القردة كمان هنلاقى القوارض بتلعب دور محترم وخاصة الفئران والجرذان والسناجب .

من الحيوانات دى الفيروس بيقدر ينتشر عشان يصيب حيوانات آخرى او حتى بنى آدمين :(

طبعا المرض الشبيه له هو Smallpox وده خلاص أصبح من التراث لان ببساطة العالم أعلن خلوه من هذا المرض بشكل كامل عام 1980 والعالم فرح بقى وشال الفاكسين بتاعه لان خلاص اصبح ملوش اى 3 لزمة لان مفيش خلاص المرض ده ولكن للاسف ظهر بعد كدة مرض Monkeypox اللى هو شبه Smallpox وان كان والحق يقال ان اقل منه ضررا واضعف انتشارا ونسب وفياته اقل بكثييييييييير عن Smallpox

المرض ده اول ما ظهر . ظهر فى الكونغو فى عيل عنده 9 سنين ومحدش اهتم اوى ساعتها وبعدين لقوا حالات تانية ظهرت فى دول افريقية وكلها فى وسط وغرب افريقيا زى غانا والكونغو والجابون وساحل العاج وكدة . العالم بقى ظن ساعتها ان ده مرض افريقى متوطن وحمد ربنا واستكان للنتيجة دى لحد يا سيدى 2003 لما ظهر المرض فى امريكا نفسها .

ايه اللى حصل ؟؟ امريكا استوردت شحنة كلاب من غانا . والكلاب وصلت امريكا بس للاسف كان مدسوس فى وسط الشحنة شوية فئران لطيفة كدة نقلت الفيروس للكلاب والكلاب نقلت الفيروس للامريكان . وبعد كدة من 2018 وانت طالع بدأ مرضى مصابين بالمرض يسافروا من افريقيا الى امريكا ويرطانيا ودول أوروبا وينشروا المرض والانتشار بقى اقوى فى 2022 للاسف .

تعالى بقى بعد الجولة التاريخية دى نشوف المرض بينتشر ازاى ؟؟

اى حيوان تتخيله . سواء تعاملت مع جلده او دمه او افرازاته او لحمه ممكن ينقل لك المرض وكمان ممكن ينتشر من انسان لانسان آخر من خلال التعامل مع الدم او سوائل الجسم المختلفة او الجلد المصاب او رذاذ السعال او العطس من شخص مصاب قعد فترة طويلة امام شخص سليم ولكنه لا ينتشر من خلال الهواء والحمد لله وكمان بينتشر من الام لجنينها من خلال المشيمة وممكن ينتقل من خلال العلاقة الزوجية كمان .

المريض هايحس بايه يا ترى ؟؟

اول حاجة هاتظهر عليه سخونية وتكسير فى الجسم وهمدان ( اعراض عادية وبتحصل فى مليون مرض ) بس اهم حاجة ان هايحصل Lymphadenopathy يعنى الغدد الليمفاوية هاتتضخم وتورم ودى اكثر علامة مميزة لانها مش بتحصل مع امراض الجدرى الشبيهة زى Smallpox or Chickenpox

بعدها بيوم او اثنين . يظهر بقى الطفح الجلدى . طفح يبدأ فى الوش وبعدين ينتشر الى الاذرع والساقين ويغطى الجسم كله . فى الاول الطفح بيكون عبارة عن بقع Macules وبعدين حبوب حمراء مرتفعة Papules وبعدين تمتلىء بسائل مائى شفاف Vesicles زى بوربيقة كدة :) وبعدين تمتلىء بصديد لونه اصفر Pustules وبعدين تكون قشرة وتنشف وتختفى .

المرض بيخف لوحده فى خلال اسبوعين الى شهر وبيختفى كأنه لم يكن ولكن لو المصاب طفل صغير او شخص سنه كبير او حد مناعته ضعيفة فممكن يعمل مضاعفات زى التهاب رئوى او التهاب سحائى وممكن يعمل عمى كامل وممكن يموت كمان .

هل المرض له علاج ؟؟

الحمد لله ايوة . ممكن تعطى مضاد فيروسات اسمه Tecovirimat وده اصلا مضاد فيروسات معمول خصيصا لمرضى Smallpox اللى اندثر واختفى ده وبالتالى الدواء ده كان نسيا منسيا ولكن لما جدرى القردة ده ظهر وجدوا انه بيقضى عليه هو كمان لانه من نفس العيلة ووجدوا انه بيمنع تكاثر الفيروس وانتشاره من الخلية المصابة الى الخلايا الاخرى السليمة

جرعته هى قرص 200 مجم . المريض بياخد 3 اقراص يعنى 600 مجم مرتين فى اليوم لمدة اسبوعين كاملين بعد الاكل بنصف ساعة .

متوفر منه كمان بودرة للحقن الوريدى ودى جرعتها 200 مجم على مدى 6 ساعات فى الوريد كل 12 ساعة لحد المريض ما يقدر يتناول الاقراص وساعتها بنوقف الحقن وننقله على الاقراص اكيد .

هل المرض له وقاية ؟؟

الحمد لله ايوة . ممكن تاخد الفاكسين بتاع Smallpox بنفس الطريقة وبيتاخد على جرعتين اثنين وبس كدة وبيحمى من المرض بنسبة 85% وهو عبارة عن Attenuated Virus Vaccine

يعنى هو شبه Smallpox وممكن يتعالج بنفس العلاج بتاع Smallpox وده من فضل الله طبعا

دمتم بصحة

21/04/2022

عارف ليه الدكتور هو اللي لازم يحدد المضاد الحيوي اللي طفلك محتاجه؟
لأن دكتور هيقدر يقرر إذا كان طفلك محتاج مضاد حيوي ولا لأ، وهو أكتر حد هيعرف ياخد تاريخ طفلك المرضي، وبالتالي هيوصف له أنسب مضاد حيوي؛ لأن في مضادات حيوية ممكن تسبب إسهال أو إلتهابات جلدية، وممكن كمان تقضي على البكتيريا النافعة في القناة الهضمية.

29/12/2021

29/12/2021

كل عام وانتم بخير .. 🎁🎁
صيدلية اسلام تهنئكم بالعام الميلادي الجديد .. متمنية لكم دوام الصحه والعافيه
🌲🌲

28/03/2019

3258885 رقم تيليفون الصيدلية الجديد
يسعدنا اتصالكم