د/ رباب رفعت فهمى

09/11/2025

خدعوك وقالو
❌لبن الام غير كافي في الايام الاولي ولازم تدخلى رضعة صناعى ❌😳
كلام غير صحيح
حجم معدة الرضيع في اليوم الاول 5-7 ملي نفس كمية لبن السرسوب اللي بينزل في اليوم الاول
الطفل مش محتاج اى رضعة صناعى
دخول الرضعة الصناعى بتعمل مشاكل :
❗️ترجيع لانها اكبر من حجم المعدة
❗️رفض الرضاعة الطبيعي
❗️تاخر نزول لبن
❗️تحجر الثدى
الطفل اول ما يتولد يرضع مباشرة من الام ابن السرسوب وياخد كل الفوايد منه وخاصة للمناعة ويبصره حسب الطلب
د / رباب رفعت فهمى
اخصائي طب الاطفال والتغذية العلاجية
استشارى دولي رضاعة طبيعية
قنا عيادات الحسن والحسين اعلي صيدلية الحسن والحسين فرع حوض عشرة
للحجز والاستفسار 01501519310

07/11/2025

الأطفال اللي بتعانى من حساسية الأنف
مهم جدا نبدا العلاج الوقائي قبل فصل الشتاء
✔️بخاخة الأنف المناسبة بعد استشارة الطبيب
✔️مصل الانفلونزا
✔️الجرعة الوقائية من فيتامين د 600 وحدة دولية مرة يوميا
✔️الأكلات الغنية بالزنك والأوميجا : المكسرات والأسماك والحبوب الكاملة

حساسية الانف عند الاطفال 🤧🤧
امتى ابدا اشك ان ابنى ممكن يكون عنده حساسية انف ؟
اعراض حساسية الانف :
زكام ، رشح ، عطس ، خنفرة متكررة
هرش بالانف وسقف الحلق وكحة
حكة واحمرار بالعينين
التهابات اذن وسطى وحلق متكررة
الوقاية :
( امراض الحساسية الوقاية فيها خير من العلاج لما نمنع السبب الرئيسى اللي بيسبب تهييج للاغشية المخاطية الطفل بيتحسن بنسبة كبيرة )
كل ام بتعرف ايه اكتر حاجة بتسبب الحساسية لابنها ونتجنبها
اهم الارشادات :
الابتعاد عن الاتربة والدخان والعطور
تغيير كيس المخدة يوميا
تهوية الغرف جيدا
العاب الاطفال : تجنب الالعاب المصنوعة من الفرو والوبر

06/11/2025

اللي يقولك استحملي والرضاعة مولمة او يقولك مافيش حل مش عارف حاجة عن سحر جلسات الرضاعة الطبيعي
كل مشكلة وليها حل
لو حاسة باى الم اثناء الرضاعة دا مش طبيعي
لو ابنك رافض للرضاعة او حاسة اللبن قليل استشيرى اقرب استشارى رضاعة طبيعي
د / رباب رفعت فهمى
استشارى الاطفال والتغذية العلاجية
استشارى دولي للرضاعةالطبيعي IBCLC
عيادات الحسن والحسين اعلي صيدلية الحسن والحسين فرع حوض عشرة
للحجز والاستفسار 01065796579

03/10/2025

اجمل ريفيو من اجمل مامى 💕💕 #رضاعةطبيعى #

28/09/2025

بطل اليوم نزل 5 كيلو مع الالتزام بنظام غذائي بدون حرمان والأجمل نزل 10 سم في محيط البطن
وطبعا لانه طفل ولازم ياخد احتياجاته الأساسية للنمو زايد 4 سم طول
حالات السمنة فالاطفال محتاجة نظام غذائي متوازن عشان ينزل فالوزن بدون ما النمو يتاثر
ومحتاج تشجيع عشان الطفل يقدر يكمل
دكتورة رباب رفعت فهمى
اخصائي طب الأطفال والتغذية العلاجية
قنا عيادات الحسن والحسين اعلي صيدلية الحسن والحسين فرع حوض عشرة
للحجز والاستعلام 01501519310
#تغذيةاطفال #

12/08/2025

سر صغير يحميه من مشكلة كبيرة 😳

الأبحاث بتقول إن الأطفال اللي بيرضعوا طبيعي خصوصًا أول 6️⃣ شهور، بيكون عندهم فرص أقل للإصابة بالسمنة لما يكبروا

ليه بقى⁉️
🔹لبن الأم بيكون متظبط على احتياج جسم طفلك من الطاقة والعناصر الغذائية في كل مرحلة

🔹الرضاعة الطبيعية بتخلي الطفل يعرف يشبع ويوقف بنفسه من غير مـ نضغط عليه ياكل أكتر

🔹فيه مكونات طبيعية (زي هرمونات اللبتين) اللي بيساعد الطفل انه يشعر بالشبع

🔹كمان بيغذي أمعاءه ببكتيريا نافعة تحافظ على الهضم وتساعد في توازن الوزن

يعني كل رضعة مش بس بتشبع .. دي بتحط أساس لصحة أفضل طول العمر 🩷

ومعاكي د. رباب رفعت – أخصائي طب الأطفال وحديثي الولادة، واستشاري دولي معتمد في الرضاعة الطبيعية – علشان الحماية من السمنة تبدأ من حضن الأم 🫂

ابدأي دلوقتي .. كل رضعة خطوة لحياة صحية لطفلك ^^

10/08/2025

حتى في الشغل .. اللبن واصل لطفلك 💼

لو انتي أم عاملة فـ الرضاعة الطبيعية مش لازم تقف مع رجوعك للشغل 😉
بشوية تنظيم ومعلومة صح هتقدري تحافظي على إمداد اللبن لطفلك وتوفريله كل الفوايد حتى وانتي بعيدة 🩷

1️⃣ ابدأي بدري شوية ⏳
قبل رجوعك للشغل بأسبوعين على الأقل جربي الشفاط مرة أو مرتين يوميًا علشان جسمك يتعود وتعرفي الكمية اللي بتطلعيها

2️⃣ اختيار الشفاط الصح ✅
الشفاط يبقى مخصوص ليكي يعني مناسب لمقاس الحلمة واستخدامك اتجنبي تبادل الشفاطات بين الأمهات حتى مع التعقيم! وده لتجنب أي عدوى بكتيرية أو فيروسية

3️⃣ الشفط بانتظام 📈
خلي عندك جدول شفط في أوقات متقاربة علشان تحافظي على تدفق اللبن وتوفري لطفلك كميات كافية

4️⃣ التخزين الآمن 🔐
– في درجة حرارة الغرفة: حتى 4 ساعات
– في الثلاجة: حتى 4 أيام
– في الفريزر: حتى 6 أشهر
واستخدمي أكياس مخصصة لحليب الأم مش أكياس نايلون عادية علشان تتجنبي نمو الفطريات 🦠 أو تسرب المواد البلاستيكية للبن

📌 شاركينا في الكومنتس لو انتي من الأمهات العاملات واحكيلنا إزاي بتوازني بين لشغل والرضاعة يمكن تجربتك تلهم غيرك 🩷
ولو محتاجة نصائح تانية ودعم أكتر ابعتيلنا .. د. رباب رفعت استشاري دولي معتمد في الرضاعة الطبيعية – هتكون معاكي خطوة بخطوة ^^

06/08/2025

كنا معاكي فـ سلسلة كاملة عن الرضاعة الطبيعية ✅
جاهزة تبدأي بداية مختلفة؟ 🩷
عرفتي معانا إن أول نقطة لبن = أول تطعيم
وإنك مش لوحدك
والتعب في الأول طبيعي

لو محتاجة بداية صح أكيد هتكون مع د. رباب 🩺
📩 ابعتي رسالة وهنتواصل معاكي.

تابعينا علشان لسه في حاجات كتير هتفيدك في رحلتك 🙏🏻

05/08/2025

فـ الصيف العطش مضاعف والميه مش رفاهية ❌☀️

في الحر جسمك مش بس بيحاول يبرد نفسه ده كمان بيشتغل بكل طاقته علشان يصنع لبن فيه غذاء لطفلك 🩷

🔹 اللبن الطبيعي بيتكوّن بنسبة 87% من الميّه — يعني كل نقطة بيوصلها لطفلك محتاجة من جسمك تروية كفاية 💡
علشان كده:
✅ اشربي مياه علي اد ما تروى عطشك ما توصليش لمرحلة العطش (مية، عصاير طبيعية، شوربة، فواكه فيها ميّه)
✅ اشربي كل مرة ترضّعي فيها
✅ راقبي لون البول (لو غامق → محتاجة تشربي أكتر)

وخدي بالك 🚨
شرب كميات زيادة عن اللزوم مش دايمًا مفيد .

جسمك في الصيف بيطلب اهتمام أكتر علشان يقدر يكمّل مهمته الصعبة 🙏 واحنا معاكي في أي وقت لأي استفسار ^^

04/08/2025

يا دكتورة ابني بيرضع طول الوقت.. هو كده مش شبعان ⁉️

السؤال ده بنسمعه من أغلب الأمهات في أول شهور الرضاعة
بس الحقيقة إن في أسباب كتير ممكن تخلّي الطفل يرضع لفترات طويلة:

🔹 وضعية الرضاعة
لو وضع الطفل مش مظبوط (مش مواجه للصدر أو مش مسنود كويس)، ممكن يواجه صعوبة في البلع وبالتالي يرضع ببطء أو يسيب ويرجع تاني.

🔹 الالتقام السطحى او الغير العميق
الالتقام العميق بيساعد الطفل يرضع كمية أكبر من اللبن في وقت أقل وده بيساعده يشبع أسرع ويستقر لفترة أطول.

🔹 طفرة نمو
بيحتاج فيها يرضع أكتر من العادي وبتبقى تقريبًا لمدة أسبوع مش أكتر

🔹 الرضاعة مش بس أكل
الطفل بيلاقي في حضنك أمان ودفء وهدوء .. مش بس لبن
وده جزء أساسي من احتياجاته في الشهور الأولى 🫂

لو الرضاعة مش ماشية زي ما كنتي متوقعة .. احنا هنا علشان نسمعك 🩷
ومع د. رباب رفعت – أخصائي الأطفال واستشاري الرضاعة الطبيعية – هتلاقي المعلومة الصح والدعم اللي يطمنك من أول الطريق ^^

03/08/2025

لكل أم بتواجه صعوبة في الرضاعة الطبيعية 💔

لو الرضاعة بتسببلك ألم أو مش فاهمة ليه مش ماشية بسلاسة 🤷 يبقى البوست ده علشانك

الرضاعة مش المفروض تكون مؤلمة ❌
ولو في وجع مستمر يبقى في سبب لازم يتعالج زي:
🔸 وضعية أو التقام مش سليم
🔸 التهابات أو فطريات
🔸 لسان مربوط
🔸 أو حتى احتقان شديد في الثدي

لو بتسألي .. معانا هتعرفي ✅
إدي لنفسك وقت وخليكي فاهمة إنك مش مطالبة تستحملي الألم .. انتي مهم تفهمي جسمك وتلاقي المساعدة الفعلية

شاركينا مشاعرك حتى لو مش ناوية تحجزي.
صفحتنا دايمًا مفتوحة ليكي 🩷

02/08/2025

هل في ام لبنها خفيف وام لبنها تقيل ؟
تعالي نكشف الحقيقة 👀

اللبن بيختلف في الرضعة الواحدة

🍶 أولها: لبن خفيف فيه مايه وسكر بيروي عطش الطفل
🥛 آخرها: لبن غني بالدهون والبروتينات اللي بتساعده ينمو ويكبر

المشكلة مش في اللبن… المشكلة في طريقة الرضاعة
لو الطفل بيرضع دقايق قليلة من كل ناحية، هيفضل ياخد السوائل بس، ومش يوصل للجزء المغذي.

مافيش حاجة اسمها لبن خفيف
فيه أم محتاجة تتعلم الالتقام العميق وتتاكد ان الطفل بيفرغ الثدى وياخد اخر اللبن المليان بالمغذيات
تابعينا علشان تعرفي إزاي تضمني إن ابنك بياخد وجبته كاملة