د/محمود ياسين الشريف لاستشارات النسا والتوليد

26/10/2025

شنطة الولادة فيها ايه؟؟؟ 🤰🏻👜

كل ما ميعاد الولادة بيقرب مستوى التوتر والقلق بيزيد عشان كده بجانب إلتزامك بالتعلميات الطبية اللي متفقين عليها هقولك كمان إزاي تجهزى نفسك للولادة بشكل كامل

🔹 للأم:
- ملابس مريحة بفتحة أمامية لتسهيل الرضاعة والفحص الطبي
- روب مريح + ملابس داخلية قطنية + براهات رضاعة
- فوط صحية مخصصة لفترة النفاس أو بامبرز الولادة
- كريم لتشققات الثدي (ويُفضل البدء باستخدامه من الشهر السابع)
- شبشب بلاستيك مريح + مستلزمات العناية الشخصية

🔹 للبيبي:
- حفاضات لحديثي الولادة + وايبس غير معطرة
- 3 تغييرات كاملة (غيار داخلي، سلوبيت، دفاية في الشتاء)
- بطانية صغيرة تحافظ على الدفء
- الببرونة في حالات فشل الرضاعة الطبيعية فقط
- مستلزمات النظافة الشخصية للجنين

⚠️ ممنوعات في الشنطة:
- السكّاتة
- الزيوت والمعطرات وكريمات التسلخات في أول 48 ساعة… علشان نسيب طبقة الحماية الطبيعية اللي ربنا خلقها على بشرة البيبي

تقومي وترجعي لينا بألف سلامة ❤️

للحجز والاستعلام:
01012948979
01018123852
نجع حمادى شارع حسنى مبارك امام بنك القاهره
01021187124
01146891116
فرشوط شارع بور سعيد بجوار ش الفيروز

24/09/2025

إطمنا على صحة البيبي..نطمن على صحتنا بقى 🤦🏻‍♀

مبروك على وصول البيبي بالسلامة وزي ما كنا متابعين صحته طول فترة الحمل، دلوقتي وقت الإطمئنان ومتابعة صحتك في فترة النفاس
مرحلة النفاس أو ما بعد الولادة بتستغرق من 6 لـ 8 أسابيع بتبدأي خلالهم تستعيدي صحتك وترجعي لنشاطك ولياقتك الطبيعية

أثناء مرحلة النفاس بتبدأ تظهر بعض الأعراض زي تقلصات المعدة المشابهة لآلام البريود ودم النفاس
علاج التقلصات بيتم عن طريق بعض المسكنات والأدوية المسموح بيها من الطبيب المعالج فقط خاصة في فترة الرضاعة
طب إيه حكاية دم النفاس؟
دي بتكون إفرازات مهبلية متكونة من دم وخلايا المشيمة وبطانة الرحم، وبتظهر على مراحل وألوان مختلفة:

🔴 أحمر غامق في أول 3 لـ 4 أيام
🟠 بني وردي من اليوم الـ 4 لـ 13
⚪ أبيض مصفر من اليوم الـ 14 لـ 28

في بعض الأعراض لازم تاخدي بالك وتبلغي الطبيب المعالج فور ظهورها زي:

🔴 نزيف شديد مستمر أو تواجد كتل دموية
🔴 صداع مزمن
🔴 ألم في العين وعدم وضوح الرؤية
🔴 ألم في الساق

جميع الأعراض دي ممكن تؤدي لجلطات لذلك لازم تتابعي بحرص مع الدكتور لتجنب أي حدوث أي مضاعفات

للحجز والاستعلام:
01012948979
01018123852
نجع حمادى شارع حسنى مبارك امام بنك القاهره
01021187124
01146891116
فرشوط شارع بور سعيد بجوار ش الفيروز

21/09/2025

دليلك الذهبي لفترة الحمل ✨
الحمل رحلة مميزة، وكل تفصيلة صغيرة فيها بتفرق مع صحتك وصحة البيبي. علشان كده حطيتلك القواعد الأساسية اللي لازم أي حامل تعرفها 👇

🔹 المتابعة الطبية:
أول 6 شهور: مرتين في الشهر.
الشهر السابع والتامن: كل 10 أيام.
الشهر التاسع: مرة كل أسبوع.
لو عندك ضغط، سكر، أو مشاكل سابقة → المتابعة بتكون مضاعفة.

🔹 المكملات المهمة:
فوليك أسيد: من أول 3 شهور (يحمي الجهاز العصبي للجنين).
الحديد: من الشهر الرابع لنهاية الحمل (يقي من الأنيميا ومخاطر نقل الدم).
حقن الرئة: من الأسبوع 24 لـ34 في حالات خطورة الولادة المبكرة.

🔹 التغذية السليمة:
أكلك لازم يكون متوازن ومتنوع.
ابتعدي عن: اللحوم المصنعة، الفسيخ، الإفراط في الشاي والقهوة، مشروبات الطاقة، والدايت.
قسمي أكلك لوجبات صغيرة بدل 3 وجبات كبار.
ما تحاوليش تخسي في الحمل… جسمك بيعمل معجزة مش تحدي 😅

🔹 الممنوعات:
أي دواء من غير استشارة طبيب ❌
أدوية الطلق زي الميزوتاك أو الفيجوبروست من غير إشراف طبي… خطر جدًا.

🔹 متابعة حركة الجنين:
تبدأ عادةً من نص الخامس (أو قبل كده لو مش أول حمل).
لازم تحسي حركة كل يوم بعد كده.
قلة الحركة أو اختفائها = زيارة للطبيب فورًا.

🔹 علامات تستدعي استشارة عاجلة:
نزيف أو نزول ميه كتير.

وجع أو تحجير متكرر في البطن.
صداع شديد أو زغللة.
أعراض ضغط الحمل أو تسمم الحمل (الكركديه مش علاج).

للحجز والاستعلام:
01012948979
01018123852
نجع حمادى شارع حسنى مبارك امام بنك القاهره
01021187124
01146891116
فرشوط شارع بور سعيد بجوار ش الفيروز

17/09/2025

مشاعر انك تبقي ام حكاية حب جميلة
بتبدأ من أول نبضة ولأن الحكاية بدايتها رعاية
انهاردة هنقولك على بعض النصائح
اللي هتساعدك تحمي جنينك وتوصلي بيه لبر الأمان 💜🤰

- التزمي بمواعيد زيارة الطبيب لأن التأخير عن مواعيد الكشف ممكن يسبب خطر على نمو الجنين وعلى صحة الأم بشكل مباشر

- تواصلي مع الطبيب في حالة ظهور أعراض غير طبيعية

- زوري الطبيب فوراً في حالة وجود نزيف لأنه علامة صريحة لمشاكل في الحمل بالاضافة لإرتفاع الضغط والسكر من مشاكل الحمل الشائعة

- راقبي حركة الجنين بشكل مستمر ، لازم تتأكدي انه بيتحرك 10 مرات كحد أدنى خلال 24 ساعة

- مارسي الرياضة بانتظام أثناء الحمل لأنها تعتبر من الإجراءات المهمة للحفاظ على صحة الأم والجنين

- التزمي بعمل فحوصات دورية حتى وإن لم يطلبها منكِ الطبيب ، ما عدا الفحوصات السريرية أو الفحوصات الممنوعة في فترة الحمل

✅ أهم الفحوصات الدورية :

1️⃣ فحص الدم العام للتأكد من نسب السكر ومعدل الكريات البيضاء والحمراء وغيرها من المعلومات الضرورية

2️⃣ فحص البول الدوري لأن التهابات المسالك البولية واحدة من أبرز أسباب الولادة المبكرة

👈🏻 حافظي على نظام تغذية صحي في فترة الحمل من خلال :
- إضافة المكملات الغذائية وخصوصاً الفوليك أسيد في الشهور الأولى من الحمل
- تناول الفيتامينات والمعادن التي تأخذها الحامل تحت إشراف الطبيب

للحجز والاستعلام:
01012948979
01018123852
نجع حمادى شارع حسنى مبارك امام بنك القاهره
01021187124
01146891116
فرشوط شارع بور سعيد بجوار ش الفيروز

13/09/2025

إزاي تعرفي إن جسمك جاهز للحمل؟ 🤰🏻

رحلة الحمل بتبدأ من اللحظة اللي الجسم بيبعت فيها إشارات واضحة أنه جاهز للحمل، ودي بتكون فترة الإباضة اللي بتخرج فيها البويضة الناضجة من المبيض علشان تبقى جاهزة للتخصيب
العلم بالفترة دي وعلامتها بتفرق جدًا في زيادة فرص الإنجاب، خاصةً لو عايزة تستغلي "أيام الخصوبة الذهبية"

📌 العلامات اللي ممكن تلاحظيها:
الإفرازات المهبلية: بتتغير وتبقى شفافة وأكثر لزوجة، وده لتسهيل الحركة على الحيوانات المنوية
ارتفاع طفيف في درجة الحرارة القاعدية خاصة في فترة الصباح
الشعور بآلام وتقلصات خفيفة أسفل البطن غالبًا في جانب واحد، نتيجة خروج البويضة.
زيادة طبيعية في الرغبة الجنسية بسبب تغيير الهرمونات
انتفاخ وحساسية في الثديين
بقع دم بسيطة أو نزيف خفيف مصاحب لعملية الإباضة
تغيرات في المزاج أو الشهية نتيجة التغيُرات الهرمونية

💡 ومن العلامات الإضافية اللي بعض السيدات ممكن يلاحظوها:
انتفاخ بسيط في البطن
تطور حاسة الشم بشكل ملحوظ

🎯 ممكن تحددي وقت الإباضة بدقة أكثر من خلال اختبارات الإباضة المنزلية لأنها بتساعدك في متابعة التغيرات بوضوح

السيطرة والوعي بحالة جسمك شئ إيجابي جداً وبيمنحك حرية التحكم في حياتك بصورة مريحة

للحجز والاستعلام:
01012948979
01018123852
نجع حمادى شارع حسنى مبارك امام بنك القاهره
01021187124
01146891116
فرشوط شارع بور سعيد بجوار ش الفيروز

09/09/2025

مين مبيحبش الشوكولاته؟ 🍫

الشيكولاته من الحاجات اللي أغلب الناس بتحبها بس هل هي مضرة ولا مفيده للحوامل ❗
الشيكولاته الداكنة مصدر مهم جداً لمضادات الأكسدة اللي بتكافح عمل الشوادر الحرة في الجسم وبالتالي بتساهم في حماية الحامل وجنينها من الأمراض الڤيروسية 👌🏼

- تحتوي على كمية من الكالسيوم المفيد في حماية العظام وبناء عظام الجنين
- تقلل من التوتر عند المرأه الحامل وبتحسن مزاجها ومزاج الطفل من خلال انتقال هرمون السعادة
- تحتوي على كاكاو خام مع حليب وزبدة الكاكاو والسكر ودا بيساعد في ضبط ضغط الدم

⭕ هل الشكولاته الداكنة ليها أضرار زي ما ليها فوائد ؟

- المرأة الحامل لازم تعرف إن الشوكولاته الداكنة تحتوي على كمية من الكافيين وإن إستهلاك الكافيين بكمية كبيرة بيصعّب من وصول الدم للجنين من خلال المشيمة ودا بيرفع من نسبة خطر فقدان الجنين

- بالرغم ان الكاكاو الخام بيساعد في ضبط معدل ضغط الدم إلا انه ممكن يسبب ارتفاع في ضغط الدم ودا بيزود من فرص إصابتها بتسمم الحمل

- الشوكولاته تحتوي على نسبة عالية من السعرات الحرارية والإفراط في تناولها ممكن يتسبب في الإصابة بمرض السكري ⚠️

مفيش مشكلة من تناول الشوكولاتة الداكنة ولكن بكميات صغيرة كل يوم حسب تعليمات الطبيب المختص علشان تحسني مزاجك ومزاج جنينك ✅

للحجز والاستعلام:
01012948979
01018123852
نجع حمادى شارع حسنى مبارك امام بنك القاهره
01021187124
01146891116
فرشوط شارع بور سعيد بجوار ش الفيروز

04/09/2025

30/08/2025

هتعملي ايه لو جالك سرطان وقت الحمل ؟ 🤰🏻

يمكن الفكرة الأولى اللي بتيجي في بال أي حامل لما تسمع كلمة "سرطان" هي الخوف، قلق على حياتها وخوف أكبر على الجنين، لكن طبياً الحمل والسرطان ممكن يتعايشوا في نفس الوقت… بشرط المتابعة مع الطبيب المعالج و إتباع الخطة الطبية الأمثل

🔸 الخلايا السرطانية نفسها مش بتنتقل للجنين، لأن المشيمة بتشتغل كدرع واقي للطفل، لكن الخطر الأكبر بيحصل من طرق العلاج مش المرض نفسه

🔴 هل عامل التوقيت مهم؟
في أول 8 أسابيع (مرحلة تكوين الأعضاء)، أي تدخل زي الكيماوي أو الإشعاع بيكون شديد الخطورة على الجنين، لكن بدايةً من الشهر الرابع، ممكن نسمح ببعض أنواع العلاج الكيماوي مصحوبة بمتابعة طبية دقيقة جدًا

🔴 طرق العلاج أثناء الحمل؟
الجراحة: ممكن تتعمل أي وقت في حالة الاحتياج، مع إجراءات أمان خاصة
الكيماوي: ممنوع تمامًا في الشهور الأولى، ولا يُستخدم غير في بروتوكولات آمنة ومتاعبة دقيقة
الإشعاع: في حالة إستهداف منطقة الحوض أو البطن، غالبًا بيتم تأجيله لحين بعد الولادة

🔴 هل المرض وطرق العلاج ليها تأثير على الجنين؟
في حالة إتباع خطط علاجية مناسبة وجرعات تتوافق مع معطيات كل فترة، بيتم إستكمال الحمل بشكل طبيعي بدون أي مشاكل، والقلق بيكون حاضر فقط في حالات الولادة المبكرة نتيجة خطة العلاج أو تدهور حالة الأم

السرطان مع الحمل مش النهاية، لكنه محتاج تخطيط دقيق وتعاون بين دكتور الأورام ودكتور النسا والأطفال لاتباع أفضل خطة علاجية ممكنة

للحجز والاستعلام:
01012948979
01018123852
نجع حمادى شارع حسنى مبارك امام بنك القاهره
01021187124
01146891116
فرشوط شارع بور سعيد بجوار ش الفيروز

28/08/2025

الكشف المبكر طريق وقايتك من تكيسات المبايض 🎀👩🏻
تكيسات المبايض من المشاكل الصحية اللي بتواجه البنات والسيدات من سن 18 الى 44 سنة ، النهاردة هنتكلم أكتر عن مرض تكيسات المبايض ونعرف إيه هي أعراضه وطرق علاجه

👈🏻 متلازمة تكيس المبايض عبارة عن تكيسات حول بويضات المبيض ممتلئة بالسوائل ودا بيسبب تضخم حجم المبيض وتعطله أو كسله عن العمل

⚠️إيه هي أعراض تكيسات المبايض :

- انقطاع الدورة الشهرية وعدم انتظامها
- تساقط الشعر من فروة الرأس تصل إلى الصلع
- نمو الشعر بكثافة في الوجه والظهر والأكتاف
- تراكم الدهون في منطقة البطن
- زيادة الوزن وصعوبة فقدان الوزن
- تغييرات في المزاج والاكتئاب

✅إيه هي طرق علاج تكيسات المبايض ؟

💊 طرق علاج تكيسات المبايض تتم بعد عمل مجموعة من التحاليل والأشعات التشخيصية ويكون العلاج دوائي أو هرموني أو جراحي وتختلف الطريقة على حسب طبيعة كل حالة

⏱️التشخيص المبكر هيساعد على سرعة العلاج ورفع مستوى الخصوبة لتسهيل عملية الإنجاب والحمل بعد الزواج

للحجز والاستعلام:
01012948979
01018123852
نجع حمادى شارع حسنى مبارك امام بنك القاهره
01021187124
01146891116
فرشوط شارع بور سعيد بجوار ش الفيروز

27/08/2025

الأورام الليفية مش خلايا سرطانية! ✅🔍
سيدات كتير بتحس بخوف وقلق شديد لما يعرفوا ان فيه بداية ورم ليفي علشان كدا النهاردة هنتكلم عنه ونعرف ايه هي أعراضه وازاي بيتم علاجه مع 👨🏽‍⚕

الورم الليفي عبارة عن أنسجة وتليفات حميدة تتكون داخل الرحم وتختلف في الحجم؛ ممكن تبقى في حجم حبة البسلة وممكن يكون في حجم البطيخة وينمو داخل الرحم

🛑 الأعراض بتختلف في نوعها وشدتها وعلى حسب حجم الورم وموقعه عشان كده في حالة ظهور أعراض المرض لازم تستشيري الطبيب المختص فوراً

🛑 حوالي 20 لـ 50 % من النساء بيصابوا بالأورام وغالبا بيبدأ ظهورها من أول سن الـ 30 الى الـ 40 سنة وكمان ومن المرجح الإصابة بالورم إذا كان للسيدة صلة قرابة بمصابة من نفس العائلة

للحجز والاستعلام:
01012948979
01018123852
نجع حمادى شارع حسنى مبارك امام بنك القاهره
01021187124
01146891116
فرشوط شارع بور سعيد بجوار ش الفيروز

25/08/2025

50% من السيدات بيزوروا عيادات الأمراض النسائية بسبب الإلتهابات المهبلية 😯

التهابات المهبل هي افرازات فطرية مهبلية بتسبب حكة وآلام مزعجة ووقتها لازم يتم استشارة الطبيب عشان تعرفي السبب وتلاقي العلاج المناسب وتستعيدي أنوثتك 😌

🟦 أسباب الالتهابات المهبلية
✅ العدوى البكتيرية: بعض أنواع البكتيريا بتتراكم على منطقة المهبل وبتتسبب في حدوث التهابات شديدة بتؤدي لنزول افرازات مع رائحة كريهة
✅ عدوى الخميرة المهبلية: ودي بينتج عنها حكة مزعجة مع إفرازات بيضاء سميكة وبتحصل بعد استخدام المضادات الحيوية
✅ العدوى الفيروسية: بعض أنواع العدوى الفيروسية بتنتقل خلال العلاقة الجنسية بشخص مصاب.
✅ الطفيليات: بعض الطفيليات ممكن تتسبب التهابات مهبلية زي الديدان الدبوسية.
✅ العناية الشخصية: قلة العناية الشخصية وكمان الملابس الداخلية الضيقة بتساعد في تراكم الفطريات.
المواد الكيماوية: الصابون والغسولات النسائية أو المعطرات بتحتوي على نسبة كبيرة من العناصر الكيماوية المسببة لتهيج الجلد والالتهابات المهبلية الشديدة.

🔷 علاج الالتهابات المهبلية
☑️ العلاجات الطبية: الأدوية والجل والكريمات الطبية المضادة للالتهابات، بالإضافة لعقار الميترونيدازول على هيئة جل أو أقراص.
☑️ علاج الخميرة المهبلية: العلاجات الدوائية للخميرة المهبلية زي أقماع الميكونازول.
☑️ العلاج في البيت: علاج الالتهابات المهبلية البسيطة باستخدام بعض المكونات المنزلية المضادة للفطريات زي الزبادي والثوم.

للحجز والاستعلام:
01012948979
01018123852
نجع حمادى شارع حسنى مبارك امام بنك القاهره
01021187124
01146891116
فرشوط شارع بور سعيد بجوار ش الفيروز