عيادة الدكتور اسامة النجار لطب الاطفال والاطفال حديثى الولادة بقويسنا

01/05/2022

كل عام وانتم بخير وعيد سعيد ان شاءالله.

12/04/2021

كل عام واهالينا وأطفالنا بخير ورمضان كريم.
مواعيد العيادة فى شهر رمضان ان شاء الله
يوميا من ١ظهرا إلى ٤.٣٠ عصرا ماعدا الجمعة.

20/03/2021

#السخونية.
من اكتر الأعراض اللى بتقلق الام. طيب نتصرف ازاى؟ ندى خافض الحرارة ويا ريت اللى بيحتوى مادة الباراسيتامول وكمادات لغاية ما نكشف على الطفل فى اقرب فرصة.
بلاااااااااااااااااااااش ندى مضاد حيوى او حقن للطفل من غير دكتور الأطفال ما يكون شايفه ومحدد سبب السخونية لأن اوقات كتير بيبقى السبب فيروسى ومش محتاجين مضاد حيوى وربنا يحفظ اطفالنا.
#عيادة د. أسامة النجار
إهتمام =ثقة.

18/03/2021

#محلول الجفاف.
بمناسبة ظهور حالات نزلات معوية واسهال كتير حابب افكر الماميز الأعزاء ان اهم حاجة تعمليها لطفلك فى حالة الإصابة بالاسهال ولغاية ما تكشفى عليه هو انك تدي محلول الجفاف. حتى لو بتديله دوا للاسهال مينفعش تنسى المحلول وربنا يحفظ أطفالنا.
#عيادة د. أسامة النجار
إهتمام =ثقة

15/12/2020

مشاكل الكلام و التخاطب .. مشاكل التوحد وصعوبه النطق و التعلثم ومشاكل الصوت وغيرها من مشاكل كتير بتقابلنا 🤔🤔

زمان كان بيقولك سيب الطفل علي ما يكبر وهو هيبقي احسن وبنتفاجئ ان للاسف الحاله بتسوء 💔

عشان كده دكتور التخاطب موجود
بيساعد الحاله في

- تحديد المشكلة
- وضع خطة علاجية
- جلسات مستمره ومتابعة دورية
- حلول و جلسات لمشاكل الصوت للكبار و الاطفال

ولاننا متخصصون في مجالنا فبنقدم كافه الاستشاره للحالات باختلاف اعمارهم ولكل فئه وعمر خطط علاجيه خاصه

مركز اتكلم لأمراض التخاطب .. ثقه .. اهتمام

د. حنان الشوربجي. د.اسماء الدسوقي
العنوان : شبين الكوم - ميدان شرف - برج الزهراء الدور الثالث

31/07/2020

24/04/2020

كل عام وانتم بخير.
مواعيد العيادة فى شهر مضان ان شاء الله
يوميا من ١ظهرا إلى ٥ عصرا ما عدا الجمعة.

09/10/2019

📣 التشنجات الحراريه عند الأطفال 📣

📍أولا ايه هي التشنجات الحرارية ❓

هي تشنجات تحدث نتيجة الارتفاع في درجات الحرارة للأطفال 🤒
بس بشرط أن يكون سبب ارتفاعها مش التهابات بخلايا المخ .
و غالبا ما تصيب الأطفال ( من عمر ٦ شهور وحتي 6 سنوات ).

📍أسباب التشنجات الحرارية :-
بتيجي وتصاحب بعض الأمراض اللي ممكن تسبب إرتفاع بدرجة حرارة الطفل !
( مثل إلتهاب اللوز، والأذن الوسطى، والجديري المائي والإنفلونزا، والحمى القرمزية) .
ولا بد أن يكون سبب الإلتهاب خارج الجهاز العصبي.

طب تتصرفي ازاي كـ أم في حاله حدوث تشنجات حرارية لأول مرة .؟😲

المطلوب منك كأم إنك تتصرفي بهدوء وتعملي الأتي☺

📍تجريد الطفل من ملابسه ووضع الجزء الأسفل من الطفل تحت الماء الفاتر وعمل كمادات بعد ذلك لتقليل درجة الحرارة ، ودا اول خطوة في العلاج عندنا بالمركز أو أي إستقبال طوارئ و بنسبة 99 % بتوقف التشنجات ودا المطلوب .

طب في حالة استمرار التشنجات اكثر من ١٠دقائق أو فقدان الوعي أو تشنج جزء من أجزاء الجسم ⁉

التصرف الصح وقتها ينقل الطفل بسرعه لأقرب مركز أطفال أو مستشفى للعلاج .

📍طب لو حصل تشنجات والطفل أقل من 6 شهور. ؟!

غالبا يكون السبب نقص الاوكسجين في حديثي الولادة او نقص الكالسيوم والجلوكوز في الدم .

للاطمئنان على صحة أطفالكم تشرفوا بزيارتنا في العيادة .

🔹د.أسامة النجار
أخصائى الأطفال والأطفال حديثى الولادة
🔹العنوان :- قويسنا_امام موقف شبين
🔹للتواصل والإستفسار :-
01211703731----01093349364

07/10/2019

مهم لكل الأمهات 👀
♢هنقولك كلام مفيد جدا عن #التسنين فى الأطفال 👍

الأسنان اللبنية أو الأسنان الأولية أو
الأسنان المؤقتة أو الأسنان المتساقطة هى المجموعة الأولى من الأسنان فى النمو التطورى لطفلك.

* تعرفى ان عملية تكوين الأسنان تبدأ فى الشهر التانى من الحمل فى المرحلة الجنينية و بتكمل رحلتها بعد الولادة!

* هو ممكن طفلى يتولد بأسنان ؟ أيوة ممكن ،بس مفيش منها أى مشكلة إلا إذا كانت مش ثابتة خوفا من شرقان الطفل ساعتها لازم تشوفى دكتور أسنان علشان يشيلهم.

* يبدأ ظهور الأسنان من الشهر السادس لطفلك ( من ٥ إلى ٦ أشهر ) و يكتمل عند عمر ٢ إلى ٢,٥ سنة و عددهم ٢٠ سنة لبنية.

* ترتيب ظهور الأسنان ( القواطع الأمامية 》القواطع الجانبية 》 الضرس الأول 》 الأنياب 》 الضرس التانى ).
* ظهور الأسنان الدائمة يبدأ من سن ٥ إلى ٧ سنوات و يكتمل فى سن ١٣ إلى ١٤ سنة و عددهم ٣٢ سنة.

*أعراض التسنين من أهم الأسئلة اللى بتهم الأمهات بس للأسف كل الأعراض بتكون أعراض عامة ممكن تحصل مع أى دور تعب لطفلك مثل ( لغبطة نوم - أريفة مزاج - التفتفة و الترييل - اللثة محمرة - وضع اليد بالفم - العض على الأشياء و الألعاب الصلبة ).

* التسنين برئ من السخونية و الإسهال (يعنى مفيش دليل علمى على إنه بيعملها) لأن كل الفكرة إن الطفل بيحط إيده و أى حاجة بتقابله فى بقه كتير أوى الفترة دى من العمر و ده بيسهل دخول البكتيريا و الفيروسات اللى ممكن تعمل سخونية أو إسهال.

* فيتامين ( د ) من أول يوم في عمر طفلك مهم جداً لأنه بيساعد في عملية التسنين.

🔹د.أسامة النجار
أخصائى الأطفال والأطفال حديثى الولادة
🔹العنوان :- قويسنا_امام موقف شبين
🔹للتواصل والإستفسار :-
01211703731----01093349364

05/10/2019

🎀البوست السنوي🎀

📍قبل دخول المدارس والحضانة 📍

⏳ بتشتكي كتير ان طفلك :
#مابيركزش #مابيحفظشكويس #وزنهمابيزدش !

⏰ يبقي من ضمن الحاجات اللي لازم نهتم بيها الاتي :

◀ تحليل براز وصورة دم وممكن تحاليل اخري حسب الحالة وعلاج الانيميا والديدان لو فيه .

◀ التغذية الجيدة 👌🏻 لحوم وفواكه وخضروات واسماك والبعد عن الاكل من برا .
والبعد عن الشيبسي والكاراتيه والمشروبات الغازيه !

◀اهتمي انك تغيري في الاكل وتنوعي بلاش روتين الطبخ 🤨

◀طفلك مبياكلش فاكهه خديه معاكي السوق واديله فلوس يشتري ولما تروحي اغسلي الفاكهه اللي اشتريتوها .. مرة ف مرة هياكل 📯

◀وجبة سمك اسبوعيا 🏁

◀ فشار ذره ومكسرات 🚂

◀ بلاش كل دور برد خفيف نروح الصيدليه وياخد حقن وعلاج 😨

◀ الجو النفسي بعيد عن الغيرة .. حالات بتتابع معايا كل مشكلتها في مولود جديد جه والطفل الاكبر بدأ يخس ويمص في صوابعه وياكل ضوافره ومع بعض التعليمات و اهتمام الام والاب الولد رجع تاني وافضل من الاول 😊

◀ النوم وما أدراك من النوم 😴
افضل وقت للنوم من الساعه 10 ودا افضل معدلات لافراز هرمون النمو
مفيش حاجة اسمها طفل ينام الفجر ... عوديه ينام بدري ومينامش طول اليوم ولو هايصحي بدري متقوليش انا مش هعرف انام بدري ... نيميه وابقي اصحي !

🔹د.أسامة النجار
اخصائي الأطفال والأطفال حديثى الولادة
🔹العنوان :- قويسنا_امام موقف شبين
🔹للتواصل والإستفسار :-
01211703731----01093349364

19/08/2019

👶🏻للاهتمام بشعر طفلك 👶🏻

التغذية السليمة هي الاساس 💪🏻
الشعر بيحتاج بروتين وفيتامين ( أ ) و زنك وحديد 👌🏻

⁦☑⁩البروتين :
🥩في اللحوم 🍗🍖والبيض🥚 والاسماك والمكسرات و🥛 اللبن ومنتجاته .

⁦☑⁩الحديد : ميبقاش في انيميا نقص الحديد
ونهتم بالاكل في 🍯العسل الاسمر والكبدة🍣
🍎والتفاح والكمتري 🍏والباذنجان🍆 والبنجر .

⁦☑⁩فيتامين أ :
والاكل الغني بفيتامين( أ ) كبدة الفراخ والجزر🥕
والبطاطا 🥔والبقدونس والخس والمشمش .

⁦☑⁩الزنك في :
اللحوم 🥩والسبانخ🍛 والمكسرات
☕الكاكاو والسمسم والتوم 🥝وصفار البيض 🥚.

⁦✂⁩قص اطراف شعر البنوتات كل ٦٠ يوم
👧🏻 والصبيان كل شهر مثلا .. وبلاش حلاقة ع الزيرو للصبيان !
ونهتم ان الطفل ميكنش عنده انيميا او ديدان 👀
📍في عوامل وراثيه بتتحكم شوية في الشعر .
📢استعمال شامبوهات كويسة للأطفال .

📍شير للبوست عشان كل الأمهات يوصلها المعلومة 👌🏻

🔹د.أسامة النجار
أخصائى الأطفال والأطفال حديثى الولادة
🔹العنوان :-
قويسنا_أمام موقف شبين
🔹أرقام التواصل والحجز :
01211703731----01093349364