مركز الشنواني للعلاج الطبيعي والتغذية برشيد

08/11/2025

وزنك زايد وعندك مقاومه انسولين

طيب ايه الحل ؟

1/لازم الوزن ينزل طيب هينزل ازاي وانا كل شويه بجوع وآكل

الوزن هينزل عن طريق اتباع نظام الصيام المتقطع

منع الاكل بين الوجبات

وصيام 12ساعه يوميا

الاهتمام بالبروتينات وإقلال النشويات

تقليل الحلويات والمعجنات والدقيق الابيض والسكر والخبز والعسل

الاهتمام بالخضروات وتقليل الفواكة

تناول الاسماك الغنية بالاوميجا 3

تناول الأطعمة منخفضة المؤشر الجلايسيمي

منع الدهون المشبعه واستخدام زيت الزيتون والزبده البلدي والسمن البلدي بدل منها

2/الرياضه زي المشي بيفيد جدا وبيحسن استجابة الجسم للانسولين

3/ممكن استخدام ادويه الميتفورمين لو تأكدنا من الاصابه
بمقاومة الانسولين او تكيس المبايض زي جلوكوفاج وغيرها

4/ممكن استخدام خل التفاح معلقه صغيرة علي كوب ماء كبير قبل الأكل بيفيد جدا

إزاي هنعرف اننا تخلصنا من مقاومة الانسولين ؟

لو عملنا الاربع حاجات دول هنلاحظ

1/نزول الوزن خاصه الكرش

2/عدم الاحساس بالجوع

4/السكر مظبوط في الدم

5/الضغط مظبوط

6الكوليستيرول مظبوط

وطبعا لو عدنا تحاليل مقاومة الانسولين تاني هنلاقيها تمام
ياريت اللي يشوف البوست يعلق علشان الناس كلها تشوف العلاج

ليها علاج

دمتم سالمين 😘

06/11/2025

يا تري ليه الفراعنة معندهمش كرش؟

كل أجدادنا الفراعنة كانو بيتمتعوا بقوه البنيان وده لعده اسباب أهمها

مكنش عندهم اكلات جاهزه ولا مقليات

مكنش عندهم دقيق ابيض ولا حلويات

مكنش عندهم مواصلات

دائما بيتحركو ولو هيركبو بيبقي خيل وفروسيه

أكلهم المفضل الأسماك ولحوم الطيور والخضروات

كانو بيتعرضو للشمس وبيحصلو على ڤيتامين د

واهم حاجه بيانو بدري وبيصحو بدري

ودمتم سالمين 🥰

26/10/2025

الحمد لله رب العالمين ❤️

البطله دي خست معانا من ١١١ ل ٨٣ في ٥ شهووور فقط

علي الرغم من المشاكل الصحيه اللي عندها

وكمان مكانتش ملتزمه برياضه غير لما كسرت ال١٠٠

ما شاء الله دهون البطن نزلت كتتتير جدا ١٥ %دهون

ونزلت ١٢ كيلو دهون صااافي

وزادت ٧%عضلات

انتي كمان تقدري تخسي زيها

يلا مستنيه ايه احجزي دلوقتي معانا

23/10/2025

الحمد لله رب العالمين ❤️

يلا مستنيه ايه انتي كمان تقدري تخسي زيها

خدي القرار وابدأي

22/10/2025

صور من وجبات بعض المتابعات الأون لاين الأبطال

فعلا الدايت مش حرمان

واللي عاوز يخس لازم ينوع في وجباته علشان يقدر يستمر

حبيت أعطيكم افكار👌🏻👌🏻👌🏻

22/10/2025

20/10/2025

الحل السحري لو حسيت بالجوع 🤔🤔

طبق هيشبعك وهيعلي الحرق في نفس الوقت

شوربه العضم

هنجيب اي عضم ونولع عليه النار وقت طويل جداً

ممكن ١٠ ساعات علي نار هاديه جدا

علشان كل المعادن اللي في العضم تنزل في الشوربه

ونضيف ورق لوري ومستكه وحبهان عادي زي ما بنعمل

شوربه اللحم وفي الاخر ممكن نضيف خضار حسب الرغبة

وتحطها في الثلاجة وكل ما تحس بالجوع سخنها وضيف

نصف ليمونه وبالهنا والشفا 😋😋

19/10/2025

معلقة السكر الصغيره10جرام تحتوي علي20سعر حراري

كيلو السكر يحتوي علي 3950سعر حراري

يعني لو بتستهلك كيلو سكر في الشهر يبقي اخر السنه هتزيد 7كيلو دهون بس من السكر 😲😲

دا غير انه بيقلل المناعه وبيزود فرص الاصابه بالسرطان

هنعمل تحدي تقليل عدد ملاعق السكر المستهلكه يعني لو

بناخد3ملاعق سكر في كوب الشاي نخليهم ٢الواحد

لو بناخد ٢ نخليهم واحده وهكذا لحد ما نمنعه نهائي

كل واحد يكتب بيستهلك كام معلقه سكر في اليوم

وطبعا في سكر الموجود في العصائر والمشروبات الغازيه

والحلويات في بوست منفصل

ومنقلقش الجسم يقدر يصنع السكر من أي حاجه بناكلها

يعني الخبز والأرز وحتي اللحم بيتحول لجلوكوز في الدم

دمتم سالمين

17/10/2025

لما جاتلي اول مره قعدت تعيط🥲🥲

وتقولي أنا مش راضيه عن نفسي 😥😥😢

نفسي أخس بصحه ولكن في نفس الوقت مش عارفه التزم

عارفه كل معلومات الريجيم وكل يوم اقول هبدا من بكره

وبكره الخبط برضو وأقول هبدا من بكره

لحد ما عرفت أن عندي مقاومه انسولين وكده غالبا هيجيلي سكر

قعدت أهديها وأقولها لسه عندك فرصه تخسي بصحه 👌🏻👌🏻👌🏻

واوعي تفكري أن اللي خسو دول خسو من اول مره

اكيد حاولوا مره واثنين وتلاته وفشلوا ومع الاصرار نجحوا

قعدت اتكلم معاها وعرفنا الأسباب اللي بتخليها تلخبط

اول شئ أنها كانت مقلله اكلها جدا علشان تخس

وده غلط جدا لانه بيزود الشهيه جدا

تاني حاجه أنها كانت بتنقنق كتير وده برضو غلط جدا خاصه

لو حد عنده مقاومه انسولين

اتفقنا علي انها تصوم بين الوجبات حتي لو بتلخبط في

الدايت وده خلي شهيتها تقل جدا

وبعد شهرين بالظبط مع التزام مش كبير اوي مع مشي مرتين

بالاسبوع نصف ساعة فقط

قدرت تخس من ١٠٥ ل٩٤

ولسه مكمله

احب اقولك انتي قدها وقدود 💪🏻😘😘

وإن شاء الله هتوصلي لهدفك بصحه وعافيه 🥰

11/10/2025

نجرب نسمع لجسمنا

ناكل لما نجوع ونوقف اكل لما نشبع

نستخدم الاكل استخدامه الصحيح

نستمتع بكل لقمه بناكلها
ونستشعر نعمه الاكل ونعمه المضغ ونعمه الوعي

بلاش نندم لو لخبطنا في الاكل
بلاش نجلد نفسنا

نطمن نفسنا بأكل كميات كبيرة من الاكل الصحي علشان يحصل الجسم علي المغذيات اللي محتاجها فيحرق

الريجيم مش عقاب
الرياضه مش عقاب

احنا اخترنا طريق الصحه والعافيه والرشاقة

نستمتع بالمشي نستمتع بالمضغ

لو نفسك في حاجه معينه كليها واستمتعي بيها
نتعلم
كلو واشربو ولا تسرفوا

التوازن جميل جدا

نتعلم التوازن

مفيش اي اكل ممنوع
لكن نحاول نقرب من الاكل اللي هيحافظ علي صحتنا

لو اكلنا كميه كبيره من الأكل الغير صحي هتلاقي معدتك تعبانه ومش مرتاحه

جسمك رافض اللخبطه
علشان كده اسمع لجسمك والتزم

في مستقبلات تذوق علي اللسان عودها تتذوق الاكل الصحي

ناس كتير بتقولي ببقي مش عاوزه اكل بس بعاند نفسي

بلاش نعاند نفسنا
ياريت نحب نفسنا ونطبطب عليها
بلاش نخلي من الاكل عاااده

احنا اهه بقدر نصوم طول النهار
لأننا مبرمجين نفسنا أننا هنقدر نعمل كده

ياريت نكون إيجابيين مع تفكيرنا وعاداتنا

نكون إيجابيين في حديثنا مع نفسنا
أنا جميله في كل حالاتي
أنا بحب الاكل الصحي
انا شغفي هو المشي
تمارين التنفس بتريحني
السمنه لا تليق بي

نتعلم

09/10/2025

المرضعه تآكل أكل أربعه🙆🏻🙆🏻

لازم تأكلي سوداني وحلاوه علان اللبن يزيد🤦🏻

اشربي عسل اسود علشان الحديد 🫣

كل دي معلومات غلط المرضعه بتسمعها🥴

طيب ايه الصح

وليه المرضعه بتبقي جوعانه وعطشانه وهفتانه طول الوقت

💚 اولا
قله النوم بتعمل شراهه للحلويات ونقص في طاقتك

وطبعا اسرع حاجه بتعوضك بالطاقه هي الحلويات وده غلط

علشان كده اي وقت البيبي ينام نااامي

💚 ثانيا
الرضاعه بتعمل جفاف للام فبتحسي بالجوع لكن

الحقيقه هو إحساس بالعطش

فعلشان كده لازم تشربي٣ لتر ماء يوميا علي الاقل

ونهتم بالسوائل الشفافه اللي بتزود اللبن زي الحلبه والشمر

والكراويه بس طبعا بدون سكر

💚ثالثا
المرضعه بتكون مرتبطه بالبيبي فمش بتعرف تخرج ولا

تروح جيم فلازم نعوض النقطه دي حتي لو بالمشي في المكان

💚رابعا

لما تجوعي كلي وجبات غنيه بالبروتين والخضار والفواكه

الطازجة علشان تشبعك ولا تلجأي الخلطه علشان تعوضي احتياجاتك

قولي لنا اكتر حاجه ساعدتك وانتي بترضعي 🤔

06/10/2025

عاوز اخس بس معنديش ميزانيه اشتري شوفان وعيش سن

-ما تشتريش شوفان ولا عيش سن❌
كل عيش الفرن العادي خالص

طيب عاوز اخس بس مش بحب اللبن

-ما تشربش لبن❌
❌
طيب عاوز اخس بس مش قادر اعمل رياضه
-ما تعملش رياضه امشي ولو ٥ دقائق بس زياده

عاوز اخس بس معييش فلوس للجلسات ولأدويه التخسيس❌
-ما تعملش جلسات وما تخدش ادويه تخسيس

أومال هخس إزاي

💚-كل من اكل البيت وتشبع
-💚صوم بين الوجبات
💚-زود خضار وبروتين في كل وجبه
💚-نام بدري
💚-ابعد عن التوتر والضغط النفسي
💚-ابعد عن الحلويات والمعجنات والمقليات

واهم حاجه تتابع معانا علشان تتشجع وتلتزم وتخس بصحه زي كل اللي خسو معانا👌🏻👌🏻