Dr. Ahmed Ragab د.أحمد رجب

27/11/2025

الحمد لله .. حمدا لله علي سلامتك يا عم هشام

شكرًا جزيلًا (الاستاذ الدكتور أحمد رجب) على جهوده الجبارة ومهاراته العالية في الجراحة لم تخفف مهارتك فقط من ألمي بل أعدت الأمل إلى حياتي لا يمكن للكلمات أن تعبر عن مدى امتناني لاهتمامك ومهنيتك العالية أشكرك جزيل الشكر على عملك الرائع وعلى كونك طبيبًا رائعًا وإنسانًا حنونًا

26/11/2025

الزيارة الشهرية القادمة لأهلنا في المنصورة ..
يوم السبت القادم الساعة ١٢ ظهرا ..

👨‍⚕️ الدكتور / أحمد رجب عبد السلام
استشاري جراحة المخ والأعصاب والعمود الفقري مستشفيات القوات المسلحة
دكتوراه جراحة المخ و الأعصاب - جامعة عين شمس
مدرس بالأكاديمية الطبية العسكرية

👀 و ذلك لمناظرة الحالات التالية:
💪 الام عرق النسا
🦴 الانزلاق الغضروفي القطني
🦴 الانزلاق الغضروفي العنقي
🤕 ضيق القناة الشوكية القطنية
🤕 ضيق القناة الشوكية العنقية
🦠 أورام النخاع الشوكي
🔎 مناظير العمود الفقري
💺 تثبيت الفقرات القطنية
💺 تثبيت الفقرات العنقية
💪 ألام الرقبة والذراعين
💢 إختناق والتهابات الأعصاب الطرفية
🧠 ارتفاع ضغط المخ والسائل النخاعي
💉 صمامات المخ والنخاع الشوكي
💥 النزيف خارج الأم الجافية
💥 النزيف تحت الأم الجافية
💥 نزيف المخ
🦠 أورام المخ
🧠 استسقاء المخ

📍 اليوم : السبت ٢٩ نوفمبر
📍 زيارة شهريا
===========================================
📍العنوان : عيادات فاميلي كير - أول شارع النخلة تقاطع شارع مستشفي الصدر
للحجز والاستفسار :-
01015155712
اضغط على الرابط للتواصل مع الريسبشن مباشرة واتساب عيادة المنصورة
https://wa.me/+201015155712

للحجز في فرع المعادي رابط الواتساب
https://wa.me/+201010927492




#المعادي #المنصورة #الغردقة #التجمع

برجاء مراجعة التخصص جيدا قبل الحجز

25/11/2025

أنا هسيب التعليقات دي هنا
عشان كل ما يبقي نفسيتي مش كويسة أقراها و افتكر فضل ربنا علينا

أنا بجد ممتن جدا لكل كلمه و تشجيع و دعوه و حب شوفته من كلامكم
أتمني اني أكون أستحقه و اني أكون علي قدر الثقة دي
مع اني ما بعرفش أرد علي كلامكم كويس

الشكر لله
و الشكر لعائلتي و أساتذتي

اللهم اجعلني خير مما يظنون

الحمد لله الحمد لله الحمد لله
و كان فضل الله عليك عظيما

19/11/2025

أحمد الجميل

حمدا لله علي سلامتك يا أبو حميد
فضل ربنا عليك و علينا كبير جداا

الحمد لله الحمد لله الحمد لله

و شكرا لكل الكومنتات و الدعوات و التشجيع و الكلام الجميل اللي بتكتبوه من امبارح
ربنا يتقبل و يارب نكون نستحقه

18/11/2025

أنا أسعد واحد النهاردة علي كوكب الأرض حرفيا !!

النهاردة و أنا ببص في الشيت بتاع العيادة في اسم عارفه كويس
أيوة هو أحمد اللي عملتله العملية من ٦ شهور

أحمد اللي فضلت أيام متنكد لما جيه في حادثة كبيرة أول
و للأسف كان عنده شلل تام في الطرفين السفليين
شلل بدرجة صفر علي ٥

مافيش حركة تماما

الأشعات كان فيها كسر شدية في الفقرات ضاغط جداا علي الأعصاب

كان لازم عملية عشان نثبت الفقرات و يبقي بعد كدا قادر يتقلب في السرير و يعمل علاج طبيعي

الحالات دي بنعملها و احنا عارفين ان المريض ما بيتحسنش و يادوب لو قدر يقعد علي كرسي يبقي فضل من ربنا و كرم

المنظر جوه العمليات فظيع
الأعصاب كلها تقريبا في الشارع
كيس النخاع الشوكي متقطع من كل مكان
لدرجة اننا في العمليات فكرنا اننا مش لازم نصلح الوضع دا
هو كدا كدا مش هيتحرك !!

بس قلنا نعمل كل حاجة و خلاص و ثبتنا الفقرات و رجعنا الاعصاب جوه و خيطنا كيس النخاع الشوكي و قولنا نبقي عملنا كل حاجة

بعد العملية علي طول بدأ يحرك رجليه حركة بسيطة بس بالنسبالنا دا انجاز عظيم

قولتله خلاص نكمل تأهيل

اختفي تماما
٦ شهور بالظبط
لحد مالقيت اسمه في الشيت

دخلت بسرعة علي كاميرات العيادة
هو قاعد علي كرسي عادي في ريسيبشن العيادة
أدور حواليهم علي الكرسي المتحرك مش لاقي
أقول جايز شالوه و خلاص

قبله ٣ حالات
عاوز اطلع استأذن الحالات أقولهم دخلوه الأول
مش عارف أركز معاهم فعلا

لحد ما جيه الدور عليه
لقيته ماشي لوحده ما شاء الله
مش متسند علي حد و داخل عليا العيادة لواحده
و الله العظيم كنت هعيط

من كام يوم كنت لسة بفكر انا جاي عليا كل وجع الدماغ دا بايه
ماكنت اخدت تخصص بسيط او حتي اي حاجة غير الطب

بس النهاردة انا سعيد جداا جداا جداا
سعيد اني كنت احد الأسباب و كنت في طريق أحمد

أحمد اللي فضلت وقت العملية متعكنن أكتر من أسبوع
لما كان محجوز في الرعايه
لما قاللي نفسي أشوف بنتي و أشيلها

و انا حاسس بشاب عارف انه غالبا هيقضي باقي حياته قعيد بالاصابة دي

النهارده جاي يقوللي عندي شوية وجع و تنميل في رجلي
قولتله تنميل ايه
اقوم أضربه دا و لا ايه 🤣🤣

الحمد لله الحمد لله الحمد لله
الحمد لله حتي يبلغ الحمد منتهاه

و بالمناسبة العملية بالنسبالنا مش حاجة كبيرة
و احنا بنشتغل دايما كفريق
يعني ما عملتلوش المستحيل
أي جراح عمود فقري هيعمل اللي عملناه و أكتر
فالبوست دا مش هدفه اني اقول اني عملت اعجاز و لا حاجة خالص
انا فعلا أقل من أي حد و لسة بتعلم

بس انا حقيقي سعيد ان ربنا بيسبب الأسباب و يجعلنا في الطريق

الحمد لله الحمد لله الحمد لله
انا مبسوط جداا
و ما قدرتش أصبر ليوم الجمعة عشان أكتب الكلام دا
بس قولت أفرحكم معايا

الحمد لله الحمد لله الحمد لله

14/11/2025

أحمد 😮‍💨
اللي كان بقاله أسبوعين مش قادر يدوس علي رجله نتيجة الغضروف اللي انفجر لما شال وزن تقيل في #الجيم

عملناله العملية بالميكروسكوب بالفتحة اللي أصغر من عقلة الصباع دي بطريقة

الحمد لله تحسن مذهل بعد العملية علي طول
و روح بيته في نفس اليوم

و رجع شغله بعد أسبوعين بالظبط من العملية

الجراحة اللي كان الناس بتترعب منها ..
ممكن تبقي بالبساطة دي دلوقتي

حمدا لله علي السلامة يا أحمد

07/11/2025

مريم 🙏🙏
الحمد لله دائما وأبدا
كرمه و فضله أكبر من توقعاتنا دايما

07/11/2025

📸 اللي في الصورة دي مش مريم اللي دخلت عليا العيادة من شهر 💔

من شهر بالضبط... دخلت عليا واحدة بتقوللي:

> "قالولي عندك كانسر يا دكتور..."

ومن اللحظة دي الدنيا وقفت عندها 😔
الوجع النفسي كان أكبر بكتير من الوجع الجسدي اللي مخلّيها مش قادرة تمشي 💭

كانت شاطرة جدًا في شغلها، بتحبه، بس الإحباط كان ماليها...
تفكيرها كله كان سلبي عن الورم والإشعاع والكيماوي،
وكل شوية تسألني:

> "ممكن أشيل الورم كله؟ ولا هيتشال جزء منه؟ ولا ممكن أتشَل خالص بعد العملية؟" 😢

يوم العملية... وأنا داخل المستشفى،
قالولي: "مريم مش راضية تاخد البنج إلا لما تشوفك الأول."
دخلتلها، لقيتها بتقوللي:

> "دكتور... أنا عاوزة أمشي على رجلي تاني زي الأول."

قولتلها: 🙏

> "سيبيها على الله يا مريم."

الكلمة دي ساعتها كانت عاملة زي جبل فوق كتافي،
بس الحمد لله 💪❤️

✨ الورم اتشال بالكامل
✨ واتطمنّا إن مافيش أي أورام تانية في النخاع الشوكي
✨ والنتائج كلها طلعت كويسة جدًا الحمد لله

🎉 والدنيا مشيت كويس أوي...
وبفضل الله، قبل أقل من شهر، مريم رجعت شغلها ❤️
ومش محتاجة لا إشعاع ولا كيماوي 🙌

الحمد لله ألف مرة 💫
حمداً لله على السلامة يا مريم 🌸

---

💡
👨‍⚕️
🧠
🦴
💬

#حمدًا_لله_على_السلامة ❤️

04/11/2025

الزيارة الشهرية القادمة لأهلنا في المنصورة ..
يوم السبت القادم الساعة ١٢ ظهرا ..

👨‍⚕️ الدكتور / أحمد رجب عبد السلام
استشاري جراحة المخ والأعصاب والعمود الفقري مستشفيات القوات المسلحة
دكتوراه جراحة المخ و الأعصاب - جامعة عين شمس
مدرس بالأكاديمية الطبية العسكرية

👀 و ذلك لمناظرة الحالات التالية:
💪 الام عرق النسا
🦴 الانزلاق الغضروفي القطني
🦴 الانزلاق الغضروفي العنقي
🤕 ضيق القناة الشوكية القطنية
🤕 ضيق القناة الشوكية العنقية
🦠 أورام النخاع الشوكي
🔎 مناظير العمود الفقري
💺 تثبيت الفقرات القطنية
💺 تثبيت الفقرات العنقية
💪 ألام الرقبة والذراعين
💢 إختناق والتهابات الأعصاب الطرفية
🧠 ارتفاع ضغط المخ والسائل النخاعي
💉 صمامات المخ والنخاع الشوكي
💥 النزيف خارج الأم الجافية
💥 النزيف تحت الأم الجافية
💥 نزيف المخ
🦠 أورام المخ
🧠 استسقاء المخ

📍 اليوم : السبت ٨ نوفمبر
📍 زيارة شهريا
===========================================
📍العنوان : عيادات فاميلي كير - أول شارع النخلة تقاطع شارع مستشفي الصدر
للحجز والاستفسار :-
01015155712
اضغط على الرابط للتواصل مع الريسبشن مباشرة واتساب عيادة المنصورة
https://wa.me/+201015155712

للحجز في فرع المعادي رابط الواتساب
https://wa.me/+201010927492




#المعادي #المنصورة #الغردقة #التجمع

برجاء مراجعة التخصص جيدا قبل الحجز

01/11/2025

و هحكيلكم النهاردة عن الكاهن اللي جالي يشتكي من وجع في رجله ..
فقولتله انه محتاج يعمل أشعة رنين علي ظهره
فزعل أوي و قاللي يعني أنا يا دكتور جاي أشتكيلك من رجلي و انت مصمم تكشف علي ظهري !!
و توعدني انه هيشتكيني لتحتمس التالت 🤣

31/10/2025

بمناسبة تريند المصريين القدماء
و الفخر بالانجازات المعمارية

عاوز أقولكم ان في انجازات طبية كبيرة مسجلة علميا باسم المصريين القدماء
من الاف السنين كان المصريين القدماء في مجال جراحة الأعصاب بيعملو عمليات ثقب للجمجمة و عمليات دقيقة و الالات بتاعتهم فضلت صامدة و الرسومات بتظهر دا

الصورة اللي تحت من ورقة بحثية مشهورة منشورة في أعرق مجلات جراحة المخ و الأعصاب
و الشرح دا كان مقدمة عن تطور جراحة المخ و الأعصاب بالقوات المسلحة
اتعرض من سنتين في مؤتمر جراحة المخ والأعصاب
و كان لازم نشير فيه و نفتخر بأننا أبناء لتلك الحضارة العظيمة

🇪🇬🇪🇬🇪🇬

24/10/2025

و يادوب لسة مخلص عرض حالته في المؤتمر
أروح العيادة ألاقيه أول حالة منتظرني في العيادة

يامن
دا فعلا اللي مافيش منه اتنين
حالته نادرة جدااا جداا جدااا
لدرجة ان متشخص من حالته علي مستوي العالم تقريبا حوالي ٢٥ حالة
منهم بس ٣ حالات علي قيد الحياه!!!

يامن هو أول حالة تتسجل في مصر و أول حالة من النوع دا علي قيد الحياة في الشرق الأوسط
اتولد بنقص شديد في عظام الجمجمة
بس الغريب ان المخ سليم تماما و النمو كويس جداا
يعني هو حرفيا تحت الجلد بتاع فروة الراس دا المخ مباشرة !!!

قدر ربنا اني حالته كانت تحت اشرافي و بمشورة أساتذتي و فريق من تخصصات مختلفة لسة بنتابعه و ان شاء الله يعدي علي خير

النهاردة عرضنا حالته في المؤتمر الدولي الثاني لكلية الطب بالقوات المسلحة ..

يامن قدرنا ننشر حالته في أكبر مجلة علمية في مجال جراحة المخ والأعصاب
كمان البحث اتقبل اني أقدمه في مؤتمر الجمعية العالمية في دبي ديسمبر القادم
للأسف في الأغلب مش هقدر أسافر
بس دا أهم مؤتمر علي مستوي العالم في مجال جراحة المخ و الأعصاب

كان يوم صعب و مرهق جداا
بس الحمد لله توفيق ربنا و ايديه اللي فوق ايدينا دايما بتجبر خاطرنا

الحمد لله دائما و أبدا