23/12/2023
تحديث
الدور لسه مكمل معانا بنفس معدل العدوى والانتشار
المختلف أن حالات الالتهاب الرئوى كانت كتيره جدا فالاطفال أقل من سنه خلال الاسبوعين اللى فاتو
الملاحظ برضه ان نسبه الاسهال أعلى من المتوقع
الكحه بتطول جدا جدا بتوصل ل ٣ اسابيع واكتر
اتوقع أن شاء الله انكسار الموجه فى يناير زى ما حصل السنه اللى فاتت
ربنا يحفظ اولادنا
هام بخصوص الدور المنتشر بين اطفالنا 🛑
فى دور منتشر حاليا بقاله حوالى ٣ اسابيع ومكمل لحد دلوقتى ومن المتوقع أنه يكمل خلال شهر ١١ و١٢ للاسف ☹️
∆دور فيروسى اكيد ولكن مش واضح إذا كان كورونا ولا لا ولكن بنسبه عاليه جدا هو نوع من أنواع كورونا وان كانت وزاره الصحه مبتقولش بيانات عنه ٠٠مش عارف ليه !🤔
∆الدور برد عادى زى اى دور بس المختلف أن العدوى فيه اقوى يعنى غالبا بيلف على البيت كله ..كبير وصغير
∆المختلف برضه أن السخونيه شديده ومتواصله و بتطول جدا عن المعتاد ..ممكن توصل ل خمس ايام
∆الكحه كمان شديده جدا وناشفه ومعاها وجع فالصدر وبتطول لأسبوعين احيانا ولكن الكويس أن حالات الالتهاب الرئوى مش كتيره ودى حاجه كويسه جدا الحمد لله
∆النوم والخمول والكسل وقله الاكل واضحين جدا عند نسبه كبيره من الأطفال
∆نسبه من الأطفال بيجى معاه ترجيع واسهال
✓✓مفيش حاجه تخوف الحمد لله ولكن التباعد والكمامه أمر ضرورى لان فعلا معدى بشكل كبير
ربنا يحفظ أطفالنا ويحميهم
د/أحمد أبوسعده
