Dr.hanaa shawky - د.هناء شوقي

22/05/2024

تتشرف عيادات الدكتوره هناء شوقى التخصصيه بتواجد** استاذ دكتور هدى جوده** استاذ الباطنه والغدد الصماء والسكر وعلاج التقذم** جامعه الزقازيق ** يتم التواصل على * ت 1015668900--ت 01060867671

22/10/2023

دكتوره عزه ترحب بكل المتابعين معها وخاصه اطفال السكر وتضعهم تحت الرعايه التامه والمتابعة تواصل معنا نحن نرعاك والله يشفيك

22/10/2023

19/09/2023

ابنك بيصحى بالليل بدون اي مقدمات ويعيط ويشتكي من وجع جامد في فخده او سمانة رجله؟؟😧😧😧😧

💨في الاغلب دي بتبقى الام نمو وفرط الحركه "Growing&overuse pains"🏄🏃🚴

💨اسمها آلام نمو علشان بتحصل في فترة النمو السريع بتاعة الاطفال الي هي فترة الحضانه وقبل المدرسه غالبا بين ٤ ل ٨ سنوات

💨في الحقيقه مصدر الألم هو العضلات بسبب نشاط الطفل وحركته الزياده وشقاوته طول النهار بيحصل اجهاد للعضلات

💨بيظهر بالليل في صورة الم حاد ممكن يحصل اول الليل او يقوم من النوم يعيط من الوجع.

💨العلاج؟؟؟

👌احيانا مجرد تدليك العضله بيودي الألم..الكمادات الدافيه بتجيب نتيجه كويسه
👌مع نوبات الوجع الجامده هيحتاج مسكن اكيد
👌في الاخر الألم هياخد وقته وهيروح لوحده.

👌بننصح الاهل الي اطفالهم عندهم المشكله دي انهم يحاولوا يقللوا حركة الطفل ويبعدوه عن رياضات زي الجري والقفز علشان ممكن عضلاتهم مش هتتحمل المجهود ده في سنهم

💨امتا نقلق ونستشير دكتور؟؟

لو لاحظنا حاجه من دول مع الوجع👇👇👇

🗯وجع مستمر طول الليل مش بيخف لحد الصبح
🗯وجع مستمر بالنهار ومسبب عرج في المشي
🗯وجع في العضلات بيزيد جدا في حالة التدليك او اللمس
🗯وجود اصابه حصلت قبل الوجع
🗯وجود تورم بالمفصل او سخونه او طفح جلدي وخمول وكسل عند الطفل.

د/عزة ماجد جادالله
اخصائية طب الاطفال وحديثي الولاده
أخصائية سكر وغدد الاطفال



للحجز / 01060867671

16/09/2023

💨💨الكالسيوم والرضع 💨💨

❌ الغلط :-
إديه من أول ما يتولد علشان يشد نفسه بدري و يمشي و يسنن بدري ...

⁦✔️⁩ الصح :-
مش بندي الكالسيوم من غير تحليل .... مش بندي الكالسيوم من غير تحليل .... مش بندي الكالسيوم من غير تحليل ... أقول كمان و الا كفاية 😄
ليه كل دا ؟؟!!
لإن الكالسيوم عمال على بطال و من بدري بيؤذي الكلى و ممكن يكون حصوات في مجرى بول الطفل و يدخلنا في متاهات لا طاقة لنا بها ...

💦💦طيب نعمل إيه ؟؟!!
ندي فيتامين د v drop من اول الولادة ٤ نقط و لغاية سنة و دا كفاية مع الرضاعة و الأكل بعد كده لنمو الطفل و تطوره العضلي ... الطفل متأخر نروح للدكتور و نعمل التحاليل و الفحوصات اللازمة و نشوف إيه السبب ..

💦💦الحديد ممكن نبدأه من الشهر الرابع للسادس كجرعة وقائية بالذات لو الطفل بيرضع طبيعي و مع بداية الأكل لو الطفل بياكل و بيرضع كويس ممكن نستغنى عن الحديد خالص ...

د/عزة ماجد جادالله
اخصائيه طب الاطفال وحديثي الولاده
اخصائيه سكر وغدد الاطفال
للحجز /01060867671

06/09/2023

💨💨ابنك مسؤليتك من وهو جنين 💨💨

❣عشان كدا البوست دا موجه لكل ست حامل وعندها كسل في الغدة الدرقيه وماشيه علي هرمون التروكسين التعويضي 🥰

❣أمهات كتير بتيجي موقفه هرمون التروكسين في الحمل ياتري دا صح ولا غلط اصل حد قالها انه بيعمل تشوه في الجنين 🤔

❣طبعا الكلام دا غلط ويعتبر جريمه في حق البيبي ونقص الهرمون هو اللي هيعمل تشوهات وعيوب خلفية وعدم انتظام ضربات القلب وغيرها

❣انتي عارفه ان في الطبيعي البيبي اول 12 اسبوع بيعتمد علي الغدة الدرقية لمامته لان قبل كدا الغدة الدرقية للجنين مش بتكون شغالة🙄وبعد كدا بتشتغل بس مش بكامل قدرتها ويعتمد علي هرمون الام

❣ما بالك الام اصلا عندها كسل غدة درقية وبتاخد هرمون تعويضي 🥲

❣فالمفروض بنزود الجرعة من 20 ل 50 بالمية بدون تحليل من اول الحمل

❣وبنتابع كل شهر وهدفنا ال TSH يتراوح من 0.3 ل 2.5 تقريبا أثناء الفتره دي من الحمل .

عشان كدا متسمعيش لحد مش متخصص

#د/عزة ماجد جادالله
اخصائية طب الاطفال وحديثي الولاده
اخصائية سكر وغدد الاطفال

للحجز/ 01060867671

للطواريء /01024194142

13/08/2023

💨💨قصور الغدة الدرقية الخلقي💨💨
💨💨 congenital hypothyrodism💨💨

💦💦يعني ايه قصور الغده الدرقيه الخلقي :
هو نقص هرمون الثيروكسين منذ الولادة

💦💦السيناريو بيبدأ كالتالي :
الام بتتصل مخضوضه يا دكتوره البيبي سحبناله عينة الكعب واتصلوا علينا قالولنا العينه لازم تتعاد هو كده عنده الغده واعيدله التحليل بره
بيكون ردي عليها كالتالي ...

اولا العينه ممكن تكون غير كافيه وعاوزين يعيدوها أو

ثانيا عينة الكعب بتشمل تحليلين واحد بيقيس هرمون الغده الدرقيه المحفز وتحليل تاني لتشخيص مرض من أمراض التمثيل الغذائي وهو تحليل نسبة الفينيل الانين في الدم...المرض ده احنا بنسميه اختصارا (PKU )

واقول للأم تعيدي عينة الكعب عشان نشوف الاول المشكله في الغدة الدرقيه ولا التمثيل الغذائي.

💦💦الأسباب:
👌عدم وجود الغده الدرقيه الخلقي
👌 تشوه في تكوين الغده الدرقية
👌صغر في حجم الغدة الدرقية
👌خلل في إنتاج هرمون الثيروكسين بسبب نقص في أحد الإنزيمات المسؤولة عن تكوين الهرمون أو خلل في استخلاص اليود إلى داخل الدرقية أو خلل في تحويل الثيروكسين الرباعي إلى ثلاثي

💦💦اعراض نقص هرمون الغده الدرقيه:

💀غالبا لا تظهر أعراض في الأشهر الأولى من العمر

💀اعراض تظهر في حديثي الولاده منها زيادة نسبة الصفراء بالدم، وبطء الحركة، والهدوء الزائد كعدم البكاء وزيادة مدة النوم والإمساك
💀ومع زيادة عمر الطفل يظهر كبر حجم الرأس والوجه واللسان، وتأخر في النمو الجسدي والحركي والعظمي، وتأخر في القدرات العقلية ويمكن ألا يتم ملاحظة هذه الأعراض إلا متأخرا

💦💦التشخيص:
👌عينة كعب القدم ويتم قياس هرمون TSH فإذا كانت النتيجة غير سليمة يتم سحب عينة وريديه لعمل تحليل Free T4 and TSH فإذا كان بها أي ارتفاع TSH أو انخفاض Free T4 عندها يتم إعطاء العلاج
👌أشعة تلفزيونية علي الرقبه لتحديد حجم الغده الدرقيه ومكانها
👌أشعة نووية باليود المشع لتحديد شكل الدرقية

💦💦العــلاج:

👌 الثيروكسين "L-troxin" والجرعة حسب وزن الطفل للوصول إلى المعدل الطبيعي مع متابعة دوريه بالتحاليل
👌 يتم سحق أقراص العلاج ويعطى مرة واحدة يوميا، مختلطا مع كمية صغيرة من الماء، حليب الأطفال، أو حليب الام أو يعطي علي معده فاضيه صباحا
👌عدم تناول الدواء مع حليب الصويا أو مركبات الحديد لأن ذلك ينقص من امتصاص الثيروكسين.
👌عند نسيان جرعه يعطي ضعف الجرعه اليوم التالي ثم يرجع الطفل للجرعه الاساسيه.

د/عزة ماجد جاداللة
اخصائيه طب الاطفال وحديثي الولاده

متابعة



للحجز والاستعلام 01024194142
01060867671