What are the opening hours?

Monday 11am - 2am Tuesday 11am - 2am Wednesday 11am - 2am Thursday 11am - 2am Friday 11am - 2am Saturday 11am - 2am Sunday 11am - 2am

https://www.facebook.com/385030735294914/

Dr reda pharmacies, السوق القديم بجوار كافيتريا المواردي, Sharm el-Sheikh (2025)

26/01/2025

المجموعه القمر دي مجموعه ايفا كيراتين للشعر
شامبو وبلسم وحمام كريم وسيرم
خاليه من السلفات والامونيا والفورمالين والصوديوم وده بيخليها مناسبة جدا للشعر المعالج بالكرياتين والبروتين
مجموعه إيفا كيراتين المميزه لتغذية و معالجه الشعر يترك شعرك صحي،لامع وده بفضل خلاصة النباتات الطبيعيه المكونه ليه
بسعر 🙈🙈🙈🙈

16/09/2024

النهاردة جايبين لكم حلويات وقطايف ولطايف معلومات صيدلانية من النوع المميز بتاعنا مش هتلاقوها غير علي الصفحة دي ويا سلام كمان لو تابعتونا علي قناة التليجرام بتاعتنا اللي سايب لكم الرابط تحت هتبقوا دكاترة من منازلكم ..نبتدي الحكاية والرواية ...
الصيدلي المجتهد اللي لو جات ست الصيدلية تسأله عن الدوا اللي بينشف اللبن هيقولها دوا cabergoline زي Dostinex الجرعة بتكون 0.25 مجم يعني نص قرص كل 12 ساعة لمدة يومين ... حلو

أما الصيدلي اللي يستحق لقب دكتور هو اللي لو سأله الدكتور ليه مطلعتش lactodel ماهو كمان بينشف اللبن ؟
هيقوله لأن الكابرجولين ليه ميزة كبيرة بأن المريض بياخد الجرعة علي فترة صغيرة لأن الفترات الطويلة
من ال Dopamine_Agonist زي لاكتوديل بتسبب أعراض جانبية زي المغص و الترجيع ...
وعنده vasocontstrictive_effect...
فممكن يسبب spasms في أصابع القدم .... ماشاء الله

الصيدلي البروفيشنال بقى .... دا اللي يقدر يميز استخدام الدوستينكس واخواته في اي روشته يلاقيها

يعني لو شاف روشته مكتوب فيها dostinex للذكور هيقول ان دي بسبب hyperprolactinemia واللي بتعمل نقص في عدد الحيوانات المنوية عند الرجل والتبويض في المرأة

- وكذلك في روشتات النسا في حالة عدم انتظام الدورة الشهريه بسبب زيادة البرولاكتين

وكمان بيتكتب بعد حالات الإجهاض لمنع إفراز اللبن

- وكذلك في روشتات الغدد والاورام لحالة اسمها الprolactinoma ودا ورم في الpituitary gland بسبب زيادة البرولاكتين .. ياسلام ياسلام 👏👏

أما لو لاقيت صيدلي عارف كل دول بالجرعات بتاعتهم وطلع الدوا بصورة صحيحه ونصح المريض أنه مياخدوش مع البريمبران و الموتيليوم

وقال كمان انه يمنع استخدامه لمرضي القلب لأنه بيسبب Cardiac_Valvulopathy

ونبه ع الست اللي هتفطم انها تاخد مسكن NSAID بعد ماتخلصه لأنه بيسبب الم وتحجر في الثدي بسبب وقف اللبن
يبقى كدا دكتور بروفيشنال متميز وحقق أعمدة الotc الرئيسية..... الpatient counseling والDose والDDI وفروقات الأدوية ...... ومن هنا نعرف انه متابع لصيدليات دكتور رضا غنيم

😍 🤝https://t.me/drredapharmcies

08/09/2024

معلومات مهمة 🖤💨👋👋

1- بعض الناس اللي بتاخد depakine مش شرط يكون عندهم صرع وبس
دا بيتاخد برضو في بعض حالات النفسيه والacute mania
لكن مش دا المهم
المهم انك تعرف ان من اعراضها الجانبيه لمدة 3 شهور بيعمل نقص في الكالسيوم علشان كدا المريض بيبقى مصاب بخمول وهشاشه عظام وهنا لازم يتوصف كالسيوم معاه

2- الست اللي بتاخد حبوب منع حمل وخصوصا ع المدى الطويل زي حالات تكيس المبايض أو حب الشباب
من الافضل انك توصف دوا Vit B6 لان حبوب منع الحمل في الحالات دي بتؤدي لبعض انواع الاكتئاب

دور الvit B6 هنا اهم من مضاد الاكتئاب نفسه لأنه بيحفز انزيم decarboxylase ينشط الدوبامين والنفسية تتحسن معاها

3- لو نفس الست اللي بتاخد حبوب منع حمل دي وجات تطلب حاجه تأجل البيريود ، هنخليها تفضل ماشية على اقراص منع_الحمل بدون ما توقف ال7 ايام اللي بعد ال21 حبايه واول ما توقف تناوله فيما بعد هتنزل البيريود ف خلال يومين
اكيد هتكمل بشريط تاني لان الاولاني هيكون خلص

4- بعض الأدوية لو اتاخدت في وقت صحيح من اليوم بيبقى مفعولها افضل :
زي الفيتامينات .. بعد الغدا علشان ميسببش أرق لو اتاخدت بالليل ..
الكالسيوم وأدوية الكوليسترول .. قبل النوم علشان الامتصاص يبقى افضل
الملينات زي بيكولاكس بالليل
أدوية الحموضة زي اوميبرازول ...ممكن تتاخد صباحا ومساء عادي من تركيز20 ولكن يفضل الصبح على الريق من تركيز 40

5- متستغربش لو دكتور كاتب لواحدة ست sod_bicarbonate ک تشطيف مهبلي
ف الحاله دي بيبقى الvagina عندها acidic ودا بيقتل ال sperms وليه اكتر من مضاعفات
فييكتبلها البيكربونات علشان تظبط ال ph عندها
وهنا دورك تنصحها انها تستخدمه قبل ممارسة الحب بساعة لنتيجه افضل

6 - طبعا كلنا عارفين ان الكابوتن captopril ممكن يسبب كحة ناشفة خصوصا مع كبار السن
لكن الأهم أن كبار السن دول بيبقوا عندهم نقرس وبياخدوا أدوية زي زيلوريك وفوار نو يوريك ....الخ
وهنا كارثة لو اتاخدوا مع الكابوتن لأن هيأثر على الكلى بصورة كبيرة وبيؤدي لمرض fatal steven johnson syndrome

7- مريض القولون العصبي IBS_C دايما هيكون بيشتكي من الصداع
واراهن ان 90% من الصيادلة في الحاله دي بيطلعوا مسكن مؤقتا وخلاص
لكن للأسف لو قيموا الحالة هيعرفوا أن سبب الصداع هو الإمساك اللي عنده واللي بيتخمر في القولون ويطلع منه امونيا وتعدي الBBB وتسبب صداع شديد
في الحاله دي لازم نقلل الامونيا والإمساك مع بعض ب لاكتيولوز لان اللاكتيك اسيد اللي بيتكسر منه بيعمل كومبلكس ammonium lactate ويحصل له Excretion ومبيروحش على المخ ولا الكبد ....تابعونا علي قناتنا علي التليجرام فهناك الكثير والكثير من المعلومات الطبية القيمة https://t.me/drredapharmcies

06/09/2024

هيجي ف بالك لما تسمع كلمة Beta_sitosterol مرهم ميبو
وان استخدامه الوحيد المعروف والمشهور هو للحروق واعادة بناء الانسجه والخلايا

لكن الدكتور الشاطر هو اللي عارف ان البيتا سيتوستيرول ممكن يكون oral !! هسيب صور المنتجات في أول تعليق. .

وبالتالي بيستخدم مع الرياضيين ومرضى القلب ومرضى السكر والسيدات والجهاز الهضمي وخواص أخرى متعددة

لما الدكتور يكون عارف ان الbetasitosterol بيستخدم مع الرياضيين واللاعبين والناس اللي بتهدف إلى تنظيم الوزن لانه بيآثر على الfat metabolism
وكمان الناس السمينة اللي بيكون عندها مستوى عالي من الكوليسترول لأنه بيقلل الLDL ويمنع امتصاص كميات الكوليسترول الضار من المعدة
اعرف انه دكتور شاطر

لما تلاقي دكتور برضو عارف ان ممكن يكون موصوف في روشتة قلب لانه بيقلل الrisk بتاع ال heart_disease وبيحسن الأوعية الدموية
يبقى دا دكتور مميز في مجاله وفاهم

لما تلاقي دكتور عارف أنه ممكن يكون موصوف في روشتة جلدية لتساقط الشعر علشان بيقلل الDHT وبيحسن من نمو الشعر
دا دكتور وصل لدرجة عالية من الاحترافية

اما بقى لو لاقيت دكتور عارف أنه ممكن يستخدم في حالة senile postmenopausal osteoporosis اللي بنسميها هشاشة العظام بعد انقطاع الطمث
لانه بينظم ال expression للbone mineral density من خلال phosphoinositide- 3-kinase–protein
يبقى ده دكتور محترف ويستحق التقدير والاحترام

أما بقى لو عرف أن الاستخدام الأوسع نطاقا وهو لحالة BPH لانه بيحسن urinary_flow عموماً
وكمان بيقلل الamount of urine in bladder
وان ليه كمان خصائص مضادة للالتهاب ومضادة للأكسدة بتمنع تضاعف المرض وبيحسن من حيوية الجلد نفسه وتجدد الخلايا
،،
يبقى دا دكتور نجم سطع في كوكب الصيدلة ..تابعونا علي قناتنا علي التليجرام https://t.me/drredapharmcies

05/09/2024

الترايكتين دا ايه اضراره ؟
الدواء دا مادته اسمها cyproheptadine الماده دي عباره عن مضاد هيستامين يعني بتلغي تاثير الهيستامين اللي بيطلع في حالة الحساسية والالتهابات يعني لو واحد عنده حساسية من اي حاجه او رغبة في الهرش او رعشة بسبب البرد او رشح في الانف الدواء دا بيعالجها

يعني اول نقطة حابب اوضحها ان الدواء دا مش كورتيزون ولا ليه علاقه بالكورتيزون

هو ليه علاقه بالكورتيزون بس دا بيقلل_الكورتيزون مش بيعليه !!!!
يعني الدواء مش بيعمل زي الكورتيزون يضعف المناعة وكل دا لكن هو بيقلل الكورتيزون وثبت ان له تاثير كويس في حالات الـ cushing_syndrome اللي بيكون عندها ورم تسبب في زياده انتاج الكورتيزون يبقي هو بيعمل عكس ما يشاع عنه
ملحوظة
بعض الناس عديمي الضمير والرحمة بيوصفوا مع الترايكتين حاجة اسمها ديكسازون ودي مصيبة كبيره جدا بشكل لا تتخيلوه سيبوكم من كل حاجه بيعملها الدواء الديكسازون دا وخليكم في انه بيوقف المناعة... دي اقل حاجة بيعملها وسكر وضغط وهشاشة عظام وضعف كتلة عضلية وبيوقع المناعة

نرجع لموضوعنا الترايكتين بقي اضراره ايه ومين ياخده ومين ما ياخدهوش ؟
- المرضي الي عندهم مياه_زرقاء علي العين " اتفقنا قبل كدا اي مضاد هيستامين بينيم لازم يكون ليه antimuscrinic effect مع المرضي دول بيعليلهم ضغط العين " المرضي العاديين مش هيحصلهم ارتفاع ضغط عين

- المرضي الي عندهم QT interval prolongation دا نوع معين من مرضي القلب

- مرضي تضخم البروستاتا BPH لان زي ما احنا عارفين اي دواء برضو antimuscrinic مينفعش مع المرضي دول لانه بيعمل احتباس مياه معاهم اكتر ما هي محبوسه يبقي نتجنبه معاهم

- مينفعش مع مرضي الصرع والتشنجات لانه بيعمل decrease in onset وبيطول في الـ duration بتاعة التشنجات زيه زي اي مضاد هيستامين اخر

شايفين كل الاحتياطات اللي قلت عليها دي ؟ هي نفس احتياطات وصف الكونجستال حبايه البرد اللي كلنا بنستخدمها شوفتوا حد مات من الكونجستال ؟

طيب جرعته ايه كفاتح للشهية ؟
جرعته 2 مجم اربع مرات يوميا يعني نصف قرص اربع مرات في اليوم وبعد اسبوع نزود الجرعه الي قرص كامل اربع مرات يوميا

طيب ليه بنبتدي بالجرعه دي ؟
لان في اول 5 ايام الي اسبوع بيعمل الدوخة والهمدان وبعد كدا الاثر الجانبي دا بيختفي تماما في الاول بنبدا بجرعة صغيره وبعدين يبقي نكملها دي الجرعة الموجوده في المراجع
طيب هل اعتمد عليه كمنوم ؟
ينفع تعتمد عليه كمنوم لانه اقل في ضرره من الكالميبام وغيره من المهدئات

هل ليه استخدامات تانيه ؟
ايوه ممكن يستخدم كوقايه لمرضي الصداع النصفي بجرعه قرص مره يوميا ودي مثبته

13/08/2024

فيه حاجة ممكن تستهتر بيها الحوامل وهى فى منتهى الخطورة ولازم ننبه ليها .

ساعات الست الحامل تلاحظ نزول افرازات بنية اللون من المهبل Vaginal Brownish Discharge

تقول: لالا دى حاجة بسيطة شوية افرازات مش هايضروا حد .

لما تيجى ميعاد المتابعة العادية ابقى اقول للدكتور عليهم لو افتكرت بقى !!!!

السيناريو ده اكبر غلط .
الست الحامل لو لاحظت نزول افرازات بنية اثناء الحمل لازم تتوجه فورا الى طبيب النسا عشان يعمل لها سونار ويتطمن على الجنين لان اشهر سبب يعمل كدة هو موت الجنين جوة الرحم او حدوث اللى بيسموه اجهاض منسى او اجهاض مركون Missed Abortion

طبعا لو اتضج ان الجنين مات فلازم ينزل سواء بكحت او بشفط او أدوية مش مهم الطريقة ولكن لازم ننضف الرحم بسرعة منعا لحدوث 2 من اشهر مضاعفات النوع ده من الاجهاضات وهما حدوث عدوى Infections او حدوث DIC اللى هو جلطات فى كل اوعية الجسم بشكل منتشر Dissiminated Intravascular Coagulation وده طبعا بيستهلك كل الصفائح الدموية وكل عوامل التجلط بتاعة الجسم وبيؤدى الى نزيف من كل حتة سواء انف او لثة او مهبل او ش*ج او فم والست ممكن جدا تروح فيها من قوة النزيف .

يبقى الخلاصة ان اى افرازات بنية تنزل اثناء الحمل فيجب سرعة التوجه الى الطبيب لاستبعاد Missed Abortion لانه اشهر واخطر سبب وممكن يبقى الامر بسيط ومش مقلق ولكن الاحتياط واجب كل المعلومات الطبية واكتر من كده علي قناتنا ع تليجرام..https://t.me/drredapharmcies

12/08/2024

♦️ معلومة مهمة :

لو واحدة ست جالها خراج فى الثدى وطبعا المفروض تروح عند جراح عشان يعمل Drainage لان هناك قاعدة بتقول :

Once Pus = Drainage

بس هى مراحتش وفضلت تاخد مضادات حيوية قوية لفترة طويلة ولاحظت ان الالم راح والدنيا استقرت والحمد لله .

بس الحقيقة هى ان الخراج لم يختفى وانما تحول الى
Chronic_Breast_Abscess

الخراج عبارة عن تجمع من الصديد محاط بجدار
المضاد الحيوى لما بيتاخد بيقتل الميكروبات فعلا وبيتم التخلص منها ولكن الصديد نفسه الجسم مش بيقدر يمتصه او بيتخلص منه ولكنه بيظل موجود زى ما هو وكل الفرق انه تحول الى صديد معقم Sterile_Pus لان المضاد الحيوى قام بتعقيمه .

الحالة دى اسمها Antibioma يعنى صديد معقم نتيجة لكورس مضاد حيوى .

مع الوقت هتلاقى الجدار المحيط بالصديد المعقم ده تليف وتحول الى نسيج ليفى وبالتالى ظهرت كلكوعة فى الصدر بسبب Fibrosis وبتكون كلكوعة ناشفة Hard Mass

التليف ده لو لمس قناة لبنية هايعمل انقلاب لحلمة الثدى الى الخلف retracted_Nipple
ولو لمس الالياف اللى بتشد الثدى لفوق وترفعه عشان يبقى شكله حلو هاتعمل نغزة فى الجلد اسمها Dimpling

طبعا لما الست تحس بكلكوعة ناشفة وتلاقى الحلمة غاصت للداخل وجلد الثدى غاص لجوة وعمل نغزة بيبدأ القلق لان دى علامات شبيهة بال Cancer_Breast

سهل جدا انها تعمل سونار على الثدى وساعتها الطبيب هايشوف الكتلة المتليفة اللى جواها سائل ولما يدخل بابرة رفيعة ويسحب عينة من السائل ده هيلاقيه (صديد معقم )

خلاص الست اتشخصت ان ده خراج مزمن وليس سرطان🚫 .

الحل هو الجراحة لا محالة
بس هنا بقى هاتتخدر تخدير كلى والجراح يفتح ويشيل الخراج كله بعملية Excision ويخيط مكان الجرح وتبقى المشكلة اتحلت

الخلاصة : خراج الصدر لامحالة لازم يتفتح جراحيا مينفعش نعامله بالمضادات الحيوية .دمتم يارب سالمين ..انضموا لقناتنا علي تليجرام فيها العديد والعديد من المعلومات الطبية القيمة ..https://t.me/drredapharmcies

07/08/2024

الدواء اللي هنتكلم عنه في البوست اسمه التجارى Bravamax او Provigil

المادة الفعالة بتاعته اسمها Modafinil ودى عبارة عن Racemic Mixture ولكن R isomer او النظير له بس هو اللى active وعشان كدة فصلوها لوحدها تحت اسم Armodafinil

وفيه كمان دواء اسمه Adrafinil وده بقى prodrug بيتحول جوة الجسم الى Modafinil

عشان محدش يتلخبط :
انت عندك 3 مواد فعالة اولهم Modafinil وده Racemic Mixture وثانيهم هو Armodafinil وده R-Isomer وثالثهم هو Adrafinil وده Prodrug

الدواء ده بيعمل ايه ؟؟
ده Stimulant Drug بيتقال عنه انه ( Wakefulness-Promoting Agent ) يعنى بيساعد على الصحصحة والفوقان وعشان كدة بيستخدم لعلاج الناس اللى بتنام كثير بشكل مش طبيعى Hypersomnia او بيسموها Narcolepsy وممكن يستخدم لعلاج الناس اللى شيفتات شغلها بتتغير كثير وبتسبب لهم اضطرابات فى النوم Shift Work Sleep Disorder

اللى فوق دول عبارة عن FDA Approved Indications ولكن هناك Off-Label Use زى مثلا انها بتستخدم Nootropic يعنى بتزود النشاط الذهنى والتركيز والانتباه والذاكرة وعشان كدة ممكن تستخدم بين الطلبة اوقات الامتحان وكمان بتستخدم من ضمن المنشطات الرياضية Coping Agent عشان تحسن الاداء الرياضى لحد ما تم التنبه للاستخدام ده وتم وضعها على قوائم المنشطات الممنوعة قبل اوليمبياد 2004

ازاى الدواء بيشتغل ؟؟
ببساطة هو DRI يعنى Dopamine Reuptake Inhibitor وبالتالى بيزود تركيز الدوبامين وده بيعمل Arousal وكمان بيؤدى الى انتاج بروتينات معينة فى المخ لها تأثير منبه ومنشط اسمهم Orexins ومحدش لحد النهاردة عارف هو بيزود انتاجهم فى المخ ازاى .

ووجدوا كمان انه بيمنع عمل GABA وبالتالى مفيش نعاس ولا نوم

ايه جرعته ؟؟
قرص بتركيز 200 مجم مرة واحدة يوميا مع او بدون الطعام فى الصباح او قبل شيفت العمل بساعة واحدة .
لو المريض عنده تدهور فى الكبد يبقى ياخد جرعة 100 مجم فقط

ممنوع على مين ؟؟
ممنوع على الاطفال والمراهقين لانه بيعمل عندهم تفاعلات حساسية قوية شوية وممكن يعمل Anaphylaxis

وممنوع على الحوامل لانه بيعمل اجهاضات وكمان بيقلل من نشاط موانع الحمل وعشان كدة لازم الست تستخدم وسيلة اخرى غير الحبوب وتستمر عليها طول ما هى بتاخد الدواء ولمدة شهر كمان بعد التوقف عنه

ممنوع على المرضعات لانه بيفرز فى لبن الام

ممنوع على مرضى الازمات القلبية او اللى عندهم تضخم فى عضلة القلب او فشل قلبى

ممنوع على المرضى النفسيين وخاصة مرضى الاكتئاب والهوس والذهان لانه بيزود عندهم الهلاوس والافكار الانتحارية

هل الدواء بيسبب ادمان ؟؟

لا بشرط استخدامه فى الجرعات العلاجية دون زيادة

هو جدول رابع فى امريكا IV Schedule Controlled Substance لانه قدرته على الادمان ضعيفة للغاية ووجدوا كمان انه بيساعد مدمنى الكوكايين على التعافى من الادمان لانه بيرتبط بال Dopamine Transporter فى نفس مكان ارتباط الكوكايين بس بيشتغل بطريقة مختلفة وبيمنع Reuptake بتاع الدوبامين وبيزود تركيزه فى المخ زى ما قلنا .

اهم حاجة لو اتاخد لفترات طويلة يبقى لازم تتوقف عنه بشكل تدريجى لانه ممكن يعمل شوية اعراض انسحابية زى القىء والعصبية والارق والصداع العنيف واياك ان المريض ياخده بالليل لانه ساعتها مش هينام حرفيا وعشان كدة بيتاخد الصبح فقط جرعة واحدة...تابعونا أيضاً علي قناتنا علي التليجرام فيها كل البوستات الطبية والعروض أيضاً..https://t.me/drredapharmcies

03/08/2024

تفتكر ممكن سكر الدم يقل من غير دواء ؟؟ طيب من غير تنظيم اكل ؟؟ طيب من غير تمارين رياضية ؟؟ !!!! هاقولك : ايووووة .

بس قبل ما نبدأ فى كلامنا اياك تفهم من كلامى ان مريض السكر يتخلى عن أدويته او ياكل زى ما هو عايز بدون رقابة او يهمل مراجعة الطبيب الخاص به . لالالا . اطلاقا انا ضد ده تماما .
بس اللى هانقوله النهاردة ينفع يتعمل بجانب الادوية والاكل الصحى ونمط الحياة الصحى بوجه عام
كدة احنا خلصنا تنويه فى غاية الاهمية فخلونا ندخل فى الموضوع .

فيه باحث فى جامعة Houston مهتم بدراسة فسيولوجيا العضلات ، العالم ده اسمه Marc Hamilton ،
مارك هاملتون لاحظ ان الامريكان مصابون بالسكر من النوع الثانى بنسب تصل الى 80% وخاصة فى فئة كبار السن فوق 65 سنة وطبعا دى نسب مرعبة ولاحظ كمان ان الامريكان اغلبهم كسلانين وممكن يفضلوا قاعدين 10 ساعات فى المتوسط يوميا . فطبعا سكر وسمنة ودهون ثلاثية فى الدم ومشاكل لا اول لها ولا آخر .

مارك عشان مهتم بدراسة العضلات ، فطبيعة عمله بتحتم عليه انه ياخد عينات من عضلات مختلفة من الجسم ويقوم بدراستها لمعرفة الفروق بين انواع العضلات ، وطبعا لاحظ ان كل العضلات تقريبا بتحرق جليكوجين عشان تنقبض وتشتغل ومن نواتج حرق الجليكوجين هو اللاكتيك اسيد اللى بيتراكم وبيسبب الشعور بالحرقان والالم بعد دقائق من عمل اى تمرين وبالتالى الانسان بيشعر بالتعب والهمدان وبيوقف تمرين .

بس المفأجاة انه اكتشف عضلة صغيرة خالص لدرجة انها بتمثل 1% من الكتلة العضلية للجسم واسمها Soleus Muscle

العضلة دى مش بتحرق جليكوجين خالص .
دى بتحرق ميكس من الجلوكوز مع دهون الدم Lipoprotein .
وطبعا مش هيتكون حمض_اللاكتيك وبالتالى مفيش اى شعور بالتعب حتى لو استخدمت العضلة دى لساعات كثيرة .

قرر مارك انه يمرن العضلة دى ويشوف النتيجة . وكانت النتيجة مبهرة جاب فريقين من مرضى السكر واعطاهم مشروب جلوكوز .

وخلى المجموعة الاولى تأنتخ وترتاح على الانتريه والمجموعة الثانية خلاها تعمل تمرين للعضلة دى وسحب منهم عينات دم وقاس السكر .
لاحظ ان السكر انخفض بنسبة 50% والانسولين انخفض بنسبة 60% وكمان لاحظ انخفاض ملحوظ فى نسبة الدهون الثلاثية فى الدم Triglycerides

فين بقى العضلة دى ؟؟

هى عضلة سمانة_الساق من الخلف وممتدة من تحت الركبة لحد الكعب .
العضلة دى مسئولة عن المشى والجرى بس وظيفتها الاصلية هى انها بتحميك من السقوط على وجهك اثناء الوقوف

ايه التمرين بقى ؟؟ اسم التمرين Soleus Push-Up

تقعد حضرتك على كرسى وتثبت رجليك على الارض وبعدين تثبت مشط القدم على الارض وترفع فقط كعب_رجلك الى اقصى ارتفاع ممكن ( كأنك لابس جزمة كعب عالى ) وتثبت ثانيتين فقط وبعدين تنزل كعب رجلك لحد ما تلمس الارض وتكرر التمرين تانى .

زى ما انت شايف . تمرين بسيط بيتعمل وانت قاعد ومستحيل تشعر بالتعب حتى لو مارست التمرين ده لساعات .

طول ما العضلة دى بتنقبض فى التمرين بتسحب من دمك دهون وجلوكوز صافى . وتحرق فيهم وكمان التمرين ده بيرفع معدل حرق العضلة جامد جدا تقريبا للضعف وعشان كدة السكر بيقل وكمان الدهون الثلاثية بتقل .

مارك نشر المعلومة دى فى جورنال iScience فى سبتمبر 2022 وقال نصا : انا نجحت فى اكتشاف عضو جديد . صحيح هو موجود واحنا عارفينه وشايفينه طول الوقت بس مكناش عارفين نستغله صح عشان نحافظ على صحتنا "

انصح مرضاك او معارفك المصابين بارتفاع الدهون الثلاثية او مرض السكر النوع الثانى او السمنة بالتمرين ده وهم بيتفرجوا على التلفزيون او قاعدين فى مواصلة او على مكتبهم وخليهم ينبهروا لما يشوفوا نتائج التحليل ومرة ثانية لازم تؤكد عليهم ضرورة الالتزام بالادوية بجرعات صح وفى مواعيدها طبعا مع استشارة الطبيب المختص . للمزيد من الأسئلة والمعلومات الطبية انضموا بقناتنا علي التليجرام 👇👇بها الكثير من المعلومات

دمتم بالف صحة ، ❤

28/07/2024

لو حد بييجي يطلب من الصيدلية mouth wash باستمرار خصوصا اللي فيها المادة الفعاله chlorhexidine متنساش تنصحه انه ميستخدمهاش لفترات طويلة علشان بتعمل تصبغ للاسنان باللون البني ع المدى البعيد

28/07/2024

ألم الدورة الشهرية (Dysmenorrhea).

لما تجيلك الصيدلية بنت بتشتكى من ألم الدورة وتطلب مسكن يبقى بلاش تصرف Buscopan لأنه مش مسكن للحالة دى .

لازم تعرف إنه طالما فيه وجع يبقى حصل لها تبويض وإن كده خصوبتها تمام الحمد لله .

لأنه عشان يحصل تبويض Ovulation يبقى البويضة خرجت ومستعدة للتخصيب عشان يحصل حمل وبتسيب وراها جسم اصفر Corpus Luteum.

وده بيفرز هرمونين وهما :
Estrogen and Progesterone

والأهم طبعاً هو Progesterone والهرمون ده تحديداً بيروح يعمل فجوات كدة فى بطانة الرحم اسمها Secretory Vesicles ويملاها Phospholipase A2 .

وده انزيم بيفضل متخزن فى الفجوات دى لحد ما تنزل الدورة وساعتها بطانة الرحم تتمزق وال Vesicles دى تتفتح وتطلق مخزونها من هذا الانزيم.

والانزيم ده يجرى يشتغل على جدران الخلايا بتاعة بطانة الرحم ويطلع منها Prostaglandins تحديداً :
PGF 2 Alpha.

وده معروف انه بيعمل Vasoconstriction وبيقلل الدم اللى رايح لخلايا بطانة الرحم وبالتالى الخلايا تتحرم من الدم ويحصل لها Ischemia والخلايا تموت .

ال Ischemia اللى بتحصل دى هى سبب حدوث الألم اللى بيسبق نزول الدورة ولما الخلايا بتموت هتنفصل وتقع وبالتالى الأوعية الدموية تتكسر وتتفتح وينزل دم يشيل كل الخلايا المتساقطة الميتة بتاعة بطانة الرحم على برة .

الانزيم ده مش بيتكون الا بوجود Progesterone والبروجيستيرون مش بيفرز إلا من الجسم الاصفر والجسم الاصفر مش بيتكون الا بعد التبويض .

يبقى لو الدورة مؤلمة يبقى حصل تبويض ولو الدورة نزلت بدون ألم يبقى محصلش فيها أى تبويض.
تابعونا علي قناتنا علي التليجرام لو محتاجين أي استفسار أو سؤال علي أي نوع دواء ..شكرا https://t.me/drredapharmcies

🥰

21/07/2024

معلومة ع السريع ..

🔳 سبب تسمية lasix بهذا الإسم لأنه يدوم 6 ساعات
♦️(last six)

💢 لا يعطى مع المضاد الحيوي (gentamicin)

⬅️ لانه يسبب تسمم سمعي أو فقدان السمع (Ototoxicity)..دا رابط قناتنا علي تليجرام عليها كل المعلومات اللي تفيدكم وكمان سهولة التواصل مع الصفحة... https://t.me/drredapharmcies

Dr reda pharmacies

26/01/2025

16/09/2024

08/09/2024

06/09/2024

05/09/2024

13/08/2024

12/08/2024

07/08/2024

03/08/2024

28/07/2024

28/07/2024

21/07/2024

Address

Opening Hours

Telephone

Website

Alerts

Shortcuts

Share

Category

Monday	11am - 2am
Tuesday	11am - 2am
Wednesday	11am - 2am
Thursday	11am - 2am
Friday	11am - 2am
Saturday	11am - 2am
Sunday	11am - 2am