عيادة د. حسين عبدالوارث للنساء والتوليد والعقم - Dr.Hussein Mohamed Clinic

29/11/2025

29/11/2025

سلام عليكم

نخلي اللايف الساعة ٨ عشان شكل الميعاد مش مناسب للناس اوي ، نشوفكم علي خير🙏🏻

05/06/2025

بمناسبة حلول عيد الاضحي المبارك🎉

يتقدم دكتور حسين عبد الوارث


بأجمل التهاني وأطيب الأمنيات لكم جميعًا 💖

🔹نسأل الله أن يعيده علينا وعليكم بالخير واليُمن والبركات 🤲
وأن يرزقكم الصحة والسعادة 😊

كل عام وأنتم بخير 🕌

24/05/2025

"حاسّة إن في حاجة مش مظبوطة؟ يمكن هرمون اللبن هو السبب!"

🔹كتير من الستات مش بياخدوا بالهم إن ارتفاع هرمون اللبن (البرولاكتين) ممكن يكون ورا مشاكل بتقابلهم يوميًا
زي تأخير الحمل، اضطراب الدورة، أو حتى قلة الرغبة!

📌 الهرمون ده بيتفرز طبيعي من الغدة النخامية، لكن لما نسبته تعلى… بيبدأ يعمل لخبطة في الجسم!

وأسبابه كتير منها:
🔹 التوتر والقلق المستمر
🔹 تكيس المبايض
🔹 بعض الأدوية زي أدوية الاكتئاب، الصرع، الضغط، أو حتى الغثيان
🔹 فحص متكرر للثدي
🔹 كسل الغدة الدرقية
🔹 فشل كلوي مزمن

⛔ وزيادته ممكن تؤدي لـ:
🔹 لخبطة في التبويض
🔹 تأخير الحمل
🔹 جفاف المهبل
🔹 ضعف الرغبة الزوجية

🥼 عشان كده مهم تعملي التحليل لو فيه أعراض غريبة، لأن التشخيص بدري بيفرق كتير!

✍ لو عندك اي استفسار ابعتي لنا سؤالك و هنرد عليك في اسرع وقت ممكن





📍عيادة شبين الكوم : شارع الجلاء البحري - بجوار معرض الشباب الدائم - برج بداية 5 الدور السادس
📳 للحجز و الاستعلام📲 : 01204110061-0482318121

19/05/2025

😟 "حاسّة إن حاجة مش طبيعية بتحصللك؟ متسكتيش أبداً… ممكن تكون علامة خطر!"

طول فترة الحمل لازم تتابعي أي تغيير بيحصلك، حتى لو بسيط، لأنه ممكن يكون مؤشر لمشكلة كبيرة ليكي أو للجنين 👶❤️

📌 زي مثلًا 👇👇

🔴 النزيف: خطر في كل مراحل الحمل!
في الشهور الأولى ممكن يكون علامة على إجهاض، وفي الشهور الأخيرة ممكن يدل على انفصال المشيمة.

🔹 نزول ميّه: ممكن يكون تسريب من كيس الحمل وده بيعرّضك للولادة المبكرة.

🔹 تقلصات جامدة في الشهور الأولى؟ لازم أدوية مخصوصة لتهدئة الرحم ومنع المشاكل.

🔹 انتفاخ شديد في الرجلين أو الجسم؟ ممكن يكون احتباس سوائل.

🔹 صداع مستمر؟ لازم تقيسي الضغط… لأنه ممكن يكون مرتفع وده خطر كبير أثناء الحمل.

🩺 المتابعة مع دكتور النسا مش رفاهية… دي أمان ليكي ولطفلكِ 💖





📍عيادة شبين الكوم : شارع الجلاء البحري - بجوار معرض الشباب الدائم - برج بداية 5 الدور السادس
📳 للحجز و الاستعلام📲 : 01204110061-0482318121

17/05/2025

🚨 ارتفاع ضغط الدم وقت الحمل ممكن يسبب مشاكل كبيرة على صحة الأم، وممكن يوصل لتسمم الحمل لا قدر الله، وده خطر على حياتها 😟

👈 الحالات اللي الست بتكون فيها أكتر عرضة لارتفاع الضغط خلال الحمل:

🔹 لو كان عندك ضغط عالي من قبل الحمل.

🔹 لو عندك سكر

🔹 لو حامل في توأم

🔹 لو عندك أمراض مناعية

لو حصلك تسمم حمل قبل كده في حمل سابق

لو وزنك زايد عن الطبيعي ⚖️

⚠️ في أعراض لو ظهرت عليكي لازم تروحي لطبيب النسا فورًا:

🔹 تورم في وشك، خصوصًا حوالين العينين 😵
🔹 تورم واضح في إيديك ورجليك
🔹 زيادة في الوزن بشكل أسرع من الطبيعي

متهمليش صحتك، المتابعة مهمة جدًا علشان تحمي نفسك والبيبي 💕

✍ لو عندك اي استفسار ابعتي لنا سؤالك و هنرد عليك في اسرع وقت ممكن





📍عيادة شبين الكوم : شارع الجلاء البحري - بجوار معرض الشباب الدائم - برج بداية 5 الدور السادس
📳 للحجز و الاستعلام📲 : 01204110061-0482318121

13/05/2025

ليه بيحصل إمساك وقت الحمل؟ 😣

🔹 الهرمونات وقت الحمل بتتغير، وبالذات هرمون البروجيسترون بيزيد وده بيأثر على حركة الأمعاء وبيخليها أبطأ، فالإمساك بيظهر!

🔹 وخاصه في أول 3 شهور كمان، بيقل شرب الميه والسوايل عند أغلب الحوامل، وده بيزود المشكلة

👈 علشان كده مهم جدًا تشربي ميه كتير وتاكلي فواكه وألياف زي التفاح والبلح والموز
ولو الإمساك استمر، بنبدأ نتابع ونحدد الحل المناسب حسب حالتك

👈 متقلقيش، الإمساك وقت الحمل شائع وليه أكتر من حل… بس المهم المتابعة الصح 👌

✍ لو عندك اي استفسار ابعتي لنا سؤالك و هنرد عليك في اسرع وقت ممكن





📍عيادة شبين الكوم : شارع الجلاء البحري - بجوار معرض الشباب الدائم - برج بداية 5 الدور السادس
📳 للحجز و الاستعلام📲 : 01204110061-0482318121

29/04/2025

🛎 كل ما نطلب من المريضة تعمل سونار مهبلي، بنسمع نفس السؤال:

"هو هيأثر على الجنين؟"

خليني أطمنك...
👈 السونار المهبلي آمن تمامًا، ومفيهوش أي ضرر لا ليكي ولا للجنين.
هو ببساطة زي سونار البطن، بس بيتعمل من المهبل علشان نقدر نشوف أوضح، خصوصًا في أول شهور الحمل.

بنستخدمه علشان:
🔹 نتأكد من وجود الحمل
🔹 نعرف مكانه (جوا الرحم ولا لأ)
🔹 نحدد عدد الأجنة (واحد ولا تؤأم)
🔹 ونطمن إن كل حاجة ماشية تمام من البداية

الاطمئنان في أول الحمل مهم... والسونار المهبلي وسيلتنا نطمنك 💖

✍ لو عندك اي استفسار ابعتي لنا سؤالك و هنرد عليك في اسرع وقت ممكن





📍عيادة شبين الكوم : شارع الجلاء البحري - بجوار معرض الشباب الدائم - برج بداية 5 الدور السادس
📳 للحجز و الاستعلام📲 : 01204110061-0482318121

22/04/2025

⛔ بتحاولي تحملي بقالك فترة ومفيش جديد؟

أو حامل وحاسة بتعب مش مفهوم؟

👈 ممكن تكون الغدة الدرقية هي السبب وانتِ مش واخدة بالك!

🔹 ناس كتير مش واخدة بالها إن الغدة الصغيرة دي ممكن تعطل الحمل أو تسبب مشاكل طول فترة الحمل!

🔹 لو فيها خمول: ممكن تقلل فرص الحمل، وتسبب تأخر الدورة أو تبويض ضعيف
🔹 ولو نشيطة زيادة: ممكن تؤثر على الجنين وتسبب تعب للأم

عشان كده مهم جدًا تعملي تحليل الغدة الدرقية قبل الحمل، ولو إنتي حامل لازم تتابعي نسب الهرمونات أول بأول 📈

✅ الكشف بدري والمتابعة بتفرق جدًا في سلامتك وسلامة البيبي.

✍ لو عندك اي استفسار ابعتي لنا سؤالك و هنرد عليك في اسرع وقت ممكن





📍عيادة شبين الكوم : شارع الجلاء البحري - بجوار معرض الشباب الدائم - برج بداية 5 الدور السادس
📳 للحجز و الاستعلام📲 : 01204110061-0482318121

20/04/2025

الموسم السنوي 😁😁

17/04/2025

🛎 حامل وبتفكري: "آكل رنجة في شم النسيم ولا لأ؟"
تعالي أقولك بصراحة👇

⛔ لو إنتي حامل، الرنجة والفسيخ مش أحسن اختيار ليكي دلوقتي

طب ليه؟ علشان:👇👇

🔹 فيهم ملح كتير جدًا ممكن يعلي ضغطك
🔹 بيزودوا احتباس السوائل وتورم جسمك
🔹 بيأثروا على الكلى
🔹 ولو مش متخزنين كويس؟ خطر التسمم الغذائي بيكون عالي جدًا!

💡 طب إيه الحل؟
لو مش قادرة تقاومي، خدي حتة صغيرة أوي ومن مكان مضمون 100%
بس الصراحة، الأفضل تبعدي عنهم تمامًا خصوصًا في أول 3 شهور وآخر 3 شهور من الحمل.

✍ لو عندك اي استفسار ابعتي لنا سؤالك و هنرد عليك في اسرع وقت ممكن





📍عيادة شبين الكوم : شارع الجلاء البحري - بجوار معرض الشباب الدائم - برج بداية 5 الدور السادس
📳 للحجز و الاستعلام📲 : 01204110061-0482318121