Dr Ramy El Ashmawy Kids Clinic

01/04/2022

كل سنة و أولادي و أسرهم طيبين و بخير

05/02/2022

21/12/2021

تحديات كتير وفرق عمل مختلفة
كلهم هدفهم واحد


منصة تهدف لتقديم محتوى طبي هادف بمشاركة كبار أطباء طب الأطفال
هنكون معاكم في تغطية مستمرة
🌹عن صحة أطفالنا 🌹

تابعونا في برنامجكم ( حياتنا فيهم ) ❤
دكتور Ramy El-Ashmawi

23/11/2021

أحب أشكر كل الأعزاء على قلبي اللى شاركونا في فعاليات مؤتمر طب الأطفال
واتمنى من الله تقديم ما يليق بحضراتكم

31/10/2021

تجمعنا دايماً من أسعد الأوقات اللى بمر بيها
بيسعدني ويشرفني حضوركم ورشة العمل يوم الجمعة القادمة

تحت شعار

دكتور رامى العشماوي Ramy El Ashmawy
استشاري طب الأطفال
سكرتير مؤتمر طب الأطفال

04/08/2021

أنها الرسالة الأسمى في تاريخ البشرية
والتى قد أفنينا فيها حياتنا لنصل سويا إلى مجتمع صحي معافى

دعواتكم ودعمكم


دكتور رامي العشماوي
سكرتير مؤتمر طب الأطفال

04/07/2021

" كام جملة، بلاش تقوليها لأم طفل مصاب بحساسيات الطعام " ❌❌❌

🛑 و نفتتح الجمل بالسؤال ده : و دي بتبقى وراثة في العيلة ؟ هل انتي او جوزك كان عندكم حاجة شبه كده ؟
بلاش إثارة النقطة دي خالص ..
ثلاث ارباع امهات الحساسية بيبقى عندهم احساس بالذنب أنهم السبب في إصابة أطفالهم .. و لم يثبت علميا انه في حاجة الام تقدر تعملها أو تتجنبها علشان تحمي ابنها من الإصابة ..
و الام لو عندها اي حساسية من اي نوع ،سؤال زي ده هيدخلها في صراع من نوع يا ترى هل انا السبب ..

قولي لها افضل دي عينيها حلوة ما شاء الله زي عينيكي ، أو طالعة طويلة زي باباها ، مش هي وارثة الحساسية منكم 🙆

🛑 ده شكله طبيعي و مش باين عليه حاجة خالص ..
ما هو طبيعي !!
طفل .. و طبيعي !!
هو حد قال لحضرتك اني مخلفة تنين مثلا 🤷
حساسية الطعام قد يكون لها تأثير هائل على حالة الأسرة المعنوية و الاجتماعية و لكن الطفل المصاب بالحساسية في معظم الأوقات مش بيظهر عليه علامات جسدية واضحة ..

ما تقولي ده شكله زي القمر اللهم بارك و خلاص 😁

🛑 ايوه يعني الولد ده بياكل ايه ، يا حرام كل حاجة ممنوعة كده ..
احذري ..
احذري ..
الجملة دي هتدخل تتحفر جوة، و مش هتتنسي ..
دي عقدة العقد و انتي داخلة تنبشي فيها ..
بلاش 📢📢📢

ممكن بشياكة تسألي الام : تحبوا اقدم لكم حاجة معينة ؟

🛑انا هاطبخ لك حاجة مفيهاش لبن خالص ( أو بيض ، او سمك ، أو قمح ، أو صويا ، أو مكسرات ،او سمسم ، الخ ..) ..
ما كانش حد غلب يا حاجة و الله 🤷
شراء ، طبخ ، تقديم ، تخزين ، تنظيف الاكل لطفل مصاب بحساسية الطعام عملية معقدة جدا محتاجة جروبات و وصفات و أطباء و خبرة ..
إن لم يكن عندك حد في البيت كان عنده حساسية و عارفة بتعملي ايه كويس بلاش احسن ..

الافضل انك تقترحي أنه الام تجيب اكلها معاها ، أو تسأليها إن كان في حاجة امان ممكن تشتريها لها 👍

🛑 كل الحساسيات دي هتروح لوحدها لما يكبر ..
هي معظم الحساسيات كده
بس للاسف محدش يقدر يتوقع امتى بالظبط ..
في امهات كتير كل سنة بتحاول تعمل محاولات ادخال و بتفشل ..
و في حساسيات زي السمك و المكسرات بتطول جدا ..
و خدوا الجديدة : حساسيات الطعام بدأت تنتشر في الناس الكبيرة اصلا ..

مجاملة رقيقة من نوع اكيد كل حاجة هتبقى احسن طالما معاه ام عظيمة زيك هتبقى احسن مليون مرة و خلاص 🌹

🛑 ده انا سمعت انهم برة اخترعوا أدوية و علاجات لحالات زي دي ..
يعني تفتكري أنه في ام هتعرف أنه في علاج لحالة ابنها و هتسكت ..
يعني واحدة هارية نفسها قراءة على الجروبات و النت و بتسافر للدكاترة و للاماكن المخصوصة اللي بتبيع شوية منتجات مستوردة بتتعد على صوابع الايد مستنية حضرتك علشان تجيب لها التايهة يعني 🤷

لازم تحسسيها بالذنب و التقصير و خلاص .. قولي لها إن شاء الله يلاقوا له علاج قريب ده الطب بيتقدم كل يوم و خلاص 😁

🛑 هو كده كده الطفل هيتعود ، متخافيش..
ما هو اكيد هيتعود ..
بس في الحضانة ، و المدرسة ، و النادي، و مع أصحابه و مع اقرباؤه في العزومات و اعياد الميلاد .. مين يضمن أنه الطفل ميضعفش و في الاخر اسمه طفل ..
حساسية الطعام لها تأثير معنوي و اجتماعي لا يمكن تخيله على الأسرة كلها ..

و الافضل انك تعرضي المساعدة بإخلاص علشان تساعدي الطفل أنه يشترك في المناسبات دي .. و الله هتفرحي مامته جدا 💙💙

🛑صعبان عليا الولد ده اوي ..
التعامل مع حساسيات الطعام قد يكون صعبا ، مقلقا ، و مخيفا حتى في بعض الأحيان ..
و لكنه ليس مأساة و لا تراجيديا ..
مفيش طفل و لا إنسان سوي بيحب يكون موضع شفقة ..
لا تهولي المواضيع و لا تستخفي بها ..
خير الامور الوسط 😉

🛑 و في الختام : انا حاسة بيكي اوي ..
هي جملة حلوة و بتريح ساعات ..
بس هو الحقيقة لأ ..
لو ابنك معندوش حساسية طعام انتي غالبا مش عارفة الدنيا فيها ايه ..
السفر و العزومات و الخروجات بحساب ..
المدارس و الحضانات بحساب ..
شراء طلبات البيت بحساب..
الطبخ و تخزين الاكل بحساب ..
غسيل المواعين حتى بحساب ..
أدوية الطوارئ و التدوير على دكاترة فاهمة في الموضوع ده بحساب ..
كل خطوة لازم يكون لها تجهيز و حساب و خبرة ..

قولي لها افضل : انا مش عارفة الموضوع صعب عليكي اد ايه ، بس لو احتاجتي اي حاجة مني انا معاكي و في ضهرك ❤️❤️

طفل واحد من كل ١٢ طفل ، عنده حساسية من نوع طعام معين و النسبة كل يوم في ازدياد ..
حساسية الطعام لها آثار اجتماعية و معنوية تعادل اثار امراض مزمنة و صعبة مثل الروماتويد و السكري ..
دعم امهات الاطفال المصابين بحساسيات الطعام واجب علينا….. منقول

11/05/2021

يعد التهاب الزائدة الدودية السبب الأكثر شيوعاً لجراحة البطن بين الاطفال 👧
حيث أن اربعة أطفال من كل ألف طفل دون سن الرابعة عشر يخضعون لجراحة استئصال الزائدة ⚠️
لذلك يجب على كل أم معرفة ما هى التهابات الزائدة الدودية واهم اعراضها 👌
قد يحدث التِهابُ الزَّائِدَة عندما تنسد الزائدة عن طريق المواد البِرازِيّة الصلبة (حَصاةٌ غائِطِيَّة fecalith) أو تضخم العُقَد اللِّمفِية في الأمعاء، والذي قد يحدث في سياق أنواع مختلفة من العدوى.
اهم أعراض التهابات الزائدة الدودية 👇👇
🔻عادةً ما يبدأ الألم حول السرة ثم ينتقل إلى أسفل البطن الأيمن، ولكنه قد ينتشر أيضًا ويُسبب التهيج أو الفتور لدى الأطفال.
🔻القئ وفقدان الشهية لتناول الطعام
🔻الحمى ارتفاع درجة الحرارة
🔻عدم القدرة على الوقوف أو الجلوس بسبب الألم
🔻الإسهال المصحوب بالمخاط.
🔻انتفاخ البطن بشكل ملحوظ.
⚠️⚠️
اذا وجدت هذه الأعراض بصورة مستمرة غير المعتادة يجب استشارة الطبيب فى الفور 👌

#التهاباتالزائدةالدوديةعندالاطفال
استنونا فى البوست الجاى ومعلومة طبية جديدة
ومتنسوش تعملو شير للبوست علشان يوصل لأكبر عدد👏