خواطر خلطبيطة- Esraa Nashaat

27/11/2025

مسلسلات ايه اللى بناخد منها حكم ومواعظ ياجدعان!!
انتوا واعيين ومدركين خطورة المسلسلات أصلا!!
( أعتقد عارفين حكمها وحرمتها فى الدين)
أنا أربى ولادى زى م الدين علمنى
أعامل أهلى زى م الدين علمنى
آخد حقى زى م الدين علمنى
أحافظ على نفسيتى زى م الدين علمنى
ولو مش متعلم أتعلم
وأستعين بأهل العلم مش بأهل الفن 😏
منشورات طويله عريضه عن ازاى فلان الممثل خد حقه 😏

📌أى حد وخصوصا لما يكون شغال فى المجال النفسى
ويطلع يستشهد بمسلسلات وأفلام
اعمل بلوك فورا
(( احفظ عليك دينك ..حياتك مش ناقصه بهدلة)).
.
.

24/11/2025

( سؤال هيسهل عليك التدوين والكتابة
هيعرفك عن نفسك ويعلمك ازاى تحبها)
نوت حلوة وسجل فيها السؤال والإجابة 💜

#التدوين

24/11/2025

23/11/2025

العصبية والضرب

20/11/2025

عارفه العقاب المستمر والضرب الشديد والتهزيق بيعملوا ايه؟
بيخلوا ابنك متبلد المشاعر مش هيتأثر بحاجه
وكل مرة هتضربيه فيها هيقل احساسه

📌أعرف ولاد زعل ماما بالنسبالهم كارثة
وولاد تعليمه الحزام فى جسمهم بتخليهم يعيدوا نفس الغلط عادى جدا
📝تفتكرى الفرق بينهم لما يكبروا هيكون ازاى؟

18/11/2025

📌التعافى من الأهل بيكون
مجمله عبارة عن تقبل ٣ أفكار:
👈الوالدين اتعاملوا باللى هم فاهمينه وعارفينه واتعلموه أيا كان صح أو غلط .

👈انك مش مسئول عن أخطاء غيرك ومش المفروض تدفع تمنها.

👈وعيك بالإساءات اللي إتعرضتلها في طفولتك
مش هدفها إنك تحاكم أهلك على قلة وعيهم أو طريقتهم اللى هم معرفوش غيرها،
انما الهدف إنك تقبل مشاعرك كلها
وتعرف مصادر مشاكلك وتكون مسئول عن حلها
لأن مهما امتد بيك الحال ومهما حصلك أذى
ف
انت هنا وحالا اللى بقيت مسئول عن أفعالك مش هم
انت اللى بقيت مسؤل عن انك تتحرك وتحط فى عقلك قناعات جديده.

#نفسى