05/11/2025
في علم النفس في مفهوم مهم اسمه "سياق القيمة"…
ومعناه ببساطة: الشيء مش بيبان قيمته الحقيقية إلا لما يتحط في المكان اللي يليق بيه
تمثال رمسيس الثاني مثال واضح:
سنين طويلة كان مرمي في ميدان زحمة، ضوضاء، فوضى، مهمل… بيمر عليه الناس كأنه شيء عادي جدًا. لا حد بيقف، ولا حد بيفكر، ولا حد شايف قيمته
ولما اتنقل لمكان يليق بيه…
اتشاف، اتقدّر، واتحكى عنه في العالم كله.
نفس التمثال… نفس القيمة… لكن بيئة مختلفة، فظهر الفرق.
💬 اسأل نفسك بصدق:
هل مشكلتك إنك قليل؟
ولا إنك موجود في بيئة بتقلل منك؟
في علاقة بتستهلكك؟
في شغل ما بيشوفش مجهودك؟
وسط ناس مش شايفينك أصلًا؟
أوقات الحل مش إنك تتغير…
الحل إنك تتنقل.
تروح مكان يشبهك… ناس تقدر اللي جواك… سياق يسمح لقيمتك تظهر.
أنت مش محتاج تكون نسخة جديدة منك،
أنت محتاج تكون في مكانك الصح
د/جيهان الشرقاوى...
إستشاري الصحة النفسية وعلم النفس الإكلينيكي
#وعي #نفسية
