مركز أ.د وائل بحبح لطب الأطفال وحديثى الولادة والتغذية الإكلينيكية

17/10/2020

Enjoy the 3D conference experience.

30 International & Regional Speakers. All in one conference. PEDIA EGYPT 3D Virtual CONFERENCE 2020. Enjoy the 3D conference experience. You will see and hear what you will not find at any other pediatric's conference in the Middle East. For registration: www.pediaegyptconference.com/registration/ For more info please contact Quartz Events Solutions team:
Dr. Wessam George
wessam.george@quartz-eg.com
+20 100 8848264

Thanks and waiting for you next November 25-27, 2020. Best Regards, Dr. Wael Bahbah

14/07/2019

03/06/2019

27/08/2018

احنا معاكي لحظة بلحظة عشان نضمن سلامة طفلك 😄
و لكل اللى بيسألنا على عنوان و مواعيد العيادة 🧐
يومياً من 11 صباحا إلي 6 مساءًا، ومن 8 مساءا إلى 11 مساءاً ماعدا الجمعة.
و الاستشارة و إعادة الكشف خلال أسبوع.

العنوان/
شبين الكوم -برج هيلتون الجلاء - أول شارع الجلاء البحري - فوق دجاج البيك
للتواصل و الحجز/ 2221092 048- 2222091 048- 01008875710
ت.الطبيب / 01002415121

أ.د.وائل بحبح - دكتوراة طب الأطفال و حديثي الولادة ، استشاري التغذية الإكلينيكية للأطفال، عضو الجمعية الأمريكية لطب الأطفال، عضو الجمعية الأوربية لحديثي الولادة، كلية الطب جامعة المنوفية.

25/08/2018

طفلك و هو صغير بيكون غريب علي العالم و مناعته ضعيفة و كمان ممكن يتأثر بأقل حاجة زي قرصة الحشرات ... النحل و الدبابير و الناموس و الذباب والنمل و غيرها

مرة واحدة تلاقي طفلك جلده أحمر و طلع فيه حبوب أو طفلك بيعيط و بيهرش من غير سبب و تبصي مكان الهرش و تعرفي إن حاجة قرصته 🤢

حساسية طفلك من الحشرات ممكن تبقي في صورة حكة وتورم بسيط فقط، و في بعض الأوقات ممكن يكون طفلك شديد الحساسية من الحشرات ولازم تلحقيه و إلا هيروح منك ⚠

بعض الحشرات زي النحل و الدبابير ممكن تسبب أضرار خطيرة زي :
🔹الصفير أو صعوبة في التنفس
🔹القيء أو ألم في البطن
🔹خلايا أو طفح جلدي على مناطق أخرى من جسده
🔹النعاس أو الارتباك
🔹سرعة ضربات القلب
🔹تورم في الشفاه أو الحلق
🔹عرق غزير

في الحالة دي لازم تطلعي بطفلك علي المستشفي و تخلي طفلك يهدي و تنفسه يكون طبيعي لحد ما الإسعاف توصل 👌

و دي بعض الإرشادات اللي لازم تمشي عليها لو طفلك اتقرص من حشرة :
🔹تتأكدي إن مفيش أي بقايا للحشرة على جلد طفلك
🔹ممكن تخففي الورم والحكة و تحطي كيس من الثلج أو كمادة باردة، مثل قطعة قماش مبللة باردة.
🔹لو طفلك بيتألم ممكن تديله مسكنات زي الأسيتامينوفين أو الإيبوبروفين.
🔹تأكدي من صحة المعلومات على علبة الدواء
🔹اسألي الصيدلي أو الدكتور عن الجرعة المناسبة لطفلك.
🔹خلي طفلك يبطل خدش لدغته أو لسعته، و حافظي على ضوافره تكون قصيرة عشان كده
🔹بلاش تحطي كريمات أو مراهم من نفسك و ارجعي للطبيب

خلي بالك من طفلك 👌
ربنا يحمي أطفالنا من كل شر🙌

أ.د.وائل بحبح دكتوراة طب الأطفال وحديثي الولادة، استشاري التغذية الإكلينيكية للأطفال، عضو الجمعية الأمريكية لطب الأطفال، عضو الجمعية الأوربية لحديثي الولادة، كلية الطب جامعة المنوفية.

❤

23/08/2018

تغذية وبناء جسم طفلك بطريقة صحيحة من البداية بيترتب عليها حاجات كتير في نشاطه بعد كده👌🏻
عشان كده اهتمامك بتغذية طفلك بيبدأ من اختيارك للاغذية المناسبة اللي ممكن تمد جسمه بالاحتياجات اللي تخليه يعمل أي نشاط في يومه 👏🏻
هتكلم معاكوا عن أهمية البروتين 👇🏻
البروتين من اهم العناصر الغذائية اللي بتبني خلايا وانسجة الجسم
طب البروتين مكون من ايه ؟
البروتين عبارة عن مجموعة من الاحماض الامينية ودي منها اساسية وغير اساسية ✌🏻

🔹الأحماض الأمينية الغير اساسية دي الجسم بيقدر يخلقها ويصنعها مش محتاجين اننا نحصل عليها من مصدر خارجي 👍🏻

🔹الاحماض الامينية الاساسية هي اللي الجسم مبيقدرش يصنعها او يخلقها جواه ولو نقصت بيحصل مشاكل كتير في الجسم فلازم نحصل عليها من مصدر خارجي زي الغذاء وخاصة لحوم الحيوانات لانها بتحتوي علي جميع الاحماض الامينية الاساسية اللي الجسم بيكون محتاجها 😀
وبما اننا في فترة العيد وفي كميات من اللحمة متوفرة 😄🐑
فنحاول اننا نغذي أطفالنا بطريقة صحيحة ونمدهم بالبروتين والاحماض الامينية الاساسية ومنزودش في الكمية بردو -الاعتدال كويس في كل شئ 🌸

فوائد الاحماض الامينية لطفلك بتتلخص في :

🔹سرعة التئام الجروح والخدوش.
🔹بناء أنسجة وخلايا الجسم.
🔹بتقوم بتحفيز دور الأربطة والغدد والشرايين على أداء وظائفها الحيويّة.
🔹 تفعيل دور الهرمونات والإنزيمات في تنظيم العمليات الحيوية.

دوري دايما علي الحاجات اللي جسم طفلك هيستفيد بيها وشجعيه ياكلها🙋👌

تابعينا هنتكلم عن أهمية باقي العناصر الغذائية 🌸

أ.د.وائل بحبح استشارى طب الأطفال وحديثي الولادة والتغذية الإكلينيكية للأطفال، عضو الجمعية الأمريكية لطب الأطفال، عضو الجمعية الأوربية لحديثي الولادة، كلية الطب جامعة المنوفية

21/08/2018

دكتور وائل بحبح يهنئكم بحلول عيد الأضحي المبارك 🎉
أعاده الله عليكم بالخير واليمن والبركات

19/08/2018

من أشهر المشاكل اللي بتحصل لأطفالنا، هو إصابتهم بالإسهال 👆
واللي بيخليهم معرضين لخطر الجفاف ونقص الأملاح في جسمهم، وده بيخلينا نقلق من الإسهال في الأطفال أكثر من الكبار لأن جسم الطفل بيكون معرض لنقص السوائل والجفاف بشكل أكبر من الكبار. ✋

الإسهال طبًيا هو حركة معوية متكررة وقوية بينتج عنها براز سائل ودخول للحمام أكتر من 3 مرات في اليوم.
كمية السوائل والأملاح اللي بتخرج مع البراز على مدار اليوم في الطفل المصاب بالإسهال بتحتاج تعويض عشان نحمي الطفل من الدخول في الجفاف ومشاكله. 😥

أسباب الإسهال الشائعة هي:
1🔸عدوى فيروسية تسبب إلتهاب الجهاز الهضمي.
وده اللي بعض الأمهات بيحبوا يسموه "برد في المعدة"، لأن بتسببه فيروسات بتنتشر في فصل الشتاء زي البرد بالضبط، وبتسبب إسهال وترجيع مع الأطفال وكمان بتنقل العدوى بينهم خاصة في الحضانات والمدارس.
2🔸عدوى بكتيرية وطفيلية:
زي بكتيريا السالمونيلا اللي بتنتقل بالأطعمة الملوثة خاصة في المطاعم والأكل بره البيت، ودي بتعمل مرض اسمه حمى التيفود اللي بيخلي طفلك مجهد ولسانه جاف وأبيض مع مغص وإسهال مائي، وفيه أيضاً طفيليات زي الأميبا اللي بتنتقل برضه بالأطعمة الملوثة .
3🔸بعض الحالات الغير معدية:
ودي حالات مش بتنتقل من طفل لآخر، وبتعمل إسهال برضه، زي وجود حساسية من أكل معين، أو عدم قدرة الجهاز الهضمي على التعامل مع اللاكتوز . ✋

الأعراض المشهورة اللي بتيجي غالباً مع الإسهال بتكون :-
🔸 سخونية
🔸فقدان شهية
🔸ترجيع
🔸فقدان وزن
🔸جفاف
وفي حال ظهور إسهال عند الأطفال لازم تكشفي في أقرب فرصة، واللي بالفحص هيتم تحديد السبب والعلاج المناسب إن شاء الله
ولازم نعرف إن فيه نصائح نقدر نحمي بيها أطفالنا من الإصابة بالإسهال :
🔸عودي أطفالك يغسلوا إيديهم بالماء والصابون كويس جدًا جداً خاصة بعد اللعب في الشارع أو استعمال الحمام.
🔸حافظي على نظافة أسطح الترابيزات والرخام في المطبخ وباقي أنحاء البيت، خاصة ألواح تقطيع الخضار.
🔸 لازم تغسلي الخضار والفاكهة كويس جداً قبل تقديمها لأطفالك.
🔸خصصي لوح تقطيع للحوم والدواجن، ولوح تقطيع تاني للخضار والفاكهة، مع غسلهم جيداً بعد كل استعمال.
🔸 أول ما تشتري لحوم لازم تجمديها في أقرب وقت، ولما تسويها على النار تأكدي إن اللون الوردي أو الدم اختفى تماماً من اللحمة عشان تكون استوت كويس.
وبالتالى تقدرى تحمى طفلك وتخلى بالك منه 😄
لو فى أي استفسار سيبيه فى كومنت وهيتم الرد عليه بإذن الله

أ.د.وائل بحبح استشارى طب الأطفال وحديثي الولادة والتغذية الإكلينيكية للأطفال، عضو الجمعية الأمريكية لطب الأطفال، عضو الجمعية الأوربية لحديثي الولادة، كلية الطب جامعة المنوفية.
❤

16/08/2018

مهنة الطب محتاجة صبر و طولة بال، و خصوصاً لو انت دكتور أطفال 👨🏼‍⚕️
الطفل بيدخل العيادة مرعوب و خايف و بيعيط بالإضافة للوجع اللي بيشتكي منه 😭
ساعتها بيكون مطلوب منك تتحلي بالصبر و الهدوء و تبذل كل الطرق عشان خوفه يروح و يبقي مرتاح و تقدر تتعامل معاه بسهولة و يخليك تكشف عليه و ياسلام لما نبقي أصحاب 😄👏

ساعتها خروج العيادة بيبقي مش زي دخولها ؛ لأن الطفل بيبقي فرحان و مبسوط و مش عاوز يمشي 👶👼

مفيش أجمل من الضحكة الحلوة علي وش طفلك ، ربنا يبارك فيهم 🙌

13/08/2018

في الصيف والإجازة ... طفلك بيطلع يلعب في عز الحر و يرجع لك تعبان و عنده ضربة شمس و مش عارفة تتصرفي ازاي !

ضربة الشمس دي حاجة خطر جداً
بتسبب ارتفاع شديد في درجة حرارة الجسم نتيجة التعرض للشمس وحرارتها العالية ☀
ضربة الشمس بتسبب خلل في عمل أعضاء الجسم بالإضافة أنها ممكن تأثر على الدماغ ..

ضربة الشمس بتحصل لما طلفلك بيتعرض لدرجة حرارة مرتفعة تحت أشعة الشمس أو حتى داخل المنزل خلال موجات الحر الشديدة لو الطفل في غرفة مش متهوية كويس ..
ولو طفلك اتعرض للشمس أو لحرارة عالية و تهوية مش كويسة في يوم حر، ممكن تشكي في حدوث ضربة شمس لو لاحظتي عليه الأعراض دي 👇:
🔸الشعور بخفة الرأس و الدوار
🔸التعب والضعف العام
🔸الصداع وتشوش النظر
🔸آلام في العضلات
🔸الغثيان و القئ
🔸السقوط و فقد الوعي عند محاولة النهوض
🔸سرعة في التنفس و في ضربات القلب
🔸درجة حرارة الجسم تكون مرتفعة جداً و ممكن تعدي الـ 41 درجة والترمومتر ميقدرش يقيسها في الحالات الشديدة.
🔸الجلد بيبقى حار و أحمر و جاف.

طيب ايه الحل و العلاج ؟
مريض ضربة الشمس لازم ينتقل المستشفى فوراً ولحد ما تنقليه للمستشفي لازم تتأكدي إنه بعيد عن الحرارة و الشمس و في مكان تهويته كويسة.
و دي شوية نصائح ممكن تعمليها لحد ماتنقلي طفلك للمستشفي:
🔸ابعدي الطفل عن الشمس أو الحرارة فوراً
🔸اخلعي حذاءه، لأن الحرارة بتهرب من الجسم عن طريق اليدين والقدمين.
🔸غطي طفلك بملابس مبللة بالماء
🔸غطسي جسم طفلك في حوض من الماء العادي أو البارد
🔸حطي مصدر للهواء بجانب الطفل المصاب زي مروحة.
🔸قيسي درجة حرارة طفلك بشكل متكرر في حالات ضربة الشمس.

في المستشفى هما بيتعاملوا معاه و بيتم حقنه بسوائل مختلفة و بيبردوا جسمه لحد ما درجة الحرارة تنزل ..

احمي طفلك و ابعديه عن الشمس🌞
وربنا يحمي أطفالنا من كل شر 🙌

أ.د.وائل بحبح دكتوراة طب الأطفال وحديثي الولادة ، استشاري التغذية الإكلينيكية للأطفال، عضو الجمعية الأمريكية لطب الأطفال، عضو الجمعية الأوربية لحديثي الولادة، كلية الطب جامعة المنوفية.

❤

07/08/2018

مش هرضع طبيعي عشان جسمي هيبوظ ..
معظم الأمهات فاكرة إن الرضاعة الطبيعية هتخليها تتخن و هتبوظ شكلها فتلجأ للرضاعة الصناعية و الببرونة ... و للأسف دا خطأ كبير في حقك و حق طفلك ⚠

الصح إن الرضاعة الطبيعية بتخليكي تخسري وزنك الزيادة و لو قومتي بتمارين رياضية معاها هتخسري كل اللي اكتسبتيه أثناء الحمل 👏؛ ودا لأنها :
🔹بتخليكي تحافظي علي رشاقة جسمك ورجوعه للوزن الطبيعي لأنها بتحرق كل السعرات الحرارية الزيادة، يعني مش بتزود وزنك خالص 😅
🔹بتساعدك في تقليل فرصة الإصابة بسرطان الثدي والمبايض.
🔹بتقلل من خطر إصابتك بمرض هشاشة العظام لأنها بتساعد في امتصاص الكالسيوم بشكل أفضل.

جسمك طول فترة الحمل بيفضل يستعد للرضاعة عشان طفلك محتاجها بشدة لأنها :
🔹تعتبر بمثابة غذاء شامل لطفلك و بتحتوي علي جميع العناصر الغذائية المفيدة له.
🔹بتخلي طفلك يقاوم الأمراض اللي هتواجهه أثناء طفولته زي الإسهال والتهابات الأذن.
🔹لبن الأم فيه مضادات حيوية طبيعية بتحميه من كل الميكروبات و بتقوي مناعة طفلك وبيكون أقل عرضة للإصابة بزيادة الوزن.
🔹بتساعد في بناء وتقوية الجهاز المناعي لطفلك و بتقلل فرص الإصابة بأمراض الجهاز الهضمي.
🔹بتحمي طفلك من الإصابة بالأمراض المزمنة زي السكر و القلب بعد كده.

كمان مفيش أجمل من إحساس الأمومة و إن طفلك يكون في حضنك و ترضعيه و تلعبوا سوا 😍

ا.د.وائل بحبح دكتوراه طب الأطفال وحديثي الولادة ، استشاري التغذية الإكلينيكية للأطفال، عضو الجمعية الأمريكية لطب الأطفال، عضو الجمعية الأوربية لحديثي الولادة، كلية الطب جامعة المنوفية.

❤

13