Clinical psychologist nermin abo elghar

02/09/2025

13/08/2025

22/07/2025

21/07/2025

عارفين ليه بيسموا عمر السنتين
"Terrible Two"
أو "السنتين الرهيبتين"؟؟ 😁😁

علشان دي مرحلة بيبدأ الطفل فيها يظهر استقلاله بشكل واضح، وده بيخليه يرفض كتير، ويقول "لأ" كتير، ويتصرف أحيانًا بعناد أو نوبات غضب.

لكن التسمية دي فيها ظلم شوية للمرحلة، لأن:

🔹 الطفل مش بيكون "رهيب" أو "صعب" بقدر ما هو بيمر بنمو كبير وسريع في جوانب مختلفة (عاطفية، لغوية، حركية، معرفية).
🔹 هو مش بيقصد يزعج الأهل، هو بس بيجرب يعبّر عن نفسه، يستكشف العالم، ويختبر الحدود.
🔹 ساعات بيكون عاجز عن التعبير بالكلام، فيلجأ للبكاء أو العصبية.

المرحلة دي ممكن تكون مرهقة، لكن كمان هي مليانة فرص لنمو رائع، زي:

✅ بداية تكوّن الهوية
✅ تطور في اللغة والتخيل
✅ محاولات الاستقلال
✅ زيادة في الفضول والتعلّم من خلال اللعب

💡 بعض التربويين والمتخصصين بيحبوا يسموها بدل "Terrible Two":

"Terrific Two"
أو
"Trying Two"
يعني "سنتين مذهلتين" أو "سنتين فيهُم تحديات" بدل النظرة السلبية المعتادة.

عشان كدة في ورشة "رحلة الألف يوم" عن فترة الأمومة المبكرة والصحة النفسية للأم والطفل في أول سنتين من عمره، قررنا نخصص لقاء كامل عن المرحلة دي وتوضيح إزاي الأهل ممكن يتعاملوا معاها بأسلوب داعم ومرن..

د/ نهال زين العابدين
أخصائية الطب النفسي وعلاج الإدمان ومعالجة نفسية.

لتفاصيل أكتر عن الورشة اكتبي لنا كومنت 👇🏼 👇🏼