11/11/2025
خلونا نتكلم وبما أننا داخلين ع فصل الشتا
عن جهاز مهم جدا وبقي موجود في بيوتنا
جهاز استنشاق البخار (النيبولايزر - Nebulizer)
يعني ايه جهاز (النيبولايزر)
هو جهاز يقوم بتحويل بعض الأدوية الخاصة بمشاكل الجهاز التنفسي من الشكل السائل إلى رذاذ ليسهل استنشاقها
ويختلف هذا الجهاز عن البخاخ لأنه أسهل في الاستخدام خصوصًا للأطفال
أو الرضع أو الكبار في السن.
طب ايه فوائد استخدام جهاز (النيبولايزر)؟
فوايده بتتمثل في انه سهل الاستخدام و سرعة توصيلة للدواء و اعراضه الجانبية أقل .
طيب ازاي أعرف استخدم جهاز (النيبولايزر) ؟
كل اللي عليك انك تحضر الأدوات اللازمة اللي هتحتاجها
اللي هي الجهاز و الدواء و ماسك وهتعمل التالي ذكره :
هنتأكد من نظافة كافة قطع الجهاز.
نضع الجهاز على سطح مستوي ويتم توصيله بالكهرباء.
نغسل اليدين كويس جدا قبل تحضير الدواء.
وضع الدواء بجرعته المناسبة (الموصوفة من خلال الطبيب )في الكوب الخاص بيه الموجود في الماسك ..
هنوصل الأنبوب بمخرج الجهاز .
نلبس القناع بطريقة صحيحة بحيث يغطي الفم والأنف.
ونشغل المفتاح ونتأكد من أنه يعمل بكفاءة من خلال ظهور البخار.
نبدأ في استنشاق البخار اللي بيخرج من جهاز النيوبلايزر حتي يزول الدواء .
و في الغالب الموضوع بيستغرق هذا الأمر من 5 دقائق إلى 15 دقيقة
ويجب التوقف عند انتهاء خروج البخار.
ننزع الجهاز من أجل تنظيفه والتخلص من السوائل الزائدة فيه.
طيب ازاي ننظف جهاز النيوبلايزر وملحقاته للاستخدام الشخصي ؟
تنظيف كوب الدواء بالماء الدافئ بعد كل استخدام وتجفيفه
والحرص على تنظيفه بالإضافة إلى قناع الوجه باستخدام الماء الدافئ والمنظفات آخر كل يوم، ولا داعي لتنظيف الأنبوب.
تنظيف كوب الدواء وقناع الوجه كل 3 أيام باستخدام محلول الماء والخل الأبيض، الذي يتم تحضيره من خلال خلط نصف كوب من الماء مع نصف كوب من الخل مع الحرص على تجفيف الأدوات جيدًا.
لو الجهاز مش شغال أو خرجه الهواء ضعيف .
في الحالة دي الجهاز بيكون محتاج للصيانة .
دمتم سالمين وفي أتم صحة وعافية 💜
