صيدلية السيد مدحت رزق

13/03/2025

20/02/2025

متوفر الان مجموعه سيرافى

01/09/2024

متوفر علاج الضغط الواطى
Vascon

16/06/2023

ريڤيوهات اسبراي القشرة AntiDandruff Spray✨💖
نتيجته بتظهر م أول استخدام 🔥♥️

♦️ طريقة استخدامه : رش الاسبراي على فروة الرأس مع تدليك فروة الرأس جيدًا ونتركه نصف ساعة ، ثم نغسل الشعر وفروة الرأس بالشامبو جيدًا ✅ ، ونكرره بعد ٣ ايام .

10/06/2023

لكل الناس ال بتعاني من مشكلة تساقط الشعر 📢
جبنالكم الحل خلاص 💥♥️
اسبراي لعلاج تساقط الشعر وانبات الفراغات ✨
يحتوي على خلاصات وزيوت طبيعية بتغذي بصيلات الشعر وتحفز الدورة الدموية في فروة الشعر فيوقف التساقط ويبدأ نمو شعر جديد ( بيبي هير )🆕
كمان لو فيه بيبي هير بيطوله ، ومع الاستخدام بيتقل الشعر والفراغات بتختفي تمامًا ✨

كله مستخلصات وزيوت طبيعية آمنة✅ ، خالي من المينوكسديل 🚫

استخدامه : رش الاسبراي على فروة الرأس فقط *مش الشعر نفسه * مرة صباحا ومرة مساءًا لمدة أسبوع بعدها مرة مساءا يوميًا ✅
يتساب ع الفروة ، مبيحتاجش انه يتشطف
العبوة ١٢٠ مل تكفي شهر ونص
مناسب للاطفال فوق ٤ سنين ✅
ممنوع للحوامل ❌

*ملحوظة مهمة : في حالة الشعر الجاف : يستخدم مع الاسبراي كريم او زيت عشان يرطب الشعر ونراعي ان الاسبراي يوضع ع الفروة فقط ، ممنوع يتحط ع الشعر .

تحفة بجد عن تجربة ناس كتير ودي بعض الريڤيوهات عنه 💖💖💖

08/05/2023

مساء الخير ✨💖
مكملين ف السلسلة ال بدأناها عن الشعر ✨
هنتكلم ف البوست ده النهارده عن أسباب تساقط الشعر 💆‍♀️

١ - تساقط الشعر الوراثي Genetic 👪
وده لما بيكون المريض عنده حد من آباءه او اجداده كان عنده صلع او تساقط الشعر وورثهم منهم عن طريق الجينات .

٢ - ضعف التغذية 😰 وده بيشمل :
⬅️نقص الحديد : من اكثر الحاجات اللي بتزود تساقط الشعر و كذلك نقص الكالسيوم و الزنك و فيتامين د و فيتامين ب12 ⬇️( مثل حالات الانيميا و ضغف التغذية و البنات اللي بتعاني من heavy period )

⬅️ نقص البروتين : الرجيم القاسي الخالي من البروتين يساعد علي التساقط لان الشعر وحدة البناء الاساسية له هي بروتين اسمه الـكيراتين

٣ - تساقط الشعر الهرموني hormonal hair loss

👈عندنا هرمونين بياثروا علي الشعر :
1️⃣ هرمون الذكورة testosterone 🧔
✔ارتفاع الهرمون ده بيسبب تساقط في الشعر زي :
⬅️الحالات ال عندها تكيس المبايض وسن اليأس (بعد انقطاع الدورة الشهرية) في السيدات ومرضي البروستاتا عند الرجال .
⬅️واحدة من علامة زيادة هرمون الذكورة هي ظهور حب الشباب(رجال و سيدات) وعدم انتظام البريود و بالتالي يكون مصاحب لها تساقط في الشعر .

2️⃣هرمون الاستروجين ( هرمون الانوثة )🧕
⬅️بعد سن الياس يقل الاستروجين مسببا التساقط .
⬅️ بعد الولادة🤱 يقل هرمون الاستروجين و يبدا الشعر في التساقط بعد 3 او 4 شهور من الولادة

٤ - بعض الحالات المرضية زي :
👈التينيا ودي عدوي فطرية في فروة الراس بتظهر علي شكل فراغات خاليه من الشعر (بيكون فيها حكة و قشور) و بمجرد علاجها بيبدا الشعر ينمو مرة اخري .

👈نقص هرمون الغدة الدرقية بيزود تساقط الشعر ليس فقط لفروة الراس لكن ايضا للجسم و الطرف الخارجي للحاجب
👈صدفية فروة الراس تسبب بعض التساقط و مع علاجها يرجع الشعر للنمو ( بيكون فيه حكة و التهاب في فروة الراس ) .

👈 التهاب الجلد الدهني seborrheic dermatitis باتشات حمراء بها قشرة فيها حكة تظهر و تسبب بعض التساقط و لكنه يعود للنمو مع علاجها .
👈 مرض الزهري Syphilis من الامراض ال بتسبب تساقط الشعر .

٥- القشرة Dandruff
تراكم القشرة في فروة الراس لفترات طويلة و عدم علاجها بشكل جيد بيسبب تساقط في الشعر خاصة للسيدات.

٦ - بعض التعاملات الخاطئة مع الشعر ❌ زي :
⬅️الصبغات بشكل مستمر خاصة التى تحتوي علي نسب عالية من الامونيا
⬅️ الكيماويات في كريمات الفرد والحرارة في اجهزة الفرد او الكرلي بتضعف الشعر و تسبب التساقط مع كثرة الاستخدام
⬅️استخدام السشوار بدرجات حرارة عالية🌡️ لعمل تسريحات كرلي للشعر بتزود تساقط و تقصف الشعر.

⬅️بعض التسريحات زي الكحكة تخلي الشعر علطول مشدود او مربوط ، بعض التسريحات الكيرلي اللي بتعمد علي لف الشعر علي كرات دوارة لعمل التسريحة المطلوبة ، الشد المستمر وربط الشعر باستمرار بيسبب تساقط .
⬅️استخدام الجل بشكل يومى من الجذور للاطراف بيسد المسام و يزود التساقط ، يفضل الجل علي الاطراف فقط مع عدم الاكثار منه .
⬅️استخدام الشامبوات🧴 بشكل زائد و خاصة شامبوهات ال تحتوي علي تركيز عالي من صوديوم لورايل سلفات SLS

٧- بعض الادوية زي : ادوية منع الحمل ، ادوية الاكتئاب ، العلاج بالكيماوي ، ادوية الضغط ، ادوية النقرس ، ادوية علاج الفيروسات ، ادوية الغدة الدرقية ، ادوية حب الشباب

٨- التوتر والضغوط النفسيه زي ايام الامتحانات و كذلك الزعل والصدمات العاطفية 🙇🏻‍♀️

01/05/2023

مساء الخير ✨💖
كنا اتكلمنا ف بوست قبل كده عن دورة نمو الشعر وامتى نقول ان فيه تساقط للشعر ✅
هنكمل ف البوست ده النهارده ونتكلم عن انواع تساقط الشعر Types of hair loss :

١ - الصلع الوراثي androgenic alopecia
👈بيأثر على الرجال والنساء ، بيبدأ يظهر ف سن العشرينات وحتى الخمسينات ، العامل الوراثي له تاثير في النوع ده من التساقط .
👈بيظهر علي شكل تساقط تدريجي للشعر في مقدمة الراس (مش سريع زي التساقط العرضي) ، بيكون علي شكل حرف M ، ممكن ينتهي بصلع للرجال في المنطقة دي يسمى male pattern blandness
👈اما النساء بيظهر علي شكل تساقط قوى في مقدمة الراس و ضعف لباقي شعر فروة الراس يسمى female pattern blandness

👈العامل الرئيسي المسبب لتساقط الشعر هنا هو هرمون testosterone واللي بيتحول للصورة النشطة منه (DHT) ، الـ DHT بيعمل انكماش لبصيلات الشعر وبالتالي يضعف الشعرة ويسبب تساقطها وكمان بياخر نمو شعرة جديدة مكان اللي سقطت وبالتالي بعض البصيلات بتموت وتسبب فراغات .
👈الرجال المصابين بتضخم في البروستاتا او امراض القلب والسكر أكثر عرضة للصلع الوراثي ، كذلك النساء فوق سن اليأس ( ٤٥ ل ٥٥ سنة ) والنساء المصابات بتكيس المبايض اكثر عرضة للصلع الوراثي.

٢- الثعلبة alopecia areata
👈بتظهر بشكل مفاجئ للكبار و للاطفال ( تنام تصحي تلاقي المكان فاضي )😓 ، بتظهر علي شكل مناطق خالية تماما من الشعر في الراس او اللحية .
👈بتظهر نتيجة الضغوط النفسيه او الزعل او التوتر او نتيجة ممارسة العنف علي الاطفال .
👈 سببها مناعي وان الجسم بيبدأ يهاجم بصيلات الشعر ويعمل التساقط ومع الوقت بيبدا الشعر يرجع تاني ينمو في المكان مع زوال السبب او العلاج بالكورتيزون

٣- التساقط العرضي Telogen effluvium
👈نتيجة بعض العوامل ( بعد الولادة ، نقص بعض الفيتامينات ، الريجيم القاسي..الخ ) ، بيحصل اضطراب في دورة نمو الشعر وكمية كبيرة من الشعر بتنتقل من مرحلة النمو (anagen phase) الي مرحلة التساقط (telogen phase) وبالتالي بيحدث تساقط لكميات كبيرة من الشعر في وقت واحد مما يسبب فراغات في حالة عدم العلاج .
👈بيظهر بشكل سريع في كل فروة الراس و لكن اكثر شئ في مقدمة الراس .

٤- ثعلبة ندبية scarring alopecia
بيظهر علي شكل مكان مفيهوش شعر نتيجة حالات الحروق او الاصابات او بعض حالات ندبات حب الشباب

أخيرًا دي صورة بتوضح الحالات ال اتكلمنا فيها دلوقتي ✅
تقدروا تحددوا نوع التساقط ال عندكم ، وان شاء الله ميكونش اكتر من تساقط عرضي 🙏💖
ونكمل البوست الجاي ان شاء الله ❤️


✨❤️

17/04/2023

مساء الخير ✨♥️
مشاكل الشعر كتيرة ومتكررة دايما ، عشان كده هنتكلم شوية عن الشعر : دورة نموه وتكوينه ، التساقط وأسبابه ، وانواع التساقط ، وعلاجه 💁‍♀️

👈 نبتدي بدورة نمو الشعر (hair growth cycle) وبيتكون من اي ؟
نمو الشعر بيمر ب ٣ مراحل👌 :
١ - مرحلة نمو الشعر ونشاطه بنسميها :(anagen phase)
ودي المرحلة ال بنعمل على زيادتها لعلاج التساقط
بيتكون فيها ٩٠٪ من الشعر وبيستمر
من سنتين ل ٦ سنين .

٢ - مرحلة انتقالية بيبدأ الشعر يسيب الفروة ويكون جاهز للتساقط ودي بنسميها : (Catagen phase)
بتستمر لمدة أسبوعين

٣ - مرحلة التساقط ودي بيبدأ الشعر يتساقط ويتكون مكان الشعر ال وقع شعر جديد وتبدأ دورة نمو من تاني ، بنسميها : (telogen please)
بتستمر من شهرين ل ٣ شهور ، وبيتكون فيها ١٠٪ من الشعر

⭐كل شعرة ليها مرحلة نمو خاصة بيها عشان كده الشعر بيفضل يتجدد بشكل مستمر بدون ما نعاني من تساقط مرضي ✅

💥امتى اقول انه فيه تساقط في الشعر و يحتاج الى علاج ؟🤔
👈الطبيعي ان الشعر بيقع منه يوميا من 50 - 100 شعرة اما اذا كان التساقط اكثر من كده فده يدل ان فيه تساقط في الشعر .
👈بيظهر علي شكل فقدان كميات كبيرة من الشعر بشكل يومي اثناء الشاور او اثناء تسريح الشعر او علي المخدة او حتى مع تحريك اليد علي الشعر .

📢ملحوظة : بعض الناس مش بتسرح شعرها كل يوم وممكن تكتفي بمرة او 2 فقط اسبوعيا وهنا بتلاقي كمية شعر كتير في المشط عند التسريح ، ده بيكون طبيعي لتراكم كمية الشعر اللي المفروض تقع كل يوم في فروة الراس نتيجة لعدم التسريح .

💥ازاي بيحصل فراغات في فروة الراس طالما الشعر بيقع و بيتجدد ؟🤔
👈احيانا الشعرة بتقع و مش بتجدد ولا بيطلع مكانها شعرة تانية و بتفضل بصيلة الشعر خاملة وبعد فترة بتموت وتسيب مكانها فراغ ، مع تكرار تساقط الشعر و عدم نمو جديد مكانه تكثر الفراغات في فروة الراس ( زي حالات الصلع الوراثي androgenic alopecia ) وفي بعض الحالات تزداد نسبة الشعر الموجودة في المرحلة التالتة ( ال هي مرحلة التساقط ) والتالي يقل عدد الشعر في الفروة ويظهر فراغات وده ليه أسباب هنقولها ف البوست الجاي ان شاء الله ♥️


✨❤️
⚕️

22/03/2023

كل عام وأنتم بخير ♥️ رمضان مُبارَك 🌙💖