معمل الحكمة للتحاليل الطبية ببساط كريم الدين

06/12/2018

تم نقل مقر معمل الحكمة بشربين لشارع باتا _برج الغنيم مول ٢ _ الدور الثاني علوي _بجوار محمد جمعه للمصوغات

28/10/2017

عيش في حدود يومك ولا تنغمس بالانشغال في المستقبل حتى لا يضيع حاضرك

12/10/2017

طريقة تحضير الصابون السائل الأصلي فائق الجودة الخاص بتنظيف الأواني وأدوات المطبخ بكمية (9 لتر) ...

أولا: المواد الفعالة والأساسية وكمياتها:

1- 1 كجم حمض بنزين سالفونيك (بيور)، وهو على شكل سائل أصفر اللون يشبه عسل النحل والأسم التجاري له (سالفونيك).

2- 250 جرام مادة هيدروكسيد بوتاسيوم، وهو على شكل قشور بيضاء والأسم التجاري لها (بوتاسا كاوية).

3- ماء حنفية عدد 8 لتر.

ثانيا: المواد غير الفعالة وغير الأساسية (أوبشنز أو كماليات تضاف حسب الرغبة ويمكن الإستغناء عن بعضها أو حتى كلها بدون أي تأثير من أي نوع على فاعلية المنتج) وكمياتها:

1- 5 جم لون (حسب الرغبة وأشهرها الأخضر والأصفر والأحمر والأزرق).

2- 10 مللي أسانس عطري زيتي (وليس مائي) حسب الرغبة والذوق المطلوب.

3- 5 جم مادة الــ (CMC (Cetyle Methyl Cellulose والأسم التجاري لها (البولي) وهي المسئولة عن زيادة درجة اللزوجة للصابون السائل ولكن ليس لها أي علاقة تذكر بالكفاءة أو قوة التنظيف.

4- 50 جم مادة Sodium Lauryl Ether Sulphate والأسم التجاري لها (التكسابون) وهي تقوم بزيادة كمية الرغوة بشكل فائق أكثر من المعتاد ويمكن الإستغناء عنها في حالة عدم إمكانية الحصول عليها.

5- 50 مللي جلسرين خام بيور بدون أي إضافات للحفاظ على إستمرار نعومة الأيدي ومنع جفافها.

الطريقة:

1- نقوم أولا بإذابة الــ 1 كجم حمض بنزين سالفونيك (سالفونيك) في حجم 7 لتر ماء حنفية في إناء بلاستيك عميق مع التقليب المستمر لمدة 15 دقيقة حتى تمام الإمتزاج ← محلول رقم (1).

2- نقوم ثانيا بإذابة الــ 250 جرام هيدروكسيد بوتاسيوم (بوتاسا كاوية) في حجم 1 لتر ماء حنفية في إناء أخر مع التقليب المستمر لمدة 10 دقائق حتى تمام الذوبان ← محلول رقم (2).

3- نقوم بوضع المحلول رقم (2) على المحلول رقم (1) ولكن نقطة نقطة وليس بكمية كبيرة مع التقليب البطيء والمستمر حتى إنتهاء المحلول رقم (2) ثم يتم الإستمرار في التقليب ببطئ بعد تمام الإضافة لمدة 15 دقيقة دون توقف.

4- لحد كده المحلول المتكون هو ده الصابون السائل وهيبقى حجمه الفاينال أصبح 9 لتر وكل الخطوات الجاية ما هي إلا كماليات وأوبشنز وفرعيات مش أكتر ممكن تضيفها كلها لو متاحة أو تضيف إللي تقدر تحصل عليه أو متضيفهاش خالص زي متحب وليس لها أي علاقة من قريب أو من بعيد بكفاءة أو فاعلية الصابون السائل المنتج وهي كالأتي:

5- نقوم بإضافة الــ 5 جم لون على محلول الصابون السائل المحضر مع التقليب المستمر ببطئ لمدة 10 دقائق.

6- نقوم بإضافة الـــ 10 مللي أسانس عطري زيتي (وليس مائي) على محلول الصابون السائل المحضر مع التقليب المستمر ببطئ لمدة 10 دقائق.

7- نقوم بتذويب مادة الــ (CMC البولي) وذلك بوضع الكمية (5 جرام) على كوب ماء ساخن بحجم 200 مللي تقريبا مع التقليب المستمر بسرعة حتى تحصل على قوام لزج يشبه الجيل ثم نقوم بوضع هذا المحلول اللزج على محلول الصابون السائل المحضر مع التقليب المستمر ببطئ لمدة 10 دقائق.

8- وأخيرا قم بوضع كل من الــ 50 جم مادة Sodium Lauryl Ether Sulphate (التكسابون) والــ 50 مللي جلسرين خام بيور على محلول الصابون السائل المحضر مع التقليب المستمر ببطئ لمدة 10 دقائق.

9- الآن أنت تمكنت من تحضير كمية 9 لتر من الصابون السائل الأصلي للبيت بجودة فائقة وبدون أي غش تجاري وبمزايا عديدة وبتوفير كبير وبأقل تكلفة ممكنة وفي مدة زمنية لا تزيد عن ساعة.

10- نقوم بتعبئة الصابون السائل في زجاجات أو عبوات محكمة الغلق مع مراعاة الرج دائما قبل الإستخدام.

ملاحظات هامة جدا لتحضير منتج عالي الجودة وتفادي الوقوع في أي أخطاء:

1- يتم إستخدام أواني نظيفة وجافة للتحضير ويفضل أطباق أو كرادل بلاستيك كبيرة مدرجة الحجم ويفضل إستخدام عصا معدنية أو بلاستيكية نظيفة جدا للتقليب وتجنب إستخدام عصا خشبية لأن الخشب بينزل العصارة بتاعته في المحلول بتاعك أثناء التقليب وبالتالي بتقل كفاءته.

2- في ناس بتحب تريح نفسها وبدل متتعب نفسها في التقليب المستمر فبتقوم تعمل التحضيرة كلها في غسالة الأطفال الصغيرة إعتمادا إن مروحة الغسالة هي إللي هتقوم بالتقليب ولكن الصابون الناتج بيبقى سيء جدا وبيرسب بسرعة وبيبقى قليل الكفاءة.

3- إحنا قولنا في الخطوة رقم 3 إن محلول البوتاسا الكاوية بيضاف نقطة نقطة على محلول السلفونيك مع التقليب ببطئ والسبب هو علشان نفضل نحافظ طول الوقت إن وسط الصابون يكون حمضي لأن لو زهقنا وبدأنا نضع محلول البوتاسا بكميات كبيرة على محلول السالفونيك، الصابون هيرسب منك وهيصبح وسطه قاعدي ومهما قلبت الراسب مش هيروح وساعتها الصابون المتكون هيكون مرسب ومش هيقبل لون لأن الفكرة هو إن اللون المضاف بيعطي اللون المطلوب في الوسط الحمضي وليس القاعدي بمعني مثلا إن اللون الأخضر النهائي المطلوب للصابون هو في الأساس بيكون لونه برتقالي وهو بودرة ولكن لما بتضيفه على الصابون إللي هو وسطه حمضي ضعيف (pH = 5.5) بيتحول لونه للأخضر بمجرد ملامسته لمحلول الصابون، فلذلك برجاء الحرص وإتباع التعليمات جيدا أثناء التحضير لتفادي مثل هذه الأخطاء من أجل الحصول على منتج عالي الجودة.

4- وأخيرا كل المواد الفعالة والغير فعالة الخاصة بتحضير كمية بحجم 9 لتر صابون سائل تباع في باكيدج واحدة (عبوة واحدة) عند تجار الكيماويات والمنظفات بشارع الجيش بسعر 18 جنيه، يزيد أو يقل بشيء بسيط، ما عدا مادتي التكسابون والجلسرين يتم شرائهم بشكل منفرد وكما ذكرت هي مجرد كماليات ليس أكثر ويمكن الإستغناء عنهم بشكل مطلق دون أي تأثير أو مساس بفاعلية أو كفاءة الصابون السائل المحضر وطبعا في حالة تحضير كميات أكبر من الصابون السائل يتم مضاعفة كميات المواد الفعالة بالتناسب مع النسب المذكورة.

وإن شاء الله في وقت تاني لاحقا أستعرض معاكم طريقة عمل البرفانات والشامبو بجميع أنواعهم ..

الحمد لله رب العالمين والله من وراء القصد .. بالتوفيق إن شاء الله
كيميائي وأفتخر

23/09/2017

المرأة إذا نام عنها زوجها
وهو غاضب باتت تلعنها الملائكة
لكن كيف لو كان العكس
في خطبة الجمعة حدث شيء غير طبيعي حيث شكى رجل زوجته لشيخ المسجد
أمام الملأ
ورد عليه الشيخ بأن المرأة تتحمل وتصبر أكثر من الرجل مئات المرات فحتى وإن كان للرجل الكثير من المصائب فإن صبر الزوجة أعظم وأكبر
وقد ارتفعت نبرة صوت الشيخ على الزوج عندما قال له: تحملَتك وأطفالك وتقف على رجليها كي تصنع لك قوتك وقد أوصى الرسول (صلى الله عليه وآله وسلم) بذلك أو ليس من حقها أن تحترمها؟ تقدرها؟ ولا تنقص عليها قوتا" أو حاجة؟
فو الله لو أغضب زوجا" زوجته وقفى عنها راحلا" تاركا" إياها حزينة فإن الله يكتب له في كل خطوة لعنة ويبعد عنه رزقه ويقلل من عافيته ويكتب له من كل دمعة من عينيها ألف جمرة في كل ليلة نصفها في الدنيا والنصف الآخر في الآخرة.
قال:
لو خلقت المرأة طائراً لكانت « طاووساً » ولو خلقت حيواناً لكانت « غزالة » ولو خلقت حشرة لكانت « فراشة » ولكنها خلقت « بشراً » فأصبحت حبيبة وزوجة وأماً رائعة، وأجمل نعمة للرجل على وجه الأرض
فلو لم تكن •• المرأة •• شيء عظيم جداً لما جعلها « اللّه » حورية يكافئ بها المؤمن في الجنة.
حقيقة أعجبتني:
المرأة ( أرق الكائنات وأصعبها تعاملا" لدرجة أن وردة ترضيها، وكلمة تقتلها ! )
كن حذرا" أيها الرجل فهي خلقت من ضلعك ليس من قدمك لتمشي عليها ولا من رأسك لكي تتعالى عليها ..ولكن خلقت من ضلعك كي تكون بجانبك ومن جانب قلبك كي تحبها (♡)
رائعة هي الأُنثى ♡
في طفولتها تفتح لأبيها بابا" في الجنة
وفي شبابها تُكمل دين زوجها
وفي أمومتها تكون الجنّة تحت قدميها.

12/09/2017

مع بداية الدراسة أنقل لكم بعض النصائح النفسية

بلاش ضغط نفسي علي الاولاد..🙄

1)نبدأ اليوم معاهم باذكار الصباح

2(بلاش خناق وزعيق. ..علي الصبح....حتي لو الطفل متباطئ
الزعيق مش الحل .ياريت يا جماعة الطفل اللي بيكون كسول اوي الصبح نتكلم معاه قبل مجئ المدارس....ونسمعه وبلاش نلومه...لان بيكون عنده مشاكل نفسية وممكن تخليه يتكلم مع باباه او مع طبيب

3(ساعدي الطفل في تجهيز حقيبته...لو رفض الافطار ممكن تضعيه بالحقيبة بلا خناق

4(بلاش تحقيقات عملت ايه في المدرسة اما يرجع لو هو حكي خلاص

5(المطلوب يوميا هو الواجبات وليس المذاكرة..=الطفل يكتب واجبه مش يذاكر في اخر يوم منهك مرهق

6(ياريت نقلل الدروس الخصوصية الله يبارك لكم الي اقصي حد ممكن لانها ارهاق للطفل..لو ممكن من الاول نختار مدرسة فيها شرح يكون افضل...ولو هضطر حد يساعد الطفل يبقي في اضيق الحدود مش كل المواد..

7(المدرسة مش معناها انعدام المواهب ولا الرياضة ولا الحوار ولا.....!!كل شئ نمارسه مع الطفل....عادي بلا تضييق خناق متقوليش مفيش وقت...اشمعني فيه وقت نتخانق ؟ ؟ ؟

8(بلاش تحطيم معنويات..انت فاشل انت مبتفهمش....ابنك تبنيه وتعالجي نقصه

03/08/2017

سؤال بيتكرر كل يوم تقريبا : ليه نتيجة تحليل INR لشخص ما مختلفة الأسبوع ده عن الأسبوع اللي فات مع إنه بياخد نفس جرعة الماريفان ؟

يا جماعة في مؤثرات كتير ، بس المؤثر الأشهر هو فيتامين K في الوجبة . لأن الماريفان بيشتغل أساسا على فيتامين ك، الماريفان بيزود السيولة لأنه بيقلل فيتامين ك في الدم .

فتخيلوا واحد بياخد الماريفان بنفس الجرعة يوميا ومش مثبت كمية فيتامين ك في الوجبة ، طبعا ده هيلخبط في النتيجة لو عمل كل يوم ومفيش دكتور يقدر يظبطله جرعة بالماريفان إلا لما يظبط أكله.

طيب، فيتامين ك موجود في ايه ؟
في كل الخضروات

تخيلوا اللي بياخد ماريفان ومنطلق في أكل الخس أو الجرجير أو الملوخية ولا المحشي ولا ولا ولا .
أتمنى تكون الإجابة وصلت .
معمل الحكمة ببساط كريم الدين

07/07/2017

لكل اب وام ... الديدان عند الاطفال ... من اكتر المشاكل بتقابلنا

يا دكتور العيال مبتكبرش وصغيرين ووزنهم قليل ..... وغلبت معاهم فواتح شهيه وعلاج ومفيش فايده ... طيب عملتي تحليل براز ?? شفتي الديدان ?? انا تعبت من الديدان يا دكتور مبتروحش ابدا من عند الولد ... دي مرافقاه اكتر من صحابه 😭😭😭😭😭...

خلي بالك بالنسبه لاي طفل دلوقتي في مدرسه او حضانه اكيد هيجيله ديدان كذا مره في السنه 👿👿 ... ايه يا دكتور 😱😱😱 يعني اقعد الواد من المدرسه ولا ايه ??لا طبعا يا ستي اصبري ... هيروح عادي وهيلعب وكل حاجه بس اسمعي الكلمتين اللي هقولهوملك 🎩🎩🎩...

طيب ركزي معايا وتعالي اقولك الاول ايه هي اعراض الديدان ??
- اول حاجه المغص المتكرر 😖😖 اه يا بطني ...
- ان الواد ميكبرش ووزنه ميزدش او يخس 😪😪 ...
- الهرش وقلة النوم والاحساس بالرغبه في الهرش من عند فتحة الشرج وبالذات بالليل🙅🙅 ...
- طفل يكون عنده انيميا ومبتتحسنش رغم انه بياخد علاج ومفيش فايده 🐤🐤🐤...
- اننا نشوف الديدان بعنينا طبعا 🐛🐛🐛...
- الصداااع .. ايه يا دكتور معقوله الديدان تعمل صداع 😱😱 اه طبعا تخيلي ..
- وكمان الديدان تخلي الواد ياكل كتير وميبانش عليه ويخلص اكل البيت كله ويخرب الميزانيه يا سنيه 💵💵💵 ...
- الشعور بالجوع السريع 😨😨😨.. وهو جوع كاذب اول ما ياكل لقمتين يشبع ....
- الامساك تخيلوا ?? ومكن كمان الديدان تعمل اسهال 😷😷...
- وكمان الهمدان 🐇🐇🐇 .. لما تحسي ان ابنك همدان ومعندوش حيل يلعب ...
- واخيرا النقطه اللي كل المصريين مستنينها سيلان الريق او زياده اللعاب 🎉🎉🎉.... بس مش كل الديدان بتعمل سيلان لعاب....
- ومش لازم كل الاعراض دي تكون موجوده وممكن عرض واحد بس منهم او اتنين علشان نكون فاهمين ...

كل دي اعراض يا دكتور هو الموضوع كبير اوي كده وخطير ولا ايه ؟؟ 😭😭😭😭 ... ولا خطير ولا حاجه خليني اقولك بس ازاي تحافظي علي ابنك علشان ميجيلوش ديدان ... خدي عندك ... استني يا دكتور مش تقولي الاول دي بتيجي ازاي 👂👂👂?? عندك حق اقولك بتيجي ازاي ..

الديدان بويضاتها بتنزل في البراز وبتكون موجوده حوالين الشرج ولو هرش من تحت ايديه بتكون مليانه بمئات البويضات🐣🐣🐣🐣 اللي بينشرها في كل حته في البيت وكل حاجه يمسكها .... واي حد يلمس ايد الطفل او اي حاجه الطفل لمسها البويضات تلزق في ايده ولو أكل حاجه او حط ايده في بقه من غير ما يغسلها تجيله الديدان علطول ... هااار اسوح ... ده كده يبقي وباء يا دكتور 😱😱😱.... اه فعلا هو وباء علشان كده نادرا ما طفل ينفد منه في المدارس او من تجمعات الاطفال .. مش بس كده ممكن بعض الديدان تتتقل عن طريق شرب ميه ملوثه🍶🍶 ... او اكل ملوث وبالذات الخضروات والفواكه 🍑🍓🍐🍋🍎... او عن طريق لبن ملوث 🍼🍼... او لمس مع حيوانات مصابه بالديدان دي ..

طب قول بسرعه اعمل ايه علشان احمي ابني منها 😨😨😨😨???? انا قلقت اوي يا دكتور ..... متقلقيش هقولك علطول اهو :

1- عودي طفلك يغسل اديه بالصابون قبل اي اكل وبعده ..

2- طبعا غسل الايدين بالصابون 🏊🏊🏊بعد البراز او لما ييجي من المدرسه او من اللعب بره البيت ...

3- غسيل الخضراوات والفواكه كويس جدا وياريت ننقعها في خل ربع ساعه 🍐🍋🍎🍐...

4- عودي نفسك تعملي تحليل براز لابنك بانتظام كل 6 شهور او سنه علي الاقل ... لان كتير جدا بيكون الطفل عنده ديدان بس مش باينلها اعراض اوي ويخس تدريجيا من غير ما ناخد بالنا 👀👀👀

5- منشربش ميه منعرفش مصدرها ... وعدم شرب الميه المتخزنه في خزانات 🤗🤗🤗..

6- قص ضوافر اطفالك بانتظام ومتخليهاش تطول .. وتجنب عاده قرقضة الضوافر ✂✂✂...

7- غيريله الملابس الداخليه بانتظام وبالذات البنات ... وحمي الواد وبلاش تخليها كل عيد مره 🚿🚿🚿😂😂😂😂

8- غيري الملايات ومفارش السراير وبلاش تسيبيها بالشهور 😭😭😭....

9- شمسي اللبس كويس بعد الغسيل وياريت تغسلي السجاجيد و تشمسي المراتب والمخدات والبطاطين كل فتره... ☀☀☀☀

كل ده يا دكتور طيب قولي بقي يا دكتور نعالج الديدان ازاي ... ولا اقولك هي شغلانه انا ادي العيال مضادات ديدان هنخسر ايه يعني ...ماشي يا ست الدكتوره 🔫😭 بس الموضوع مش سهل كده ومكنش خد غلب ...

1- الموضوع محتاج تحليل براز ✔✔✔ علشان نعرف نوع الديدان لان لكل نوع ديدان دوا فعال جدا معاها ... لكن ممكن ندي مضادات ديدان عامه لو الاعراض جامده اوي لحد ما تطلع النتيجه ...💥💣💥

2- وارد ان يكون في ديدان وتحليل البراز يطلع سليم .. لان حته البراز اللي اتاخدت في التحليل مكنش فيها ديدان بالصدفه ... بس لو في اعراض ممكن ندي جرعه مضادات ديدان عامه حتي لو تحليل البراز سليم مفيش مشكله وممكن نعمل تحليل براز 3 مرات ورا بعض علشان نحاول نطلع الديدان في التحليل علشان نعرف نوعها بالظبط ايه وندي الدوا الخاص بيه... وممكن نكرر جرعه الديدان تاني بعد اسبوع📆📆📆

3- في الديدان الدبوسيه ودي اللي معظم الاطفال بتتعدي بيها بندي جرعه دوا لكل افراد الاسره .... ايه يا دكتور لكله كله ?? اه كله حتي الاب والام وكل اللي بيعيشوا في مكان واحد لان الديدان دي معديه جدا وغالبا الكبار بيكون عندهم بس مبتاثرش فيهم ومش بيبان عليهم اي اعراض لكن الصغير الضعيف هو اكتر واحد يتاثر .. ✌✌✌

4- في اول يوم علاج كله يقص ضوافره ونغير ملايات ومفارش البيت كله 😳😳😳.. ايه يا دكتور البيت كله ?? دي شغلانه صعبه يا دكتور 💣💣💣... معلش بقه كله في سبيل العيال يهون 👱👱👱

وكده باذن الله تعيشوا من غير ديدان ... وفي سلام وامان ... ✔✔🤗🤗🤗

وشير في الخير خلي كل الامهات تعرف....

واعمل اعجاب بالصفحة

05/07/2017

سؤال : هل هناك علاقة بين قلة الصفائح والحمل ؟

الجواب : نعم طبعا في علاقة مؤكدة ولكنها قيد الدراسة . الحقيقة إن دي حاجة موجودة في حوالي 10 % من الحوامل واسمها Gestational thrombocytopenia وغير معروفة السبب بشكل تام .

إلا أن الأسباب المقترحة للحالة تكمن في طريق الإنتاج من النخاع وطريق التكسير في الطحال ، وبيان ذلك :

1- نقص الفيتامينات خاصة B12 بسبب الحمل يسبب نقص إنتاج الصفائح في النخاع .

2 - فضلات الجنين تسبب تضخم في طحال الأم خلال فترة الحمل وهذا التضخم يزيد من نشاطه في تكسير وامتصاص الصفائح بالإضافة إلى تكسير كرات الدم الحمراء ..

أغلب النساء اللي بتتعرض للحالة دي بتختفي عندهم المشكلة وبيتحسن عدد الصفائح تدريجيا بعد الولادة ولا يتم تشخيصهن كحالة من حالات نقص الصفائح المرضية .

01/07/2017

31/05/2017

المرضي بتوعنا حفظهم من كتر التنبيه عليهم

31/05/2017

موانع التبرع بالدم وتنقسم الى قسمين :
أولاً : موانع تبرع نهائية ، وهي :
1- أمراض الحساسية الشديدة .
2- الأمراض المزمنة والمعقدة مثل السكري .
3- أمراض السرطان و أمراض الدم (الثلاسيميا والأمراض النزفية) .
4- اليرقان والملاريا .
5- مدمن الخمور
7- مرضى (الإيدز ، الزهري ، التهاب الكبد الوبائي) .
8- مرضى (الصرع ، النقرس ، السل) .
9- أمراض القلب بأنواعها .
10- أمراض الكلى والطحال وأمراض الرئة .

• ثانياً : موانع تبرع مؤقتة ، وهي :
1- تناول المضادات الحيوية .
2- ارتفاع الضغط أو درجة الحرارة أو النبض .
3- ارتفاع أو انخفاض مستوى الهيموجلوبين عن المستوى الطبيعي .
4- التهاب الأنف أو الأذن أو الحلق .
5- العمليات الجراحية .
6- مرضى السيلان .
7- مخالطة المتبرع مريض بالتهاب كبدي وبائي .
8- استسقاء مائي .

وجميع هذه الشروط يتم سؤال المريض عنها