صيدلية د/ حمدى النفراوى

10/10/2024

لو أنت مريض سكر يبقي أسأل عن جهاز سكر مجاناً هيساعدك في متابعة سكرك بصفة منتظمة.
مع أطيب الأمنيات بدوام الصحة والعافيه

23/09/2024

يمكنكم التواصل من خلال خدمة الواتس آب وإرسال الروشته وسيتم تحضيرها وإرسالها من خلال خدمة التوصيل

23/07/2022

👇

22/07/2022

⚠️احذر الإجهاد الحراري 🙏
الإجهاد الحراري هو حاله تحدث نتيجة لإرتفاع درجة حرارة الجسم بسبب التعرض لدرجة حراره مرتفعة ، وخاصة عندما يصاحبها ارتفاع للرطوبة ، مع نشاط بدني شاق ، ويؤدي ذلك إلى ضربة شمس ، مما يشكل ذلك تهديد على الحياه .

أعراضه:
١- سرعة النبض
٢-ارهاق
٣-دوخه واعياء
٤-تعرق شديد ،وغثيان
٥-صداع
٦-تشنجات في العضلات
٧- انخفاض الضغط أثناء الوقوف .

الوقايه من الإجهاد الحراري تتمثل في :
*شرب كمية كافيه من السوائل وخاصة الماء ،والعصائر الطبيعيه لأنها تساعد في ترطيب الجسم ،وافرازات العرق .
*التوقف عن ممارسة جميع الأنشطه وخاصة الأنشطه الشاقة ، والانتقال لمكان أكثر بروده .
*ارتداء ملابس قطنية فضفاضة وخفيفة .
*احمي نفسك من حروق الشمس بأرتداء قبعه على الرأس،ونظارة شمس ، واستخدام واقي للجسم إن أمكن .
* عدم ترك أي شخص داخل السياره للإنتظار داخلها لفتره اكثر من ١٠ دقائق لأنها ستؤدي لمضاعفات ، في درجة الحرارة العالية .
*ضرورة التواصل مع الطبيب فورا اذا تفاقمت الأعراض ولم تتحسن خلال ساعه 🙏
احمي نفسك من ارتفاع درجات الحراره 🙏

29/09/2020

مصل ( تطعيم ) الانفلونزا الموسمية

وبمناسبة قرب موسم الشتاء ( الانفلونزا ) هنتكلم في البوست ده عن مصل الانفلونزا

# مبدايا مصل الانفلونزا بيتاخد في شكل جرعتين لبعض الاطفال ( فوق ٦ اشهر ) لحد ٩ سنين لو اول سنة ياخدوه و جرعة واحدة للبالغين او الأطفال اللى خدوه ف السنين اللى قبل كده او الأطفال فوق ٩ سنين

# فيه اكتر من نوع لمصل الانفلونزا &

# اي حد ينصح انه ياخد مصل الانفلونزا ويفضل اخد التطعيم بشكل خاص في بعض الاشخاص و المرضى زي :

١- مرضى الامراض المزمنة زي السكر والكبد والقصور الكلوي المزمن وامراض القلب ( ما عدا ارتفاع ضغط الدم ) وامراض الصدر المزمنة ( حساسية الصدر والسدة الرئوية) وامراض الدم والامراض العصبية

٢- السيدات الحوامل او اللي بيخططوا للحمل في موسم الانفلونزا و لحد بعد الولادة باسبوعين

٣- الاشخاص اللي بيعانوا من السمنة المفرطة ( مؤشر كتلة الجسم ٤٠ او اكتر )

٤- المرضى اللي عندهم نقص في المناعة نتيجة اي سبب زي مثلا استخدام بعض الادوية ( مثبطات المناعة ) او متلازمة نقص المناعة المكتسبة ( الايدز )

٥- الاطفال من سن ٦ شهور حتى ٥ سنين

٦- الاشخاص اللي سنهم ٥٠ سنة فما فوق

٧- الاشخاص اللي موجودين في دور المسنين ودور الرعاية المزمنة

٨- العاملين في المنشات الصحية ( كالاطباء والتمريض وغيرهم )

٩- الاشخاص المرافقين للاطفال اصغر من ٥ سنين وللبالغين اللي عمرهم ٥٠ سنة فما فوق

١٠- الاشخاص المرافقين والراعين لمرضى الامراض المزمنة

١١- الاطفال والمراهقين من سن ٦ شهور حتى ١٨ سنة اللي بياخدوا اسبرين او ادوية تحتوي على الاسبرين

# انسب وقت للتطعيم هو نهاية شهر اكتوبر وده عشان الاجسام المضادة بتاخد اسبوعين عشان تتكون في الجسم فيفضل يكون التطعيم بدري ( بيتاخد مره واحدة سنويا )

بس ممكن يتاخد طوال موسم الشتا حتى لو في شهر يناير

#في حالة تطعيم الاطفال بجرعتين الفترة ما بين الجرعة الاولى والتانية شهر كامل

#يمنع اخد مصل الانفلونزا في الحالات الاتيه :

١- حساسية سابقة للمصل او لاي من مكوناته
٢- الاطفال اصغر من ٦ شهور

# يستخدم مصل الانفلونزا بحذر شديد وباحتياطات معينة في الاشخاص اللي بيعانوا من حساسيةالبيض.
خالص دعواتنا بدوام الصحة والعافية.

12/11/2019

اختبار الحساسية
البوست ده مهم جدا. ممكن يكون طويل شوية بس حاول تقراه للآخر .
هام .. مفيش أى اختبار حساسية مطلوب عالمياً غير حقنة البنسلين ، بمعنى ...
ممكن نعمل اختبار الحساسية لحقنة "سيفترياكسون" و تبقى النتيجة سلبية وزى الفل وندى الحقنة ويحصل برضه reaction سبحان الله !

والطفل يجيله برضه صدمة تحسسية Anaphylaxis .

وده مش كلامى ده كلام كل الهيئات العالمية زى الأكاديمية الأمريكية للحساسية والمناعة AAAAI وغيرها .

يبقى الصح ان الحقن تتاخد فى مكان مجهز لإسعاف الطفل فى حالة حدوث الصدمات التحسسية.

وأى عضو فى فريق العمل الطبي( طبيب ، صيدلى، ممرض) لازم يكون عارف ازاى يتعامل مع الصدمات التحسسية ومجهز أدوات مخصوص للموضوع ده

علشان كده هنقول نعمل إيه بالترتيب :

الصدمة التحسسية دى رد فعل عنيف ممكن ييجى فى جهاز واحد فى الجسم

فى الجلد : على شكل انتفاخ وتورم وإكزيما عنيفة

أو

التنفس : كحة شديدة ، و ضيق نفس ، تورم حنجرى واختناق.

أو

القلب : انخفاض ضغط وتسارع نبضات مع إغماء وفقدان وعى

أو

الجهاز الهضمى زي قئ مستمر مع إسهال وجفاف .

أو قد يصيب جهازين مختلفين بمعنى تورم الوجه مع كحة

أو قئ مع احمرار عين وضيق نفس

والعلم بيقول 👌

أعراض عنيفة تصيب جهاز واحد = صدمة تحسسية .

أعراض متوسطه تصيب جهازين = صدمة تحسسية.

نعمل إيه 🤔

1. ننيم الطفل على الأرض مستوياً ونرفع رجله على كرسي بحيث الدم يوصل للمخ .

2. "فوراً" أمبول أدينالين تركيز ١ملجم /١ مل يتحلّ على ٩ سم محلول ملح يبقى عندنا ١٠ سم كاملين .

بندى ١ سم من المحلل "عضل عميق فى الفخذ الأمامى" لكل ١٠ كيلو من وزن الجسم .

يعنى طفل ١٠ كيلو ياخد ١ سم ، ٢٠ ياخد ٢ سم ٣٠ ياخد ٣ سم بحد أقصى ٣ سم منديش أكتر منهم حتى لو طفل فوق ٣٠ كيلو .

وفيه كتب بتقول مانحلش الادرينالين ، ولكن ناخده بدون تخفيف ، شرطة لكل كيلو

3. أكسجين فوراً فى حالات ضيق الصدر والإختناق .

4. طيب وإبرة الكورتيزون ؟

مش هتسعفنا فى الصدمات التحسسية عشان على ما تعلى فى الدم بتاخد ساعة تقريباً فممكن تستخدم فى الأعراض البسيطة والمتوسطة.

5. طيب عرفنا امتي ندى الادرينالين ..

امتي بقي ندى أدوية الحساسية زى حقن الكورتيزون ( السوليوكورتيف )

و أدوية الحساسية زي افيل و زيرتك وكلاريتين ؟

لو الطفل ظهر عليه أعراض خفيفة "فى جهاز واحد " زى احمرار حوالين الفم أو بقع جلدية (إكزيما) بسيطة فى أى مكان فى جسمه أو أعراض تنفسية بسيطة زى رشح كحة احمرار عين بسيط دعك >>> بنصبر ٢-٥ دقايق ونراقب الطفل ..

>> لو انتشرت وزادت جداً في الجسم كله أو انتقلت لجهاز تانى زى ضيق نفس أو كحة شديدة أو ترجيع

>> ندى فوراً أدرينالين كما سبق .

>>> لو ثبتت الأعراض كما هى ولم تنتشر >> ندى مضاد حساسية أو كورتيزون .

👌الفكرة هنا اننا لو ادينا دوا حساسية فى بداية ظهور الأعراض البسيطة هيغطى علي الأعراض الظاهرية

وممكن الطفل يدخل فى صدمة تحسسية وفقدان وعى بدون إنذار خارجى - عشان مضاد الحساسية- غطاها.

شير علشان البوست يوصل لكل أم وأب وطبيب .
🙏🙏

11/08/2019

افحص نظرك بنفسك .
مد ذراعك للأخر كأنك بتاخد سيلفي .
إذا عرفت تحدد اتجاه فتحة الدائرة لحد الصف ال ١٢ يبقي نظرك سليم و٦/٦ واكتب الحمد لله.
إذا فشلت في ده يبقي لازم تروح لدكتور العيون لفحص العين وتحديد مقاس النظر .

03/06/2019

12/03/2019

معلومة مهمة ؛ الأطفال بتغير أسنانها مرة واحده فقط . يعنى لو حصل والسنة الدائمة وقعت نتيجة ارتطام عنيف أو الطفل وقع وسنته وقعت مش هاتطلع تانى .
طيب نعمل ايه فى الحاله دى ؟؟؟
ما ترميش السنة ونعمل الأتى :
١- نمسك السنه من الكراون ( الجزء الظاهر من السنه ) وما نجيش ناحية الجذر خالص .
٢- نغسل السنة بمحلول ملح وممنوع غسلها بمطهر أو صابون .
٣- لو الأم تعرف تحط السنه فى مكانها على بال ما توصل لأقرب دكتور يبقى كويس ، لو متعرفش يبقى تحفظها فى علبه فيها لبن وتروح للدكتور فورا.
٤- كل ما روحت للدكتور بدرى كل ما كانت النتيجه أفضل .
طيب الدكتور بيعمل ايه ؟؟؟

بيثبت السنه من ٤ الى ٦ أسابيع وبيتابعها بعمل أشعة بعد ٣ شهور وكمان بعد ٦ شهور ...

ربنا يحفظ أولادنا جميعا .
*****انشرها لتعم الفائده **^**

13/11/2018

من المهم جدا ترشيد تناول المضادات الحيوية حتى لا تحدث مقاومة من قبل البكتيريا تجاهها. فمثلا المضادات الحيوية ليس لها أى دور أو فاعلية فى حالات العدوى الفيروسية مثل الإنفلونزا ونزلات البرد الفيروسية. فقط نكتفى بالراحة التامة وشرب سوائل دافئة وفيتامين سى والأدوية الخافضة للحرارة.