26/12/2022
النهاردة هنتكلم عن موضوع مهم جدا .
تقريبا ما فيش بيت او أسرة مافيهوش مريض بالسكر
وقلنا قبل كدة ان السكر يعتبر اكثر أسباب الفشل الكلوي شيوعا في مصر والعالم
آيه اللي بيحصل بالظبط .. دة اللي هنوضحة دلوقتي باْذن الله .
بس علشان تعرف اصل الحكاية لازم نبدأ من الأول 😀👇
-------------------------------
👈 مرض السكر بيتلف الأوعية الدمويه الصغيرة زي اللي موجودة في العين 👀 والمخ والقلب والكلي .
( ومن هنا ما ننساش اهميه فحص قاع العين كل سنة بالنسبة لمريض السكر )
👈 تأثير السكر علي الكلي ممكن يحصل خلال سنين طويله بدون ما المريض يحس باي مضاعفات او الم في الكلي إطلاقا .
(ومن هنا اهميه فحص الكلي كل سنه عن طريق التحاليل الطبيه والأشعة التلفزيونية )
وخلي بالك ان لما الكلي هتتعب هياثر دة علي حاله القلب والعظام والعضلات وباقي اجهزة الجسم .
--------------------------
ازاي احمي الكلي والقلب من تأثير السكر 😀؟......
١-اتباع قواعد التغذية السليمه يعني نقلل في الملح والبروتينات 🍗ونزود الفاكهة والخضروات . 🍅🍉
٢- شويه نشاط وحركة ونتمشي شويه كل يوم 🚴🏻🏃
٣- نحافظ علي مستوي السكر بالدم اقل من ١٢٠ مِم
٤- نحافظ علي ضغط الدم ١٢٠/٨٠ والكوليسترول اقل من ٢٠٠ مِم
٥- بلاش التدخين والمسكنات . 💊
٦- في ادوية بتتوصف طبيا لمريض السكر علشان تحمي الكلي من تأثير السكر 😀
٧- الكشف المبكر عن أمراض الكلي 😄
ودة هنتكلم عنه في البوست اللي جاي علي البيدج بإذن الله
فاعمل متابعة واليك وكومنت ع البوست علشان يوصلك باقي البوستات 🙏
-------------------------
اخيراً :
مرضي كتير وبعض الأطباء بيهملوا الاهتمام بمضاعفات السكر
والتأثير الضار للسكر علي العين والقلب والكلي والأعصاب
الموضوع بسيط ومش مكلف أبدا
والقصة مش كلها تظبيط نسبه السكر بالدم وخلاص
خلي بالك من صحتك واهتم بمحاولة منع وتقليل مضاعفات مرض السكر 😀😀
-------------------------------
✍️ عيادات الدكتور / مراد ابراهيم الشناوي.
👈 استشاري الأمراض الباطنة والسكر .
👈 استشاري امراض الكلي .
🤏 ( المنصورة ): شارع قناة السويس.برج الفتح الدور الاول 01009337511.
🤏 ( دمياط الجديدة): المركزية.بجوارقصر الثقافة. أمام فروستي ت: 01013505049 - 0572418636.
🤏 ( شربين): شارع باتا.برج الغنيم٤.الدور الأول ت: 01099636298 _ 0503940298
او تواصلوا معنا علي صفحتنا بالفيس بوك ،،
Fb.me/Dr.mourad.Elshinawy
ونزل الابليكيشن من جوجل بلاي من هنا
https://is.gd/An9ZoN
