26/04/2026
� أكبر 10 أخطاء بتبوّظ مناعة الأطفال
مساء الفل يا أمهات زعبولة وزعابيل مصر كلها 😄
كل يوم في العيادة نفس الجملة:
“يا دكتور ابني مناعته ضعيفة وبيتعب كتير!”
طيب قبل ما نقول المناعة ضعيفة…
تعالي نشوف إحنا بنعمل إيه في العيال أصلاً!
دي أشهر 10 أخطاء بتكسر مناعة الأطفال 👇
1️⃣ المضاد الحيوي مع أول رشحة
أول ما الطفل يعطس:
💊 مضاد حيوي
يا جماعة دور البرد فيروسي
والمضاد الحيوي مالوش أي دور.
النتيجة:
❌ ضعف المناعة
❌ مقاومة للمضادات
❌ تعب أكتر بعد كده
2️⃣ الأكل التعبان طول اليوم
طفل عايش على:
🍟 شيبسي
🍫 شوكولاتة
🥤 عصاير صناعي
وطبعاً مفيش:
🍎 فاكهة
🥦 خضار
🥚 بروتين
وبعدين نقول المناعة ضعيفة!
3️⃣ السهر وقلة النوم
الطفل اللي بينام بعد 12 بليل
وبيصحى مدرسة…
مناعته هتضعف غصب عنه.
النوم بدري = مناعة أقوى.
4️⃣ الخروج بملابس غير مناسبة للجو
الجو يقلب…
والطفل نازل بتيشيرت نص كم 😅
أو العكس:
متكوم هدوم ويتعرق.
الاتنين غلط.
5️⃣ الإفراط في المطهرات
في أمهات عاملة البيت غرفة عمليات 🧪
الأطفال لازم يتعرضوا لجراثيم بسيطة
علشان جهاز المناعة يتعلم يقاوم.
6️⃣ قلة شرب المياه
أطفال كتير طول اليوم:
🥤 عصير
🥤 بيبسي
ومفيش مياه.
الجسم محتاج مياه علشان المناعة تشتغل صح.
7️⃣ عدم الحركة
الطفل طول اليوم:
📱 موبايل
📺 كرتون
🎮 ألعاب
مفيش حركة ولا لعب.
الحركة بتنشط المناعة.
8️⃣ الإهمال في علاج الحساسية
الطفل اللي عنده:
🤧 حساسية أنف
😮💨 حساسية صدر
لو العلاج الوقائي مهمل…
هيتعب طول الشتاء.
9️⃣ إهمال التطعيمات المهمة
في تطعيمات مهمة جداً للمناعة زي:
💉 تطعيم الإنفلونزا
💉 تطعيم المكور الرئوي
دي بتقلل كتير من التهابات الجهاز التنفسي.
🔟 القلق الزائد
في أمهات فاكرة إن الطفل لازم
مايتعبش خالص
وده مستحيل.
الطفل الطبيعي ممكن يجي له
6–8 أدوار برد في السنة
وده طبيعي جداً.
الخلاصة
لو عايزة مناعة قوية لطفلك:
✔️ أكل صحي
✔️ نوم بدري
✔️ حركة ولعب
✔️ تقليل مضادات حيوية
✔️ تطعيمات
✔️ تهوية كويسة
بس كده.
❤️ لو وصلت لحد هنا يبقى انتي أم شاطرة
اعملي:
👍 لايك
💬 كومنت
🔁 شير
علشان البوست يوصل لكل أم
والعيال الغلابة يرتاحوا شوية 😅
د.مأمون عمرو منصور
اخصائي الاطفال وحديثي الولادة والمبتسرين
شبين القناطر موقف القاهرة بجوار صيدلية الخالع
كفر شبين بجوار المدرسة الإعدادي بنات
010 93588864
