د.سهام حسن- مركز نفسية طفلك

د.سهام حسن- مركز نفسية طفلك د. سهام حسن | دكتوراه في علم النفس👩‍🎓
أساعدك في تطوير المهارات التربوية والتواصل💬
وحل للمشاكل التربوية، والسلوكية والاجتماعية 🌿



حاصلة على دكتوراه علم النفس بمرتبة الشرف الأولى كلية الآداب قسم علم النفس بجامعة المنيا 2021.

مؤلفة تربوية لعدة كتب:

• كتاب " نفسية طفلك من سنة إلي 18 سنة "2014 " طبع ونشر وتوزيع دار الأنجلو المصرية.

• كتاب 101 خطأ في التربية "2015" طبع ونشر وتوزيع دار الأنجلو المصرية.

• كتاب "تحليل رسومات الأطفال " "2016" طبع ونشر وتوزيع دار الأنجلو المصرية.
كتاب "التربية الجنسية وحماية طفلك من التحرش" 2025 طبع ونشر وتوزيع دار الأنجلو المصرية.

• تصميم وإعداد حقيبة تدريبية لتأهيل اضطرابات النطق وتنمية المهارات اللغوية للأطفال من عمر شهر إلى 8 سنوات نشر وتوزيع دار الأنجلو المصرية 2021.

• برنامج تدريبي للصحة النفسية للقادات والقادات على مستوى الوطن العربي للمؤسسة الكشفية والبرنامج مترجم للغة الانجليزية.

• مؤسس ومالك منصة نفسية طفلك للتدريب والاستشارات – 01129066912 - 01025501286 .

01/12/2025

بلاش تذاكري لابنك ✋🏻

علاقتك بابنك أهم 👌🏻

#مذاكرة

إزاي أقنع ابني (١٠ سنين) يصلي؟1️⃣ خليه يشوف الصلاة..مش يسمع عنهالو شافك بتصلي بهدوء وبتتكلم مع ربنا بطمأنينة هيقلدك من غ...
30/11/2025

إزاي أقنع ابني (١٠ سنين) يصلي؟

1️⃣ خليه يشوف الصلاة..مش يسمع عنها

لو شافك بتصلي بهدوء وبتتكلم مع ربنا بطمأنينة هيقلدك من غير ضغط.

2️⃣ ابدأ بصلاة واحدة

اختاري الأسهل ليه… المغرب أو العشاء.
قول له: “تعالى نصلي سوا النهارده صلاة واحدة بس.”
لما يلتزم… أمدحه فوراً (التعزيز الإيجابي).

3️⃣ أعطيه دور جوا الصلاة

• يأذن بصوته
• يفرش السجادة
• يختار مكان الصلاة
• يبقى “الإمام” يومين في الأسبوع
دا بعطي إحساس بالقيمة والمسئولية.

4️⃣ اربط ليه الصلاة بشيء بيحبه

مثلاً : بعد الصلاة نقعد ٥ دقايق “وقت مميز” مع بعض حضن أو كلام أو لعبة بسيطة.

5️⃣ ممنوع تمامًا: التهديد – الصراخ – الإحراج

الضغط على الطفل في العبادات يخليه يكرهها تماماً لما يكبر.
والهدف إن قلبه يتعلق بالله وحب العبادات مش إنه ينفذ وخلاص ولا هو حاسس بخشوع وبيمثل أنه بيصلي أو يكذب ويقولك أنه صلى عشان يعاودك وخلاص.

❌ وتصحيح لمفهوم خاطئ يقابله كتير في الجلسات مع الأهل والمراهقين أن الأهل بيضربوا الولد أو البنت ضرب مبرح عشان يقنعه بالصلاة والمبرر «أضربوهم لسبع»

✅ ولتصحيح قال النبي ﷺ:

«مُروا أولادكم بالصلاة وهم أبناء سبع سنين، واضربوهم عليها وهم أبناء عشر، وفرقوا بينهم في المضاجع»
سنن أبي داود – 495 – حديث صحيح

وهنا “واضربوهم” مش معناها ضرب مؤذي أبداً العلماء قالوا:
• ضرب خفيف غير مبرّح
• بعد ٣ سنين كاملة من التعليم
• وليس غضباً ولا عقاباً
• والهدف “تنبيه” مش “إيذاء”

يعني علموهم من ٧ لـ ١٠ سنين بهدوء وصبر… ولما يعدي ١٠ يبقى لازم يكون فاهم إن الصلاة جزء من حياته مين فينا صبر على تدريب ابنه أو بنته ٣ سنين كاملة ل ٥ صلوات في اليوم ؟؟؟

6️⃣ أخيراً لازم ولادنا يوصلهم أنك أنت اللي محتاج لله عز وجل في كل أمور حياتك صحتك نجاحك مستقبلك تحقيق أحلامك وأهدافك عشان اربطه بالصلاة وكمان الدعاء 👌🏻


#تربية #الصلاة #العبادات

29/11/2025

📌عاجل: فصل نهائي لمدة عام لطلاب المتطاولين على معلمة في مدرسة بالإسكندرية ورسوبهم وعدم السماح بقيدهم بأي مدرسة أخرى قبل ٢٠٢٧ وإحالة إدارة المدرسة والإدارة التعليمية للتحقيق لإتخاذ أقصى عقوبة ضدهم.

تقوية ثقة ابنك بنفسه مش محتاجة تعقيد…محتاجة حضور، وكلمة تطمين، وخطوات صغيرة بتتكرر كل يوم.ومهما كان سنه ديماً يقدر يبني ...
29/11/2025

تقوية ثقة ابنك بنفسه مش محتاجة تعقيد…
محتاجة حضور، وكلمة تطمين، وخطوات صغيرة بتتكرر كل يوم.

ومهما كان سنه ديماً يقدر يبني صورة أحسن عن نفسه لو لقى حد بيصدقه ❤️

مناسب لكل الأعمار👌🏻

28/11/2025

دا جزء من فيديو طويل معلمة تتعرض لتطاول من طلاب ثانوي زي ما هو واضح في الفيديو 👇🏻

على فكرة حوادث زي دي موجودة من زمان لكن بعد السوشيال ميديا بقينا نشوفها أكتر وتنتشر أكتر وأكتر

وآخرها بيخلص بتصالح وبشكل ودي عشان مستقبل العيال ميضعش أو تهديد المعلم للتنازل وهكذا.

📌 طيب المشكلة دي بتحصل ليه دي:

• شعور المراهق بالنفوذ اللحظي في مشكلة وسط صحابه وعايز يتمنظر بعلو صوته وطوله.

• رغبة في الاستعراض قدام الموبايل والكاميرا لو حد بيصور المشكلة.

• ضعف تقدير الذات ورؤيته لنفسه فبيعوض النقص بالعنف.

• شعوره بالغضب الداخلي ومفيش حد يحتويه شعوره بطريقة صحيحة.

• بيئة أسرية مش مستقرة تقرب وتحتوي المراهق بالعكس بيئة مليانة توتر وتجاهل وعنف وإهمال لمشاعره وسلوكياته وأفكاره.

• غياب الاحترام المتبادل بين الطالب والمدرس من صغره ودا بيزرع غضب وكل ما المعلم مش بيقدر يتحتوى سلوك ومشاعر المراهق بتزيد قوة المراهق عليه.

📌 طيب المشكلة بتتكرر ليه كل سنة:

• لأن ببساطة من أمن العقاب أساء الأدب مفيش عواقب تربوية واضحة في البيت أو المدرسة.

• مش لازم يبقى عقاب مُهين لكن لازم يبقى “ردع” زي تعليق على الفصول، استدعاء ولي الأمر، فصل مؤقت، جلسات إلزامية مع أخصائي نفسي والمهم إن الطالب يعرف أن في حدود وممنوع يتعداها.

• المدارس لازم توفر جلسات دعم نفسي: إدارة غضب – مهارات ضبط النفس – احترام الذات – حل النزاعات. ده مش رفاهية ده ضرورة.

• المعلم مش دوره شرح منهج وبس لكن محتاج يعرف طبيعة المرحلة اللي بيتعامل معاها عشان يعرف يبني علاقة قوية فيها احترام وحب وحدود واضحة.

• يرجع دور الأسرة في مراقبة أولادهم من غير خنق ويسمعوهم يحطوا حدود يعلموهم احترام الكبير يوقفوهم عند الغلط من غير عنف، لكن بحزم.

• دور الإعلام والمجتمع هو نشر فيديوهات التوعية ورش للأهالي رسائل للمدارس ونفهم أولادنا يعني إيه احترام، ويعني إيه حدود.

• منع المراهق من الألعاب العنيفة وأفلام العنف والرعب ومواقع التواصل الاجتماعي اللي مليانة محتوى عنيف والعيال بتتأثر بيه بسرعة.

غير كدا الحال عمره ما هينصلح وطول ما الولد شايف أهله بيداروا على غلطه هيفضل يغلط.


#مدارس #تربيةوتعليم

27/11/2025

ابني كسول ومُهمل اعمل ايه معاه؟

الطفل مش بيتولد فوضوي هو بيتعلم الفوضى من الإهمال أخطاء وقعنا فيها معاه..

26/11/2025

تقبل الاختلاف والنقص فيك يجعل الآخر يركز وينتبه لثقتك بنفسك وقوتك 👌🏻

عشان كدا في يوم هيدروكسي الشخص اللي هيشوف عيوبك مميزات وضعفك قوة 👍🏻

علم ابنك يدافع عن نفسه لو أتعرض للتنمر التنمر صوته عالي وبيعلق جوا دماغ ولادنا. وإحنا دورنا نرفع صوت ثقتهم بنفسهم ويكون ...
25/11/2025

علم ابنك يدافع عن نفسه لو أتعرض للتنمر

التنمر صوته عالي وبيعلق جوا دماغ ولادنا.

وإحنا دورنا نرفع صوت ثقتهم بنفسهم ويكون أعلى من صوت اللي أذاهم.

ويعرفوا أن قيمتهم الحقيقية مش برأي حد فيهم.

#التنمر

قضية الطفلة إيسل اللي ماتت من سنتين في أغسطس 2023كانت بتلعب في حمام السباحة مع صاحبتها والأم واقفة قدامها وأختها طلبت من...
24/11/2025

قضية الطفلة إيسل اللي ماتت من سنتين في أغسطس 2023
كانت بتلعب في حمام السباحة مع صاحبتها والأم واقفة قدامها وأختها طلبت من الأم تروح الحمام، اتحركت دقيقة واحدة بس

كان بيراقبها ولد عنده ١٥ سنة أول ما الأم بعدت نط في المايه وشد آيسل تحت الماية كتم نفسها جالها سكتة قلبية واعتدى عليها.

وأخد ١٥ سنة سجن لأنه في نظر القانون طفل !!

المراهق مش طفل لأن المراهق عنده وعي جنسي كامل وممكن يستغل طفل أصغر لأنه أضعف منه.
وخليني أقولكم اللي يحرك ش**ة المراهق بالشكل دا:

١. المحتوى الجنسي المفتوح والسهل الوصول ليه على موبايله طول الوقت.

٢. غياب الرقابة والحدود التربوية والدينية .

٣. فهم خاطئ للحدود والعواقب والعقاب .

٤. عدم وجود عقاب واضح من الأهل والمجتمع يخوف أي حد يسمع القصة ويخاف يقلدها أو يفكر للحظة في الغلط.

٥. المراهق أكتر حد بيغلط تحت غطاء المعتقدات الاجتماعية “عيال بيلعبوا”
"دا حتة عيل معقول يفكر في الكلام دا"
“ما يعرفش يعمل كده”

٦. مش بتكون اول مرة يغلط بس الكل سكت عليه واتقال هتضيعوا مستقبله وسكتوا عشان الفضايح والموضوع يتلم وكرر غلطه تاني.

وكل فترة تظهر حوادث في حق الأطفال سواء جوا المدارس أو خارجها في أي مكان وقانون حماية الطفل مش كافي ولا رادع احنا محتاجين قانون أقوى يحاسب المراهق مش يخرج بعد كام سنة متحرش شاب يبدء حياته من جديد عادي ولا كأنه عمل أي شئ في حياة أسرة وفي روح إنسان ✋🏻

٥ أخطاء أبعدي عنهم في كلامك مع ابنك وبلاش تعوديه يعملها مع الآخرين 👌🏻الحماية جزء كبير منها توعية وإرشاد وتدريب على طرق ا...
24/11/2025

٥ أخطاء أبعدي عنهم في كلامك مع ابنك
وبلاش تعوديه يعملها مع الآخرين 👌🏻

الحماية جزء كبير منها توعية وإرشاد وتدريب على طرق الدفاع عن نفسه مش بس بالكلام .


#توعية

ايه اللي حصل باختصار في حادثة مدرسة “Seeds”ظهرت شكوى من ولية أمر بتتهم 3 عمال وفرد أمن إنهم “تحر..شوا” بأطفال في مرحلة ا...
23/11/2025

ايه اللي حصل باختصار في حادثة مدرسة “Seeds”
ظهرت شكوى من ولية أمر بتتهم 3 عمال وفرد أمن إنهم “تحر..شوا” بأطفال في مرحلة الروضة بعد اليوم الدراسي.

وبعد التحقيقات الوزارة وضعت المدرسة تحت إشراف إداري ومالي كامل.

بما أننا كل فترة والتانية نسمع عن حادثة مشابهة بتفاصيلها للحادثة دي معنى كدا الخطأ والسبب متكرر طيب فين الخطأ هنا:

❌نظام مراقبة مش محكم للمتابعة حركة الأطفال داخل المدرسة لحد بوابات الخروج.
❌إشراف ضعيف على الأطفال وتحركاتهم للباص بعد انتهاء اليوم الدراسي.
❌التهاون في عقاب لأي شخص ينتهك حقوق الطفل.
❌غياب المراقبة والأمن في النقاط العامية البعيدة عن الكاميرات في المدرسة.

📌طيب نعمل إيه كأهالي؟

1) اتأكدي من إجراءات الحماية في المدرسة
اسألي بصراحة:
• مين بيبقى مع الطفل بعد انتهاء اليوم؟
• الكاميرات بتتراجع؟
• في سيستم خروج ودخول واضح؟
• هل في سياسات مكتوبة لحماية الطفل؟

لو المدرسة اتوترت من الأسئلة… اعرفي إن ده مؤشر خطر وامشي من المكان .

2) علمي طفلك “حقه في جسمه”
بأسلوب بسيط على قد سنه:
• “محدش يلمسك من غير إذن”
• “لو حد ضايقك صرخ وأجري.
• حتى لو هددك هو جبان وضعيف تعالي قولي عليه فوراً”
قولي كلامك مش بخوف بالعكس بثبات وقوة وثقة.

3) شوفي علامات الخوف عنده زي:
• تبول لا إرادي
• صمت مفاجئ
• كوابيس
• خوف غير مبرر من أشخاص معينين
• تعلق زائد بيكي ورفضه للمدرسة.
كل دي إشارات لازم ناخدها بجدية واوعي تخافي تجيبي حق ابنك لأن المتح.حرش مخفش وهو بينهم حقوق جسمه.

واخيراً ربنا يحمي ولادنا ويبعد عنهم كل شر وكل أذى يارب 🙏🏻



أمان الأطفال. انتهاك الأطفال. حماية الطفل في المدرسة. التربية والوقاية. حقوق الطفل
حماية أطفال الروضة. سلامة الأطفال في المدارس

قربِك من طفلك هو اللي بيبني أمانه وثقته بنفسه طول العمر🥰الطفل مبيحتاجش كلام كتير، محتاج إحساس إن في حد شايفه وسامعه وبيه...
23/11/2025

قربِك من طفلك هو اللي بيبني أمانه وثقته بنفسه طول العمر🥰

الطفل مبيحتاجش كلام كتير، محتاج إحساس إن في حد شايفه وسامعه وبيهتم بيه.

ابدئي بخطوات بسيطة يومياً حتى لو 10 دقايق هتشوف فرق كبير في هدوءه وحبه ليك 💛

اقتراحات بسيطة للقرب من الطفل:
• حضن يومي ثابت.
• عشر دقايق كلام معاه.
• مشاركة لعبة أو نشاط صغير.
• كلام مطمئن قبل النوم.
• تواصل بصري واحترام مشاعره.

القرب العاطفي مش رفاهية ده اللي بيعمل الارتباط الآمن ويقلل العناد والخوف والتوتر. 🌿❤️


Address

Shoubra

Opening Hours

Monday 11am - 6am
Tuesday 11am - 6am
Wednesday 11am - 6am
Thursday 11am - 6am
Saturday 11am - 6am
Sunday 11am - 6am

Telephone

+201129066912

Website

Alerts

Be the first to know and let us send you an email when د.سهام حسن- مركز نفسية طفلك posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د.سهام حسن- مركز نفسية طفلك:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram