طب الاستيوباثي،، الحكاية من البداية!
إيه حكاية علم الأستيوباثى ؟ وبيعالج أيه ؟
قبل 6 سنين فاتوا لما كنت أخصائي علاج طبيعي كان بيتحول لعيادتي مرضى عنديهم آلام مش عارف أحدد أسبابها
وكمان المريض ماينفعش يستمر على الأدوية المسكنة وإلا صحته تتدمر أكتر
وكان دايماً شاغل تفكيري إني أدور على حل جذري لأصل المشكلة؟!
وبعدها لما ظهر الاستيوباثي قدامي كتخصص بيشخص المرض بناءً على فحص الجسم بالكامل
وعلاج المرض بعلاج سببه مش بس أعراضه كان بالنسبالي نجدة لكتير من المرضى المتألمين ❤️
وشوفت أثناء 5 سنين دراسة للتخصص ده علم مبهر زي إنه بالفحص الشامل من متخصص الاستيوباثي (الطب التقويمي) ممكن نكتشف إن آلام الركبتين
و آلام أسفل الضهر ممكن يكون سببها عند الستات عملية قيصرية أجرتها، أو ممكن يكون سبب آلام الضهر ألتهاب فى القولون ده غير ان لك أن تتخيل ان واحد من كل خمسة أشخاص يعاني من متلازمة القولون العصبي "😫
وهو فعلا واحد من أكتر الأمراض المنتشرة و المشهورة ، بس 20 % من الناس ده رقم فعلا كبيير و الغريبة ان كل الأبحاث و الدراسات اللي اتعملت علي الموضوع ده مطلعتش بأسباب محددة ولا علاج محدد ، كلها أعراض مختلفة و ليها بعض الأدوية
وهنا بدأت رحلة جديدة من معالجة الأسباب لإيقاف المشكلة والآلام نهائياً.
#علم_الأستيوباثى
#عالج_السبب_انسى_التعب
