27/08/2016
تواريخ فارقة في حياة تفرق كتير 😀
2011 و2015 📆
سنتين مهمين جدا ف تاريخ تفرق كتير
ف 2011 كانت بداية الحلم وأول بذرة اتحطت ☺
بدأنا ننزل المعهد ونقابل المرضى ونحاول نشوف احتياجاتهم سواء أجهزة أو أدوية 💊💉💊 أو دم 💺 دة طبعا جنب الزيارات والحفلات ف مناسبات معينة ...
استمرينا بنغس النظام لمدة 4 سنين
لغاية بالظبط 6/ 2015
هنا كانت نقطة التحول 💪
4 سنين من التواجد جوه المعهد وبجانب المرضى كانوا كافيين عشان نحدد أهم احتياجات المعهد اللي نقدر نساعد المرضى من خلالهم 👌 وكانت ثمرتهم الثلاثية دي 👈
مهتم
خليك واعي
دمي دمك
مين "مهتم"؟!
مهتم من أهم أبطال الثلاثية 💪
بيهتم بالمرضى ويساعدهم ماديا عن طريق دعم الحالات الغير قادرة بتسديد تكاليف الأشعة والتحاليل والأدوية بالإضافة لمحاولة توفير دخل دايم لأسرة المريض
وعشان نفسية مريض السرطان بتأثر بشكل كبير على استجابته للعلاج كان لازم نهتم بدعمه نفسيا ومعنويا من خلال مجموعة أفراد خصصوا جزء من وقتهم عشان كده
"خليك واعي"؟!
مهمتنا هنا كانت محاولة نشر الوعي الصحي بين المرضى وزويهم عشان يعرفوا أكتر عن العدو اللي بيواجهوه
"دمي دمك"؟!
عشان مريض السرطان احتياجه للدم بشكل متكرر ودوري وعشان ضعف ثقافة التبرع بالدم ف مجتمعنا وعشان نسبة العجز اللي بتوصل ل 75%
كان لازم نتحرك ف الاتجاه دة عشان نوصل معاناة المريض ف المعهد للمواطنين ف الشارع من خلال مجموعة من حملات التوعية والتبرع المباشر وتسجيل بيانات المتبرعين من خلال "اتحاد المتبرعين بالدم في أسيوط ABDU"
وعشان نوصل للمرحلة دي احتاجنا ساعات كتيييير جدا من الاجتماعات و الخطط والترتيبات 📝
أسسنا جمعية تفرق كتير عشان نضمن الإطار القانوني لشغلنا
وأجرنا مقر للجمعية بيتحمل تكاليفه أعضاؤها اللي معظمهم طلبة وخريجين جداد
ولكن مشكلة المقر الحالي هو تواجده ف مكان نائي نسبيا⛔
احنا قطعنا مشوار كبير ف حلمنا بس لسه موصلناش ،وعشان نكمل ونمشي خطوات أكتر محتاجين مساعدتكم .. سواء كانت طالب أو خريج تطوعك معانا بوقتك أو مجهودك أو فكرتك 💡💡
ه "يفرق كتير"
ثلاثية تفرق كتير ( مهتم،خليك واعي،دمي دمك)✌
محتاجة دعم مادي بنظام ثابت لا يعتمد على التبرعات الغير المنتظمة ،عشان تضمن مساعدة المريض بشكل دائم
خطوتنا الجاية هي محاولة توفير مقر للفريق لممارسة أنشطته
وكمان عشان يوفر الدعم المادي الثابت للأنشطة دي ودة هيكون من خلال إقامة كورسات ودورات تدريبية للطلبة في داخل المقر .
📢📢
محتاجين مساعدتكم ف الخطوة دي عشان نوصل لمقر ف مكان مناسب بجوار المعهد أو ف وسط البلد وبإيجار مناسب
لو تقدر تساعد متترددش واعتبرها صدقة جارية.
مشاركة الـ بوست ده هـ "تفرق كتير" معانا فـ مش هنوصيكم بقي ...شير×الخير ..
لو جابب تعرف تبرعاتكم لمعهد الاورام عن طريقنا اتعمل بيها ايه شوف على اول كومنت
للتواصل و التطوع
01002496864
