What are the opening hours?

Monday 9am - 11pm Tuesday 9am - 11pm Wednesday 9am - 11pm Thursday 9am - 11pm Friday 3am - 7pm Saturday 9am - 11pm Sunday 9am - 11pm

https://www.facebook.com/486251144880842/

El-Magd lab.معمل المجد للتحاليل الطبية بســــــــــوهاج, salam Street at elmahata st, Sohag (2025)

27/10/2025

....تحذير هام...من المياه الغازية......
"الصين" ، سيتم بيع شركة "كوكا كولا"
كمنظف ل الصرف الصـ,حي ، و سيتم تحويل المشروب الغازي"كوكا كولا" الذي تنتجه شركة كوكا كولا الأمريكية بموجب قرار اللجنة المركزية الصينية لجودة الأغذية إلى فئة السـ,وائل الصحـ,ية الموصى بها ل تنــ,ظيف الأنابـ,يب* ...

*سبب هذا القرار الصارم هو البحث العلمي حول محتوى المشروب وتأثيره على صحة الإنسان*...
*تم إختيار أكثر من 500 سجين في السجون الصينية لإجراء التجارب وتناولوا "كوكا كولا " ثلاث مرات يوميًا لمدة ستة أشهر* ..
*إنتهت التجربة لـ 75 منهم بالــ,وفاة*
*وأصيــ,ب 150 آخرون بالإعــ,اقة*
*وتبين أن الباقين يعانون من تفاقم أمـ,راض مزمنة و تعرضوا للأضرار صحية بدرجات متفاوتة الخــ,طورة*...
*بناء على هذه المعطيات ، توصلت الهيئة إلى إستنتاجات حول خطــ,ورة المشروبات الغازية على حياة وصحة الإنسان .. مما أدى إلى قرار بالسحب الفوري لمشروب "كوكا كولا" من جميع محلات البقالة في الدولة*...
*في الوقت نفسه لوحظت الخصائص الإيجابية للسائل على وجه الخصوص في السباكة كمنظف فعال للأنابيب*...

*في "تركيا" ، و لأول مرة في العالم ، بدأت محــ,اكمة ضد شركة "كوكا كولا" بسبب تركيبة المشروب التي يمكن لها أن تسبب سرطــ,ان الرئة والكبد والغدة الدرقية وســ,رطان الــ,دم*...

*في "الهند" منعت المحكمة العليا توزيع مشروب "الكولا" بسبب مخــ,اطره الصحية*...

*وحظرت "لاتفيا" توزيع "كوكا كولا" و "البيبسي" في المدارس الإبتدائية ، وفي إنجلترا وأوكرانيا ، تم فرض حــ,ظر تناولها على المدارس*...

حقائق حول كوكا كولا

*تعتبر جيدة في إزالة الصدأ والقشور الموجودة في الغلاية واللوحة الموجودة في المرحاض ، بسبب محتوى حمض الأورثوفوسفوريك فيها*...

*وفي بعض الدول الآسيوية يستخدم المزارعون "الكوكا كولا" لقتل الآفات لأنها أرخص من المواد الكيمــ,يائية ويعطي نفس التأثير*...

*في كل ثانية يتم استهلاك 8000 كوب من مشروبات "كوكا كولا" حول العالم*...

*كل ما سبق لا ينطبق فقط على شركة "كوكا كولا" ، بل على جميع المشروبات الغازية الأخرى*...

* [[يجب أن نتذكر أن الشركة المصنعة تهتم فقط بالربح،، أما العناية بصحتك هي بين يديك أنت
فقط* ]]
منقول.....
*دمتم سالمين*

26/10/2025

الخريف .. موسم الاكزيما ..
تعرفو إنه فيه علاقة قوية
بين الأكل اللي بناكله و الاكزيما

العلاقة أساسية!
لان الأكزيما مش بس مشكلة جلدية سطحية، هي نوع من التهابات الجلد وتصنف ضمن أمراض المناعة الذاتية (Autoimmune Diseases). الفكرة إنه جهاز المناعة بيهاجم الجسم نفسه. لكن

المفاجأة إنه المشكلة الرئيسية غالباً بتبدأ من الأمعاء!
الأكزيما مرتبطة جداً بحالة اسمها "الأمعاء المتسربة" (Leaky Gut)، يعني جدار الأمعاء بيكون ضعيف ومنفذ.

طيب ليه بيحصل كده؟
اسباب كتير اهمها كثرة المضادات الحيوية، الأكل الغلط، التوتر الشديد، ونقص الفيتامينات والمعادن...

البكتيريا النافعه في الأمعاء بتضعف، وبتفقد خلايا جدار الأمعاء تماسُكها القوي. فبتتسرب جزيئات الأكل اللي ما اتهضمتش كويس من الأمعاء للدم. جهاز المناعة بيشوفها كـ "أعداء"، وبيهاجمها في أي مكان تتراكم فيه، وإذا تراكمت في الجلد، ممكن تسبب الأكزيما.

عشان كده، المراهم والكورتيزون (العلاجات الموضعية) كتير بتريح مؤقتاً بس، لأنها ما عالجتش أصل المشكلة اللي هو في الأمعاء.

الخطة الطبيعية اللي بتركز على علاج الأكزيما من جذورها:
🥗 ابدأ بالأمعاء والتغذية (الأساس):
(Elimination Diet): شوف إيه الأكل اللي بيسبب لك حساسية أو عدم تحمل. أهم المتهمين هم القمح (الجلوتين) ومنتجات الحليب. حاول تمنعهم.

الأكل اللي لازم توقفه: السكريات السريعة، المعجنات، المقالي، والأطعمة المُصنعة. دي كلها بتزود الالتهابات في الجسم.
صحة الأمعاء:
خد مكملات البروبيوتيك (Probiotics) (البكتيريا الجيدة) مع البريبايوتكس (Prebiotics) (الألياف اللي بتتغذى عليها البكتيريا) لمدة 4-5 شهور.
استخدم الأنزيمات الهاضمة (Digestive Enzymes) عشان الهضم يتحسن. لو مش متوفرة، اشرب عصير ليمون مع ماء دافي قبل الأكل بربع ساعة.

💊 مكملات مهمة عشان تعالج النقص: طبعا بعد استشاره الطبيب
الأوميجا 3 والدهون الكويسة: نقصها مشكلة كبيرة.
خد زيت السمك أو زيت بذر الكتان (3000 ملج يومياً).
زيت زهرة الربيع المسائية (Evening Primrose Oil) (1000 ملج يومياً).
أكثر من زيت الزيتون.
الزنك: خد 20 ملغ منه يومياً. بس خد بالك، الزنك بيقلل النحاس في الجسم، فضروري تاخد معاه النحاس (2-4 ملغ).
فيتامين د3 (Vitamin D3): مهم جداً لتهدئة جهاز المناعة. لازم تفحص مستواه في الدم وتوصله للمعدل المطلوب (60-100 nmol/L).

مضادات الالتهاب الطبيعية:
الكركمين (Curcumin): المادة الفعالة في الكركم، لازم تاخدها مع فلفل أسود عشان جسمك يمتصها كويس.
الخضار: كُل خضار طازج كثير واشرب عصيره عشان تنظف الكبد وتنشط عمله. الخضار بيديك الكاروتينات اللي بتتحول لفيتامين A.
عصير ورق الشعير: يعتبر منظف ومكمل ممتاز.

🧘‍♀️نمط الحياة :
النوم: السهر بيزود الالتهابات وبيخلي الأكزيما تسوء. حاول تنام 8 ساعات متواصلة كل ليلة.
الرياضة: بتساعد في تخفيف الالتهابات وبتقوي جهاز المناعة. استمر عليها بانتظام.
الشدة والتوتر (Stress): التوتر المزمن بيولع الالتهابات في الجسم. اعمل تأمل (meditation)، تنفس عميق (deep breathing)، أو يوجا (yoga) عشان تهدي أعصابك.
للحكة الموضعية: ممكن تستعمل زيت شجرة الشاي (Tea tree oil) وتدهن بيه المنطقة المصابة، بيساعد على تخفيف الحساسية والحكة.

الحقيقه ان علاج الأكزيما الطبيعي محتاج صبر والتزام، بس النتيجة تستحق .. بتيجي من الداخل
مع العلاج الخارجي !

منقول عن الزميله
Dr. Safa Habib 🌹

21/10/2025

لو طلعلك كرش حتي لو صغير وحتى لو وزنك "كويس"..
لازم تقف وتفكر ! .. لأن ده مؤشر خطير

يا جماعه مش دايمًا الكرش بييجي عشان وزنك زاد.
فيه كرش تاني أخطر بكتير، اسمه كرش الكبد الدهني، وده بييجي حتى لو وزنك ظاهريًا "حلو".
الكرش ده مش دهون تحت الجلد، دهون تحت الضلوع حوالين الكبد نفسه..
وده أول نداء استغاثة بيطلعه جسمك قبل ما تحصل مصايب!

---

يعني إيه كبد دهني؟
يعني الكبد بدأ يتحول من "مصنع طاقة" لجراج دهون.
بدل ما يحرق الدهون، بيخزنها جواه.
وبيتحول من عضو نشيط بينضف الجسم وبيصنع إنزيمات وبروتينات وهرمونات،
لكبد "مترهل" مش قادر يقوم بوظايفه.

---

📌 طيب ليه الكبد الدهني خطير؟

لأن دي مش مجرد "دهون ع الكبد" وخلاص.
دي بداية سلسلة من الانهيارات البطيئة، اللي بتبدأ من جوه وممكن تخلص بتليف أو حتى فشل كبدي لا قدر الله.

اسمعني كويس بقى 👇

1️⃣ الكبد أول ما يتشحم، بيبدأ "مقاومة الإنسولين" تزيد.
ودي معناها إن الجسم مش بيعرف يدخل الجلوكوز للخلايا.
فتبدأ الشهية تزيد، والدهون تثبت، والسمنة البطنية تكبر.
يعني الكرش بيغذي الكبد، والكبد بيغذي الكرش.. دايرة مقفولة!

2️⃣ الكبد بيبطل ينضف الدم من السموم والهرمونات الزايدة.
تبدأ هرمونات زي الإستروجين تزيد عند الستات → انتفاخ، كسل، مزاج متقلب، دورة متلخبطة.
وعند الرجالة → ضعف، كرش، خمول، ونقص في التستوستيرون.

3️⃣ الدهون اللي جواه تبدأ تطلع مواد التهابية (inflammatory cytokines).
ودي تسبب التهابات في الجسم كله: مفاصل، قولون، جلد، مخ، أعصاب.
يعني تلاقيك بتتعب من أقل مجهود، صداع، دوخة، نسيان، اكتئاب.

4️⃣ الكبد لما يتشحم أكتر، يبدأ يتليف.
ولما يتليف، مفيش طريق رجعة.
ساعتها بتدخل في مرحلة "تعب مدى الحياة" إلا لو لحقت نفسك بدري.

---

🚨 طب إيه أعراض الكبد الدهني؟

✅ كرش بارز مش متناسب مع باقي الجسم.
✅ تعب وخمول بعد الأكل.
✅ نوم مش مريح وصحيان دايم بالليل.
✅ انتفاخ وغازات وسوء هضم بعد كل وجبة.
✅ كسل في الحرق وصعوبة نزول الوزن.
✅ دهون ثلاثية وكوليسترول عاليين في التحاليل.
✅ صداع، مزاج متقلب، تركيز ضعيف.
✅ عند الستات: دورة متلخبطة، شعر بيقع، تعب قبلها بأيام.
✅ عند الرجالة: ضعف عام، خمول، فقد رغبة، وتعب متكرر.

---

🚩 طيب ولو طنشت ده ؟

لو طنشت الكرش ده، مفيش حاجة اسمها "هيقل مع الوقت".
ده هيزيد ويتحول من "كبد دهني بسيط" لـ "كبد دهني ملتهب"،
ومنها لـ "تليف كبدي"، وساعتها بتخسر أهم عضو بينضف جسمك من السموم.
وجسمك كله يبدأ يقع: مناعة ضعيفة، التهابات مزمنة، وزن مش بينزل، جلد باهت، وهرمونات مضروبة.

---

📌 ملحوظة مهمة جدًا جدا :

❌ مفيش جلسات تنزل دهون الكبد.
❌ مفيش حقن ولا كبسولات سحرية تشيلها.
❌ مفيش دايت قاسي ولا كورسات "ديتوكس" هتصلح اللي حصل.

اللي هيصلحه حاجة واحدة:
✅ تعديل سلوكك الغذائي.
✅ والنظام اللي اسمه "نظام الأكبو" (A.K.B.O) اللي بيصلح مسار الحرق من الجذر.. وهشرحه دلوقتي

---

♦️ يعني نبدأ منين؟

🔹 أولًا: امنع السكر الأبيض والنشويات المكررة فورًا.
هما السبب الأول في مقاومة الإنسولين وتخزين الدهون في الكبد.
🔹 تانيًا: خفف الأكل بعد المغرب، وسيب للكبد فترة صيام 14–16 ساعة عشان ينضف نفسه.
🔹 تالتًا: زود البروتين الطبيعي (بيض – سمك – لحمة بلدي – تونة – جبن قريش).
🔹 رابعًا: خضار كتير جدًا.. يوميًا طبق سلطة + خضار مطبوخ.
🔹 خامسًا: امشي نص ساعة على الأقل يوميًا بعد الأكل.
🔹 سادسًا: نام بدري واصحى بدري، لأن الكبد بيتجدد أثناء النوم العميق.
🔹 سابعًا: اهتم بالماغنسيوم، الزنك، فيتامين D، والسيلينيوم.. دول أساس تنظيف الكبد وتنظيم الهرمونات.

---

💥 خطة إنقاذ الكبد من التشحم.. قبل ما يدمّرك بصمت!

الكبد الدهني مش محتاج علاج خارجي،
هو محتاج تدي له فرصة يشتغل من تاني.
يعني تصححله بيئته، توقف السموم اللي داخله، وتدعمه بالأكل اللي يصلحه.

خلينا نمشي واحدة واحدة:

---

▪️أولاً: التحاليل اللي لازم تتعمل

مش علشان نخوّفك، لكن علشان نعرف "المرحلة اللي انت فيها":

1️⃣ ALT / AST / GGT – إنزيمات الكبد، لو مرتفعة يبقى في التهابات.
2️⃣ إنسولين صايم – أهم تحليل في الكبد الدهني (لو أكتر من 8 غالبًا في مقاومة إنسولين).
3️⃣ دهون ثلاثية + كوليسترول – لأنهم بيتراكموا أولاً في الكبد.
4️⃣ فيتامين D – ماغنسيوم – زنك – سيلينيوم – نقصهم معناه كبد مضغوط مش قادر ينضف نفسه.
5️⃣ CRP أو ESR – لمتابعة مستوى الالتهاب الداخلي في الجسم.

---

▪️ثانيًا: خطة الأكل العلاجية (نظام الأكبو)

النظام ده بيعتمد على أربع ركائز أساسية اسمهم A.K.B.O،
وكل حرف بيمثل مرحلة تصحيح:

---

🅰️ A = Activate الحرق والكبد

ابدأ بإلغاء اللي بيخنقه:
❌ سكر أبيض
❌ نشويات مكررة (عيش، رز، مكرونة، بطاطس)
❌ زيوت نباتية (درة، عباد شمس)
❌ أكل جاهز ومصنّع ومقليات

بدلهم بـ:
✅ بروتين طبيعي (بيض، لحمة، سمك، فراخ بلدي، تونة).
✅ خضار كتير جدًا مطبوخ وسلطة كل يوم.
✅ دهون صحية (زيت زيتون، سمنة بلدي، مكسرات، أفوكادو).

🕐 وجبتين في اليوم كفاية جدًا.
ما بين الوجبتين، مفيش سناك. سيب الكبد يصوم ويشتغل على تنظيف نفسه.

---

🅺 K = Kill الالتهاب

أي التهاب مزمن بيغذي دهون الكبد.
نعالجه بالأكل قبل الدوا:

زود التوابل المضادة للالتهاب: كركم، زنجبيل، قرفة، زعتر.

اشرب كل يوم مشروب كركم + فلفل أسود + ليمون.

نام بدري جدًا، لأن الكبد بينظف نفسه أثناء النوم من 11 مساءً لـ3 فجراً.

---

🅱️ B = Build الدعم الغذائي للكبد

الكبد محتاج مواد خام عشان يبني خلاياه ويجدد نفسه.

🔸أهم العناصر:

ماغنسيوم (قبل النوم – بيريّح الكبد والجهاز العصبي).

زنك (ينشّط إنزيمات إزالة السموم).

سيلينيوم (يحمي الخلايا من التليف).

فيتامين D (ينظّم المناعة ويدعم الحرق).

كولين – Inositol (أساسيين لإذابة دهون الكبد).

فيتامين E وC (كمضادات أكسدة قوية).

🔹 أطعمة تنظف الكبد طبيعي:
ثوم – بصل – بنجر – كركم – رمان – ليمون – جرجير – بقدونس – تفاح – كركم – شوك الجمل.

---

🅾️ O = Optimize نمط حياتك

الكبد مش بس أكل.. الكبد كمان "إيقاع حياة".
نام بدري جدًا. امشي بعد الأكل بنص ساعة. قلل التوتر بأي شكل (صلاة – تنفس – تأمل). ابعد عن المسكنات والكورتيزون والمشروبات الغازية والطاقة. اشرب مية كفاية (2.5 لتر في اليوم على الأقل).

---

⚡ ثالثًا: إشارات التحسن اللي لازم تلاحظها

بعد 3 أسابيع من الالتزام:
✅ الكرش يبدأ يقل.
✅ الهضم يتحسن.
✅ النوم أهدى.
✅ الطاقة تعلى.
✅ التحاليل تبدأ تتحسن.
✅ الجلد والمزاج والمناعة أحسن بوضوح.

---

🔁 رابعًا: لو الالتهاب عالي جدًا

(تحليل ALT أو GGT مرتفع)
يبقى لازم نضيف خطة تنظيف خفيفة للكبد:

كوب مياه دافئة + عصير نصف ليمونة + نقطة خل تفاح عضوي على الريق (يوم ويوم).

شوربة خضار يومية + خضار مطهو بالبخار.

مشروب بنجر + تفاح + جزر طبيعي مرة يوميًا.

وكبسولة Milk Thistle (شوكة الجمل) بعد الغداء يوميًا لشهر.

---------
💬 الخلاصة:
مفيش كبد بيتصلح بالعافية،
ولا بجلسة، ولا بحقنة، ولا بكورس سريع.
الكبد بيتصلح لما ترجعله احترامه،
ولما توقف تظلمه كل يوم بالأكل الغلط والنوم المتأخر والتوتر المستمر.

ابدأ النهارده بخطوة بسيطة بس حقيقية.
سيب الكبد يتنفس..
هتتفاجئ قد إيه جسمك بيرجع يشتغل زي زمان،
من غير مجهود، من غير حرمان،
بس لما تفهمه وتتعامل معاه صح.
#منقول

22/09/2025

تحاليل الكلى

من أهم التحاليل اللي الدكتور بيطلبها
: Urea – Creatinine – eGFR …

الـ Urea - Blood Urea Nitrogen – BUN
ناتج من تكسير البروتين في الكبد والكلى هي اللي بتتخلص منه في البول.
ارتفاعه ممكن يدل على فشل كلوي، جفاف، نزيف معدي أو زيادة بروتين في الأكل.
لكن مش محدد للكلى بس ممكن يعلى لأسباب تانية غير الكلى.

الـ Creatinine:ناتج من تكسير الكرياتين في العضلات.
بيتخلص منه الجسم عن طريق الكلى فقط تقريبًا.
عشان كده هو أدق من اليوريا في تقييم وظيفة الكُلى.
الطبيعي بيختلف حسب العضلات (الرجالة أعلى من الستات).
ارتفاعه غالبًا معناه إن الكلى مش بتفلتر كويس.

ـ eGFR (Estimated Glomerular Filtration Rate):
معادلة بتتحسب من الكرياتينين + العمر + الجنس
بتقولنا الكلى بتفلتر قد إيه في الدقيقة.
لو أقل من 60 فيه Chronic Kidney Disease (CKD).
ولو أقل من 15 الحالة دخلت في فشل كلوي شديد (Kidney failure).

أوقات الدكتور بيطلب Urine Albumin/Creatinine ratio … ده مهم جدًا للكشف المبكر عن مرض الكلى خصوصًا في مرضى السكر والضغط.

التحاليل دي لازم تتفسر مع بعض، لأن ممكن الكرياتينين يكون طبيعي لكن الـ eGFR منخفض (خصوصًا في كبار السن).

تخيل إن الكُليتين حجمهم صغير (حوالي قبضة اليد) …
لكن كل يوم بيفلتروا حوالي 180 لتر دم!
وبيطلع منهم حوالي 1.5 لتر بول بس … يعني بيحتفظوا بالمفيد ويرموا الضار.
وكمان ربنا مديك كليتين … ولو واحدة بس اشتغلت بكفاءة 30-40% تقدر تعيش طبيعي!

سبحان الخالق .. مين غير الله يقدر يصمم جهاز تنقية طبيعي، شغال 24/7، من غير بطارية ولا شاحن … ومع كده دقيق لدرجة إنه يفرز السموم ويرجع لك الأملاح والسوائل اللي محتاجها بالظبط؟

29/08/2025

ينادي المخ : أريد مسكن لهذا الصداع فقد أتعبني !!

= ترد عليه المعدة : أرجوك سيدي المخ بلاش المسكنات فإنها ترهقني ..
يرد المخ عليها بتهكم : وهل أقدر ان أتحمل الألم لكي لا تتعبي أيتها الأرملة ! " بيشتمها يعني "
- تتدخل الكلى : المعدة معها حق .

- يرد المخ على الكلى : لم يبقَ إلا أن نأخذ رأي مؤسسة الصرف الصحي . " مشاكس اووي المخ دا "

- الكلى غاضبة : خذ مسكن إذاً و ابحث لك عن تصريف وتنظيف لسموم الدم و البول لأن حبة المسكن ستوقف عملي 4 ساعات و سأدخل في فشل كلوي رويداً رويداً .. " عندها حق طبعاً بس مين يفهم "
يستقيظ العجوز ( الكبد ) و يقول : توقفوا عن الصراخ ، أيتها الكلى لا تتوقفي عن العمل فيكفيني السموم التي تأتيني من المعدة فقد أنهكتني وتباً لهذا الجسم الذي لا يعرف كيف ينظم غذائه ! " كدا وقعوا في بعض "

- يعاود المخ : أرجوكم ارحموني أريد مسكناً فأنا أعمل منذ الصباح !

= يرد عليه القلب : أنت تعمل منذ الصباح !!! أنا أعمل منذ خلق هذا الجسم ولم أشتكي لحظة ، أرجوك خفف من أفلام الدراما التي تشاهدها يا ابن أمي ، أنا الآن في جلسة أُنس مع الغدة الدرقية أظن أنها تحبني " فلا تفسدوا علي جلستي و إلا سأتوقف عن الضخ وسنرى من سيوصل الغذاء و الأكسجين لكم ؟

- الغدة الدرقية : من أزعج قلبي ؟ " يعيني اعيني عايزين 2 لمون هنا "

= يتدخل البنكرياس متسائلاً ؟ جدالكم له علاقة بالسكر ؟ " لا ء اسفين جدا لو صحيناك من نومك "

- ترد عليه الغدة الدرقية : لا عد لنومك فأنا ضابطة عمليات الأيض و السكر .

- المخ : ما شاء الله عليكم ! كل واحد فيكم همه نفسه وبس ! إذاً سأفصل الكهرباء ( البوتاسيوم ) عن العضلات و أطفئ العين و سأنام لم يتبق لي حل آخر . " كدا الموضوع كبر "

- الرئتين : نم عزيزي نم لكن لاتغطي وجهك كالعادة أريد أكسجين نقي وعندما تغطي كامل وجهك لايصلني أكسجين كافي وأرجوك ثم أرجوك لا تشغل المكيف
- المخ : حاضر جدتي . " بيستهون بيهم اوي المخ دا "

- المخ مكملاً : سأوقف الجسم عن العمل و أعط أمري للنوم و سأبقي وضع اللاوعي تعمل إذا أراد أحدكم شيئاً ... " عايز يعمل من بنها يعني "

-- بعد ساعة من النوم يُوقظ الجلد المخ قائلاً : ارتفعت درجة حرارتي قم وشغل لي التكييف !!!
- المخ غاضباً : لم يكن ينقصني إلا أنت يا " ملهي الرعيان ! نم وتوقف عن الحك.

لو اعجبكم إبداع الخالق صلِّ على الحبيب المصطفى .ﷺ

01/08/2025

كله فاكر إن بذور الشيا بتخسس
اه بتخسس
بس هي كمان بتعمل حاجات محدش بيقولها :
الشيا مش بس للبطن والوزن
بتنضف القولون حرفياً .. الألياف اللي فيها بتشتغل زي فرشة بتنضف جدار المعدة والقولون
يعني مشاكل الإمساك، الغازات، النفخة .. بتروح كأنك عملت ديتوكس طبيعي

بترفع التركيز والمود .. عارف إن فيها أوميجا 3 أكتر من السلمون؟
يعني دماغك هتروق، والمود هيهدى، والتركيز هيعلى .. من غير لا قهوة ولا منبهات

بتحافظ على السكر في الدم .. بتبطأ امتصاص الجلوكوز
يعني اللي بيجوع بسرعة أو بيجيله دروب سكر .. الشيا هتثبّت له الطاقة طول اليوم

وبتحسسك بالشبع؟ حقيقي
بس الشبع ده جاي من تنظيم الهضم، مش من “سد النفس”

بس خلي بالك أنت وهي .. مابتتسفش ويتشرب وراها مايه
بتتنقع على الأقل ساعتين .. أو أقولك سيبها ليله
لو دخلت جسمك بحالتها كدة تسحب كل المايه اللي في جسمك وبدل ما تنفش في الكوباية تنفش في جسمك . منقول عن
دكتور أحمد أبو النصر

15/07/2025

قال ابن قيم الجوزية عن اليقطين : ( ماؤه يقطع العطش و يُذهب الصداع الحار إذا شُرب أو غُسل به الرأس , و هو ملين للبطن , و بالجملة هو من ألطف الأغذية و أسرعها نفعا , و بذور الدباء (القرع) تطرد الدودة الوحيدة من الأمعاء و يُعد مدرراً للبول , و مزيلاً للإمساك و صالحاً لمرضى الكليتين و الأمعاء و ألتهاب المفاصل و الروماتيزم ).
من الاستعمالات المهمة لبذور حب القرع هو أنه معروف منذ القدم بقدرته على المساعدة في علاج تضخم البروستات الحميد حيث يتعرض المريض إلى أعراض جدية وهي عدم انتظام الإدرار و احتباسه , و قد أعطى تناول القرع المسلوق مع السكر و الحليب نتائج عظيمة في معالجة تضخم البروستات عند الشيوخ و كبار السن ( بعد سن 55 ). لقد أثبتت الأبحاث أن تناول منتجات القرع يُرجع غدة البروستات إلى حجمها الطبيعي و تختفي كافة الأعراض و تنتظم عملية التبول . و كذلك فأن استعمال منتجات القرع يقلل من كمية دليل سرطان البروستات إلى الحد الطبيعي

إن قرع العسل يحتوى على مجموعة كبيرة من الفيتامينات أهمها فيتامين «أ» الذى يعتبر من أهم الفيتامينات المسئولة عن صحة خلايا البشرة والأظافر، بالإضافة إلى أنه يحتوى على 83% من وزنه ماء وعلى نسبة أقل من 1% من الأحماض الذهنية المفيدة للقلب والأحماض الدهنية غير المشبعة، كما تعمل كمضادات للأكسدة، وتدعم تقوية المناعة وتقلل من الإصابة بالأمراض المزمنة وتعمل على تقليل الكولسترول فضلاً عن احتوائه على 6% من الألياف و5% فيتامينات وأملاح معدنية أخرى كالكالسيوم، والفسفور، والحديد، والصوديوم، والبوتاسيوم، والمغنيسيوم، وفيتامين أ، فيتامين ب1، فيتامين ب2، وفيتامين ج.

يجب الحرص عند استخدام القرع بعدم تناول كميات كبيرة منه، خاصة إذا كان محضرا بإضافة السكر، حتى لا يعود علينا استخدامه بزيادة فى الوزن، وتضيف، بشكل عام فإن ثمرة القرع بالبذور التى تحتويها هى غذاء غنى بالعناصر الغذائية المهمة و تعتبر بذور القرع من المطهرات القوية للأمعاء، والتى تستخدم لطرد الدودة الشريطية من جسم المصاب.

استعمالات و فوائد اليقطين الطبية :
1. ملين للمعدة يمنع الإكتام .
2. ينشط الكبد ، يمنع الريقان .
3. يزيل الصداع و الشقيقة خصوصا ً النوع النفسي ، أكلاً و وضعه موضعياً .
4. مهدئ للاعصاب و امراض النفس .
5. مدر للبول يفتت الحصى و الرمل ، يزيل التهابات الكلى ، ينشط الكلى ويقوي وظائفها .
6. يكسر العطش و يزيل الحرارة و الحمى .
7. ينفع امراض الصدر و السعال .
8. ينشط اللثة و يكافح اوجاع الاسنان .
9. يستعمله اصحاب معامل المربيات لغش المربى ، لأنه لا لون له و لا طعم فيمكن إضافته مع اي فاكهة فيعطي نفس الطعم و الرائحة .
10. هو ملين للطبيعة وفي كميات كبيرة يساعد على القيء و الاستفراغ بسبب مادة تسمى Melonie .
11. يعالج امراض الجهاز البولي و مشاكل غدة البروستات
12. شرب عصير القرع على الريق ممتاز في مكافحة الامساك الحاد - تساعد بذور القرع في اخراج الدودة الوحيدة من الامعاء

اللهم علمنا ما ينفعنا و انفعنا بما علمتنا وزدنا علما .

13/07/2025

Ascaris lumbricoides 🪱

الأسكارس هي ديدان أسطوانية طفيلية تصيب الإنسان، وتُعد من أكبر الديدان المعوية من حيث الحجم، حيث يمكن أن تصل أنثى الأسكارس إلى 30–35 سنتيمترًا، بينما الذكر يكون أقصر بطول حوالي 15–20 سنتيمترًا وذيله منحني للخلف وتعتبر علامة مميزة لتحديد الجنس.

طريقة العدوى:

تنتقل العدوى عن طريق ابتلاع بويضات الأسكارس، والتي توجد في:
• الماء أو الطعام الملوث ببراز الإنسان المصاب.
• الأيدي الملوثة.

دورة الحياة:
1. تبتلع البويضات وتصل إلى الأمعاء الدقيقة، حيث تفقس وتُطلق اليرقات.
2. تخترق اليرقات جدار الأمعاء وتنتقل عبر الدم إلى الكبد، ثم إلى الرئتين.
3. تهاجر من الرئتين إلى البلعوم، حيث تُبتلع مرة أخرى.
4. تصل إلى الأمعاء الدقيقة وتنمو لتصبح ديدانًا بالغة تتكاثر وتنتج بويضات تُطرح مع البراز.

الأعراض والمضاعفات:

• نقص التغذية نتيجة امتصاص المواد الغذائية من الأمعاء.
• نقص فيتامين A مما قد يؤدي إلى مشاكل في الرؤية .
• انسداد الأمعاء نتيجة التكاثر الكبير للديدان.
• التهاب البنكرياس أو انسداد القنوات الصفراوية.
• سعال وضيق تنفس أثناء مرور اليرقات عبر الرئتين.
• آلام في البطن، غثيان، فقدان شهية.

التشخيص:

• تحليل البراز للكشف عن بويضات الأسكارس تحت المجهر

12/07/2025

فرط نشاط الغدة الدرقية هو حالة تحدث عندما تنتج الغدة كمية مفرطة من هرمون الثيروكسين، مما يسرّع من عملية الأيض في الجسم بشكل كبير. ورغم أن الأعراض قد تظهر نهارًا، إلا أن الليل يحمل علامات مميزة يجب الانتباه لها جيدًا.

أهم الأعراض الليلية لفرط نشاط الغدة الدرقية

1. الأرق وصعوبة النوم من أبرز علامات فرط نشاط الغدة، أن الشخص يعاني من صعوبة في الدخول في النوم أو الاستمرار فيه، حتى وإن شعر بالإرهاق.

2. التعرق الليلي المفرط الاستيقاظ في منتصف الليل وأغطيتك مبللة بالعرق؟ قد لا يكون السبب مجرد حرارة الجو، بل اضطراب هرموني.

3. تسارع ضربات القلب عند الاستلقاء الإحساس بالخفقان أثناء محاولة النوم قد يكون ناتجًا عن تأثير الهرمونات الزائدة على القلب.

4. القلق الليلي أو نوبات الذعر الشعور بالخوف غير المبرر، التوتر، أو نوبات الذعر المفاجئة خلال الليل قد ترتبط بفرط نشاط الغدة.

5. فقدان الوزن رغم الشهية الجيدة إذا كنت تستيقظ جائعًا، وتأكل جيدًا طوال اليوم، ومع ذلك ينخفض وزنك، فقد تكون الغدة مسؤولة.

6. التعب الصباحي رغم النوم الكافي رغم عدد ساعات النوم الطويلة، يستيقظ البعض منهكين وكأنهم لم يناموا، بسبب اضطراب دورة النوم الطبيعية.

7. تشنجات عضلية أو رجفان أثناء الليل زيادة الهرمونات قد تؤثر على العضلات وتسبب تشنجات أو اهتزاز لا إرادي أثناء النوم.

ما الذي يجب فعله؟

1. التشخيص المبكر إجراء فحص دم بسيط لقياس مستويات هرمونات الغدة الدرقية (TSH، T3، T4) هو الخطوة الأولى والأهم.

إذا ظهرت أعراض ليلية مقلقة تتكرر، لا تؤجل زيارة الطبيب المختص في الغدد الصماء.

2. العلاج الطبي قد يصف الطبيب أدوية مضادة لهرمون الغدة مثل كاربيمازول أو ميثيمازول.

في بعض الحالات، يتم استخدام اليود المشع أو حتى التدخل الجراحي.

3. تحسين نمط الحياة تجنب الكافيين والوجبات الثقيلة قبل النوم. مارس تمارين التنفس والتأمل لمقاومة القلق الليلي. حافظ على بيئة نوم مريحة وباردة للتقليل من التعرق.

4. المكملات والتغذية أطعمة غنية بالمغنيسيوم والكالسيوم تساعد على تهدئة العضلات وتحسين النوم.

تجنب الأغذية التي تحفز الغدة مثل الصويا والكافيين بكثرة.

كلمة أخيرة النوم هو مرآة لصحة الجسد، وأي اضطراب ليلي متكرر قد يكون مفتاحًا لفهم ما يدور في أعماقك. فرط نشاط الغدة الدرقية ليس مرضًا صامتًا، بل يترك بصماته على جسدك كل ليلة. لذلك، استمع جيدًا لهمسات جسدك في ظلمة الليل، فقد تخبرك بما عجز النهار عن قوله.

19/06/2025

الميكروب السبحي
تأثير (( الميكروب السبحي((ASOT ))
في حالات التهاب اللوزتين وخطورته في حاله وجود عيب خلقي لا يعلمه المريض في صمامات القلب ولهذا يجب اجراء تحليل نسبه الميكروب السبحي في الدم في حالات التهابات اللوزتين عند الاطفال والكبار A.S.O.T
- يؤثر الميكروب السبحي علي الغشاء التاموري وهو الغشاء المحيط بعضله القلب ويشعر المصاب بسببه بوخز شديد في الصدر وفي الغالب يمتد تأثيره الي الرقبه والكتف ويمتد تأثيره الي الساقين وارتفاع درجه حراره المصاب
وهو عباره عن عدوي بكتيريه تصيب الحلق
والميكروب السبحي ليس له سبب واضح
وانما ينتقل عبر الهواء الملوث بالميكروب
ويصل الي الانسان ويستقر في اللوز
واعرضه الم شديد في الحلق
ويسبب التهابات متكرره في اللوزتين
وله مضاعفات اخري كثيره
ولهذا يجب سرعه توقيع الكشف في حاله التهابات اللوز المتكرره في الاطفال تحديدا والكبار ايضآ وعدم الكسل وعدم العلاج العشوائي ويعطي المريض والاطفال تحديدا مجرد اي مضاد حيوي وخافض للحراره معتقدا بكده انه عالج ابنه او ابنته وهو لا يعلم حاله صمامات القلب عنده وايضا يهمل طلب الطبيب في اجراء التحاليل المطلوبه —
تحياتي ……

04/06/2025

تخيل أن الناس تعتقد أن
s***m morphology
مرتبط وبيكون عامل مهم في تحديد fertility عند الراجل ، بس العلماء نفسهم لحد دلوقتي في نقطه خلاف بين ربط morphology مع fertility ! وده عشان

تقييم s***m morphology فهو مش معتمد علي اساس علمي زي معظم التحاليل ده معتمد علي عين الإنسان الي بيشتغل التحليل ! والعين بتختلف رؤيتها من شخص للتاني
(يعني مثلا واحد يقولك أنا شايف s***m tail معوج ويجي يسأل صاحبه يقوله لا ي عم ده عدل ومستقيم ! ) ، وكمان حتي في المعامل الي بتستخدم اجهزه لتقييم s***m morphology الاجهزه نفسها بتحتاج للإنسان عشان تقييم الmorphology و كمان وانت بتجهز الشريحه عشان تصبغها وتحضرها للكشف عن morphology بتعدي بمراحل كتير لو اي مرحله منهم ممشتش بالطريقه المثاليه بتاعتها هياثر تأثير كبير جدا ع نتايج s***m morphology فإذن احنا ليه من كل ده نربط بين فحص s***m morphology والmale fertility !

ولكن s***m morphology هو عامل قوي للكشف عن صحه
ال te**es عند الراجل ودول أعضاء تناسليه عند الراجل ، لان الاعضاء دي بتستجيب للعوامل البيئية أو الفسيولوجية أو المرضية بشكل قوي رغم أن الشخص نفسه ممكن تكون صحته كويسه جدا لكن الاعضاء دي بسبب العوامل المحيطه بتستجيب لها بسهوله ، كمان
ال s***m morphology بيساعد ف إن الشخص يقرر يعمل حقن مجهري ولا لا بيأخدله القرار، رغم أن زمان مكنش ف اعتبار
لs***m morphology وقت الحقن المجهري كان التركيز معظمه ع s***m motility وال s***m conc .

ومعني s***m morphology هو الكشف عن الشكل الظاهري وتقييمه للحيوان المنوي من ناحيه فحص الأجزاء الي بيتكون منها الحيوان المنوي زي head , mid piece, tail

ومعني أن عندي normal s***m morphology أن شكل الحيوان المنوي من التلات اجزاء دول طبيعي وفي شكل ومقياس وحجم طبيعي لكل منطقه منهم ، أما لو في اي مشكله في أي من المناطق دي هيسمي abnormal s***m morphology

بس خلي بالك semen عند الراجل طبيعي يكون فيه تنوع للحيوانات المنويه في حته الmorphology مفيش حد عنده بنسبه 100% الحيوانات المنويه normal morphology

وكمان مش معني أن عندك normal s***ms بشكل كامل انك معندكش أي أمراض ف المناطق التناسلية 🤷

بس هرجع واقولك حاجه أن الغلاف المحيط بالبويضه عند الانثي الي اسمه zona pellucida بيحب لما يرتبط يرتبط بnormal s***m morphology مش abnormal s***m
(إذن في علاقه بين معدل حدوث الإنجاب عند الراجل وبين s***m morphology )

16/05/2025

⛔ياجماعه ده مش اناناس ...
ومش احسن فاكهه لمرضي الكلي❌

🔴ده اسمه كنتالوب وده يعتبر خضار من القرعيات ‼️
( زي الشهد والبطيخ والقرع وغيره)
ويختلف تماما عن الاناناس الاستوائي

🔴بس كوسيله تسويقيه سموه اناناس لما نزل مصر ..ويطلق عليه ( اناناس الغلابه) 🍈🍈

لو بتحبه فهو له فوائد كتير اوي ..

🍈اهمها

بشرة أنضف
بطن أهدى
دماغ أصفى
ضغط منتظم
وطاقة بدون قهوة! بدون كافيين

إزاي ده بيحصل:😎😎

1. وشّك بينوّر؟ده مش فلتر، ده بيتا-كاروتين!
لانه بيحتوي على نسبة عالية من البيتا-كاروتين ( واحد من مضادات الأكسدة القويه) وكمان بيتحوّل لفيتامين A جوه الجسم. وطبعا ده فوايدة كتيره جدا ‼️
(صحة النظر/ نمو الخلايا /بيقوي المناعة /صحة الجلد والبشرة )

2.كرشك مش باظظ ؟!

🍈السر في الألياف اللي موجوده في الكنتالوب لانه من اكتر الفواكه اللي فيها ألياف سهلة الهضم، بتساعدك تشبع أسرع، وتنظم حركة الأمعاء، خصوصا الناس اللي عندهم امساك مزمن

✅3. بتنسى كتير؟ ممكن يكون نقص بوتاسيوم
مليان بوتاسيوم بيساعد على تحسين وظائف الدماغ، وتركيزك، وتقليل التوتر، وتنظيم ضغط الدم كمان.

🍈( كميه البوتاسيوم اللي فيه بتخليه مش احسن الفواكه لمرضي الكلي)

✅4. المية مش كفاية؟ الكنتالوب بيرطّب

✅5. بتدور على حاجه حلوة من غير تأنيب ضمير؟
الكنتالوب فيه سكر طبيعي بيدي طاقة، بس من غير هيبره سكر ولا انهيار في الجسم بعدها زي الحلويات ولا حفلات الأنسولين اللي بتعملها العصائر المصنعة 🍈🍈

✅6. مناعة بايظة؟
مليان فيتامين سي ☺️

✅7. رياضي؟
الكنتالوب صديق الجيم🍈🍈
لأن فيه بوتاسيوم وماغنسيوم، بيساعد عضلاتك تشتغل بكفاءة، وبيقلل الشد العضلي، ويساعد في الاستشفاء العضلي

بس خد بالك ⛔⛔⛔
🔴 لو عامل دايت أو مريض سكر مش ممنوع .
🍈.بس لازم تاخد بالك من الكميه ( يعني ٢ كوب كحد اقصي كافي جدا )
🔴 متفتحهاش وتقعد تاكل فيها براحتك

🔴 وكمان اغسله كويس اوي من بره لانه ممكن يكون ملوث ببكتريا او متبقيات مبيدات وممكن تغسله بأفضل منظف للخضار والفاكهه ( ميه + بيكربونات الصوديوم) 🍈

🔴 ربنا خلق كل حاجه حلوه وسخرها لينا عشان نستمتع بيها بقاعده
(كلوا واشربوا ولا تسرفوا)🤲

🔴 وادالنا اختيار صحيه ل الحلويات المدمره للصحه واللي بنقف عليها طوابير وتبوظلنا جسمنا ...

El-Magd lab.معمل المجد للتحاليل الطبية بســــــــــوهاج

27/10/2025

26/10/2025

21/10/2025

22/09/2025

29/08/2025

01/08/2025

15/07/2025

13/07/2025

12/07/2025

19/06/2025

04/06/2025

16/05/2025

Address

Opening Hours

Telephone

Website

Alerts

Shortcuts

Share

Category

Monday	9am - 11pm
Tuesday	9am - 11pm
Wednesday	9am - 11pm
Thursday	9am - 11pm
Friday	3am - 7pm
Saturday	9am - 11pm
Sunday	9am - 11pm