https://www.facebook.com/1728505403858286/

معامل بيولاب للتحاليل الطبية

Home
Egypt
Suez
معامل بيولاب للتحاليل الطبية

مجموعه معامل بيولاب اسم كبير فى عالم التحاليل الطبية بخبرة أكثر من 20 عام

مجموعه معامل بيولاب الحاصله علي شهاده الايزو2000
تعتبر مجموعه معامل بيولاب اكبر سلسلة معامل تحاليل بالسويس ب 6 فروع على مستوى المحافظة.
و بتعاقدات مميزه مع معظم الهيئات و النقابات و توصيات من كبار الاطباء نظرا لثقتهم بنا و بخدماتنا.
و لاهتمامنا بخدمه المريض تتميز معامل بيولاب بالدقة و السرعة و ذلك باستخدام احدث الاجهزة وبفضل نخبة من الاطباء و العماله المدربه لتعمل باحدث الاساليب.

08/12/2025

✨٧ نصائح للوقاية من نزلات البرد والانفلونزا المنتشرة✨

للاسف الشديد مع دخلة الشتاء ،نزلات البرد والانفلونزا بتزيد جدا ،واللى فى بعض الأوقات بتكون صعبة وبتمنعنا عن ممارسة حياتنا بشكل طبيعى .

✨ عشان كده في البوست ده هنقولك على شويه نصائح تعملها لتجنب الإصابة بنزلات البرك والانفلونزا زى:

◀المحافظة على النظافة ، غسل اليدين بأوقات متقاربة.
◀عدم الاختلاط بأي مصاب.
◀استخدام المناديل للحفاظ على نظافة اليد خارج المنزل.
◀اكل طعام صحي وغني بالفيتامينات C و E.
◀النوم عدد ساعات كاف ليلا.
◀الاكثار من المشاريب الساخنة.
◀عند الاصابه بأي أعراض توجه للطبيب وأخذ الإجراءات اللازمة.

.
.
.

30/11/2025

مريض السكرى مش ممنوع من السكر؟!😳

💢فى المرة اللى فاتت اتكلمنا عن اهم طرق الوقاية من مرض السكرى ،المرة دى هنتكلم عن كمية السكر اللى الجسم محتاجها يوميا ،وهل لو انا مصاب بمرض السكرى معناه التوقف عن تناول السكر؟!

🔔 يعتبر السكر من أهم احتياجات الجسم يوميا ،واللى صعب جدا الاستغناء عنه ،وبيدخل فى اطعمة كتير جدا،ولكن الإفراط فيه ممكن يسبب العديد من الامراض أهمها مرض السكرى وأمراض القلب.

💢 بيختلف احتياج الجسم للسكر باختلاف النوع ،حيث: -بيحتاج الرجال حوالى37.5جرام يوميا ما يعادل تقريبا 9 معالق.
-وتحتاج النساء 25جرام يوميا ما يعادل 6معالق .

🔔ومن أهم الأسئلة عند مريض السكرى ،هل انا هتحرم من تناول السكر خالص ؟ او ايه الاكل اللى مس هقدر اكله؟

💢 اذا كان الشخص مصاب بمرض السكري فده مش معناه التوقف عن تناول السكر ولكن يفضل الاتجاة الى السكر الموجود فى الفواكه والخضروات الصحية بدلا من السكر المباشر والسكر الموجود في الحلويات والمخبوزات.

💢لا يوجد طعام طبيعى من المنتجات الغذائية الطبيعة ايا كان نوعه لا يستطيع مريض السكرى تناوله ولكن يفضل اتباع نظام صحى مناسب حسب ارشادات الطبيب لتحديد الكميات المناسبة من الأطعمة وتجنب ارتفاع او انخفاض السكر في الدم.

.
.
.
.

29/11/2025

✨7طرق للوقاية من مرض السكرى✨

💢فى المرة اللى فاتت اتكلمنا عن اهم طرق علاج مرض السكرى،المرة دى هنتكلم عن اهم الطرق اللى ممكن تحميك من الإصابة بمرض السكري.

🔔 فى عوامل كتير بتساعد على الإصابة بمرض السكري،بعضها مش بنقدر نتحكم فيه والبعض الآخر يمكن التحكم فيه عن طريق :

-تقليل السكر والكربوهيدرات المكررة فى نظامك الغذائى.
-تخفيف وزنك إن كنت تعانى من زيادة الوزن والسمنة.
-ممارسة الرياضة بانتظام.
-شرب الماء.
-تحسين مستوى فيتامين د.
-التوقف عن التدخين.
-شرب القهوة او الشاى بمعدل مرة فى اليوم.

💢تقدر دلوقتى تطمن على صحتك عن طريق تحاليل :
-سكر صائم.
-سكر فاطر.
-سكر تراكمى.
.

.
.

27/11/2025

مش كل سكر علاجه الأنسولين 🤔.

💢فى المرة اللى فاتت اتكلمنا عن اهم الفحوصات اللى بتستخدم فى تشخيص مرض السكرى ومعرفة نوعه من اجل تحديد افضل علاج مناسب وفعال،المرة دى هنتكلم عن ازاى بيتم علاج مرضى السكري.

🔔اذا تم تشخيص مريض بمرض السكرى من النوع الاول ،فيعتبر كل من :
-مراقبة وتسجيل قيم تركيز الجلوكوز فى الدم .
-حقن الأنسولين ذات الفعالية القصيرة والطويلة .
هم اهم طرق العلاج المناسبة لمرض السكري من النوع الأول.

🔔اما إذا تم تشخيص مريض بمرض السكري من النوع التانى،فيعتبر كل من:
-مراقبة تركيز الجلوكوز في الدم.
-الادوية اللى بيتم تناولها بشكل فموى واللى بيقللوا من تركيز الجلوكوز في الدم.
-حقن الأنسولين فى المراحل المتقدمة .
هم اهم طرق العلاج المستخدمة لمرض السكري من النوع ااتانى.

🔔اما عن سكرى الحمل فبيتم علاجه عن طريق التغدية الصحية وممارسة الرياضة بالإضافة الى متابعة مستوى السكر في الدم للمحافظة على صحة الأم و الجنين ومنع حدوث مضاعفات أثناء الولادة وفى بعض الاحيان يمكن استخدام الأنسولين.

عشان تعرف اكتر عن مرض السكرى،تابعنا فى المنشورات الجاية ✨.

.
.
.
.

24/11/2025

لازم تتطمن.....
التشخيص الصح هو اهم خطوة لعلاج السكرى 👌.

💢فى المرة اللى فاتت اتكلمنا عن انواع مرض السكري وازاى تحديد النوع مهم عشان نقدر نتبع افضل علاج ،انهارده هنعرف ازاى نقدر نشخص انسان بأنه مريض سكرى.

🔔بيتم تشخيص مرض السكرى عن طريق مجموعة من الفحوصات اهمها فحوصات الدم واللى بتشمل :
-فحص عشوائى لمستوى السكرى فى الدم.
-فحص مستوى السكرى فى الدم اثناء الصيام .
-اختبار الهيموجلوبين الغليكوزيلاتى المعروف باسم السكر التراكمى.

💢اذا تم تشخيص إصابة شخص بأعراض مرض السكرى طبقا للفحوصات،بيقرر الطبيب اجراء فحوصات اضافية من اجل تحديد نوع مرض السكري،من اجل تحديد افضل علاج مناسب وفعال.

🔔 ينصح معظم الأطباء بإجراء فحص دم يسمى بتحدى الجلوكوز واللى بيتم اجراءه بين الاسبوع الرابع والعشرين والاسبوع التامن والعشرين من الحمل وذلك لدى السيدات الاكثر عرضة للإصابة بمرض سكرى الحمل.

✨ لأن الوقاية خير من العلاج،ينصح الأطباء ب:
-اجراء فحص مبدئى لسكر الدم لاى شخص يزيد عمره عن ٤٥عام.
-اجراء فحوصات للكشف عن داء السكري كل ٣اعوام لاى سيدة أصيبت بسكرى الحمل.
-اجراء اختبار كل عام لاى شخص لديه مقدمات لداء السكرى.

💢 عشان تعرف اكتر عن مرض السكرى،تابعنا فى المنشورات الجاية ✨.

.
.

22/11/2025

مش كل السكر زى بعض !🤔

💢فى المرة اللى فاتت اتكلمنا عن اهم اعراض مرض السكرى،المرة دى هنتكلم عن انواع مرض السكرى.

🔔مرض السكرى مش نوع واحد ،ده اكتر من نوع ،ومهم جدا معرفة نوع السكرى عشان نقدر نتبع افضل طريق ممكن للعلاج .

💢يعتبر اهم انواع مرض السكرى هم:
-مرض السكرى من النوع الاول .
-مرض السكرى من النوع التانى.
-سكرى الحمل .

💢مرض السكرى من النوع الاول :
-يعتبر هذا النوع مرض ذاتى المناعة ،حيث بيهاجم الجسم الخلايا المسئولة عن تكوين الانسولين فى البنكرياس .
-وللاسف بيكون واجب على الشخص المصاب انه ياخد الأنسولين يوميا طول حياته.

💢مرض السكري من النوع التانى :
-يرتبط هذا النوع عادة بالتقدم بالسن وزيادة الوزن والتاريخ العائلى للاصابة بالمرض .
-يحدث هذا المرض نتيجة لانتاج البنكرياس لكمية غير كافية من الأنسولين،وكمان بيكون الجسم غير قادر على استخدام الأنسولين بشكل فعال .
-بعد عدة سنوات يصبح وضع المريض مشابه لمريض النوع الاول ويبدا فى العلاج بالانسولين.

💢سكرى الحمل:
-يحدث هذا النوع عندما تصاب السيدة بالسكرى خلال فترة الحمل خاصة بين السيدات اللى ليهم تاريخ عائلى للاصابة بمرض السكري.
-ومع الاسف يتعرض النساء اللى اتصابوا بمرض سكرى الحمل الى خطر الإصابة بمرض السكري من النوع التانى بنسبة 20-50%فى خلال من 5الى 10سنوات.

عشان تعرفوا اكتر عن مرض السكرى تابعونا فى المنشورات الجاية ✨.

.
.
.
.

16/11/2025

اعراض خفية لمرض السكري !!😳

🔔اعراض مرض السكرى المبكرة غالبا بتكون غير واضحة وخفية عشان كده بيسمى بالقاتل الصامت وخصوصا مرض السكري من النوع الثانى.

💢ولكن بالرغم من كده ،توجد مجموعة من الأعراض الاكتر شيوعا مع مرض السكرى خصوصا من النوع الاول مثل :
-الجوع المستمر.
-زيادة التبول.
-جفاف الفم.
-ضعف النظر.
-التعب.
-فقدان الوزن غير المبرر.
-اضطرابات معوية.

💢اما عن مرض السكري من النوع الثانى ،فمن اشهر اعراضه:
-كثرة الالتهابات.
-تستغرق جروحك وقت اطول للشفاء.
-الشعور بالوخز فى الاطراف.

🔔لكن للاسف فى بعض الاشخاص بيكون مرض السكرى مالوش اعراض ظاهرة ومش عارفين حتى انهم مصابين بمرض السكري،عشان كده من الافضل دايما متابعة مستوى السكر فى الدم لتجنب الاصابة بمرض السكري.

تقدر دلوقتى تطمن على صحتك عن طريق تحاليل:
- سكر صائم
- سكر فاطر
- سكر تراكمى

💢عشان تعرف اكتر عن مرض السكرى وازاى ممكن تقدر تتجنبه تابعنا فى المنشورات الجاية ✨.

.
.
.
.

12/11/2025

💢٤٠٠ مليون شخص حول العالم مصابون بمرض السكري 😳.

💢شخص واحد مصاب بمرض السكري بين كل ١١ شخصا .

💢بحسب إحصائيات الاتحاد الدولى للسكرى ،تربعت مصر على رأس القائمة،حيث سجلت أكثر من 7.8مليون حالة اصابة بمرض السكري عام 2015،وكانت نسبة انتشاره بين البالغين مابين 20-79عاما حوالى. 14.9%.

💢فى المركز الثانى كانت المملكة العربية السعودية بعدد إصابات كبير جدا حوالى 3.4مليون حالة ،وكانت نسبة انتشاره بين البالغين 17.6%.

🔔تزداد نسبة الأشخاص المصابين بمرض السكري النوع التانى فى معظم بلدان العالم.

🔔79%من الاشخاص المصابين بمرض السكري هم من البلدان محدودة او متوسطة الدخل

⚠️يسبب مرض السكري ما يقارب 4.2مليون وفاة سنويا.

⚠️ اكتر من 1.1مليون طفل مصابون بمرض السكر من النوع الاول .

⚠️ كان مرض السكري سبيلا لإنفاق ما يقارب 760مليار دولار امريكى على الاقل على الصحة فى عام 2019.

.
.
.
.

07/11/2025

السكرى اسمه حلو لكن الإصابة بيه مرة 🤦

يعتبر شهر نوفمبر هو الشهر العالمى للتوعية لمرض السكري،فحبينا نعرفكم اكتر عن مرض السكرى ،ونتكلم عنه وعن اهم أعراضه وكل ما يتعلق بيه .

💢ايه هو مرض السكري؟🤔
-السكرى هو مرض مزمن يدوم مدى الحياة،يتطلب مراقبة دقيقة من حيث العلاج والغذاء المتوازن وممارسة الرياضة.

💢يعتبر هرمون الأنسولين هو اهم الهرمونات اللى بتتحكم فى اخد الجلوكوز من الدم واستخدامه فى انتاج الطاقة اللازمة للجسم ،ويؤدى فشل إنتاج الأنسولين او فشله فى العمل إلى رفع مستوى الجلوكوز فى الدم وبالتالي فشل مختلف الأجهزة والأنسجة.

-ينشأ مرض السكري عندما لا ينتج البنكرياس ما يكفى من الأنسولين،او عندما لا يستطيع الجسم أن يستخدم الأنسولين المنتج بفاعلية .

-يختلف السبب الرئيسي لداء السكرى على حسب اختلاف النوع ،ولكن بغض النظر عن النوع ،فأنه يؤدى إلى زيادة السكر فى الدم واللى ممكن يؤدى إلى مشكلات صحية خطيرة.

🔔يصيب مرض السكري العديد من الاشخاص دون علمهم وفى بعض الأحيان بدون ظهور اعراض عشان كده يسمى بالقاتل الصامت.

-عشان تعرفوا اكتر عن مرض السكرى تابعونا فى المنشورات الجاية ✨.

.
.
.
.

03/11/2025

🚨سرطان الثدى بيصيب واحدة من كل ٨ سيدات 🚨

على مدار شهر اكتوبر اتكلمنا عن كل تفاصيل سرطان الثدي و ازاى علاجه فى مرحله مبكرة بيكون اسهل بكتير 👌
تقدرى دلوقتى تطمنى على صحتك عن طريق :
-دلالات اورام الثدى CA
-دلالات الاورام العامة CEA

فروعنا حواليكي فى كل مكان و تقدرى تبعتيلنا اى استفسار عن التحاليل الطبية على رسايل الصفحة👇

.

01/11/2025

مواعيد عمل معامل بيولاب اليوم السبت 01/11/2025 بمناسبة افتتاح المتحف المصري الكبير 🇪🇬
𓀂𓀬𓁅𓁅𓃂𓄆𓃻𓀛

31/10/2025

٩نصائح للوقاية من سرطان الثدي🌼

💢فى المرة اللى فاتت اتكلمنا عن الفحص الذاتى وازاى بيساعد على الكشف المبكر عن سرطان الثدي ،المرة دى هنتكلم عن اهم طرق الوقاية من سرطان الثدي،واهم الوسائل اللى بتقلل من خطر الاصابة بسرطان الثدي.✨

🔔 يمكن الوقاية من سرطان الثدي عن طريق مجموعة من الوسائل منها:

1-تجنب التدخين او شرب الكحوليات.🚭
2-اتباع نظام غذائى مفيد لصحتك.
3-الحفاظ على وزن صحى للجسم وممارسة الرياضة.🏋️
4-ممارسة الرضاعة الطبيعية من الثدى.
5-الحمل المبكر 🤰.
6-تجنب العلاج بالهرمونات.
7-تجنب حبوب منع الحمل.
٨-متابعة حالة الثدى عن طريق الفحص الذاتى.
٩-مراجعة الطبيب بشكل متكرر وذلك كل ٦-١٢ شهر لإجراء الفحوصات.

💢الوقاية خير من العلاج،عشان كده بينصح الاطباء دايما باتباع هذه الوسائل للتقليل من خطر الإصابة بسرطان الثدى زى ما بينصحوا بردو بالفحص الذاتى من اجل الكشف المبكر عن سرطان الثدي وتوفير طرق علاج كثيرة ومتنوعة .

.
.

Address

السويس شارع سعد زغلول برج بلير
Suez

Telephone

+201015071223

Website

facebook.com

Alerts

Be the first to know and let us send you an email when معامل بيولاب للتحاليل الطبية posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Suez?