05/11/2025
سؤال الشتاء الرسمي:
يا دكتور ألبس ابني كام طبقة؟
بص يا ست الكل، الموضوع مش بعدد الطبقات قد ما هو إحساس الطفل بالبرد.
القاعدة الذهبية: الطفل يلبس طبقة زيادة عنك إنتِ.
يعني لو انتي لابسة تيشيرت وجاكيت، هو يلبس ٢ تيشيرت وجاكت
لكن لو انتي قاعدة عرقانة والطفل ملفوف زي الكرواسان، كده احنا دخلنا في منطقة حمونيل رسمي.
خدي بالك:
إيديه ورجليه مش مقياس، الطبيعي يكونوا أبرد شوية.
اللي نتحس بيه هو رقبته أو صدره، لو دافيين يبقى تمام.
والأهم ما نحولش ابننا لبطانية ماشية على رجلين.
وعلي فكره يا تيته بنلبس نص كم بالنهار وجاكت بالليل عاااااادي 😃😃
للحجز ٠٦٢٣٤٤٩٤٤٩
#حمونيل
