31/05/2021
اولا علشان نعرف احنا بنخس ازاي لازم نعرف الهرمونات الأساسيه المسئوله عن الحرق والتخسيس
١. هرمون الأنسولين
ده عدوك اللدود لو عالي عمرك ما هتخسي لان كل ما تاكل سكر الخلايا الدهنيه توسع وهتفضل توسع وهتفضل تتخن طول ما بتاخد سكر
وخلي بالك بقي
الأنسولين من السكر لما يعلي بيفضل عالي ممكن ٣ ايام و سيادتك كل الوقت ده طالما الانسولين عالي مش هتخسي
امنعي السكر نهائي من حياتك
٢. هرمون النمو الي هو gh
وده ممتاز جدا جدا طول ماهو عالي بيحرق سعرات و الدهون مش بتتراكم وبيبقي عالي لما الأنسولين يبقي واطي يعني الاتنين أعداء و طبعا مصلحتنا نقف جنب الgh و نمنع السكر علشان هرمون النمو يفضل عالي وجسمي يفضل يحرق سعرات علي طول
٣. هرمون الكورتيزون
وده بيعلي بقي من العصبيه أو قلت النوم
لو الهرمون ده علي من الاسباب دي هرمون الأنسولين بيعلي معاه وطبعا يقلل المناعه و يعمل رعشه وعصبيه
فحاول تبقي هاديه دائما و حط ف دماغك أن الي ربنا عايزه هيكون لان الأقدار مكتوبه قبل مانتولد كلنا
يعني اعملي اللي عليكي وسيبي الباقي على الله
السوال الاهم
الدهون بتروح فين ؟
الدهون بتخرج ٧٥٪من التنفس( عمليه الشهيق والزفير)
و ٢٥٪ بيخرج في شكل مياه العرق أو البول
وعلشان تخرج مع النفس لازم ضربات القلب تزيد و ده بيحصل مع الرياضه وتمارين الكارديو زي المشي والجري ونط الحبل
وخلي بالك ادويه التخسيس بتعمل عمل الرياضه
يعني بتعلي ضربات القلب و طبعا كلها مضره جداااااا و ممنوعه ف العالم كله لأنها أثبتت ضررها الكبير ❌
طيب ازاي اعلي الحرق بشكل فعال ؟
شاي اخضر وقهوه وشرب الماء علي مدار اليوم
كل ده تمام بس مش بيعلي الحرق بشكل كبير
واكتر حاجه بتعلي الحرق هو انك تزودي الكتله العضليه ف جسمك سواء ولد او بنت لازم تتمرني حديد علشان تعملي فورمه وكمان تعلي الحرق بطريقه قويه جدا
حتي لو ف البيت ممكن تمارين علي يوتيوب و٢ دمبل أو حتي زجاجتين مايه بدلاً للحديد.
ركزي في المعلومات دي واقريها مره واتنين ونفذي 💪
