عيادة د/ لورا سامى الصياد لطب الأطفال وحديثى الولادة

01/05/2026

الحمد لله الفتره الى فاتت قدرنا نوفر كميه كبيره من تطعيم الجديرى والسحائى لينا و لاطفالنا واطفال عيادتنا عشان مناعتنا تكون اقوى والى فاضل الكميه دى لحد مااصحابهم ياخدوهم على خير ان شاء الله ❤️❤️❤️
ان شاء نيجى ف مواعيدنا لاخد التطعيمات ✅

25/04/2026

📣الاطفال المصابين ✅ بحساسيه الصدر
الفتره دى مع تغيير الفصول ودخول فصل الربيع بتاثر عليهم جدا وبتكون من اسوء الفترات على جهازهم التنفسى بسبب حبوب اللقاح الموجوده ف الجو والاتربه وده كله بيعمل
🪷 تهيج للحساسيه
🪷وبتزيد الكحة الموسمية
✅عشان كدا لازم يمشو على العلاج الموصوف ليهم
✅وميوقفوش بخاخات الصدر من نفسهم
✅وياخدو كمان العلاجات الوقائية ❤️

لو عاوزه تحافظى على صحة ابنك وتحافظى على حساسيه الصدر الموسميه علشان متقباش مزمنة اطمنى من د لورا ✨🩷🩷

21/04/2026

مش كل حاجة بتحصل لطفلك سببها التسنين!
كم مرة سمعتي من حد جملة :-"سيبيه ده بيسنن؟"

والحقيقة إن في أعراض كتير بيتقال عليها تسنين وهي ملهاش علاقة بيه خالص🤷‍♀️
التسنين فعلًا ليه أعراض طبيعية، زي إن الطفل يبقى متضايق شوية، بيعض في أي حاجة قدامه، وممكن حرارة بسيطة، واضطراب بسيط في النوم 👶

لكن في أعراض تانية مش من التسنين خالص، ولازم تاخدي بالك منها:-
زي ✅ارتفاع درجة الحرارة بشكل ملحوظ
✅قيء أو إسهال شديد، خمول واضح،
✅أو رفض كامل للرضاعة.
الأعراض دي غالبًا بتكون بسبب عدوى أو مشكلة تانية لازم ليها تشخيص.

المشكلة إن الاعتماد على فكرة “ده تسنين” ممكن يخلي الأم تتأخر في التشخيص، وده بيعرض الطفل لمضاعفات كان ممكن نتفاداها بسهولة.
خليكي دايمًا مركزة في التفاصيل، التسنين بسيط، لكن في أعراض مهمة تتشخص بدري عشان تعالجيها♥️
د/لورا سامي هتساعدك في التشخيص الصح لطفلك🥰

15/04/2026

الديدان والطفيليات في بطن الأطفال… مشكلة تبان بسيطة لكنها محتاجة انتباه‼️
جسم الطفل حساس، وأحيانًا ميكروبات أو طفيليات صغيرة بتقدر تدخل البطن وتسبب مشاكل لو متعالجتش.
📌الأعراض اللي ممكن تلاحظيها:
🔹️آلام في البطن بشكل متكرر
🔹️حكة حول فتحة الشرج خصوصًا بالليل
🔹️فقدان وزن أو شهية ضعيفة
🔹️تعب وخمول مش معتاد
🔹️أحيانًا قيء أو إسهال
💖 نصيحة مهمة:
✔️حافظي على نظافة الطفل وألعابه وغسله الجيد لليدين
✔️تابعي مع دكتور الأطفال إذا ظهرت الأعراض أو تكررت
العلاج بسيط لكن مهم عشان جسمه يفضل صحي ومناعته قوية✅
لو عندك أي استفسار سيبي كومنت ود/لورا هتجاوبك🫶🏻

08/04/2026

📣 تطعيم الجديرى
📣 وتطعيم السحائى الى محتاجهم حاليا من كل اطفالى الى متابعين معايا
هوفرهم ان شاء الله
الى محتاجهم يبعت يحجزهم ان شاء الله اليوم وبكرة باذن الله ✅

06/04/2026

📣 الفتره الى فاتت حصل قلق حول انتشار الالتهاب السحائى وحتى الان لا توجد اى حالات منتشره ولا داعى للقلق ولكن الوقايه دائما خير من العلاج يعنى اى اسره قادره على اعطاء اولادهم التطعيم يكون افضل لدعم مناعه الطفل ✅

ايه بقى هو الالتهاب السحائى هو مرض شديد الخطوره بيعمل التهاب ف الاغشيه المحيطه بالمخ والحبل الشوكى ♦️🧠
اعراضه : ✅حمى شديده
✅تغيير فى درجات الوعى
✅تيبس ف الرقبه
✅قىء شديد ودوخة ودوار
مضاعفته خطيره جداا قد تصل لتشجنات وتلف ف المخ وصعوبات عقلية وحركيه وقد يسبب الوفاه

عشان كدا التطعيم مهم جداا ❤️
لو لاحظت أي من الأعراض دي عند طفلك، متتأخريش.

📍احجزي كشفك فورًا مع د/لورا سامي الصياد واطمني على صحته

02/04/2026

29/03/2026

طفلك بيتعرض كل يوم لعالم مليان ميكروبات وفيروسات، وجسمه الصغير لسه بيتعلم يكون مناعة عشان يحاربها✨
التطعيمات الإضافية بالنسبالة بتكون درع حماية بيقوي مناعته ضد أمراض ممكن تبقى خطيرة عليه❌
💉 التطعيمات دي:
🔹بتحميه من أمراض مكنتش موجودة في التطعيمات الأساسية
🔹بتقلل فرصة المرض الشديد لو اتعرض ليه
🔹بتدي جسمه فرصة يبني دفاع طبيعي وقوي
🛑متخليش أي مرض يسبقك…
التطعيم الإضافي مش رفاهية✨
اسألي د/لورا عن كل التطعيمات المناسبة لعمره وخليه دايمًا بأمان💖

25/03/2026

انهاردة وبكرة مش يوم خروج للأطفال وده مش هزار‼️

التراب والهواء التقيل اللي جايين ممكن يحولوا يوم عادي جدًا ليوم كله تعب لطفلك 😔
خصوصًا لو عنده حساسية صدر، جيوب أنفية، أو بيجيله كحة بسرعة.

المشكلة مش بس في التراب، المشكلة إن نفس الطفل نفسه بيتأثر بسرعة جدًا 💔

عشان كده اعملي الخطوات دي:-
✅اوعي تخرجيهم برا البيت
✅اقفلي الشبابيك
✅في حالة لو خرجوا، غيري الهدوم أول ما يرجعوا على طول
✅ولو عندهم حساسية متنسيش الأدوية في مواعيدها

الوقاية في يوم زي ده أهم من أي علاج، واحنا معاكي لأي استشارة في أي وقت 👶

لو معاكي اي مشكلة ابعتيلنا رسالة وهنرد عليكي 💌

22/03/2026

‎الماميز بعد رمضان : احنا نريح العيد ده كمان والعيد الجاي يبقي معانا العيد والعيديه ونكوي الجلابيه وكل حاجة 😂😂😂😂😂😂