https://www.facebook.com/100506458777459/

Amal Rashad-أمل رشاد

Home
Egypt
Tanta
Amal Rashad-أمل رشاد

Contact information, map and directions, contact form, opening hours, services, ratings, photos, videos and announcements from Amal Rashad-أمل رشاد, Family Therapist, Tanta.

هنساعدكم في تكوين اسره سعيده متفاهمه هنوضح لكم ازاي
تتعاملوا مع اولادكم ومع ازواجكم او زوجاتكم
…
هنساعدكم تتعالجوا من الصدمات المختلفه وتاثيرها عليكم..
هنساعدكم تغيروا طريقه تفكيركم ووعيكم واحساسكم بذاتكم وتقدروها .. من ٢٠٠٩بعد ما خلفت ابني التاني اكتشفت ان الاتنين مختلفين تماما ودايما كنت في حيره اربيهم ازاي واللي بعمله دا صح ولا غلط بعدها دورت واتعلمت ودرست دبلومه في تربيه الابناء ..ومن هنا كانت النقطه الفارقه حياتي مع اولادي اتغيرت تماما وشغفي بدراسه كل حاجه تخص اولادي وحياتي مع زوجي وكل اللي حواليا .. والعلاقات الانسانيه بين البشر وكل ما ادرس حاجه الدائره توسع وتوسع درست صحه نفسيه
ودرست اسس التربيه السليمه ودرست اداره الذات وادارة الازمه ..سلسلة طويله من الدراسه كان اخرها دكتوراه مهنيه في التنميه البشريه..
طول السنين اللي فاتت كان كل تطبيقي لعلمي مع اولادي ومع ابنائي وبناتي في الكشافة واولياء امورهم واصدقائي واقاربي ..ومن منطلق (علم ينتفع به)
بدات اوسع الدايره علشان اقدر اساعد الناس في تكوين اسره سعيده متفاهمه هنوضح لكم ازاي تقدروا تربوا ابناء اسوياء وتفهموهم كويس وازاي تحسنوا علاقاتكم بكل اللي حواليكم وكمان تظبطوا حياتكم الزوجيه والعمليه وازاي تطوروا من نفسكم ومن اولادكم بس ما تعرفوا نفسكم الاول...
ربنا يتقبلها مني ..

20/07/2025

قدرتوا

تسامحوا؟؟؟؟

01/06/2025

شدوا الفيشه…….

كلنا حقيقي الحياه ضغطانا 🫣🫣🫣
سواء شغل او بيت ،، اولاد وامتحانات .. ..
مسؤليات…………
كل واحد ضغوطه مختلفه
بس مهم جدا .. نفضل ولو وقت قليل نشد فيه فيشه المسؤليات ..
نريح دماغنا من التفكير شويه وياسلام لو نقدر نفرغ فيه طاقتنا👌😍😍
😉😉😉مش مهم طريقه شد الفيشه ممكن تكون
👈👈قاعده لوحدك مع فنجان قهوه
👈👈👈قاعده اصحاب حلوه يهونوا علي بعض
👈👈👈 اكله حلوه تاكلوها بنفس
👈👈طبطبه من اقرب حد ليك❤️❤️❤️😍😍
المهم انكم تعرفوا فعلا تشدوا الفيشه باي شكل علشان نقدر نكمل الحياه بشكل الي حد ما اقرب الي السواء❤️❤️❤️

ياريت كل حد فينا يقول بيشد الفيشه ازاي علشان نفيد بعض
يمكن نقدر ندي لغيرنا فكره تساعده يفصل من ضغوط يومه🙏☺️

19/05/2025

اذا كنت تريد تغيير مشاعرك😔😔😔
فعليك بالقيام ببعض التغييرات الصغيره في الافكار والسلوك😄😄😄😄

12/04/2025

متاح الحجز حاليا لجلسات الاستشارات النفسيه بالمركز التخصصي للطب الرياضي
من خلال الواتس اب علي رقم
٠١٢٢٥٠٠٥٦٧١

09/04/2025

فرق كبير بين شخص بيحبك ❤️❤️
وشخص خايف يخسرك😏😏
شخص لا عاوز يحبك بجد 😜😜
ولا بيسبك في حالك. 😡😡
ولما خلاص طاقتك بتخلص وبتقرري تمشي، 😔😔
فجأة تلاقيه يتغير و يحبك ويعاملك كويس 😍😍😍
تضحكي علي نفسك وتديله فرصه تانيه علي امل انه ياغير وتعيشوا كويس ..🫣🫣🫣
بس للأسف ده مش بيستمر كتير
ده بيبقي تغيير مؤقت😭😭
لحد ما يضمن انك هديتي وبقيتي خلاص موجوده
ويرجع تاني لطبعه😡😡

تفوقي تاني وتلومي في نفسك انا ايه اللي مخليني مستحمله ده 😭😭
يرجع يقولك بحبك…❤️❤️
علشان بس ما تمشيش
اعرفوا الفرق بين الحب والاستخسار👌👌👌👌

اللي بيقدر يتغير شويه ويحب ويهتم
علشان بس
ماتمشيش
يقدر يحب علي طول ويهتم علي طول
دا لو فعلا بيحب
فرقوا بين الحب والاستخسار🙏🙏🙏🙏
وبعدين خدوا قراركم
الحب عمره ما كان وعود كدابه ولا كان
مشاعر مؤقته
الفرق كبييييير

16/03/2025

مش منطقي أبداً ‘’ إنك تطلب من حد ‘’اللي إنت ماعملتوش معاه😏

21/02/2025

وقف scroll down دقيقتين بس لإن البوست ده ممكن يغير حياتك فعلاً 🙂

في حاجه في الطب اسمها placebo effect أو العلاج الوهمي
دي بتكون عبارة عن إيه ؟؟
دوا بيتكتب للمريض ونقنعه انه دوا فعال جداً .. ياخده ويخف بعدها تماماً
والدوا ده في الحقيقة fake تماماً وملوش أي تأثير حقيقي في العلاج
لكن الفكرة ان المريض خدوا وهو مقتنع تماماً ان ده علاج حالته وبيحس بعده فعلاً انه اتحسن كتير والاعراض اختفت (مع ان مفيش حاجه حصلت فعلياً)

عكسها بالظبط حاجه اسمها nocebo effect
ودي لما يتكتب دوا لمريض ونقوله انه ليه أعراض جانبية قوية زي كذا وكذا
ويبدأ يحس بالأعراض دي بعد ما ياخد الدوا .. وهو في الحقيقة برده دوا fake وملوش أي تأثير ولا حاجه

لو ركزت في المثالين هتعرف ان الفكرة وراهم حاجه واحدة .. هي قوة التوقعات
لما توقعت ان حاجه هتحصل .. حصلت بالفعل

دي قوة عند كل واحد فينا

-------------------------------------------

الفكرة بقى ازاي ممكن تستخدم قوة زي دي انت عارف انها عندك في تطوير حياتك والوصول لأهدافك ؟؟

حاجات كتير هقولك منهم 2 بس 👇

-------------------------------------------

1- توقع الأفضل دايماً

افتكر كلمة placebo وازاي لما توقعت انك هتخف .. خفيت فعلاً !!
ده بالظبط اللي هتعمله في حياتك دايماً
(عارف انها مش سهلة وأوقات كتير غصب عننا بنتوقع سيناريوهات مش حلوة) لكن كل حاجه بتيجي بالتدريج .. لان التفاؤل عامل زي العضلة اللي كل ما اتمرنت زادت وكبرت

ابدأ يومك بكره وانت متوقع ان في حاجه حلوة هتحصل (أي حاجه)
وفي نهاية اليوم فكر ايه الحاجه الحلوة اللي حصلت واكتبها

تاني يوم توقع ان في حاجتين حلوين هيحصلوا في يومك
وفي نهاية اليوم فكر ايه هما واكتبهم

تالت يوم توقع 3 حاجات .. وهكذا لمدة أسبوع أو اتنين

وهتتفاجئ مفاجأة غريبة جداً في النهاية
إن كل ما توقعت حاجات حلوة أكتر تحصل .. كل ما حاجات حلوة أكتر حصلت في حياتك فعلاً !!

-------------------------------------------

2- استخدم مع نفسك الكلام الإيجابي دايماً

الحقيقة التانية المذهلة :
ان دماغك كل ما هتسمع منك حاجه وتكررها عليها بإستمرار .. هتصدقها
والحقيقة دي ممكن تطلع منها بمفعول سحري في حياتك

مع بداية كل يوم .. اتكلم عن نفسك كلام إيجابي
أنا ذكي .. أنا جميلة .. أنا شاطر في كذا .. أنا موهوبه

جمع شوية كلام إيجابي عن نفسك وكرره كل يوم الصبح لمدة شهر

وهتتفاجئ المفاجأة التانية الغريبة
انك بقيت كل اللي انت قولته عن نفسك فعلاً .. ومصدق ومؤمن بيه

-------------------------------------------

شجعوا الحاجات الحلوة في حياتكم انها تحصل والصفات الحلوة انها تبقى فيكم
"بقوه التفكير الإيجابي"

18/02/2025

للأسف الوضع حوالينا بقي صعب…
كل السوشيال ميديا والبرامج موجهه علي انها تحول الستات لرجاله .. ( قويه ومستغنيه )

وتنقل للرجاله صوره عن شكل البيوت والتعامل مع الست علي انها آله

فبالتالي اصبحت البيوت خاويه

محتاجين نعلم الست والراجل انهم يكونوا زوج وزوجه ..يكونوا اب وام ..
وايه هو الدور. الصحيح والمطلوب من كل واحد فيهم
علشان يبنوا بيوت اساسها التكامل
وقايمه علي الموده والرحمه..

علشان نخرج اولاد وبنات تعرف تبني بيوت سعيده

بقينا بنعرف نهد الدنيا ونبنيها بس للاسف بنهدها فوق دماغ بعض ونبنيها لوحدنا ..محتاجين نعيش سعداء..

كفايانا هدم بيوت لازم كل واحد فينا يعرف
دوره كويس …
بعد ان اختلطت كل الامور..
فرحنا بالقوه والمال وللاسف والقسوه

ونسينا اننا نتعلم نعيش سعداء 😍😍

16/01/2025

ما تحطش الناس في مكانها الغلط وتزعل لما يوجعوك…..
لان الضربه كل ما كانت من قريب بتوجع اكتر

27/12/2024

عارفين إيه أكتر فتنة موجودة في الحياة دلوقت للستات والرجالة؟

مش الست اللي بتدحلب عشان تخطف راجل.. لان ولامؤاخذة مفيش راجل عيل بيتخطف .. هو بيروح بمزاجه

ولا الراجل اللي بيفضل ورا ست متجوزة عشان يستميلها.. مفيش ست بتفتح الباب ده الا وهى بتفتحه وهى شايفة الاستمالة بوضوح

اه جايز بيضعفوا.. لكن دي فتنة داخلة كده بوضوح على ضعف عندهم.. عشان تقولهم انتبهوا ابوابكم مفتحة.. وانتوا ضعفاء اوي.. واللي في قلبه خير ربنا بيحفظه أو بيربيه وبيطلع من التجربة لو عايز يحسن من نفسه متعلم الدرس كويس

لكن الفتنة الحقيقية الراجل المحترم اللي مش بيحاول أصلا مع الستات في دايرة شغله وتعاملاته الحياتية

والست المحترمة المهذبة اللي بتتعامل مع زمايلها بأدب واحترام ومن غير تعدي حدود

لكن مش بينتبهوا لنقطة مهمة.. ان كل حركة مهذبة لمساعدة طرف من الجنس الآخر ممكن تسبب "ميل قلبي"!

دي فتنة ظاهرها حلال.. وجواها كل خطوات الحرام بداية من الخطرة!

كل كلمة طيبة بتتقال ممكن تخلي القلب يزوغ..

"مضايق من ايه"
"انت كويس"
"عندك مشكلة، اقدر اساعدك"

تقديم الخدمات.. وتقديم الدعم للجنس الآخر
ده باب فتنة بيقيد نار في قلب المتلقي!

البيوت ماليانة هم ووجع.. ستات زعلانة عندهم احتياج هاطفي والزوج مشغول مسكين في لقمة العيش أو زوج مش منتبه لمشاعرها.. أو حتى زوج مقصر

والرجالة مسحولة وبتحب تنوع اوي بالذات لما تضغط ويلاقي مراته مضغوطة.. بيقع من غير ما يحس في الحنية اللي بيلاقيها مغلفة بأدب شديد

بتحب تشرب حاجة
طب انت شكلك مضغوط مش هخلي حد من الشركة يكلمك لغاية ما تفوق

من فضلكم.... بلاش في بيئة الشغل "نحسس الآخر باننا حاسين بيهم"

بلاش الدخول في زون المشاعر ابدا

بلاش نحل مشكلة ليهم ونعدي خطوة لقلوبهم

اه.. في الاختلاط مش المهم ابدا عطاء سعااتك ولطف سياااتك.. خليهم لاهل بيتك هتبقى خير الناس "خيركم، خيركم لأهله"

في الاختلاط تؤجر اكتر في الحدود!!

متنزلش الكلفة..

متحسسش اللي قصادك بألفة
متتبسطش في المعاملة فياخدوا عليك

خلي معاملاتك في الشغل والكلام في الشغل
ملكوش دعوة بمشاكلهم واحتياجتهم

ليهم دوايرهم يغطوها

ما دام راجل وست

وبالذات المتجوزين اصلا.. لما تروحوا الشغل خلوا تعاملكم انساني عام

بلاش تكونوا فتنة لغيركم..

خليك واضح
وفي حالك
وانسان للكل بشكل عام
متدخلش في خصوصيات
وبلاش تمضية الوقت مع جنس اخر بلا هدف
وخد نية الحفاظ على القلوب

الميل القلبي ده ممكن يهد بيوت..
ويدخل زعزعة نفسية للشخص ويلغبط قيمه

وتبقى سبب في آذاه..

غلطك انك لم تتق الله في الاختلاط.. واللي بيتقي الشبهات فقد استبرأ لدينه وعرضه
منقول من دكتوره روفانا حكيم

24/12/2024

فيلم مؤثر جدا اسمه كليك " click "
قصته بتدور حوالين أب "مهندس" مشغووووول دايما بيحب زوجته و أولاده الاتنين جدا ولد وبنت ٧ و٦ سنوات .. لكنه دايما ماعندوش وقت للخروج معاهم ، ولا للتجمعات العائليه لما زوجته تعزم والده و والدته بيبقي متكدر عشان وراه شغل كتييير يخلصه ومش فاضي للتجمعات دي ..!

راح يشتري "ريموت كنترول" للتليفزيون قابل شخص غريب إداله الريموت هديه بس حذره إنه ريموت عجيب جدا وخطير و لازم يفكر كويس قبل مايستحدمه وممنوع يرجعه ..!

الأب دة محبوب أوي من زوجته وأولاده بس هو مش حاسس بنعمة العائلة ..
عاوز يعدي كل أوقات التجمعات و المهاترات والجدال و "وجع الدماغ" وحتي أوقات المرض ..!
عاوز يهرب من دوشة العيال عاوز يبطل يسمع شكاوي مراته من أعباء البيت وتحمل مسؤولية الولاد و...و...إلخ و نفسه يترقي في الشغل ..

أخد الريموت وبقى بيعرف يتحكم في الزمان والمكان والأشخاص ويعمل skip و يعدي أي فقرات فيها مجهود أو "وجع دماغ"

في الأول الموضوع عجبه وراح يشكر اللي أخد منه الريموت

بس رد عليه لما سأله إزاي دة بيحصل وقاله : إنت بتبقي موجود معاهم بجسمك بس ، عقلك هو اللي في حته تانيه ونصحه:
" الأفضل لك أن تحتفظ في عقلك ببعض الذكريات العائلية"

بس المهندس المشغول رفض وقاله :"هيفوتني ايه يعني .. ؟؟شويه مشاكل علي المشاوير ولا تمارين الولاد لا بناقص ..!

المهم إن الريموت اتبرمج علي نمط حياة المهندس دة ، و بقي بيعدي كل حاجه بالسنين ..
و في النهاية وصل فعلا إنه بقي مالك أكبر شركه معمار في العالم .. بس فاته معايشة أحداث كتيير أوي مع عيلته ..

لما كان بيفوق لوعيه كل فترات كبيييرة يلاقي أحداث كتيير فاتته تخرج ولاده ، و وفاة والده ، وان زوجته هجرته وإتجوزت واحد تاني ، وفاق لوعيه في مرة لقي نفسه في فرح ابنه
وبنته كبرت بقت آنسه زي القمر ، وبتقول لواحد غيره يا بابا ..!

إتصدم وساعتها جاتله أزمة قلبيه و راح المستشفي
لحظه وفاته جمع أولاده و ابنه كان لغي شهر العسل عشان لازم يحضر صفقة مع شركة معينه
قالهم جمله واحدة وفضل يرددها :

"Family, Family, family comes First"
" العائلة تأتي أولا "

ليه قرب فوات العمر يفتكر الواحد إنه محتاج يعيش حياته صح ..؟!!
ليه لما يكبروا الاولاد نحن لأيام لما كانوا أطفال ..؟!!
ياريتنا ندرك قيمة الأشخاص قبل أن نفقدهم ..
ياريتنا ندرك أن " السر في الرحلة " مش في الوصول ..!

استمتعوا بالعادي والموجود استمتعوا هنا ودلوقتي استمتعوا بكل وقت في طفولة ولادكم ، دة مافيش أسرع من الأيام ..!!
#منقول

Address

Tanta

Telephone

+201558667561

Website

facebook.com

Alerts

Be the first to know and let us send you an email when Amal Rashad-أمل رشاد posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Tanta?