عالم عادل

22/01/2026

لو عايز تغيّر سلوك ابنك…
ابدأ بتغيير أسلوبك 👌
❓بتتصرف إزاي لما يغلط؟
🔹 زعيق
🔹 عقاب
🔹 ولا كلام واحتواء؟

لو عايز تغيّر سلوك ابنك… ابدأ بتغيير أسلوبك 👌 🎯 وشوف الفرق بنفسك

14/01/2026

هو أنت ليه بتقول "لأ" حتى على حاجات أنا عارف إنك عايزها؟ هو عند وخلاص؟؟!
سؤال من أب لإبنه، بس كان غرضه التوبيخ مش الاستفهام، كتبته في نوت وبعد ما قعدنا سألته نفس السؤال بهدوء، قالّي :
«أنا لما أقول لأ… بحس إني كبير شوية.».
الجملة دي فهمتني حاجة مهمة.
إحنا بنزعل من العناد
وهو بيستمتع بإحساس القوة
لأول مرة في حياته 🥺.. وكأنه بيقول لنفسه "انا اكبر وأقوى حتى من الحاجة اللي حاببها او اللي انتم فاكرين أنكم بتضحكوا عليا بيها"

12/01/2026

اكتر مشهد شوفته وبشوفه في شارع، في ماركت، في مول طفل مرمي على الأرض
بيصرخ والناس بتبص.
اللي يقول: «قليل التربية»، ومامته ترد : فضحتنا، اناهعمل واسوي وهوريك في البيت 🤌
لكن أنا شفت
طفل صغير
حاسس إنه لو سكت
محدش هيشوفه 😔 حتى لو هيبصوله بنظرة وعيد وعقاب
العناد أحيانًا آخر وسيلة
عشان الطفل يتحسّ ويعلن عن نفسه.
#احتواء

10/01/2026

طفل في حضانة كان بيرفض يسيب اللعبة.
قالوا: «أناني وعنيد».
بس لما اتكلمت معاه
قال: «دي بحبها، الحاجة الوحيدة اللي بحبها هنا».
العناد ساعات
تمسّك بالأمان 🧸

09/01/2026

بعد سنين شغل مع الأطفال
اكتشفت حقيقة موجعة:
العناد مش المشكلة…
المشكلة إن في طفل
حاسس إنه لو ما صرخش
مش هيتشاف 🥀

23/12/2025

أكتر حاجة ممكن تحمي ابنك في المستقبل… مش الفلوس ولا الشهادة ولا وجودك جمبه، الحماية الحقيقية هي "احترامه لنفسه"
احترام الذات بيتزرع من الطفولة:
علّميه إن «لأ» حق، وإن الغلط تجربة نتعلّم منها مش إهانة،
وإن رأيه له قيمة حتى لو اختلف مع اللي حواليه،
وإن كرامته مش محل تفاوض تحت أي ظرف.
الطفل اللي بيكبر وهو حاسس بقيمته
هيعرف يختار صح، يحط حدود، ويحب الناس من غير ما يضيع نفسه.
وده أساس شخصية قوية ومتوازنة طول العمر.

20/12/2025

يتقدّم الهلال الأحمر المصري – فرع الغربية – بخالص الشكر والتقدير للأستاذ/ عادل حسين،
ليدر فريق الميديا، تقديرًا لجهوده المتميزة ومشاركته الفعّالة ودعمه المستمر للفريق خلال الفترة الماضية.
ولمساهمته الإيجابية وحُسن تعاونه في دعم مسيرة الفريق.
مع خالص الأمنيات له بمزيدٍ من التوفيق والنجاح، ومواصلة العطاء في خدمة الإنسانية.

15/12/2025

08/09/2025

شكرا استاذتنا على البورتريه الصحفي اللي اتقدم بجهد متميز فعلا، وشكرا وكالة الإعلام العربي 🙏

القاهرة - نهاد شعبان: لم يكن في خيال عادل حسين، ابن مدينة طنطا، أن يجد نفسه بعد 12 عامًا في قلب العمل مع الأطفال ذوي الاحتياجات الخاصة، كان شغفه في البداية باللغة العرب...

05/08/2025

كنت فاكر إني بس تعبان شوية…
لحد ما اكتشفت إني في مرحلة الاحتراق النفسي!
لو بتعاني من نفس الإحساس، الفيديو ده ليك.👇

13/07/2025

🧠🔥 لما شغلك ياخد منك كل حاجة إلا تقديرك لنفسك!
في سلسلة الفيديوهات الجاية هنتكلم عن الوظيفي: أسبابه، علاماته، وإزاي تنقذ نفسك قبل ما يفوت الأوان.
شارك الفيديو… يمكن تنقذ حد تعبان ومش قادر يتكلم. 💙

شاهد الفيديو الذي أنشأه adel hussein.

24/06/2025

طورت اداة بسيطة بتولد افكار للتعامل مع عناد الاطفال في مواقف مختلفة، وقريب هيبقى app كامل فيه ادوات كتير هتساعد في تربية الابناء وحل المشكلات السلوكية باختلافها.

شاهد الفيديو الذي أنشأه adel hussein.