https://www.facebook.com/1871119153200816/

Hamza Clinic - د. محمد حمزه, Tanta (2026)

03/08/2024

عندك طفل بيتمرن سباحة وعنده حساسية صدر يبقى ركز معايا البوست ده ليك 👌

السباحة 🏊 رياضة ممتازة لمريض حساسية الصدر لأنها بتحسن جداً وظائف الرئتين وبتقوى عضلات التنفس والانتظام في تمرين السباحة بيقلل الأعراض بشكل ملحوظ ده كلام بقوله كل يوم للحالات عندى فى العيادة 📝

لكن دايماً بننسى الشروط المهمه جداً عشان نوصل للهدف ده ☠️

⬅️ ابنك هيوقف التمرين ف فترة الانتكاسات أو فى حالة وجود أعراض (كحه /ضيق تنفس /بلغم /تزييق /نهجان /كتمة نفس )
فى الوقت ده التمرين هيضره مش هيفيده وساعتها لازم نوقف التمرين ونرجع للدكتور لحد ما حالته تستقر ونسيطر على الأعراض.

📌 طيب يا دكتور مفيش أعراض طول اليوم بس بتيجي لما بينزل التمرين ؟ يبقى هنكمل تمرين عادي ونرجع للدكتور يظبط جرعات العلاج الوقائى ويحددلك بخاخة ناخدها قبل التمرين بس

📌طيب يا دكتور ابنى ماشى بعلاج وقائى ومفيش أعراض ؟
⬅️ يروح تمرين عادى.

📌 طيب يا دكتور ابنى خلص فتره العلاج الوقائى ومفيش أعراض ؟ ⬅️ يروح تمرين عادى.

📌 طيب يا دكتور ابنى بيجليه أعراض بس بسيطة ؟ يبقى ترجعى للدكتور وهو اللى يقرر
هل دى اعراض حساسية بسيطة ؟ asthma symptoms ⬅️ يبقى نروح التمرين عادى.
ولا دى نوبة حساسية ؟ asthma exacerpation⬅️
ساعتها هنوقف التمرين.

يعني مهم أوووى نتابع ونكون مركزين مع أولادنا كويس 🚨

نيجى بقى لأهم حاجه اللى محدش بيدور عليها وده ممكن يسبب لابنك كواااارث حقيقية حتى لو هو رايح التمرين كويس ومفيش أعراض ظاهرة عليه ألا وهى ((نسبة الكلوووووووور ف الميه))

الكلور مهم للتطهير والتعقيم وقتل الجراثيم في الميه لكن بنسبه محدده المفروض تكون( 0.2 - 0.5) مجم لكل لتر او ( 1- 3 جزء في المليون ppm) فى مياه الشرب وفى حمام السباحة لا تتعدى ٣ أضعاف الرقم ده يعني 1.5 مجم / لتر او أقل من (10 ppm)

فياريت حضرتك زي ما سألت مين أحسن كابتن أدرب ابني معاه تروح بنفسك تدور ع نسبة الكلور ف الميه وتشوف القائمين على البسين فاهمين والميه بتتعاير والنسبه بتتقاس ولا لأ ⁉️

من غير ذكر اسماء
انا لقيت في أحد الأماكن المشهورة نسبة الكلور ف الميه 220 ppm 🫣 يعني 22 ضعف الحد الأقصى المسموح بيه
وطبعاً أنا شامم ريحة الكلور اللي حطينه ف الميه من أول الشارع وتم إتخاذ الإجراءات القانونية ضدهم وقتها

⬅️ طيب الكلور الزيادة عن الحد ده يعمل إيه فى أولادنا ؟

🥺 تهيج رهيب ف الجلد وهرش وحكه وطفح جلدى واكزيما
🥺 التهاب وحساسية العين
🥺 التهاب وتهيج فى الجيوب الانفية
🥺 جفاف وتساقط للشعر
🥺 الولاد طبعاً بتشرب من الميه غصب عنهم فيحصل وجع بطن وفقدان شهيه وميل للقئ واسهال
🥺 كمان الكلور ومشتقاته بيقلل حموضه المهبل وده بيسبب التهابات متكرره للمهبل عند البنات وعندي امهات كتير هتتجنن بسبب الموضوع ده تقولى يا دكتور التويلت عندى نضيف جداً وبنتي كل شويه يجيلها افرازات والتهابات طب منيييين ؟؟!! 🤔
🥺 بالإضافة إلى ان ريحة الكلور ومركباته (هيبوكلوريت) هتقفل صدر ابنك وهتفاقم أعراض حساسية الصدر وتدخله فى انتكاسات إحنا فى غنى عنها ✋

⛔ طيب الحل ايه ؟
بجملة اللي حضرتك هتصرفه على السباحه هات جهاز tds ده بيقيس نسبة الكلور ف الميه تمنه حوالى ٤٠٠ جنيه
أو ممكن تاخده من أى محل فلاتر مياه جنبك وزى ما بتقيس فلتر الميه فى البيت روح قيس نسبة الكلور ف الميه اللي ابنك هينزل يتمرن فيها بالساعات وهتدخل عينه وأنفه وصدره وجلده وهيبلعها كمان

صدقنى الموضوع يستاهل لأن الإهمال والتسيب واللامبالاه بقى فى كل شئ للأسف وصحة ولادنا مبنهزرش فيها ❤️

__________________________________________________

عيادات دكتور محمد حمزة 👨🏻‍⚕️

◾دكتوراه طب الاطفال
◾أستاذ الصدر و الحساسية بكليه الطب

- طنطا 🩺
شارع البحر . أمام مستشفى الجامعة . أعلى معمل المختبر

0403274044
01001940046
- كفر الشيخ 🩺
المحاربين الجديدة. أعلى بنك QNB
0473144411
01013988886
- قطور 🩺
ميدان الساعة. بجوار صيدلية الشفاء
0402760175
01012468516

24/05/2022

عيادات دكتور محمد حمزة 🩺

◾دكتوراه طب الاطفال
◾إستشاري الحساسية والصدر بكليه الطب

- طنطا 🏥
شارع البحر . أمام مستشفى الجامعة . أعلى معمل المختبر

0403274044
01001940046

- كفر الشيخ 🏥
المحاربين الجديدة. أعلى بنك QNB
0473144411
01013988886

- قطور 🏥
ميدان الساعة. بجوار صيدلية الشفاء

0402760175
01012468516

12/05/2022

Hay fever 🤒

حالات كتير في الفترة دى ((الربيع)) من أول مارس لنهايه مايو
بتيجي بإلتهاب تحسسي بالأنف 🤧 المعروف ب "حمى القش "

وده بيحصل ف الطفل اللي عنده استعداد وراثي أو تاريخ مرضي ف الأسرة للحساسيه نتيجة إستنشاق غبار القش (فى موسم حصاد القمح أو الأرز ) وحبوب اللقاح (في فصل الربيع) ودي ممكن تتنقل فى الجو لمسافة 5 - 10 كيلومتر يعني ماتقولش انا ساكن فى مدينه مش قريه و مفيش جنبي أراضى زراعية

وكمان التعرض بشده للروائح العطرية و وبر وشعر الحيوانات والطيور زى القطط وعصافير الزينة بتزود جداً الأعراض

حمي القش بتعمل إلتهاب حاد فى الأنف والأغشية المخاطية المبطنة للأنف وبيختلف رد فعل كل طفل عن التانى حسب درجة الحساسية وشده التعرض .

👈وفى معظم الأوقات بيكون مصحوب ب :
🔹 سيلان أنف🤧
🔹 عطس🤕 .
🔹 حكة ودموع فى العين 😢 .
🔹 صعوبة فى النوم مع إنسداد الأنف بالإفرازات الأنفية😴 .
🔹 إلتهاب الجيوب الأنفية مصحوب بصداع و إرتفاع كبير فى درجة حرارة الطفل.

⬅ العلاج بيختلف كتير عن علاج أدوار البرد العاديه باستخدام
🔹مضادات الهستامين
🔹وبخاخات الانف الموضعية اللى فيها كورتيزون .
🔹الأدوية المزيلة للإحتقان والغسيل بمحلول الملح بيكون تاثير ضعيف غالبا ف الحالات دي.

⭕ طيب ايه هى طرق الوقاية لو احنا عارفين ان الطفل جاله قبل كده حساسيه أو عنده استعداد وراثي للحساسيه 👌؟

🔹بلاش نعرض الأطفال لأى مسبب من مسببات الحساسية السابق ذكرها

🔹 في ادويه كتير فعاله ممكن تتاخد كعلاج وقائي لو احنا عارفين انه بيجيله ف الفتره ده من السنه حساسيه موسميه وطبعا العلاج لازم يكون تحت إشراف طبيب مختص لأنه بيختلف من طفل للتانى حسب شدة الأعراض 🤒

🔹حاولى بقدر الإمكان تقفلى الأبواب والشبابيك فى الفترة دى

🔹ممكن تلبسى طفلك كمامة طبية لو هيخرج من البيت

🔹إعملى تهوية للبيت الصبح بدري وبالليل متأخر في الاوقات دي بيكون عدد تركيز حبوب اللقاح ف الجو أقل مايمكن .

---------------------------------------------------------------------------

عيادات دكتور محمد حمزة 🩺

◾دكتوراه طب الاطفال
◾إستشاري الحساسية والصدر بكليه الطب

طنطا 🌸
شارع البحر . أمام مستشفى الجامعة . أعلى معمل المختبر

0403274044
01001940046

قطور 🌸
ميدان الساعة. بجوار صيدلية الشفاء

0402760175
01012468516

كفر الشيخ 🌸
المحاربين الجديدة. أعلى بنك QNB
0473144411
01013988886

12/05/2022

عيادات دكتور محمد حمزة 🩺

◾دكتوراه طب الاطفال
◾إستشاري الحساسية والصدر بكليه الطب

- طنطا 🌸
شارع البحر . أمام مستشفى الجامعة . أعلى معمل المختبر

0403274044
01001940046

- قطور 🌸
ميدان الساعة. بجوار صيدلية الشفاء

0402760175
01012468516

- كفر الشيخ 🌸
المحاربين الجديدة. أعلى بنك QNB
0473144411
01013988886

03/05/2021

من فترة اتصلت بيا مدام بتابع بولادها معايا وشبه منهاره
إلحقني يادكتور أنا روحت أتبرع بالدم فوجئت بيهم بيكلموني وبيبلغوني إني عندي #الإيدز
وطلبو مني أعيد التحليل بره وعملته ف معملين وفعلا طلع إيجابي وأنا مش عارفه جالي منين زوجي راجل محترم وعمره مايعمل حاجه تغضب ربنا وأنا نقلت دم من سنة ف مستشفى خاصه وشاكه فيهم
أعمل إيه دلوقتي ؟
طبعاً الدنيا مقلوبه وحالة من التوتر غير عادية

ربنا هداني للرد
قولتلها حضرتك كان عندك #كورونا الفتره اللي فاتت ؟؟
سكتت وبدأت تركز وقالتلي أيوه بس ده من شهر ونص كنت فاقدة الشم والتذوق وجالي دور سخونيه بوجع زور وزوجي كلمك وقولتله دي إصابه بسيطة وبعتله علاج أخدته وخفيت خلاص وهو أسبوع وكل الأعراض دي إختفت الحمد لله

قولتلها هو ده سبب تحاليل #الايدز اللي بتطلع عندك إيجابي لأن إصابه الكورونا بتلخبط الأجسام المضادة وجهاز المناعة فترة بعدها وده ممكن يخلي تحاليل زي التيفود والبروسيلا والإيدز وتحاليل كتير بتعتمد علي قياس الأجسام المضادو تطلع إيجابي
(false positive)

حضرتك مفيش عندك #إيدز ولا حاجة إطمني وكل المطلوب منك تعيدي التحليل بعد ٣ شهور من الاصابة
وإن شاء الله هتلاقيه سلبي

عدت ال ٣ شهور واتصلت بيا وجوزها كلمني من بره مصر بعد ما عادوا التحليل في أكتر من معمل والحمد لله سلبي تماماً

فرحتي بالمكالمة كانت متتوصفش ❤️

ربنا يلهمنا التوفيق والسداد دايماً 🤲🏻

18/02/2021

إبنك عنده حساسية صدرية أو صعوبة فى التنفس أو كحة أو فى صوت فى صدره والدكتور كتبله بخاخات أو جلسات استنشاق وانتِ قلقانه ؟ 🤕

علشان حد قالك إوعى تديله بخاخه ده أنا سمعت دكتور بيقول إنها بتعمل إدمان أصلها بتنفخ الرئه وإنها للكبار بس وغلط للأطفال وطبعا إنتِ كده اتلخبطتي
تصدقى كلام مين؟؟! 😵

طيب لو قولتلك إن
الجمعية الأمريكية للأمراض الصدرية .
والجمعية المصرية للحساسية والمناعة .
والجمعية الأوروبية لأمراض الصدر .
كلهم بيقولولك إن إستخدام البخاخات هو الأكثر أماناً والأكثر فاعلية والأقوى والأسرع تأثيراً والأقل فى الأعراض الجانبية.
المصدر : www.breathfree.com

لسه مش مقتنعة ... صح ؟😶

طيب ركزى معايا أكتر فى المثال ده 👇
كلنا عارفين إن موسع الشعب الهوائية (السالبيوتامول) علاج اساسي للحالات دي ...

طيب تعالى نقارن بين طفلين عندهم 3 سنين ووزنهم 15 كيلو تقريبا 👧👨

الطفل الأول 👧 بياخد ڤنتولين (سالبيوتامول) شراب 5 سم كل 12 ساعه يعنى 10 سم فى اليوم .
ال 10 سم دول فيهم 4000 ميكروجرام من المادة الفعالة اللى هى السالبيوتامول .

والطفل التانى 👨 بياخد نفس الڤنتولين بس بخاخ 2 بخه مرتين يومياً فيهم 400 ميكروجرام بس من المادة الفعالة (السالبيوتامول).

يعنى تساوى ( 1/10 ) عُشر المادة الفعالة اللى أخدها الطفل الاول 😱

مش بس كده ..... 😎
ده كمان البخاخ مفعوله أسرع بكتير وفاعليته أكتر ب ٣٠ ٪ و بيشتغل بعد دقيقتين على عكس الشراب اللى بيشتغل بعد ساعتين .

لسه برضه مش مقتنعه ... صح؟🤔
طيب هقولك حاجة كمان علشان تقتنعى وتردى بكل ثقة على أى حد يقولك بلاش البخاخ أو جلسات الاستنشاق 😉

لما الطفل 👶 بياخد الدواء فى شكل شراب بيحصل ايه ؟ 🤔

الدواء بينزل المعدة تشتغل عليه الإنزيمات الهاضمة تكسر جزء منه و بعدين يروح للكبد يتكسر جزء تاني والباقى يدخل فى الدورة الدموية علشان يروح لباقى أجزاء الجسم اللى منها الرئتين والشعب الهوائية اللى هو أصلا ً المكان اللى أنا من البداية عايز الدواء يوصله. 🙈
طيب لو الطفل 👶 بياخد الدواء فى شكل بخاخ يحصل ايه؟ 🤔
الدواء بيوصل كله للرئتين والشعب الهوائية مبااااشرة لا هيروح للمعدة ولا للكبد ولا هيوصل منه للدم ولباقى الجسم غير نسبة صغيرة جدا لا تذكر ..

وده معناه ايه يا دكتور؟ 🙄
معناه إن الأعراض الجانبية هتكون لا تذكر وأقدر أدى العلاج لفترات طويلة "لو الحالة محتاجة "بفاعلية وأمان تام 👍.

هااا .. ياترى لسه قلقانة من البخاخة وجلسة الإستنشاق؟ ياترى لسه شايفه إن الأدوية اللى بتكون فى شكل شراب أو حقن أو أقراص أفضل فى علاج الحساسية الصدرية أو الإلتهاب التحسسى أو ضيق الشعب الهوائية ؟

لو لسه عايزة تعرفى معلومات أكتر عن استخدام البخاخات وجلسات الاستنشاق تابعينا البوست الجاى 👀.

عيادات 🩺
أ.د / محمد حمزة

دكتوراة طب الأطفال
استشارى واستاذ الصدر والحساسية بكلية الطب

🔹كفر الشيخ : المحاربين الجديدة أعلى بنك قطر الوطنى 0473144411 / 01013988886

🔹طنطا : ش البحر أمام مستشفى الجامعة أعلى معمل المختبر. 0403274044 / 01001940046

🔹قطور : ميدان الساعة بجوار صيدلية الشفاء
0402760175 / 01012468516

21/09/2020

💉 مصل الأنفلونزا 💉

من التطعيمات المهمة جداً للوقاية من عدوى الجهاز التنفسي بفيروس الأنفلونزا الذى يسبب الإلتهاب الشعبي الحاد و الإلتهاب الرئوى الفيروسي (مش مجرد شوية رشح وعطس زي ما كتير فاهمين😀) و خصوصاً قبل بداية فصل الشتاء 🌧️ وما يزيد من أهمية التطعيم هذه السنة هو إحتمالية وجود تداخل في موعد إزدياد إصابات الكورونا المتوقع مع دخول فصل الشتاء و المدارس بالإضافه إلى أنه فى السنة الماضية وخلال شهري نوفمبر و ديسمبر ٢٠١٩ كانت واحدة من أسوء مواسم الإصابات التنفسيه في الأطفال و الكبار .

و حتى لا يحدث هذا التداخل لأن الأنفلونزا و الكورونا بينهم أعراض كثيرة مشتركة (حراره ؛تكسير بالجسم ؛كحه ؛ صداع ؛ألم بالحلق) أكدت وزارة الصحة على أهمية تطعيم الأنفلونزا لهذا العام و خصوصاً للأشخاص الأكثر عرضه لمشاكل الجهاز التنفسي مثل👇

♦️كبار السن بصفة عامة.
♦️أصحاب الأمراض المناعية و المزمنة مثل السكر و الضغط و أمراض الكلى و حساسية الصدر و مرضى السرطان .
♦️من هم فى الخطوط الأمامية فى التعامل مع المرضى مثل الأطباء و الصيادلة و التمريض و جميع العاملين بالمجال الصحي .
♦️ الأطفال بصفة عامة بسبب بداية العام الدراسى وخصوصاً أطفال الحساسية (الصدر والأنف) و الأطفال الذين سبق إصابتهم بإلتهاب رئوي.
♦️المدرسين و العاملين في المدارس و الحضانات .
♦️العاملين في جميع المجالات التى تحتاج إلى تعامل مباشر مع المواطنين في جميع المصالح الحكومية و الخاصة و جميع من يستخدمون المواصلات العامة والجماعية.

◾ تطعيم الأنفلونزا المتوفر لهذا العام ..

💉 Influvac 💉
وهو تطعيم الأنفلونزا الموسمية رباعي التكافؤ
ويحتوى علي أربع فصائل ( H1N1 ،H3N2 , B phuketB washington B)
ويقى من أنفلونزا A و B و يعطى للكبار و للأطفال من عمر ٣ سنوات ، التطعيم نصف مللى و يعطى كاملاً للأطفال و الكبار جرعة واحدة لاتكرر كما أنه آمن تماماً حتى للحوامل ومتوفر بالعيادة.

دمتم جميعاً فى أفصل حال 🤲😊

🌟 عيادات أ.د / محمد حمزة 👨‍⚕️
✨دكتوراه طب الأطفال / مدرس بكلية الطب
✨إستشاري أمراض الصدر والحساسية بمستشفيات جامعة طنطا
✨عضو الجمعية الأوروبية لأمراض الصدر (ERS)

عيادة طنطا 🌸
شارع البحر أمام مستشفى الجامعة أعلى معمل المختبر
0403274044 / ‭01001940046‬
عيادة قطور 🌸
ميدان الساعة بجوار صيدلية الشفاء
0402760175 / ‭01012468516‬

رقم حالات الطوارئ فقط 🚑 01020220271

05/06/2020

إستكمالاً للبوست السابق

♦️ مفيش حاجة إسمها روشتة من الفيسبوك ف نجرى نشيرها أو ده علاج بتاع حد كان عنده كورونا وربنا شفاه ف نجرى نجيبه ، مفيش حالة زى التانية لا فى الأعراض (severity) ولا فى الشدة (viral load) ولا فى خطة العلاج (management).

♦️ بروتوكولات العلاج مختلفة من مكان لمكان و بتتغير كل شوية ده مش تخبط ولا حاجة ده إسمه إكتساب خبرات متراكمة وعلم ومعرفة أكتر بمرض لم تتم دراسته فى كتب كلية الطب ، ده مرض كل معرفتنا بيه عمرها أربع شهور فقط.

♦️ لما قولنا (خليك في بيتك وبلاش الخروج) كنا نقصد لبس العيد وشراء الفوانيس والفسح والعزومات ، مش إن إبنك يكون عنده كحة و تزييق و ضيق تنفس وبيسخن وتسيبه أسبوع وإتنين عشان خايف تروح للدكتور فى الحالة دى نزولك بقى ضرورة لأن تجاهل الأعراض طول الفترة دى بيدخلنا فى مضاعفات كنا فى غنى عنها وبشوف ده كتير أوى الفترة دى .

♦️ يعنى إيه مخالط لحالة كورونا ؟
يعني حضرتك كنت فى مسافة أقل من ١٨٠ سم لمدة ١٥ دقيقة بدون كمامة إنت وهو خلال ٤٨ ساعة من ظهور الأعراض عليه.
يعنى متكلمنيش تقولى يا دكتور أنا قابلت واحد كان مسلم على واحد كان معدى على واحد كان ماشى مع واحد كان قاعد مع واحد أخوه عنده كورونا وأنا قلقان أوى وعايز أطمن 🤦‍♂️.

♦️ الأكل الصحى المتكامل والوجبات المتوازنة والنوم المنتظم والحالة النفسية الجيدة هما أحسن الوسائل لرفع المناعة.

♦️ تشخيص الكورونا أسهل من أمراض صدرية شائعة كتير وفى المرحلة اللى إحنا فيها دى (التفشي الوبائى) بقى التشخيص معتمد على الأعراض المرضية ( همدان ،تكسير ، صداع ، وجع بالجسم ، عرق غزير ، آلام بالحلق ، فقد حاسة الشم والتذوق ، فقدان للشهية ، كحة ، ضيق فى التنفس ، إرتفاع فى درجة الحرارة ، قئ ، إسهال ) ودول مش بيحصلوا كلهم مع بعض، يعنى ممكن تبدأ أعراض وبعد يومين تتحسن الأعراض دى وتظهر غيرها تستمر يومين وتختفى وتظهر غيرها وهكذا طول فتره المرض حتى التعافى منه.

♦️ مرحلة تفشى وبائى يعنى إعتمادك فى التشخيص مبقاش على وجود مخالطة مباشرة مع حالة إيجابى بمعنى توسيع دايرة الإشتباه لحالات الأعراض التنفسية ( كحة - ضيق تنفس) المصحوبه بآلام بالحلق أو حرارة مرتفعة أو أعراض إضطرابات الجهاز الهضمى ( قئ - إسهال - ألم بالبطن)
يعنى تحاليل الدم مع الآشعه المقطعية اللى بيتعملو في ساعه ،كافين جدا للتشخيص مع الأعراض المرضية .

♦️ المسحه اللى بتاخد يومين تلاته ( ده لو ربنا كرم العيان وعرف يعملها) ممكن الإستغناء عنها وهتضيع ع المريض وقت مهم جداً ، الأفضل إنى أبدأ العلاج بعد عمل الأشعة والتحاليل مع وجود الأعراض المرضية السابق ذكرها. وحتى لو التحاليل والأشعة كويسة فى الأول ده لا ينفى الإصابة.
طالما فى أعراض أبدأ علاج وأعيد تانى الفحوصات لو مفيش تحسن بعد ٤٨ ساعة.

♦️ المقطعية السيئة دي 👇👇 لحالة كورونا رغم إن المقطعية اللى قبلها ب ٣ أيام بس مكنش فيها أى حاجه وكانت طبيعية تماماً ، أصريت أبدأ لها العلاج لوجود الأعراض كاملة ،، وبرده تحاليل الحالة دى كانت كويسة فى أول ظهور الأعراض وبعد كده إتأثرت بشدة!!
وبفضل الله الحالة دى إتحسنت تماماً ف ١٠ أيام وفى البيت محتاجتش مستشفى لأننا بدأنا بدرى والعيان كشف مع أول ظهور الأعراض.

♦️ الإختبار السريع (Rapid test ) غير حاسم فى التشخيص لضعف دقته ، يعني ملوش أى قيمة لا بالسلب ولا بالإيجاب وبرده هتلاقى نفسك فى المربع صفر ومش عارف تاخد قرار . متابعة العلامات المرضية للحالة أدق لتفادى تأخير العلاج اللى هيزود حدة الأعراض بعد كام يوم وهيأخر إجراءات العزل المنزلى و هيعرض عدد أكبر من المخالطين للحالة للإصابة .

♦️ المسحة مش بتتعمل غير فى المستشفى اللى كل ما تبعد مريضك عنها كل ما كان أحسن خصوصاً الحالات البسيطة والمتوسطة ، يعني قرار وزارة الصحة بأن عمل المسحه يقتصر على الحالات الشديدة فقط قرار صح جداً.

♦️ طيب فى الحالة دى الوزارة هتعمل إحصائيات وتقيم وضعنا اليومي إزاى ؟
⬅️حضرتك كطبيب بتبعت المريض بعد تشخيصه بتقرير لأى مستشفى عام أو مركزى أو صدر أو حميات يتعمله كارت متابعة ويتسجل بياناته وياخد تعليمات العزل المنزلى ويدخل فى الإحصائيات اليومية وينزل إسمه فى قاعدة البيانات ويتصرف له (بلاكونيل ٢٠٠ - هيدروكسى كلوروكين) من قسم الرعاية الأساسية بالإدارة الصحية التابع ليها المريض وده مهم جدااااا.

♦️ الحالات بتيجى بتموت حرفياً من الرعب والخوف مش من ضيق التنفس والكحة ، دورك كطبيب تطمن المريض وأهله لأن الحالة النفسية والروح المعنوية أهم شئ ، (Reassurance) كان أول وأهم حاجة فى علاج أمراض كتير بلاش ننساه.

♦️ حالة الكورونا مش زى أى حالة عندك هيكشف ومش هتشوفه غير بعد أسبوع فى الإعادة ، ده لازم يكون تحت عينك وتتابع كل جديد فى حالته يوم بيوم لازم تكون على إتصال بيه ويحس إنك معاه ،إعادة تقييمك المستمر مهم ، الحالة البسيطة النهارده ممكن تبقى متوسطة بكره وشديدة بعد بكره ، وفى حالات ممكن التطور فيها يكون سريع جدا ً.

♦️ نصيحة للسادة الأطباء ،، أوصيكم ونفسى
لو مش هتحمي نفسك والعاملين معاك بنسبة ١٠٠ ٪ (ماسك N95 ، نضارة واقية ، قناع وجه ، بدلة عزل كاملة أو على الأقل جاون ، جوانتي ) يبقى تخليك فى بيتك إنت كمان
لأن المفروض دورك تقليل عدد الإصابات بنشر الوعى والتعليق على كل الممارسات اللى بتشوفها غلط مش تزودها بيك وكمان تنقلها لأهل بيتك ، لأنك كده هتبقى جزء من المشكلة مش الحل .

♦️ لو مش هتعقم عيادتك (حوائط وأرضيات وأثاث مكتبى) يومياً وتعقم أدوات الكشف والشيزلونج بين كل حالة والتانية
ولو مش هتلزم كل المترددين على عيادتك بإرتداء الكمامات سواء البالغين أو الأطفال أكبر من سنتين مع تعقيم الأيدى للجميع ،، فأنا آسف ف الوصف ،، يبقى عيادتك كده زيها زى أى كافيه أو قهوة ولازم تقفلها لأنها هتبقى مكان لنقل العدوى بين الحالات وبعضها.

حفظكم الله جميعاً ومتعكم بالصحة والعافية 🤲❤️

♦️ عيادات أ.د/ محمد حمزة 👨‍⚕️

🔸 دكتوراه طب الأطفال
🔸استشارى صدر وحساسية الأطفال
مستشفيات جامعة طنطا
🔸مدرس صدر الأطفال بكلية الطب
🔸عضو الجمعية الأوروبية لأمراض الصدر (ERS)

---------------------------------------
🌸 عيادة طنطا :
شارع البحر أمام مستشفى الجامعة أعلى معمل المختبر
01001940046 / 0403274044

🌸 عيادة قطور :
ميدان الساعة برج حبسة بجوار صيدلية الشفاء
0402760175 / 01012468516

20/04/2020

👻 تخاااريييف الكورونا 👻

🔹الحر مش هيموت الكورونا ، دول كتير درجة الحرارة فيها ٤٦ درجة وفيها كورونا عادى.

🔹الغرغره بميه وملح وخل ولمون مش بتقتل الكورونا ولا بتمنع الإصابه بيها.

🔹شرب الشاى وأكل الشلولو والفول المدمس والثوم مش علاج ولا بتحمى من الكورونا.

🔹الكورونا مش بتتنقل بالناموس ولا بالتكيفات ولا مجفف الأيدى.

🔹موضوع إبلع ريقك وإكتم نفسك ١٠ ثوانى عشان تعرف عندك كورونا ولا لأ ! مش هرد عليه أصلاً.

🔹المضادات الحيوية مش بتزود فرص الإصابة بالكورونا ولا حاجه بالعكس مضاد زى (Azithromycin) موجود ف بروتوكولات علاج الكورونا ف دول كتير.

🔹الناس اللى بتاخد أدوية فيها كورتيزون لأي سبب متقلقش ده مش هيزود مشاكلك مع الكورونا ولا حاجه لأن الكورتيزون نفسه موجود ف بروتوكولات علاج الكورونا ف دول كتير أولهم الصين.

🔹(البروفين) فرنسا الدولة الوحيدة اللى قالت ف أول الأزمة إنه بيزود إحتمالية الإصابة بالڤيروس ، بعدها طلعت منظمة الصحة العالمية نفسها وهيئة سلامة الدواء الأمريكية FDA ونفت الكلام ده تماماً.

🔹الأطفال أقل عرضه للإصابة بالكورونا لكن بيجيلهم عادى وبينقلوه للكبار كمان.

🔹مرضى حساسية الصدر أو الأمراض الصدرية المزمنة اللى ماشيبن على بخاخات أو أى علاجات تانية لو سمحتوا متوقفوش العلاج لأن دى أكتر حاجة ممكن تحميكم وتحافظ على وظائف الرئة بتاعتكم حاليا ً.

🔹الكورونا مش دور برد ده ڤيروس ممكن يكون قاااتل
أصاب لحد وقت كتابة البوست ده ٢ ونص مليون شخص فى العالم مات منهم ١٧٠ الف حتى الآن.

🔹اللى أخدوا مصل الإنفلونزا مش هيجيلهم كورونا ده كلام غلط طبعاً.

🔹جثث المتوفين بكورونا بعد تكفينها ودفنها بطريقة سليمة مش بتعدى حد إطمنوا.

🔹غسل اليدين بالميه والصابون من ٢٠ ل ٣٠ ثانية أهم ١٠٠ مره من إستخدام الكحول.

🔹مفيش مصل لعلاج الكورونا حتى الآن كلها مازالت محاولات ومش هيبقى فيه مصل قبل سنة ع الأقل من ظهور الڤيروس.

🔹لم يثبت حتى الآن إن الحيوانات المنزلية زى القطط والكلاب ممكن تكون سبب فى نقل العدوى.

🔰 خلى بالك 🔰
📌سيب مسافة بينك وبين أى شخص متر على الأقل
📌متلمسش وجهك بإيدك
📌إلبس كمامه طول ما إنت خارج البيت وبتتعامل مع الناس
📌حافظ ع نظافة الأسطح والمقابض بتعقيمها بالكلور أو الكحول
📌وقف التدخين تماماً سواء سجاير أو شيشة لأن المدخنين من أكتر الفئات عرضه للإصابة بالكورونا

وأهم حااااااجة الخروج من غير سبب قلة أدب 😡

❓طيب أعرف إزاى الكحة اللى عندى دي كورونا ولا لأ ؟
❓طيب إبني سخن وهمدان دى كورونا ولا لأ ؟
❓طيب أعمل فحوصات إيه عشان أطمن ؟

⬅️ الإجابة
لو حسيت بأى أعراض سواء سخونيه أو كحة ناشفة أو آلام فى الجسم لازم فوراً تروح لأى دكتور متخصص وهو يقولك ويوجهك تعمل إيه حسب حالتك لأن أعراض الإصابة بالكورونا ممكن تتشابه مع حاجات تانية كتييير جداً ف لازم فحص مع التاريخ المرضى والأشعة و تحاليل كمان عشان يقدر ياخد قرار دي حالة إشتباه ولا لأ.

حفظكم الله جميعاً ومتعكم بالصحة والعافية 🤲❤️
وكل عام وأنتم بخير 💙

♦️ شرفونا في عيادات د/ محمد حمزة 👨‍⚕️

🔸 دكتوراه طب الأطفال
🔸استشارى صدر وحساسية الأطفال
مستشفيات جامعة طنطا
🔸مدرس صدر الأطفال بكلية الطب
🔸عضو الجمعية الأوروبية لأمراض الصدر (ERS)

---------------------------------------
🌸 عيادة طنطا :
شارع البحر أمام مستشفى الجامعة أعلى معمل المختبر
01001940046 / 0403274044

🌸 عيادة قطور :
ميدان الساعة برج حبسة بجوار صيدلية الشفاء
0402760175 / 01012468516

24/03/2020

نظراً للقرارات الأخيرة المتخذة بشأن الحد من إنتشار ڤيروس كورونا المستجد COVID-19 تقرر الآتى :

♦️ عيادة طنطا : العمل فترة واحدة من الساعة ١ ظهراً إلى الساعة ٤ عصراً
♦️ عيادة قطور : العمل من الساعة ٥ إلى الساعة ٧ مساءاً

🛡️ مع ضرورة الإلتزام بالآتى :

1️⃣ لن يسمح بتواجد أكثر من مرافق واحد فقط مع الطفل (الأب أو الأم) 👨‍👩‍👦مع ضرورة ترك باقى الأطفال فى المنزل .

2️⃣ لن يسمح بعدم إرتداء الكمامه 😷 نهائياً داخل العيادة سواء للطفل أو للشخص المرافق و سيتم تعقيم الأيدى لأى شخص يتواجد داخل العيادة .

3️⃣ سيتم الكشف فقط عن طريق الحجز المسبق هاتفياً ☎️ وتحديد موعد والإلتزام به لمنع التزاحم وتقليل وقت الإنتظار داخل العيادة .

🔶 وذلك للحفاظ على ما نقوم به من تعقيم يومى للعيادة بأكملها وكذلك تعقيم حجرة الكشف بين كل حاله والأخرى .

حفظكم الله جميعاً ومتعكم بالصحة والعافية 🤲❤️

♦️ شرفونا في عيادات د/ محمد حمزة 👨‍⚕️

🔸 دكتوراه طب الأطفال
🔸استشارى صدر وحساسية الأطفال
مستشفيات جامعة طنطا
🔸مدرس صدر الأطفال بكلية الطب
🔸عضو الجمعية الأوروبية لأمراض الصدر (ERS)

---------------------------------------
🌸 عيادة طنطا :
شارع البحر أمام مستشفى الجامعة أعلى معمل المختبر
01001940046 / 0403274044

🌸 عيادة قطور :
ميدان الساعة برج حبسة بجوار صيدلية الشفاء
0402760175 / 01012468516

Hamza Clinic - د. محمد حمزه

03/08/2024

24/05/2022

12/05/2022

12/05/2022

03/05/2021

18/02/2021

21/09/2020

05/06/2020

20/04/2020

24/03/2020

Address

Website

Alerts

Shortcuts

Share